SEPAH da PUA-lardan istifadəni genişləndirir
Dərc olunub:
8-10-2021, 14:02
İran İslam İnqilabı Keşikçiləri Korpusunun Qüds briqadası xaricdəki əməliyyatlarında PUA-lardan istifadəni genişləndirir.
Axar.az xəbər verir ki, bu bəyanatı müxalif İran Müqavimət Milli Şurası yayıb.
Bəyanatda hazırda İranda 8 PUA istehsalı zavodunun fəaliyyət göstərdiyi və orada Çinlə Cənubi Koreyadan olan ehtiyatlar hesabına müxtəlif növ PUA-ların yığıldığı bildirilib.
Qüds briqadasının PUA-lardan daha çox Suriya, İraq və Yəmənda istifadə etdiyi vurğulanıb. Qeyd edilib ki, SEPAH bu ölkələrdəki əsgərlərini İrana gətirərək, onlara PUA-lardan istifadəni öyrədir.
İranın öz Hərbi Hava Qüvvələrini PUA-lar hesabına modernləşdirmək istədiyi də vurğulanıb.