Sizin Reklam Burada

Türkiyə S-400-ləri niyə aktivləşdirmir? - Şərh

Türkiyə S-400-ləri niyə aktivləşdirmir? - ŞərhTürkiyənin S-400 hava hücumundan müdafiə sistemini işə salmamasının səbəbi ABŞ-ın Ankaraya tətbiq edəcəyi mümkün sanksiyalar deyil.

Bu sözləri Axar.az-a açıqlamasında politoloq Qabil Hüseynli ABŞ-ın Türkiyədəki səfiri Devid Satterfildin Türkiyənin S-400 hava hücumundan müdafiə sisteminin işə salınmasının Konqresdə qəbul edilən sanksiya qanunlarına görə təxirə salındığı iddialarını şərh edərkən deyib.

Politoloq vurğulayıb ki, S-400 Türkiyə üçün çox vacibdir:

“Çünki bu sistemlər Türkiyənin regionda milli təhlükəsizliyinin başlıca prioritetlərindəndir. Cari ilin əvvəllərindən etibarən artıq bu sistemlərin alınması yekunlaşıb. Hətta onu da qeyd edim ki, S-400-lərin təyinatı üzrə yerləşdirilməsi də tamamlanıb”.

Q.Hüseynlinin sözlərinə görə, Türkiyə dəfələrlə ABŞ-a “Patriot” sistemləri almaq istədiyini bildirib:

“Bu gün Türkiyə üçün başlıca məsələ öz milli təhlükəsizliyinin tam qorunmasıdır. Bu məsələ ilə bağlı Türkiyə ilk olaraq ABŞ-a müraciət edib. ABŞ isə heç bir müsbət və ya mənfi cavab verməyib. Çünki burda qeyd olunmalı məqam odur ki, Türkiyə təkcə “Patriot” sistemlərini deyil, onun texniki parametrlərini də istəyirdi. Bu isə tərəflər arasında bu gün də davam edən anlaşılmazlığa səbəb olub”.

Q.Hüseynli bildirib ki, ABŞ-dan fərqli olaraq, Rusiya S-400-lərin texniki parametrlərini də Türkiyəyə verib:

“Yəni Türkiyə gələcəkdə öz arsenalını hazırlamaq üçün lazımi texnoloji informasiyalara sahibdir. Bu gün sistemlərin işə salınmamasının başlıca səbəbi S-400 hava hücumundan müdafiə sistemlərini istifadə edəcək kadrların olmamasıdır. Bununla bağlı Türkiyəyə hərbi kadrların hazırlanması üçün Rusiyadan xüsusi təlimçilər dəvət olunub. Onu da qeyd edim ki, Türkiyə bu məsələdə Azərbaycandan da kömək istəyib. Azərbaycanın arsenalında olan S-300 hava hücumundan müdafiə sistemlərinin texniki personalı Türkiyəyə dəvət olunub. Çünki bu iki sistem arasında heç bir texniki qulluq fərqi yoxdur”.

Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
yenilə, əgər kod görünmürsə

Xəbər lenti


Son xəbərlər