Paşinyan Qarabağa gəldi - FotoErmənistan baş naziri Nikol Paşinyan Qarabağ separatçılarının lideri Arayik Arutyunyanla birlikdə bu gün Qarabağda yerləşən döyüş mövqelərində olub.

Avrasiya.net Virtualaz.org-a istinadən xəbər verir ki, Paşinyan infrastrukturların gücləndirilməsi üçün aparılan mühəndis işləri ilə tanış olub.

Qeyd edilir ki, Paşinyan və Arutyunyan hərbçilərin yaşayış şəraiti ilə tanış olub və əsgərlərlə söhbət ediblər.
Qubadlının işğalından 27 il ötürBu gün Ermənistan silahlı qüvvələrinin Azərbaycanın Qubadlı rayonunu işğal etməsinin növbəti ildönümüdür.

Avrasiya.net xəbər verir ki, Qubadlının işğalından 27 il ötür.

Ermənilər 1993-cü ilin avqustun 31-də rayonu işğal ediblər.

Zəngəzur dağları ilə Dağlıq Qarabağ silsiləsi arasında yerləşən Qubadlı rayonu inzibati vahid kimi 1933-cü ildə yaradılıb.

İşğal ərəfəsində Qubadlı rayonunun əhalisi 29 903 nəfər olub. Hazırda rayonun əhalisi 40 min nəfərə yaxındır (01.10.2019-cu ilə оlan мəlumata görə 38 289 nəfər idi). Əhalinin mütləq əksəriyyəti Sumqayıt və Bakı şəhərlərində, Abşeron rayonu ərazisindədir. Rayon əhalisinin əksəriyyəti (64 faizə qədəri) Sumqayıt ərazisində məskunlaşdığından Qubadlı rayon İcra hakimiyyəti, digər icra strukturları, fəaliyyəti bərpa olunan idarə, müəssisə və təşkilatlar Sumqayıt şəhərində yerləşir.

Rayonun müdafiəsi zamanı 283 könüllü qəhrəmancasına həlak olub, onların yeddisi Azərbaycanın Milli Qəhrəmanı adına layiq görülüb.

Rayon ərazisində müxtəlif növ ağaclardan ibarət 13 160 hektar dövlət meşə fondu mövcud idi. Qubadlı rayonunda nadir növlərdən ibarət 10-dan artıq iri diametrli ağaclar təbiət abidəsi kimi qorunurdu. Dəniz səviyyəsindən 1 600 metr yüksəklikdə yerləşən və sahəsi 20 min hektar olan, zəngin flora və faunaya malik Qubadlı Dövlət Təbiət Yasaqlığında nəsli kəsilməkdə olan bir çox heyvan və quş növləri mühafizə olunurdu.

Qubadlı rayonunun ərazisində ehtiyatları 6 247 min kubmetr və mişar daşı üçün yararlı, istismara cəlb olunmuş Hacılı tuf, ehtiyatları 990 min kubmetr olan tikintiyə yararlı Xanlıq kəndində yerləşən gil, ehtiyatları 1,1 min ton olan Eyvazlı bəzək-əlvan (əqiq) və Həkəri çayı sahilində ehtiyatları 84 min kubmetr /gün olan yeraltı şirin su yataqları var idi.

Erməni işğalçıları tərəfindən rayon ərazisində geniş sahələri əhatə edən qiymətli ağac növlərindən ibarət meşələr, böyük ehtiyata malik yeraltı sərvətlər, mineral maddələrlə zəngin su mənbələri istismar olunub, özünün qeyri-adi flora və faunası ilə seçilən əsrarəngiz təbiət guşələri dağıdılıb və məhv edilib.

Livan ermənilərinin Qarabağa köçü başladıErmənistan Beyrutdakı partlayışı fürsət bilərək Livan ermənilərinin kütləvi köçünü təşkil edib.

Modern.az Ermənistan KİV-ə istinadən xəbər verir ki, Livana humanitar yardım daşıyan təyyarələr Yerevana geri qaydarkən köçməyə razılıq verən erməniləri də göyərtəsinə götürür.

Ermənistan baş nazirinin müavini Tiqran Avinyan ilk 2 reysdə 56 nəfərin, sonuncu reys zamanı isə daha 45 Livan ermənisinin Yerevana gətirildiyini bildirib.

O köç prosesinin davam edəcəyini və Livan ermənilərinin Ermənistan pasportu alması üçün prosedurun maksimum sadələşdirildiyini də əlavə edib.

Xatırladaq ki, köçürülən ermənilərin bir hissəsinin Azərbaycanın işğal altındakı Qarabağda yerləşdirilməsi planlaşdırılır.

Ermənilər Qarabağda cəbhəboyu kəndləri tam boşaldıb - Yeni təxribat PLANIAzərbaycan-Ermənistan sərhəddindəki gərginlik işğal altındakı Dağlıq Qarabağ ərazilərinə də sirayət edib. Modern.az Ermənistan KİV-nə istinadən xəbər verir ki, separatçıların lideri Araik Arutunyan Tərtər rayonunun işğal altındakı Madagiz və Talış kəndlərinə səfər edib.

Onun göstərişi ilə cəbhə xəttinə yaxın yerləşən bu kəndlərdən bütün əhali çıxarılıb, ərazidə yalnız işğalçı hərbi birləşmələrin qalması barədə qərar verilib.

