18 okt 07:45siyaset

Budurmu sizin diaspor fəaliyyətiniz, budurmu sizin milli qeyrətiniz?

Budurmu sizin diaspor fəaliyyətiniz, budurmu sizin milli qeyrətiniz?Füzuli Məmmədov

Dünya Azərbaycanlıları Mədəniyyət Fondunun rəhbəri, Avropa Azərbaycanlıları Konqresinin birinci vitse - prezidenti


Dəyərli dostlar, bu gün Hollandiyada erməni iftirası ilə üzləşmiş Hollandiya Azərbaycan Kültür Dərnəyinin rəhbəri İlhan Aşkının məhkəməsində oldum...Və onun dəyərli şəxsiyyətilə bir daha qürur duydum. İlhan bəyin məhkəmədəki çıxışı tək kəlmə ilə möhtəşəm idi. Əslində İlhan bəyə qarşı irəli sürülən ittihamların uydurma, saxta olduğu, açıq-aydın siyasi motiv daşıdığı tam ortada idi. İlhan bəy məhkəmə heyəti qarşısında yüksək iradə göstərərək Azərbaycana və Türkiyəyə qarşı aparılan böyük oyunun əsl mahiyyətini açaraq Avropanın zaman-zaman yürütdüyü ikili standartlı ifşa etdi...

Dəyərli dostlar! Məni bu gün heyrətləndirən daha bir məqam var. Bir tərədə Milli Qeyrət nümayiş etdirərək milli dava aparan İlhan bəy, digər tərəfdə Avropada və xüsusilə Hollandiyada fəaliyyət göstərən diaspor təşkilatlarından heç kimsənin məhkəmədə iştirak etməməsi... Bu etinasızlıq Qarabağ boyda dərdi olan bir millətin faciəsi kimi gözümün önündə canlanmaqda idi...

Avropada və xüsusilə Hollandiyada pafoslu adlar altında “möcud olan” diaspor təşkilatları, Azərbaycanın milli ləyaqət, milli qeyrət məsələsində erməni diaspor təşkilatlarının şantaj və yalanları qarşısında İlhan Aşkını yalnız buraxdı...

Dəyrli dostlar! İlhan Aşkının da təmsil olunduğu AAK adlı Azərbaycanın ən böyük “diaspor” təşkilatının prezidenti Sahil Qasımov və Benilüks diaspor təşkilatının sədri Elsevər Məmmədov məhkəmə keçirilən şəhərdə yaşayırlar. Bu şəxslərin nə özləri, nə də təşkilatlarından bir nəfər belə İlhan Aşkının məhkəməsində iştirak etmədilər...Aldığımız bilgiyə görə, bu şəxslər Hollandiyada diaspor fəaliyyətini “arvad hamamı”na döndərərək azərbaycanlılar arasında dedi-qodu yaymaqla məşğuldurlar... Budurmu sizin diaspor fəaliyyətiniz,budurmu sizin milli qeyrətiniz?

Təəssüf ki, İlhan Aşkın Azərbaycanın haqq səsini dünyaya çatdırdığı üçün məhkəməyə çəkildiyi halda nə Azərbaycanın Niderland Krallığındakı səfirliyi, nə də Azərbaycan konsulluğu prosesə bir nəfər belə təmsilçi göndərmədi...

Lakin Türkiyənin Niderland Krallığındakı səfirliyinin əməkdaşları, Türkiyənin konsulu və Türk diaspor təşkilatlarının təmsilçiləri bir kamanda şəklində məhkəmədə iştirak etdilər.

Milli iradəni ortaya qoyan, milli dava üçün çalışanlara təşəkkür edirik. Hər zaman milli birlik uğrunda savaşanların, millk kimliyi uca tutanların yanındayıq.

Avrasiya.net
loading...
XƏBƏR LENTİ
SORĞU