04 mar 18:28region

Türkiyəli mafiya lideri həbs edildi

Türkiyəli mafiya lideri həbs edildiDaha öncə həbsxanaya konvoyla getməsi şousu ilə gündəmə gələn və ictimaiyyət arasında "Çərkəz Çingiz" olaraq tanınan Çingiz Şıklaroğlu həbs olunub.

Qaynarinfo.az xəbər verir ki, o, İstanbul Mütəşəkkil Cinayətkarlığa qarşı Mübarizə İdarəsi ilə Beykoz Polis Şöbəsinin əməkdaşlarının birgə əməliyyat tədbirləri nəticəsində Beykozda bir evə edilən basqın zamanı ələ keçirilib. Onunla birgə başqa bir şübhəli də saxlanılıb. Əməliyyat zamanı evdən 14 ov tüfəngi, 1 tapança və çoxlu sayda güllə aşkar edilərək götürülüb.

Qeyd edək ki, Çərkəz Çingiz 2005-2016-cı illərdə hərbi cinayətkar dəstəyə liderlik etmək, casusluq, Çeçenistan lideri Ramzan Kadırova sui-qəsd cinayətlərində ittiham edilmiş, lakin yetərli dəlil olmadığından sərbəst buraxılmışdı. 2016-cı ildə isə Suriyada yaşayan türkmanlara yardım etməsi üçün bir sıra iş adamlarını hədələyərək sənəd imzalatması iddiaları ilə ittiham olunmuş və 10 aylıq həbs cəzası almışdı. Maraqlı isə budur ki, onu həbsxanaya qədər 100 maşından ibarət konvoy yola salmışdı.
XƏBƏR LENTİ
SORĞU