“ABŞ strateji bombardmançıları Belarus üzərindən Rusiyanı vurmağı planlaşdırır...”

“ABŞ strateji bombardmançıları Belarus üzərindən Rusiyanı vurmağı planlaşdırır...”Böyük ehtimalla ABŞ strateji bombardmançılarının son zamanlar intensivləşən nümayişkarənə uçuşları Belarus hava məkanından Rusiyaya zərbələrin endirilməsini məşq etmək məqsədi daşıyır. Virtualaz.org xəbər verir ki, Belarus Silahlı Qüvvələrinin Baş qərargah rəisinin müavini, general-mayor İqor Korol bu barədə yerli telekanallardan birinə müsahibəsində danışıb.

“Təəsüf ki, NATO-nun, məhz ABŞ-ın strateji aviasiyasının nümayişkarənə uçuşları intensivləşib. Cari ildə Belarusa qonşu ölkələrin üzərində 9 belə uçuşlar həyata keçirilib. Böyük ehtimalla demək olar ki, bu uçuşlarda məqsəd həm Belarusa, həm Rusiyaya zərbələrin endirilməsini məşq etməkdir”,-o deyib.

General deyib ki, NATO aviasiyası Polşa üzərindən Belarusun hava sərhədlərini də pozur. Onun fikrincə, məqsəd Belarusun hava hücumundan müdafiə sistemini yoxlamaqdır. “Çünki istənilən təcavüz ilk növbədə kütləvi hava zərbələrinin endirilməsi ilə başlayır. Və beləliklə, bu uçuşlar ona hədəflənib ki, bizim təcavüzün qarşısını almaq imkanlarımızı yoxlasınlar. Biz isə buna hazırıq”,-Korol bildirib.

Son zamanlar Rusiya ilə Belarus arasında hərbi tərəfdaşlıq xeyli sıxlaşıb, Belarusda Rusiya aviabazasının yerləşdirilməsi variantı yenidən gündəmə gəlib.