Paşinyan seçkidə qalib gəlib, müxalifət nəticələri tanımır

Ermənistan Mərkəzi Seçki Komissiyasının bu gün saat. 07:00-a olan məlumatına görə, bülletenlərin 95,8%-ni artıq sayılıb. Bu, 2008 seçki məntəqəsinin 1945-də səslərun hesablandığı deməkdir.

Avrasiya.net Ermənistan mətbuatına istinadən xəbər verir ki, son nəticələrə görə, baş nazir əvəzi Nikol Paşinyanın "Vətəndaş sazişi" partiyası növbədənkənar parlament seçkilərində səslərin 54,21%-ni toplayıb.

Eks-prezident Robert Köçəryanın “Ermənistan” bloku 20,89% səslə ikinci yerdə gəlir. “Şərəfim var” blokuna 5,25% (Serj Sarqsyan və Artur Vanetsyan), “Çiçəklənən Ermənistan” partiyasına isə (Qagik Tsarukyan) 3,99% seçici səs verib.

Paşinyan tərəfdarları artıq qələıbəni bayram edərkən, əsas müxalifət alyansı olan “Ermənistan” bloku nəticələri rədd edib.

Yeri gəlmişkən, ATƏT-in beynəlxalq müşahidəçiləri iyunun 21-də səsverməyə dair ilkin dəyərləndirmə yayacaqlar.

Modern