Həbibin atasında korona tapıldı: vəziyyəti ağırdır

UFC çempionu Həbib Nurməhəmmədovun atası Abdulmanap Nurməhəmmədovun koronavirusa yoluxduğu üzə çıxıb.

Axar.az xəbər verir ki, bu barədə H.Nurməhəmmədov İnstaqram hesabında məlumat yayıb.

İdmançı qeyd edib ki, atası hazırda süni nəfəs aparatına qoşulub:

"Atam hazırda xəstəxanadadır, vəziyyəti çox ağırdır. Bu virusun təsiri ilə ürək problemləri də yaranıb. Onun səhhəti çox ağırdır".

Qeyd edək ki, pnevmaniyadan Mahaçqala xəstəxanasında yatan A.Nurməhəmmədovun vəziyyəti ağırlaşdığı üçün mayın əvvəlində təcili Moskvaya aparılmışdı. O, koronavirusla bağlı testdən keçsə də, nəticəsi açıqlanmamışdı.