Saakaşvili Gürcüstana qayıdır

Saakaşvili Gürcüstana qayıdır"Gürcüstana mütləq qayıdacam, tərəfdarlardan buna hazırlaşmalarını və qərargah qurmalarını xahiş edirəm".

Bunu Gürcüstanın üçüncü prezidenti Mixeil Saakaşvili "Formula" telekanalının efirində bəyan edib.

"Gürcüstanda mütləq çoxluq olan tərəfdarlarımıza hər kəsdən buna hazırlaşmalarını, qərargah qurmalarını xahiş etmək istəyirəm ... Nika Melia buna hazır olduğu kimi, şəxsi azadlıq üçün də bütün riskləri almağa hazıram, həyat üçün. Artıq Gürcüstanda bir keçmiş prezidentə sui-qəsd edildi, əlbəttə ki, İvanişvili və tərəfdarları bunu ikinci dəfə etməkdən çəkinməyəcəklər, amma bundan qorxmuram, çünki ölkəmizi itiririk, Gürcüstan xalqı çox sərtdir və burada Ukraynada rahat bir həyatım olmasına rəğmən, mən uzaqdan baxa bilmirəm",-deyib eks-prezident.

Xatırladaq ki, bu gün günorta saatlarında Gürcüstanın sabiq prezidenti M.Saakaşvili özünün rəsmi "Facebook" səhifəsində video müraciət yayımlayaraq Gürcüstana qayıdacağını açıqlamışdı. Məlumat üçün xatırladaq ki, bundan əvvəl M.Saakaşvili 2020-ci ilin 27 avqust tarixində özünün rəsmi "Facebook" səhifəsində video müraciət yayımlayaraq demişdi ki, Gürcüstan xalqından üzr istəyirəm və ölkəyə qayıdıram.