Karantində olan gənc özünü dördüncü mərtəbədən atdı
Batumidə özünü 4-cü mərtəbədən atan gəncin vəziyyəti orta ağırdır.
Publika.az xəbər verir ki, bu barədə Batumi Beynəlxalq Xəstəxanasından məlumat verilib.
Məlumata əsasən, 4-cü mərtəbədən özünü atan şəxs xəstəxanaya səhər saat 4-də hüşsuz vəziyyətdə gətirilib:
"Karantin otelindən özünü atan şəxs, nəzarət olunan süni nəfəslə reanimasiya şöbəsindədir. Vəziyyəti orta ağırdır, çox sınığı var, o huşunu itirmiş vəziyyətdə səhər saat 04:00 radələrində xəstəxanaya gətirilib", - deyə klinikadan bildirilib.
Xatırladaq ki, 1993-cü il təvəllüdlü Gürcüstan vətəndaşı F.C. avqustun 13-də Sarp sərhəd-buraxılış məntəqəsindən Gürcüstana daxil olub. O, sonra məcburi karantin üçün Batumidəki karantin otellərindən birinə yerləşdirilib. Avqustun 14-də isə naməlum səbəblərə görə F.C. qəfildən otelin 4-cü mərtəbəsindən özünü atıb.
İddialara görə, sözügedən şəxs karantin vəziyyətindən qaçmaq məqsədi ilə oteldən yerə düşməyə cəhd edib, nəticədə isə o, 4-cü mərtəbədən yıxılıb