Könüllü gənclər Gürcüstanda - Xocalı ilə bağlı aksiya keçirilib - FOTOLAR
“Könüllülər ili” çərçivəsində YAP Sabunçu rayon Gənclər Birliyinin sədr müavini, Azərkitab Kitab Mərkəzinin direktoru Misirxan Həsənovun layihəsi əsasında Azərkitab Kitab Mərkəzi və M.F.Axundzadə adına Mədəniyyət Mərkəzinin birgə təşkilatçılığı ilə Gürcüstanın Tbilisi şəhərində maarifləndirmə aksiyası keçirilib.
Avrasiya.net xəbər verir ki, aksiya Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq təşviqat kampaniyasına dəstək məqsədi daşıyıb.
Aksiya çərçivəsində kamançada həzin musiqilər ifa olunub, iştirakçılar Azərbaycan, gürcü və ingilis dillərində "Xocalıya ədalət!" şüarı səsləndiriblər. Könüllü gənclər tərəfindən məlumatlandırıcı bukletlər paylanılıb. Aksiya ilk öncə Heydər Əliyev parkı ətrafında, daha sonra Rustaveli prospektində davam etdirilib.