Hər iki valideynini itirən 2 yaşlı Nilayın babası: “Hər axşam “ana, ata” deyib ağlayır...” Müharibə döyüş bölgəsində, cəbhədə aparılır... Amma əgər düşmənin ermənidirsə, müharibənin təkcə döyüş meydanını, hərbçiləri əhatə etməsi qeyri-mümkündür. Çünki mənfur ermənilər elə millətdir ki, təkcə cəbhədə döyüşən igid əsgərlərimizlə savaşmır, eyni zamanda mülki əhalini, körpə uşaqlarımızı hədəf alırlar. Cəllad erməni xisləti əsrlər keçsə belə dəyişmir. Birinci Qarabağ müharibəsində günahsız xocalılara qarşı soyqırımı törədən, bir çox faciələrin baiskarı olan bu millət indi də Azərbaycanın döyüş bölgəsindən kilometrlərlə uzaq şəhərlərinə, mülki insanların üstünə gecənin bir vaxtı raket yağdırır... Erməni hücumunda valideynlərini, yaxınlarını itirən körpələr ata-ana deməyi öyrənə bilmədən, ata-anasız böyüməyə məcbur olurlar. Ermənilərin törətdiyi Gəncə terroru zamanı hər iki valideynini itirən 2 yaşlı Nilay kimi....

Balaca Nilay hazırda nənə və babasının himayəsindədir. Nilayın ana babası Zahid Babazadə onun vəziyyəti haqqında Modern.az-a danışıb.

- Zahid bəy, həmin gecəni necə xatırlayırsınız?

- Mən həmin gecəni Ukraynanın Odessa şəhərində olmuşam. Hadisə baş verən gün təyyarə ilə Türkiyəyə uçub oradan Bakıya gəlmişəm. Mən olanlara internetdə baxdım və Nilayın ana və atasını ən son orada gördüm. Ölümündən əvvəl uzun müddət qızımı görə bilməmişdim. Çox ağır dərddir, kaş orada ola bilərdim..

- Nilay necədir indi?

- Nilay bizim himayəmizdədir yaxşıdır. Baş verən hadisədə Nilayda yaralanmışdı. Bakıya aparıldı, hazırda da müalicəsi davam edir. Dedilər ki, qorxulu heç bir problemi yoxdur, amma tez-tez çəkilişə icazə verməyin, ağlayır. Ağlaması isə ona yaxşı təsir etməyə bilər.

- Körpə yaşda valideynsiz, ata-anasına həsrət qaldı... Çoxmu darıxır valideynləri üçün?

- Hər axşam “ana, ata” deyib ağlayır... Sadəcə az da olsa başını qatmağa çalışırıq, amma valdeynlərinin yerini heçnə doldura bilməz.

- Nilayın atasının ailəsi də həmin faciədə dünyasını dəyişib. Atasının qohumları da Nilaya baş çəkirmi?

- Bibisi həyatdadır. Əlbəttə, baş çəkir. Nilaya velosiped alıblar, oyuncaqlar almışıq onlarla başını qatmağa çalışırıq, hər gün oynayırıq. Xalası, bibisi, nənəsi onun üçün hər şey edirlər. Hər zaman Nilayın arxasındayıq.

- Nilay hazırda kimin qəyyumluğundadır?

- Nənəsi Sevil xanımın himayəsindədir. Qəyyumluq ona verilib. İnsan nəvəsini başqasına verə bilərmi? Əlbəttə ki, yox! Biz Nilayla nəfəs alırıq. Övladlarımızı torpağa tapşırdıq. Artıq Nilay bizim həm övladımız, həm nəvəmizdir - hər şeyimizdir.

- Dövlətimiz tərəfindən necə dəstək göstərilir?

- Dövlətimiz də, xalqımız da dəstək olub. Əllərindən gələni edirlər, çox sağ olsunlar.

- Gəncə Şəhər İcra Hakimiyyəti Nilay üçün hansısa addımlar atdımı?

- Hər kəsin başı qarışıq olsa da, gəlirlər maraqlanırlar. İcra başçısı da bu hadisə baş verən gündən dəstəyini əsirgəmir. Ev tam olaraq yox vəziyyətindədir. Evin yenidən tikilib, Nilaya veriləcəyini deyirlər. Yeni Azərbaycan Partiyası tərəfindən isə Nilay üçün aylıq pul ödəniləcək.

- Hazırda harda qalırsınız?

- Gəncədə kirayədə qalırıq. Kirayə pulu isə dövlət tərəfindən ödənilir.
Paşinyan hərbi canidir - Qüdrət Həsənquliyev Avrasiya.net Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevin müsahibəsini təqdim edir:

- Qüdrət bəy, Rusiya XİN-in Paşinyanın kömək yalvarışlarına verdiyi cavab Sizi qane etdimi?

