22 may 10:01region

Rusiya elə təklif verməlidir ki, bu razılaşmaya qayıdaq - ABŞ

Rusiya elə təklif verməlidir ki, bu razılaşmaya qayıdaq - ABŞABŞ özünün raketdən müdafiə sistemləri ilə bağlı hansısa məhdudiyyətlərə getməz.

Axar.az xəbər verir ki, bunu ABŞ prezidentinin silahlanmaya nəzarət üzrə xüsusi nümayəndəsi Marşal Billinqsli deyib.

“ABŞ prezidenti bəyan edib ki, o, raketdən müdafiə sistemləri ilə bağlı hansısa məhdudiyyətlərə izn verməyəcək. Rusiya xarici işlər nazirinin müavini Sergey Ryabkov raketdən müdafiə məsələsini gələcək danışıqlarda müzakirə etmək niyyətində olduğunu deyib. Biz danışacağıq. Mən deyərdim ki, ruslar hətta mənim də təsəvvür edə bilmədiyim elə bir möhtəşəm təklif verməlidirlər ki, ABŞ prezidenti bu mövqeyini dəyişsin”, – deyə o bildirib.

Qeyd edək ki, ABŞ Rusiya ilə raketdən müdafiə haqqında razılaşmadan 2002-ci ildə çıxıb. Buna o zaman əsas səbəb kimi İran və Şimali Koreyadan olan təhdidlər göstərilib.
XƏBƏR LENTİ
SORĞU