İranın xain siyasəti onsuz da məlumdur - Politoloq

İrana rəsmi nota verilməlidir.

Bunu Avrasiya.net-ə politoloq Vasif Əfəndi İrandan Dağlıq Qarabaq separatçılarına ərzaq yardımı etməsinə münasibətində deyib.

Onun sözlərinə görə, İranın yük maşınları Dağlıq Qarabağ separatçılarına ərzaq və yanacaq məhsulları gətirərək sərhədlərimizi kobud şəkildə pozub: "Ermənistanla müharibə şəriatində olan Azərbaycana qarşı misili görünməmiş təxribatdır. Dolu çənlərdə gətirlən benzin və dizel yanacağı Azərbaycana qarşı döyüşən tank və helikopterləri təmin edəcəyini düşündükdə bu düşmənçiliyə ad vermək olmur. İndiyə qədər Azərbaycanın işğal altında olan torpaqlarına heç bir dövlət belə həyasızcasına açıq şəkildə müdaxilə etməyib. İranın mahiyyəti və xain siyasəti onsuz da məlumdur. İllərlə yazmağımıza və tələb etməyimizə baxmayaraq İran öz çirkin siyasətini davam etdirməkdədir. Artıq hər şeyi öz adı ilə çağırmağın zamanıdır. Bu hadisə açıq şəkildə bütün beynəlxalq hüquq normalarının pozulması deməkdir. Azərbaycan dərhal ABŞ-ın İrana tətbiq etdiyi sanksiyalara qoşulmaq barədə qərar qəbul etməlidir".