- Sualınıza ətraflı cavab verməmişdən öncə Türkiyədə baş vermiş zəlzələ nəticəsində həyatını itirmiş qardaşlarımıza Allahdan rəhmət, yaralılara şəfa diləyirəm. Allah dünyasını dəyişənlərin yaxınlarına səbir versin, türk xalqı üçün keçmiş olsun.

Sualınıza gəldikdə isə, Rusiya vasitəçi ölkə kimi neytrallığını qoruyub saxlamalıdır. Rusiya Ermənistanın hərbi-siyasi müttəfiqi olsa da bizim də strateji tərəfdaşımızdır. Azərbaycan Rusiya ilə səmimi olaraq yaxın qonşuluq və dostluq siyasəti yürüdür və bu münasibətlərə böyük önəm verir. Hesab edirəm Putin indiki mövqeyi ilə, inşallah keçirəcəyimiz Qələbə paradına regionun digər dövlət başçıları kimi dəvət haqqını qazanıb.

Bundan başqa, axı Rusiya niyə Ermənistana kömək etməlidir? Söhbət yalnız Paşinyanın ruslara nifrət etməsindən getmir. Erməni xalqı öz xəyanətkar xislətindən çıxış edərək hesab etdi ki, Rusiyaya güvənərək Azərbaycanın 20% torpaqlarını işğal ediblər, yeni müharibə başlayarsa, Rusiya etməsə də Qərb və digər region dövlətləri onlara kömək edəcək, həm də onlar güclü müdafiə istehkamları qurublar. Deməli Rusiyaya xəyanət edib ruslara nifrət edən birini özlərinə lider seçə bilərlər. Paşinyan da hakimiyyətə gələn kimi Rusiyanı tədrici addımlarla Ermənistandan çıxarmağa başladı, xalq da onun bu siyasətini dəstəklədi. Ona görə də Rusiya deyir ki, biz Kollektiv Təhlükəsizlik Müqaviləsi Təşkilatı çərçivəsində öhdəliklərimizə sadiqik. Müharibə Azərbaycan ərazisində getdiyindən biz sizin kimi satqınlara görə beynəlxalq hüququ ayaqlar altına atıb Azərbaycanla, həm də təkcə Azərbaycanla yox, o cümlədən Türkiyə ilə münasibətləri poza bilmərik. Bununla da Rusiya satqın erməni xalqına dərs verir. Paşinyana da dolayısı ilə deyir ki, özün kimi saqqallı rusafob tərəfdarlarını göndər Qarabağa döyüşməyə, qoy qırılsınlar. Sonra baxaq görək İrəvanın küçələrində səni kim dəstəkləyəcək. O da axmaq olduğu üçün göndərir. Həm də axmaq olduğu üçün vəziyyəti düzgün qiymətləndirə bilmir, işğalçı ordusunu Azərbaycandan çıxarmaq əvəzinə, fikirləşir ki, son əsgərini də döyüşə göndərib vaxt udsa, bəlkə Qərb özü kömək etməsə də Rusiyaya təzyiq edib onları Ermənistan üçün döyüşməyə göndərə bilər. Amma Paşinyan başa düşmür ki, məsələ tək onunla bağlı deyil, daha çox həmişə onlara qucaq açmış qonşularına nankorluq edən erməni xalqı ilə bağlıdır. Bu xalq qonşularına etdiyi xəyanətlərin acısını yaşayıb tövbə etməli, qonşuları ilə ləyaqətli birgəyaşayış yolu seçməli, beynəlxalq hüquq normalarına hörmət etməyi öyrənməlidir.

- Necə düşünürsünüz, gələcəkdə Paşinyanın ədalət mühakiməsi qarşısına çıxarılmasına nail ola biləcəyikmi?

- Paşinyan hərbi canidir. O öz təhrikedici hərəkətləri ilə bizə müharibəyə başlamaqdan ayrı yol qoymadı. Əvvəlcə dedi ki, “Qarabağ Ermənistandır”. Sonra bizim hisslərimizə toxunub, bizi alçaltmaq üçün qondarma rejimin cinayərkar başçısının “inaqruasiya”sını Şuşada təşkil etdi. Bu azmış kimi bəyan etdi ki, qondarma rejimin “parlament”ini Şuşaya köçürəcək. Bundan başqa, oğlunu Qarabağa hərbi xidmətə göndərdi. Ardınca həyat yoldaşına hərbi forma geyindirib, əlinə avtomat silahı verib Qarabağa yolladı. O da gülə-gülə Azərbaycan əsgərinin maketinə atəş açmaqla bacardığı formada bizi alçaltdı. Müdafiə naziri yeni torpaqlarımızı işğal edəcəyi ilə bizi hədələdi.

