İranda pandemiya qurbanlarının sayı 4 mini ötdü

İranda koronavirusa yoluxanların sayı ötən günlə müqayisədə iki dəfədən çox artıb.

Avrasiya.net-in məlumatına görə, dünən ölkədə 2,089 şəxsdə COVİD-19 qeydə alınmışdısa, bu gün virus aşkarlananların sayı 4,697 nəfər olub.

Eyni zamanda, bu gün pandemiya İranda daha 131 can alıb və bununla da ölkədə infeksiya qurbanlarının sayı 4,003-ə yüksəlib.

Qeyd edək ki, bu günədək İranda 67,286 koronavirusa yoluxma qeydə alınıb. Onlardan 27,039-u sağalıb.