Köçürülən əhali Xankəndi və Ağdərəyə yerləşdirilib. Düşmən tərəfinin cəbhə xəttində yerləşən əhalini köçürməsi rəsmi Yerevanın yeni təxribat planlarından xəbər verir.
Böyük itkilər verən düşmən geri çəkilibTovuz istiqamətində dövlət sərhədimizdə şiddətli döyüşlər davam edir.

Avrasiya.net xəbər verir ki, bu sözləri Müdafiə Nazirliyinin mətbuat katibi, polkovnik Vaqif Dərgahlı deyib.

O bildirib ki, Ordumuzun gördüyü tədbirlər nəticəsində böyük itkilər verən düşmən geri çəkilib:

“Döyüş zamanı müdafiənin ön xəttində olan general-mayor Polad Həşimov qəhrəmancasına şəhid olubdur”.

Polkovnik qeyd edib ki, adları açıqlanan şəhidlərimizlə bərabər, yaralılarımız da var:

“Düşmənin aktiv fəaliyyətinin qarşısının alınması məqsədi ilə komandanlıq tərəfindən görülən cəza tədbirləri çərçivəsində düşmənə məxsus müxtəlif döyüş texnikaları, komanda məntəqələri, müdafiənin dərinliyində yerləşən ehtiyat qüvvələri və yüzlərlə canlı qüvvəsi məhv edilib”.
Düşmən Tovuzun Ağam kəndində mülki sakini öldürdüİyulun 14-də Ermənistan silahlı qüvvələri tərəfindən Azərbaycanın Tovuz rayonu istiqamətində açılmış artilleriya atəşi nəticəsində mülki şəxs həlak olub.

Bu, Tovuz rayonunun Ağdam kəndinin sakini, 1944-cü il təvəllüdlü (76 yaş) Əzizov Əziz İzzət oğludur.

Məlumata görə düşmən mərmisinin partlaması nəticəsində daha bir kənd sakini ağır yaralanıb.
Düşmən mövqeləri və müdafiəsinin dərinliyindəki ehtiyatları məhv edilib - Videoİyulun 13-dən 14-nə keçən gecə və səhər saatlarında Azərbaycan-Ermənistan dövlət sərhədinin Tovuz rayonu sahəsində şiddətli döyüşlər davam edib.

Bu barədə Azərbaycan Müdafiə Nazirliyindən məlumat verilib.

Bildirilib ki, düşmənin aktiv fəaliyyətinin qarşısının alınması məqsədilə görülən cəza tədbirləri nəticəsində ona məxsus müxtəlif təyinatlı hərbi texnika, döyüş vasitələri, komanda məntəqəsi, müdafiəsinin dərinliyindəki ehtiyatlar və canlı qüvvəsi məhv edilib.
Daha 5 şəhidimiz var Düşmən hücumunun qarşısını alarkən döyüşdə Azərbaycan Ordusunun daha beş əsgəri şəhid olub.

Bunu cəbhə bölgəsində jurnalistlərin suallarını cavablandıran Müdafiə nazirinin müavini, general-leytenant Kərim Vəliyev deyib.

Şəhid əsgərlərimizin siyahısı:

1) Mayor Əhmədov Namiq Hajan oğlu

2) Mayor Novruzov Anar Gülverdi oğlu

3) Gizir Zeynallı İlqar Ayaz oğlu

4) Gizir Babayev Yaşar Vasif oğlu

5) Müddətdən artıq həqiqi hərbi xidmət hərbi qulluqçusu, əsgər Mustafazadə Elçin Arif oğlu.

“Düşmənin təxribatına qarşı daha sərt cavab tədbirləri görülür” - Müdafiə NazirliyiErmənistan silahlı qüvvələri Tovuz rayonunun Ağdam kəndini 120 millimetrlik minaatanlardan atəşə tutub.

Avrasiya.net xəbər verir ki, bu barədə Müdafiə Nazirliyindən məlumat verilib.

Nazirlikdən bildirilib ki, hazırda cəbhə xətti boyu əməliyyat şəraiti qoşunlarımızın nəzarəti altındadır.

Düşmənin bu təxribatına qarşı qoşunlarımız tərəfindən daha sərt cavab tədbirləri görülür.
Ermənilər 43 çoxuşaqlı ailə üçün Laçında ev tikir – FOTOErmənistan Azərbaycanın işğal altında saxladığı Laçın rayonunda yeni yaşayış məhəlləsi salır.

Modern.az Ermənistan KİV-nə istinadən xəbər verir ki, bu dəfə Laçının 1992-ci ildən işğal altında olan Sonasar kəndində çoxuşaqlı ailələr üçün fərdi evlərin tikintisinə başlayıb. 6 uşağı olan 3 ailəyə evin tikilməsi prosesi başlayıb, 5 uşaqlı digər ailə üçün isə ev tikintisi yaxın vaxtlarda başlayacaq.

Qarabağdakı separatçı rejim rəhbərliyi Laçın rayonu ərazisində 90 çoxuşaqlı ailənin yaşadığını və 43 ailə üçün ilin sonuna qədər fərqi evlərin tikiləcəyini elan edib.