Ermənistan beynəlxalq hüquqa zidd olaraq işğal altındakı torpaqlarımızı xaricdən köçürdülən ermənilərlə məskunlaşdırmağa başladı və s. Sonra sərhədlərimizə hücum etdi, qarşımıza yeni alçaldıcı şərtlər qoydu, bir sözlə bizi əks-hücum əməliyyatlarına başlamağa məcbur etdi. Müharibə başlayandan sonra isə beynəlxalq qanunlarla qadağan olunmuş silahlardan istifadə etməyə başladı. Həmin silahlardan döyüş meydanlarından çox uzaqda olan şəhər və kəndlərimizdə dinc sakinlərə atəş açdırdı. Yüzə yaxın dinc sakini qətlə yetirdi. Bu axmaq fikirləşirdi ki, Azərbaycanı müharibəyə başlamağa məcbur etdiyi kimi, indi də bizi cavab addımları kimi Ermənistandakı mülki obyektlərə zərbə endirməyə təhrik edəcək və beləliklə də Rusiyanı bu münaqişəyə cəlb edəcəkdir. Bu zaman Qərb ona əsgəri yardım etməklə yanaşı, Dağlıq Qarabağın müstəqilliyini tanıyacaq. Çünki bu müharibə ilə həm də Qərb ölkələrindəki müttəfiqləri ilə aralarında müəyyən gərginlik yaşanan Türkiyə ilə Rusiyanı da üz-üzə qoyacaq və Qərbdəki müəyyən dairələri arzusuna çatdırmaqla böyük xidmət göstərmiş olacaq. Qarşılığında isə bu yolla qondarma rejimin beynəlxalq miqyasda tanınmasına nail olacaq.

Amma bu səfeh məxməri Baş nazirin kimliyini və hansı ağla sahib olmasını hamı tezliklə başa düşdü və ondan üz döndərdi. İndi o minlərlə insanın həyatına başa gəlmiş bu müharibə avantürasına görə məhkəmə qaşısında cavab verməlidir. Müharibə başa çatandan sonra Rusiyanın da bu məsələdə bizə kömək edəcəyinə çox ümid bəsləyirəm.

- Qüdrət bəy, sona qədər Rusiya prezidentinin daxili və xarici təzyiqlər qarşısında mövqeyini dəyişməyəcəyinə əminsinizmi? Yaxud onun müharibənin gedişində Azərbaycanın əleyhinə düşünülmüş başqa planı ola bilərmi?

-Çox inanıram ki, Putin mövqeyini dəyişməyəcək və inanmıram ki, onun bizim əleyhiməzə hansısa planı olsun. Rusiya,Türkiyə və Azərbaycan liderlərinin xarekterində oxşar cəhətlər çoxdur və satqınlığa və xəyanətə yer yoxdur. Yeltsin vaxtilə deyirdi ki, o, döyüşçüdür. İndi həmin fikri hər üç liderə aid etmək olar. Hər üç şəxs böyük strateq olmaqla yanaşı ekstermal vəziyyətdə daha böyük potensial ortaya qoymağı, öz ölkələrinin marağı tələb edəndə sona qədər mübarizə aparmağı bacarır. Azərbaycanın ərazi bütövlüyünü bərpa etməsi hər üç ölkənin milli maraqlarına uyğundur. Həm də təkcə onların yox, Ermənistan da daxil olmaqla bütün region ölkələrinin. Ona görə də onların mövqelərindən geri çəkiləcəyinə inanmıram. İnşallah torpaqlarımızı tamamilə azad edəcəyik.
Sonda bir məqama da diqqətinizi cəlb etmək istəyirəm. Türkiyə Qarabağın azadlığı uğrunda apardığımız Vətən müharibəsinə özünün İstiqlal savaşı kimi baxır. Ona görə də 120 min erməniyə Azərbaycan torpaqlarında ikinci eməni dövləti qurmaq istəyənlər gərək o sayda da əsgərlərinin ölümünü göz önünə alıb nəticəsi onlar üçün qaranlıq olan, regionu qeyri-müəyyənliyə sürükləyəcək savaşa girsinlər...




Artıq baza prinsipləri yoxdur: Yeni Qars sazişinə doğru...Avrasiya.net BAXCP sədri, millət vəkili Qüdrət Həsənquliyevin Moderator.az-a müsahibəsini təqdim edir:

- Qüdrət bəy, Rusiyanın BMT-dəki daimi nümayəndəsi Vasili Nebenzya mətbuata verdiyi açıqlamada qeyd edib ki, Dağlıq Qarabağda vəziyyət yaxşılaşmasa BMT TŞ yenidən toplana bilər. Bunu Azərbaycana yönəlik hədə kimi qəbul etmək olarmı?

- Bəli, hədə kimi qəbul etmək olar. Amma bu cür hədələrlə bizi dayandıra bilməzlər. Bu adam öz ermənipərəstliyi ilə seçilən şəxsdir. Ondan soruşmaq lazımdır ki, Rusiya Çeçenistan üzərində öz suveren hüquqlarını bərpa edəndə, 1995-ci ilin avqustunda Xorvatiya onun ərazi bütövlüyünə xəyanət etmiş 200 min serbi Serbiyaya qovmaqla öz müstəqilliyini elan etmiş qondarma "Serb Krayina Respublikası”na son qoyanda BMT TŞ niyə təsirli tədbirlər görmədi? Yaxud 2017-ci ilin oktyabrında Kotoloniya İspaniyadan ayrıldığını elan edəndə rəsmi Madrid Barselonaya qoşun göndərdi və İspaniya dövlətinin bütövlüyünü qorudu. Onda BMT TŞ niyə İspaniya əleyhinə hər hansı qərar qəbul etmədi? Onlar bir müsəlman ölkəsi kimi bizi zəif bilirlər. Ona görə hədə gəlirlər.

