Ermənilər Kəlbəcərin ən yüksək zirvəsindən FOTOLAR yaydılarErmənilər Qarabağın ən yüksək zirvəsi Gamışdağın fotolarını yayıb.

Modern.az xəbər verir ki, Murovdağ silsiləsində yerləşən Gamışdağ 3724 metr hündürülyə malikdir.

1994-cü ilin yanvar-fevral aylarında Gamışdağdan 7 kilometr məsafədə yerləşən Ömər aşırımında qanlı döyüşlər baş vermişdi. Döyüşlər nəticəsində Böyük Hinal (3367 metr) və Koroğlu dağı (3462 metr) Milli Ordunun nəzarətinə keçsə də, Gamışdağ hələ də düşmənin nəzərət etdiyi zirvələr sırasındadır.
Ermənilər Kəlbəcərin ən yüksək zirvəsindən FOTOLAR yaydılar
Füzuli və Cəbrayıl rayonlarının işğalından 26 il ötürAzərbaycanın Füzuli və Cəbrayıl rayonlarının Ermənistan Silahlı Qüvvələri tərəfindən işğalından 26 il ötür.

APA -nın məlumatına görə, Füzuli rayonu 23 avqust 1993-cü ildə erməni hərbi birləşmələri tərəfindən işğal edilib. Ümumi sahəsi 139393 hektar olan Füzuli rayonunun qərb hissəsindən (50 kənd və rayon mərkəzi) 125368 hektar ərazi hələ də erməni işğalı altındadır. Rayonun işğaldan azad olunmuş ərazisində 13 qəsəbə və 20 kənd var.

Qəsəbələrdən 12-si işğaldan azad olunmuş ərazidə yeni salınıb və məcburi köçkün ailələri müvəqqəti olaraq burada yerləşdirilib. Hazırda ərazidə 51 min məcburi köçkün məskunlaşıb. 1988-ci ildən başlayan erməni təcavüzünə qarşı mübarizədə minlərlə füzulili döyüşüb, yüzlərlə rayon sakini şəhid olub, yaralanıb, itkin düşüb. Füzuli rayonu müharibədə 1100-dən çox şəhid verib, 1450 rayon sakini əlil olub.

Erməni işğalı altında olan Füzuli rayonu təbii sərvətlər baxımından çox zəngindir. Rayonda ümumi ehtiyatları 58858 min kvadrat metr olan və mişar daşı istehsalına yararlı istismar olunan 2 (Dövlətyarlı, Dilağarda) əhəngdaşı, kərpic-kirəmit istehsalına yararlı 11211 min kvadrat metr ehtiyatlara malik Kürdmahmudlu gil, ehtiyatları 13053 min kvadrat metr olan Quruçay qum-çınqıl qarışığı yataqları var.

Rayon ərazisində yaşı 200 ildən 1400 ilə qədər olan 11 ədəd Şərq çinarı təbiət abidəsi kimi pasportlaşdırılıb və işğala qədər mühafizə olunub.

1960-80-ci illərdə Füzuli rayonunun dağlıq və dağətəyi sahələrində hidrogeoloji axtarış zamanı ərazidə yayılmış dördüncü, tabaşir və yura dövrü sulu komplekslərinin, eləcə də ərazidən keçən çayların məcraaltı sularının ehtiyatı 193 min m3/gün həcmində hesablanıb.

Ekologiya və Təbii Sərvətlər Nazirliyinin “İşğal olunmuş Azərbaycan ərazilərində ətraf mühitə və təbii sərvətlərə dağıdıcı təsiri müəyyənləşdirən (izləyən) operativ mərkəz”i işğaldan sonrakı dövrlərdə rayon ərazisində təbii sərvətlərin ermənilər tərəfindən dağıdılmasına dair aşağıdakı faktları aşkarlayıb:

1. Geniş meşə massivləri ilə örtülü olan Dövlətyarlı kəndində ağaclar bütünlüklə qırılıb.

2. Qoçəhmədli kənd yolu boyunca ağaclar kütləvi şəkildə məhv edilib.

3. Yağlıvənd kəndində kəndarası yolun sağ və sol tərəfindəki böyük yaşıllıqlar tamamilə qırılıb.

4. 2006-2009-cu illər ərzində rayonun 35 000 hektardan artıq ərazisi ermənilər tərəfindən yandırılıb.

Bu gün Cəbrayıl rayonunun Ermənistan Silahlı Qüvvələri tərəfindən işğalından da 26 il ötür.

Erməni işğalçıları ilə döyüşlərdə 180 nəfər həlak olub. 14 nəfər polis, 60 mülki şəxs dünyasını dəyişib, 90 nəfərə yaxın isə əsir və itkin düşüb. Cəbrayıllılar içərisində 180 nəfərə yaxın Qarabağ müharibəsi əlili statusu alıb, 6 nəfər Azərbaycanın Milli Qəhrəmanı fəxri adına layiq görülüb.

