Rus ordusu yeni raketləri arsenalına daxil etdi
Dərc olunub:
23-08-2020, 13:08
Rusiya ordusunun arsenalına Ştil-1 və Tor-M2DT zenit-raket sistemləri əlavə edilib.
Axar.az xəbər verir ki, bu barədə "Almaz-Antey" konserninin idarə heyətinin sədri Mixail Fradkov məlumat yayıb.
Onun sözlərinə görə, Ştil-1 çoxməqsədli patrul freqatlarına, "Tor-M2DT" isə Quru Qoşunları və Dəniz Donanmanın Sahil Qüvvələrinə veriləcək.
Bundan əlavə, Fradkov Ştil-1 raketlərinin orta məsafədə gəmilərin hərtərəfli müdafiəsi üçün nəzərdə tutulduğunu və yerüstü hədəflərə də zərbələr endirə biləcəyini bildirib.
Tor-M2DT raketi isə "Tor" hava hücumundan müdafiə raket sisteminin Arktik versiyasıdır. Kompleks mənfi 50 dərəcəyə qədər soyuqda işləmə qabiliyyətinə malikdir.
