Azərbaycanlı hakerlər Ermənistanın itkilərini İrəvan sakinlərinə çatdırıb

Azərbaycanlı hakerlər ordumuzun həyata keçirdiyi əks-hücum əməliyyatları, Ermənistan ordusunun ciddi itkiləri və düşmənin məğlubiyyəti barədə İrəvan sakinlərinə dəqiq və dolğun məlumatların çatdırılmasını təmin edib.

“Report” xəbər verir ki, Azərbaycan hakerləri bunu İrəvanda yerləşən mağazaların birindəki müşahidə kameraları vasitəsilə həyata keçiriblər.

Belə ki, azərbaycanlı hakerlərin sayəsində İrəvandakı "Tea & Coffee Planet" dükanında satıcı və müştərilər üçün hər axşam cəbhədən ən son və doğru xəbərlər, Qarabağdakı Ermənistan hərbçiləri arasında çoxsaylı itkilər barədə dürüst məlumatlar verilir.