- Danışıqların baza prinsipləri əsasında davam etdirilməsi barədə nə deyə bilərsiniz?

- Biz açıq deyə bilmərik ki, baza prinsiplərindən və danışıqlardan imtina edirik. Ancaq Prezident deyirsə ki, artıq köhnə təmas xətti, status-kvo yoxdur və Dağlıq Qarabağın statusuna dair heç bir referendum keçirilə bilməz, deməli, baza prinsipləri də yoxdur. Biz buna şəhid balalarımızın qanı bahasına nail olmuşuq. Azərbaycan Ordusu Xankəndi başda olmaqla, Dağlıq Qarabağ üzərində Azərbaycanın suveren hüquqlarını bərpa etməlidir. Necə ki, bunu xorvatlar, ispanlar, ruslar etdi. Bundan sonra Prezidentin dediyi kimi, Azərbaycan vətəndaşlığını qəbul edib orda yaşamaq istəyən ermənilərə bərabər hüquqlarla yaşamaq şəraiti yaradılacaq. Heç vaxt döyüş meydanında əldə etdiyimiz qələbəni masa arxasında kənar təzyiqlərin nəticəsi olaraq əldən verə bilmərik. Xüsusilə Türkiyə, Pakistan kimi dövlətlərin bizi birmənalı dəstəklədiyi halda. Hesab edirəm danışıqlar yeni formatda, Türkiyə, Rusiya, Azərbaycan və Ermənistan formatında davam etdirilməli, sonda Qars şəhərində 1921-ci ilin oktyabrında Ermənistanın da imzaladığı “Qars müqaviləsi” yenidən təsdiq olunmalıdır.
"Qafqazda sadəcə Rusiyanın deyil, bir çox başqa dövlətlərin də maraqları vardır"QHT sədri, ictimai fəal Emin Əliyev Azərbaycan Ordusunun işğalçı Ermənistan ordusu üzərində ardıcıl qələbələri, haqq işi uğrunda apardığı döyüş, region ölkələrin Azərbaycana münasibəti və digər məsələlərlə bağlı sualları cavablandırıb.

Avrasiya.net həmin müsahibəni təqdim edir.

- Emin müəllim, işğaldan azad edilən kəndlərin xəritədəki yerlərinə fikir vermisinizmi? Xırda istisnaları saymasaq, elə əsasən bizə verilməsi planlaşdırılan 5 rayon istiqamətində gedirik. Buna görə də insanlarımızda haqlı olaraq belə bir qorxu yaranır ki, bu rayonları alandan sonra hər şey bitəcək və yenə ardı-arası kəsilməyən danışıqlar müddəti başlayacaq. Bu barədə nə düşünürsünüz?

- İlk baxışdan qeyd olunan amil gözə çarpsa da, burada bəzi məqamlara diqqət yetirmək lazımdır. Ölkə başçısı xarici mətbuata verdiyi müsahibələrin birində açıq şəkildə dedi ki, Şuşa azad edilməsə işimiz yarımçıq qalacaq. Şuşa isə qeyd olunan 5 rayona daxil deyil. Bu 5 rayona daxil olmayan digər rayonumuz isə Laçındır, hansı ki, hətta ermənilərin özləri də etiraf edir ki, Laçınətrafı kəndlərdə gərgin döyüşlər gedir. Daha sonra bu siyahıya Xocavəndi də əlavə etmək olar. Belə ki, Ermənistanın hələ də onlarda olduğuna “inandığı” Hadrut qəsəbəsi də qondarma “respublika”nın sərhədləri daxilindədir. Bundan başqa 27 il ərzində danışıqlar prosesində dəfələrlə səsləndirilən və Dağlıq Qarabağ ətrafı rayonların geri qaytarılması qarşılığında şərt kimi irəli sürülən qondarma rejimin müstəqil dövlət kimi tanınmasını yolunda referendum məsələsi də artıq tarixin “zibil qutusu”na atılmışdır. Dağlıq Qarabağ ətrafındakı 7 rayon işğaldan azad edildikdən sonra danışıqlara başlanılsa belə bu uzun sürməyəcək. Lakin proseslərin sürəti, ölkə başçısının qətiyyətli, cəsarətli, sərt, kəskin çıxışları bu münaqişəyə birdəfəlik son qoyulmağa çalışıldığını göstərir. Ölkə başıçı açıq bəyan edərək bildirib ki, bu ərazilərdə heç bir referendum keçirilməyəcək. Referendum yoxdursa, demək ki, bu bölgə üçün heç bir status da yoxdur. Demək ki, bu bölgənin statusunu Azərbaycan Respublikasının Konstitusiyası müəyyən edəcək.