Ərazisi 1050 kvadrat kilometr olan Cəbrayılın Ermənistan Silahlı Qüvvələri tərəfindən tutulması ilə 72 ümumtəhsil məktəbi, 8 xəstəxana, 5 məscid, 2 muzey, 129 tarixi abidə, 149 mədəniyyət ocağı işğal altında qalıb. Hazırda Cəbrayıl üzrə 351 nəfər şəhid ailəsi var. Cəbrayıldan olan 61100 məcburi köçkün 58 rayonda, daha çox isə Beyləqan, İmişli, Sabirabad, Biləsuvar rayonlarında məskunlaşıb.

Zəngin yeraltı sərvətlərə və təbii gözəlliyə malik Cəbrayıl rayonunda mişar daşı istehsalına yararlı və istismara cəlb edilmiş ehtiyatları 2937 min kubmetr olan Tulus tuf, ümumi ehtiyatları 5434 min kubmetr olan Çaxmaqçay, Soltanlı tikinti qumu, ehtiyatları 296 min kubmetr olan kərpic istehsalına yararlı Qaracallı gil, ehtiyatları 6644 min ton olan sement istehsalına yararlı Göyərçin-Veysəlli vulkan külü, ehtiyatları 1325 min ton olan Minbaşlı gəc, ehtiyatları 5226 min ton olan əhəng istehsalına yararlı Ağtəpə əhəngdaşı, ehtiyatları 4130 min kubmetr olan Cəfərabad qum-çınqıl qarışığı, ehtiyatları 504 ton olan Sahverdi yəşəm və ehtiyatları 1348 ton olan Çaxmaqqaya xalsedon yataqları var.

Rayonda yaşı 200-1600 olan 14 ədəd iri diametrli Şərq çinarı və digər qiymətli ağaclar, həmçinin Dağtumas kəndində “Divlər sarayı” adlanan mağara təbiət abidəsi kimi qorunurdu.

Cəbrayıl rayonunda respublika və rayon əhəmiyyətli 120-dək tarixi memarlıq abidəsi, qiymətli ağac növlərindən ibarət meşələr, böyük ehtiyata malik yeraltı sərvətlər, qeyri-adi flora və faunası ilə seçilən Diridağın özünəməxsus təbiət guşələri, mineral maddələrlə zəngin su mənbələri erməni işğalçıları tərəfindən dağıdılaraq məhv edilib.

2006-2007-ci illər ərzində erməni işğalçıları tərəfindən rayonun 16 min hektardan artıq ərazisində yanğınlar törədilib.
Ermənilər Laçın və Kəlbəcərdə yeni evlər, məktəblər inşa edir
Azərbaycan torpaqlarını işğalda saxlayan Ermənistan hakimiyyəti Qarabağın ətrafında yerləşən ərazilərdə də kütləvi məskunlaşdırma siyasəti həyata keçirməkdə davam edir.

Modern.az Ermənistan KİV-nə istinadən xəbər verir ki, “Qarabağın dövlət naziri” Qriqori Martirosyan Livan ermənilərinin yaratdığı “Artsax Ruts İnvesmtment” (ARİ) şirkətinin idarə şurasının üzvləri Stepan Ter-Petrosyan və Vaçe Melkonyanı qəbul edib.

Razılaşmaya əsasən, Laçın raoyun ərazisindəki Zabux kəndinin xarabalıqlarında salınan Aqavno kəndində 12 yeni evin tikintisi qərara alınıb. ARİ şirkəti Kəlbəcər rayonun mərkəxində Sideny məhəlləsi adını almış ərazidə də 15 yeni evin tikintisini maliyyələşdirəcək.

Paralel olaraq, Aqavnio kəndində orta məktəbin tikintisi müzakirə olunub.
Qarabağda keçirilən “ümumerməni oyunları”nda BİABIRÇILIQ – Diaspor erməniləri Yerevana qayıdacaq
Ermənilərin Azərbaycanın işğal altındakı torplaqlarında keçirdikləri "VII Ümumerməni Oyunları"nın ötən gün açılışı olub. Avqusutun 17-nə kimi davam edəcək və 5244 idmançının qatılacağı "yarışlar" 17 idman növünü əhatə edəcək.

4 ildən bir keçirilən yarışlarda qanında cüzi də olsa, erməni qanı olan istənilən şəxs iştirak edə bilər.

Modern.az Ermənistan KİV-nə istinadən xəbər verir ki, Paşinyan hakimiyyətinin imicini yaxşılaşdırmaq və Azərbaycanı təxribata çəkmək üçün hazırlanmış “oyun şou”su ciddi uğursuzluqla üzləşib.

