29 may 19:05region

İranın hücumuna cavab: Bolton BƏƏ-də müzakirə aparır

İranın hücumuna cavab: Bolton BƏƏ-də müzakirə aparırABŞ İrana qarşı hansı növbəti addımların qəbul edilməsinin lazım olması ilə bağlı Fars körfəzindəki müttəfiqləri ilə məsləhətləşmələr aparır.

Axar.az xəbər verir ki, bu barədə ABŞ Prezidentinin milli təhlükəsizlik üzrə müşaviri Con Bolton BƏƏ səfəri zamanı danışıb.

“Biz regiondakı müttəfiqlərimizlə hansı qərarın qəbul olunması məsələsini müzakirə edəcəyik. Mən bunun üçün buradayam. İranın və Fars körfəzində onun təsirindəki qruplaşmaların fəaliyyətlərinə qarşı cavabımızın necə olacağı barədə danışıqlar aparırıq. İranın fəaliyyətlərinə verdiyimiz cavabda düzgün və məsuliyyətli olmağa çalışırıq. Bizim məqsədimiz İranın bu cür davranışların ABŞ tərəfdən çox güclü qarşılığı olacağını anlamasıdır”, - Bolton bildirib.

Onun sözlərinə görə, Oman körfəzindəki Səudiyyə Ərəbistanına məxsus Fuceyr limanında gəmi və tankerlərə qarşı hücumların arxasında İranın dayanması demək olar ki, təsdiqlənib. Sözügedən vaxtda daha bir hücum planlanılsa da, uğursuz alınıb.

Qeyd edək ki, İran Körfəz ölkələrinə hücum etməmək paktı imzalamaq təklifi ilə çıxış edib.
XƏBƏR LENTİ
SORĞU