- Murov zirvəsini azad etmək daha çətin idi, nəinki ondan o tərəfə irəliləmək. Biz isə Murovu aldıq və o cəbhədə işləri dayandırdıq. Niyə Kəlbəcər istiqamətində əməliyyatlarımız davam etmədi?

- Hesab etmirəm ki, bu istiqamətdə əməliyyatlar başa çatdı və hesab etmirəm ki, əməliyyatın ən çətin hissəsi Murovdağ zirvəsinin azad edilməsi idi. Ümumiyyətlə hərbi ekspertlər torpaqlarımızın azad edilməsi istiqamətində mümkün olacaq hərbi əməliyyatlarla bağlı proqnozlar verərkən böyük əksəriyyət hallarda əməliyyatın yalnız təmas xəttinin cənub-şərq istiqamətində baş verəcəyini deyirdilər. Ordumuzun 27 sentyabr tarixində başlatdığı əks-hücum əməliyyatları isə bütün cəbhə xətti və bütün Ermənistan-Azərbaycan sərhəd xətti üzrə əməliyyat şəraitinə tam nəzarət etmək prinsipi üzərində qurulumuşdur. Ordumuz Naxçıvan Muxtar Respublikası və ölkəmizin Ermənistanla həmsərhəd olduğu şimal-qərb sərhədlərimiz boyu düşmənin döyüş əməliyyatları istiqamətində qüvvələrin toplanmasının qarşısının alınması üçün daim onları gərginlikdə saxlayaraq manevrlər edir. Bu tədbirlər eyni zamanda düşmənin qəfil olaraq sərhəd xəttimizin pozulması istiqamətində təxribatlarının da qarşısını almağa xidmət edir. Çünki uzun illər əldə etdiyimiz acı təcrübə düşmənin heç bir beynəlxalq hüquq normalarına əhəmiyyət vermədiyini bizə öyrətmişdir. Bundan başqa təmas xəttinin bütün istiqamətləri üzrə hücuma keçilməsi, Murovdağ zirvəsinin, Talış və Suqovuşan kəndlərinin, Xocavənd istiqamətindən Hadrut qəsəbəsinin, Füzuli istiqamətində baş tutmuş əks-hücum əməliyyatları düşməni çaş-baş saldı və bundan sonra onu bütün cəbhə boyu gərgilikdə saxlayaraq bir istiqamətdə qüvvələrini dislokasiya edilməsinin qarşısını aldı. Murovdağ zirvəsi istiqamətində ordumuzun hərəkətinin dayanması məsələsinə gəlincə deyə bilərəm ki, bu yüksəklikdən düşmənin qondarma “respublika”ya gedən üç əsas yoldan biri məhz Vardenis-Kəlbəcər yoludur ki, bu yol əks-hücum əməliyyatları başlayan ilk günlərdən nəzarətə götürüldü. Bu əməliyyatın əsas mahiyyəti məhz bu idi. Kəlbəcər rayonu üzərinə əsas və son hücum cənub istiqamətindən, yəni Laçın rayonu azad edildikdən sonra ediləcəkdir. Bu zaman Kəlbəcərdəki düşmən qüvvələri iki cəbhədə: şimal və cənub istiqamətində vuruşmalı olacaqdır və burada onların ciddi müqavimət göstərməsi mümkünsüzdür.

- Rusiya bilir ki, Azərbaycan heç vaxt tam rusiyayönümlü olmayacaq. Qarabağı "itirməklə" Ermənistan da Rusiyadan uzaqlaşacaq. Gürcüstan da məlumdur. Rusiya bütün Cənubi Qafqazda nüfuzunu itirməkdən qorxmurmu sizcə? Qorxursa niyə susur bu proseslərə?