Belə ki, təşkilatı məsələlərə diqqət yetirilməməsinə görə Qarabağa Ermənistan və diaspordan gələn ermənilərə vaxtında qalmaq üçün yerlər ayrılmayıb.

"Ümumerməni Oyunları" Beynəlxalq Komitəsinin sədri İşxan Zakaryan problemi açıq dilə gətirməli olub.

“Oyunların Qarabağa keçirilməsinə görə burada Yerevandakı şəraitin olmadığını nəzərə almalıyıq. Qarabağdakı mehmanxanalarda 800 yer olduğu halda, bura 5 mindən artıq idmançı gətirilib”.

Zakaryan bəzi idmançıların kənd evlərində, ağır şərtlər altında yaşadığını söyləyib.

“Məsələn, Suriyadan olan idmançılar kənddə qaldı. Rusiyadan gələnlərin də bir qismi kəndlərə qalmalı olub”.

İdman yarışlarının keçirilməsi üçün idman obyektlərinin, texniki avadanlıqların qənaətbəxş olmaması, komfortlu yaşayış şəraitinin qurulmaması diaspordan gələn idmançıların əksəriyyəti arasında narazılıq yaradıb.

Bu səbəbdən Qarabağdakı qondarma rejim rəhbərliyinə təşkilat komitəsindən ciddi iradların daxil olduğu xəbər verilir.

Qarabağda infrastukturun yetəri səviyyədə olmamasına görə oyunlar avqustun 9-da Ermənistan ərazisində davam etdiriləcək.

Xatırladaq ki, erməni diasporunun ən böyük nümayəndə heyəti Rusiyadan (14 şəhərdən 368 idmançı), ABŞ-dan (11 şəhərdən 318 idmançı), Fransadan (6 şəhərdən 178 idmançı), Avstraliyadan (86 idmançı) gəlib. İsveç ermənilərini isə cəmi 1 idmançı təmsil edəcək. "Yarışlar"a qatılacaq idmançıların yarıdan çoxu Yerevan, Gümrü, Vanadzor və Qarabağ erməniləridir.
Paşinyanın sentyabr planıBu il sentyabrın əvvəllərində qondarma “dqr”da seçkilər keçiriləcək. Ermənistanın Baş naziri Nikol Paşinyanın əsas məqsədi odur ki, bu seçkilərdə ona simpatiya ilə yanaşan xadimlər qalib gəlsin.

Axar.az xəbər verir ki, bu sözləri politoloq İlqar Vəlizadə deyib. O bildirib ki, Paşinyanın avqustun 5-də Xankəndidə keçirəcəyi mitinqdə də əsas məqsəd məhz bundan ibarətdir:

“Paşinyan çalışır ki, gələn il qondarma rejimdə keçirilən “seçkilərdə” öz namizədinin qələbəsini təmin etsin. Çox güman ki, onun çıxışı yerli qondarma separatçı qurumun elektoratına ünvanlanacaq. Əlbəttə ki, bu, acınacaqlı haldır.

Paşinyan Azərbaycanın işğal olunmuş torpaqlarına səfər edir və orada siyasi fəallıq göstərir. Bu səfərlər təxribatçı xarakter daşıyır. Bu onu göstərir ki, Ermənistan həmin ərazilərdə hökmranlıq edir və oranı boşaltmaq niyyətində deyil. Paşinyan Azərbaycanla danışıqlar aparmaqdan boyun qaçırır. Təəssüf ki, bu cür səfərlər xarici müşahidəçilər, ATƏT-in Minsk Qrupu tərəfindən lazımi siyasi qiymət almır. Siyasi qiymət almadığı üçün də belə səfərlər, siyasi oyunlar sürətlə inkişaf etdirilir”.
Qarabağ ermənilərindən müraciət: Vətənimiz Azərbaycan!Bir qrup Qarabağ ermənisi mətbuata rəsmi müraciət ünvanlayıb.

Axar.az xəbər verir ki, aralarında Artur Ağacanov, Valeri Eriçyan, Georgi Arakelyan, Leva Yaxşıbəyov və Karina Eriçyanın da olduğu aktivistlərdən ibarət qrup sovet dönəmində erməni emissarların mütəmadi olaraq Qarabağa gəldiklərini və tarixi məbədlər, məzarlar və abidələrdəki köhnə yazıları silərək erməni dilində yeniləri ilə əvəz etdiklərini xatırladıqlarını açıqlayıblar. Erməni emissarlar həmçinin Qarabağın yerli əhalisi arasında ideoloji iş aparıb və onların “qədim” erməni-hay xalqının və tarixinin bir parçası olduğunu söyləyiblər.

