Erməni ziyalılarından çağırış - Meydana toplaşın!
Dərc olunub:
29-11-2020, 08:11
Erməni rejissor Mqer Mkrtçyan, prodüser Armen Qriqoryan və aktyor Qrant Toxatyan xalqa Qarabağ savaşında itkin düşən və əsir götürülənlərlə bağlı müraciət edib.
Avrasiya.net xəbər verir ki, onlar Ermənistanda itkin düşənlərin və əsir götürülənlərin geri qaytarılması, ölən əsgərlərin dəfn edilməsi ilə əlaqəli səlahiyyətli dövlət orqanının olmadığını bildiriblər.
Erməni ziyalıları müraciətdə hər dəqiqənin öz hökmü olduğunu bildirərək, erməni xalqını ölənlərin yaxınlarına dəstək olmaq üçün 29 noyabr 12:00-da Azadlıq meydanına toplaşmağa çağırıblar. Oradan Rusiyanın İrəvandakı səfirliyinə yürüş nəzərdə tutulur.