- Qafqazda sadəcə Rusiyanın deyil, bir çox başqa dövlətlərin də maraqları vardır. Bunlardan ABŞ, Fransa, Birləşmiş Krallıq, İran İslam Respublikası və Türkiyəni xüsusi qeyd etmək olar. Lakin Rusiyanın bu regiona yaxın olması, Sovet imperiyasından qalmış nüfuzu onu digərlərinə nisbətən daha avantajlı edir. Rusiya hər zaman öz xarici siyasətini “hard power” üzərindən formalaşdırmışdır və Cənubi Qafqaz dövlətləri arasında Rusiya ilə bu siyasi münasibətlər üzərində rəqabət aparacaq dövlət yoxdur. Bu ilkin mənzərədir. Ermənistanda Paşinyan hakimiyyəti qurulduqdan sonra onun antirusiya siyasəti Putin hakimiyyətinin xoşuna gəlmədi. 2008-ci ildə Gürcüstanın da aqibəti göz qabağında idi. Azərbaycan isə Rusiyaya qarşı ən cəsarətli mövqeyi məhz bu əks-hücum əməliyyatlarından bir qədər öncə iki ölkə liderlərinin telefon danışıqlarında ortaya qoydu. Rusiya bölgədə nüfuz sahibi olmağa davam edəcək. Lakin onun “hard power”inin qarşısında dayana biləcək alternativ bir “power” olmalıdır ki, o burada istədiyi kimi sərhədsiz imkanların sahibi olmasın. Bizim marağımızdadır ki, bu regionda Türkiyənin nüfuzu güclənərək digər dövlətlərinkini zəiflətsin və ya tamamilə sıradan çıxarsın. Müstəqillik əldə etdikdən bu günədək regionda olan digər yuxarıda adı çəkilən dövlətlərin maraqları təmin edilsə də zərurət yarandıqda onlar bölgədən çox uzaqda olduqlarını əsas gətirərək heç bir dövlətə dəstək verməmişdirlər. Nümunə olaraq 2000-ci ildə İran İslam Respublikasının silahlı qüvvələri tərəfindən Xəzər dənizində Azərbaycan gəmisinin atəşə tutulması və 2008-ci ildə Rusiya ilə Gürcüstan arasındakı bir neçə günlük müharibəni göstərmək olar. Xəzərdə neft maraqları olan Birləşmiş Krallıq və ABŞ, Gürcüstanda strateji maraqları olan Avropa İttifaqı və ABŞ “dişsiz” bəyanatlar verərək işlərini tamamlanmış hesab etdilər. Hər iki halda Türkiyə regionda sülhün təşkilatçısı rolunu oynamağa əməli cəhd göstərmişdir. Rusiya bölgədəki nüfuz dairələrini bir neçə dövlətlə paylaşmaqdansa Suriya, İraq, Liviyada artıq bir neçə ildir ki, tərəfdaşlıq etdiyi və “dil tapdığı” Türkiyə ilə bərabər bölgəni nüfuz dairələrinə bölməyi üstün tutduğunu nümayiş etdirir. Bölgədə nüfuzunu itirən dövlətlər isə “cığallıq” edərək hay-küy salsalar da yəqin ki, nəticəsi olmayacaqdır. Bu məsələ “win-win” prinsipinə uyğundur.

- Bir qisim insanda belə bir fikir formalaşıb ki, Paşinyan Qarabağı qəsdən verir ki, Ermənistan Rusiyanın orbitindən tamamilə qopa bilsin. Buna ehtimal verirsinizmi?

- Mən də bu cür təhlillərlə tanışam və hətta mövcud vəziyyətlə bağlı ehtimal olunan variantlar barədə düşünəndə zəif ehtimal olaraq bu fikir mənim də ağlımdan keçmişdir. Lakin nəzərə alsaq ki, Ermənistanın əsas strateji sahələri Rusiya Federasiyasının mülkiyyətidir. Buna dəmir yolları nəqliyyatı, elektrik xətləri və enerji istehsalı və satışı tamamilə Rusiyanın nəzarətindədir. Bundan başqa Ermənistanın Türkiyə və İranla sərhəd xətti məhz Rusiya sərhədçiləri tərəfindən mühafizə olunur. Daha sonra Gümrüdəki 102 saylı hərbi baza Rusiyanın Ermənistanda hərbi varlığının təminatçısıdır. Bundan başqa, təxminən 2,5 milyon ermənin Rusiyada işləməsi və ölkəsinə pul göndərməsi də əlavə bir təzyiq vasitəsi kimi qeyd edilə bilər. Ermənistanda hər zaman qərbyönümlü hərəkat olmuşdur, var və bundan sonra da olacaqdır. Cənubi Qafqaz ölkələri içərisində Ermənistan kimi Rusiya tərəfindən əhatələnmiş ikinci bir dövlət yoxdur. Bütün bu səbəblər onu göstərir ki, Paşinyan hakimiyyəti ürəkdən arzu etsələr də Ermənistanın Rusiyadan canını qurtarması yaxın onilliklərdə mümkün olmayacaqdır. Eyni zamanda 27 sentyabrda başlamış əks-hücum əməliyyatları gedişatında Ermənistanın uğursuzluğa düşərək Rusiyanın ayaqlarına düşməsi onu göstərir ki, Ermənistanın Rusiyadan qopmaq “arzuları”nın yerinə yetməsi hələ ki, mümkünsüzdür.

- Rusiya bizi çaşdırmaq üçün, diqqətimizi fərqli yönlərə çəkmək üçün ölkəyə dini radikalları salmış ola bilərmi?

