Rusiya Ukrayna sərhədində hərbi düşərgə yaradıb - Leviyev

Rusiya Silahlı Qüvvələri Ukrayna sərhədi yaxınlığında yeni səhra düşərgəsi yaradıb.

Axar.az xəbər verir ki, bunu “Conflict İntelligence Team” jurnalist araşdırmaları layihəsinin rəhbəri Ruslan Leviyev deyib.

Leviyevin sözlərinə görə, düşərgə 3-4 km uzunluqda ərazini əhatə edir və hərbi texnika ilə doludur.

“Voronej yaxınlığında yerləşən düşərgə səhra mətbəxi, hospital və çadır şəhərciyi ilə təchiz olunub”, - Leviyev bildirib.

Jurnalist bildirib ki, düşərgənin varlığı barədə ora yaxın yaşayan sakinlərdən öyrənib.