“Şamaxı, Şəki, Qəbələ, Oğuz, Gəncə, Dağlıq Qarabağda və Azərbaycanın digər regionlarında sovet dönəmində erməni emissarlar tarixi faktların bu cür saxtalaşdırması və məhv edilməsi ilə məşğul olublar. Xüsusilə qeyd etmək istəyirik ki, erməni tərəfi hələ də Ermənistan və işğal altındakı Qarabağ ərazisində bu cür saxtalaşdırmalarla məşğul olur”, - Qarabağ ermənilərinin müraciətində deyilib.

Sözügedən müraciət “Qafqaz tarixi mərkəzi”nin ermənilərin tarixi saxtalaşdırması hallarının ifşası üçün apardığı araşdırmalar çərçivəsində hazırlanan “Bolqar qadın tərəfindən yazılmış erməni tarixi” adlı filmə dəstək xarakteri daşıyıb.

“Bizim ortaq vətənimiz – Azərbaycandır və biz Azərbaycan xalqının ayrılmaz tərkib hissəsiyik. Biz şübhə etmirik ki, Qarabağ münaqişəsi Azərbaycanın ərazi bütövlüyü çərçivəsində həll olunacaq və biz öz doğma diyarlarımıza qayıdacağıq”, - Qarabağ ermənilərinin müraciəti məhz bu fikirlərlə tamamlanıb.
Ermənilər cəbhə xəttində snayperləri işə saldıErmənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 17 dəfə pozub.

Müdafiə Nazirliyindən Avrasiya.net-ə verilən məlumata görə, Ermənistan Respublikası Noyemberyan rayonunun Voskevan kəndində yerləşən mövqelərdən Qazax rayonunun Qızılhacılı kəndində, Berd rayonunun Çinari kəndində yerləşən mövqelərdən Tovuz rayonunun Koxanəbi kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində yerləşən mövqelərimiz atəşə tutulub.

Ağdam rayonunun işğal altında olan Cəvahirli, Yusifcanlı, Füzuli rayonunun Qaraxanbəyli, Cəbrayıl rayonunun Nüzgar kəndləri yaxınlığında, həmçinin Goranboy və Tərtər rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Paşinyan Qarabağa gedir
Ermənistan Baş naziri Nikol Paşinyan Azərbaycanın işğal edilmiş Dağlıq Qarabağ bölgəsinə səfər edəcək.

Axar.az xəbər verir ki, bu məlumatı “Qraparak” qəzeti yayıb. Məlumata görə, o, avqustun 6-da Xankəndində 7-ci Panerməni oyunlarının açılışında iştirak edəcək.

Qeyd edək ki, Paşinyan sonuncu dəfə Qarabağa mayın 9-da səfər edib. Bu səfərdən cəmi bir həftə sonra separatçılarla İrəvanın münasibətləri gərginləşib. Buna separatçı rejimin liderlərinin Robert Köçəryanın azad edilməsi üçün zəmanətçi olmaları səbəb olub.
Şuşada ermənilərər BÖYÜK ŞOK: çox sayda ölü var
Azərbaycanın Ermənistan tərəfindən işğal edilən işğalı altında olan Dağlıq Qarabağ bölgəsində baş verən yol qəzası nəticəsində 5 nəfər ölüb.

Publika.az xəbər verir ki, bu barədə Ermənistan Polisinin mətbuat xidməti məlumat yayıb.

Məlumata görə, hadisə iyulun 26-da Şuşa şəhər Su-Elektrik Stansiyasının yaxınlığında qeydə alınıb. “QAZ-31105” markalı avtomobil yoldan çıxaraq dərəyə aşıb.

Ölənlərin hamısı Ermənistanın Sünik vilayətinin Tex kəndindən olan bir ailənin üzvləridir. Onlar Dağlıq Qarabağa yasa gedirmiş.
Qarabağda atışma: erməni əsgər zabiti güllələdi, sonra...Ermənistan İstintaq Komitəsi Qarabağda ölən Volodya Hamlet Qaloyanın ölümü ilə bağlı təfərrüatı açıqlayıb.

Axar.az xəbər verir ki, Qaloyan ölümündən bir gün öncə 22:55-də ona təhkim edilən AK-74 avtomatından döyüş postundakı kapitanına atəş açıb. Daha sonra Qaloyan AK-74 avtomatıyla postun ərazisini tərk edib. 04:20-də isə onun cəsədi aşkarlanıb.

Qaloyanın cəsədi aşkar edilən zaman onun çənəsinin aşağı hissəsində güllə yarası olub.

Qeyd edək ki, Qaloyan bu gün Qarabağda intihar edib. Az öncə onun özünü asdığı iddia edilmişdi.