Erməni general Aprel savaşına görə sorğuya çağırıldı
Dərc olunub:
4-03-2020, 12:10
Ermənistan Silahlı Qüvvələri Baş Qərargahının keçmiş rəisi, KTMT-nin sabiq baş katibi Yuri Xaçaturov Aprel savaşı ilə bağlı vəziyyətin tədqiqatı üzrə istintaq komissiyasına sorğuya çağırılıb.
Axar.az xəbər verir ki, bu məlumatı “Qraparak” qəzeti yayıb. Hələlik komissiyanın iclasının nə zaman olacağı açıqlanmayıb.
Komissiyanın dinləmələr üçün qondarma Qarabağ rejiminin keçmiş "müdafiə naziri" Levon Mnatsakanyanın da iclasa dəvətinin nəzərdən keçirildiyi bildirilib.
Qeyd edək ki, bundan öncə komissiyanın iclasına Ermənistanın keçmiş müdafiə naziri Seyran Ohanyan dəvət edilmişdi.