- Btün Şimali Qafqaz ərazisi Rusiyanın təhlükəsizlik baxımından ən problemli bölgəsidir. Coğrafi şəraiti, etnik və dini müxtəlifliyi regionda təhlükəsizlik məsələlərini tam nəzarətdə saxlamaq üçün ciddi çətinliklər yaradır. Buradan ölkəmizə əvvəllər də terror-təxribat qrupları keçərək müxtəlif həcmli cinayətlər həyata keçirməyə nail olublar. Lakin indiki məqamda bu halların baş verməsinə ehtimal vermirəm. Düzdür, Rusiya yaxın keçmişimizdə dəfələrlə azərbaycanlılara qarşı səhvlər buraxaraq əlaqələrimizin pozulma həddinə çatmasına “nail olub”. Təkcə 1990-cı ilin 20 yanvar hadisələri xalqımızın anti-Rusiya meyillərini xeyli gücləndirmiş və əlaqələrimizi ciddi şəkildə zədələmişdir. Bundan sonrakı illərdə də Rusiyanın münasibətlərimizin pozulmasına xidmət edən “cəhdləri” az olmayıb. Bu isə Rusiyanın “hard power” siyasi xəttinin komponentlərindəndir. Və ən böyük problem də bu idi ki, əvvəllər Azərbaycan üçün alternativ yox idi. Bizə xoş görünməyə cəhd edən Qərb bizdən çox uzaq və soyuqqanlı, bizə yaxın və isti olan Türkiyə isə zəif və Rusiyaya müqavimət göstərə bilməyəcək səviyyədə NATO və qərbdən asılı idi. Bu gün isə siyasi şərait çox dəyişib. Rusiya Azərbaycana qarşı hər hansı bir terror-təxribat fəaliyyəti və ya hər hansı hərbi müdaxilə həyata keçirmiş olarsa bu onun Azərbaycanla münasibətlərinin nəinki siyasi, hətta milli səviyyədə qırılmasına gətirib çıxarar və ona qarşı Azərbaycan əhalisinin dərin nifrətinə səbəb olar. Bu isə Rusiya üçün ən pis ssenaridir.

- Bəs İranın belə bir şey etmək ehtimalı varmı sizcə?

- İran İslam Respublikası çox sağ olsun. Bizə hərbi, siyasi, mədəni, milli, dini dostlarımızın kimlər olduğunu göstərdi. Əməliyyatlar başlayan kimi əməliyyatların dayandırılması ilə bağlı çağırış etdi. Bu çağırış ilk baxışdan humanitar və neytral bir çağırış kimi görünsə də əsl verdiyi mesaj bu idi: “Azərbaycanın öz torpaqlarını işğaldan azad etmə əməliyyatlarını dayandırsın.” Daha sonra İran gördü ki, Azərbaycanda anti-İran meyilləri güclənir, bundan başqa İranda yaşayan Azərbaycan türkləri artıq hökumətə qarşı çıxışlar edir və bu çıxışlar daha sonra yüz minlik bir etiraz aksiyasına çevrilir, məcbur ritorikasını dəyişərək Azərbaycana “qardaşlıq” mesajları ilə dolu namələr göndərdi. Lakin 10 oktyabr tarixində Moskvada baş tutmuş görüş və 4 maddəlik atəşkəs bəyanatından dərhal sonra İran prezidentinin Rusiya prezidentinə zəng etməsi onların nə dərəcədə “səmimi” olduqlarını nümayiş etdirdi. Hesab edirəm ki, Həsən Ruhani heç kəsə yox, əvvəl məhz, İlham Əliyevə zəng etməli idi. Daha sonra isə Azərbaycanın haqq mübarizəsində onu istisnasız və tərəddüdsüz dəstəkləyən Rəcəb Tayyib Ərdoğana zəng etməli idi. Onu da demək lazımdır ki, xalqımız bəlkə də dünya tarixində ilk dəfə olaraq müharibənin dayandırılmasını deyil, tam sürətlə davam etməsini tələb edirdi və 10 oktyabrda verilmiş bəyanatın şərtlərinə Ermənistan tərəfindən riayət edilməyəcəyini müdrikcəsinə anlayaraq bu münaqişənin hərb variantına üstünlük verdiyini açıq şəkildə bildirirdi. Belə də oldu. 10 oktyabr atəşkəs qərarından sonra daha iki atəşkəs qərarına Ermənistan tərəfindən riayət edilmədi. Bundan başqa İranın işğal edilmiş rayonlarımızla həmsərhəd rayonlarından Ermənistan silahlı qüvvələrinə silah-sursatın daşınması ilə bağlı xeyli sayda foto-video faktların olması onların bizə o məşhur “dostluq və qardaşlığı”nı çox aydın şəkildə nümayiş etdirdi. Bu məqamda ölkə başçısının çox maraqlı bir fikrini qeyd etmək istərdim. O bildirdi ki, artıq bu bölgədə yeni bir münasibətlər sistemi yaranır və heç bir şey əvvəlki kimi olmayacaq. Bu münasibətlər sistemində İrana rol verilməsi üçün o, gərək çox əziyyət çəksin. İranın ölkəmizdə ən çox istifadə etdiyi “kart” “siyasi məzhəbçilik” kartıdır. Bu alətdən İran Azərbaycan müstəqillik qazandıqdan sonra dəfələrlə istifadə etmişdir və bu bizim yaddaşımızdan heç bir zaman çıxmayacaq.

- Ümumiyyətlə bu qarışıq məqamda sizcə kənar ölkələrdən kömək istəməliyikmi?

- Azərbaycanın kəşfiyyat, əks-kəşfiyyat və əməliyyat-axtarış sahəsində fəaliyyət göstərən mərkəzi icra hakimiyyəti orqanları son illər olduqca peşəkarlaşıblar. Məhz bu peşəkarlığın nəticəsidir ki, Bakı dünyanın on ən təhlükəsiz şəhərlərinin sırasına daxil olub. Ölkəmizin hüquq-mühafizə orqanları xarici ölkələrin təcrübəsini öyrənməyə və tətbiq etməyə daim açıq olub. Kəşfiyyat və əks-kəşfiyyat sahəsində məlumat mübadiləsi sahəsində Azərbaycan Rusiya, Gürcüstan, Türkiyə, İran və digər dövlətlərlə qarşılıqlı əməkdaşlıqlar edir. Bu siyahıya İsraili də əlavə etmək olar. İkinci Qarabağ müharibəsində İsrailin ölkəmizə verdiyi müstəsna dəstək xalqımızı dərindən məmnun etmişdir. Düşünürəm ki, İsrail Dövlətinin Azərbaycana verdiyi dəstək sadəcə siyasi bəyanatlar və hərbi texnikanın satışı ilə məhdudlaşmır. Böyük ehtimal ki, hərbi-siyasi, kəşfiyyat məlumatları mübadiləsi davamlı olaraq həyata keçirilir. Bu da təbiidir.

- Türkiyə MİT-i necə, kömək edə bilərmi? Ümumiyyətlə sizcə köməyə ehtiyac duyulurmu?

- Türkiyənin Milli İstihbarat Təşkilatı (Milli Kəşfiyyat Təşkilatı) son illər ərazində sürətlə güclənərək regionda ciddi nüfuz qazanıb. Uzun illər öncə MİT ən yaxşı halda Türkiyə hüdudları daxilində əməliyyatlar keçirə bilirdisə, son 4-5 ildir ki, artıq ölkə hüdudlarından uzaqlarda əməliyyatlar keçirmə gücünə sahibdir. Bu sevindirici haldır. Lakin birmənalı olaraq deyə bilərəm ki, Azərbaycanda heç bir xarici ölkənin, o cümlədən, qardaş Türkiyənin istər silahlı qüvvələri, istərsə hüquq mühafizə orqanları əməkdaşları müharibəyə cəlb edilməyib. Buna heç bir ehtiyac da yoxdur. İstər MİT ilə, istərsə digər xüsusi xidmət orqanları ilə münasibətlər yalnız məlumat mübadiləsi sahəsində ola bilər və bu münasibətləri dünyanın bütün dövlətlərində müşahidə edirik. Azərbaycan öz torpaqlarını özünün hərbi qüvvələri, xüsusi xidmət orqanları, siyasi rəhbərliyi və xalqı ilə birlikdə tamamilə işğaldan azad etməyə tam qadirdir və biz bunu sübut edirik.
"Zəngilanı tərk edən o vaxtki 33 min zəngilanlı indi 45 minlik tərkiblə geri qayıdacaqdır"27 il Zəngilan həsrəti ilə yaşayan QHT sədri, ictimai fəal Emin Əliyev Zəngilanın işğaldan azad olunması sevincini media ilə bölüşüb.

- Emin müəllim, “Zəngilan şəhəri azad edildi” sözlərini ilk eşidəndə nə hiss etdiniz? Hansı xəyallar, fikirlər canlandı beyninizdə?

- Əvvəl, başda Ali Baş Komandan olmaqla bütün xalqımızı, xüsusilə, zəngilanlıları torpağımızın işğaldan azad edilməsi münasibəti ilə təbrik edirəm. Elsiz-obasız, torpaqsız və vətənsiz olmaq dünyada heç bir dərdlə müqayisə edilə bilməz. Fəaliyyətim boyu yerli və beynəlxalq tədbirlərdə əcnəbi dostlarımıza, qonaqlarımıza bu hislərimi izah etməyə çalışmışam. Elə onların özlərinə də deyirdim ki, siz mənim hisslərimi anlaya bilməzsiniz. Bizim öz torpaqlarımızda evimiz var, lakin biz öz evimizə gedə bilmirik. Bunu ancaq torpaq həsrəti, torpaq dərdi olanlar anlaya bilər. Artıq bizim evimiz, elimiz azaddır və əminəm ki, çox yaxın zamanda “Böyük Qayıdış” başlayacaqdır. Mən əks-hücum əməliyyatlarının ilk günü artıq əmin idim ki, bu dəfə Zəngilan işğaldan azad ediləcək. Ali Baş Komandanın xalqa ilk müraciətindəki qətiyyət məndə bu əminliyi yaratdı.

Həmin gün xalqımızın qısa bir zamanda yumruq kimi birləşməsi, xalq olaraq bütün cəbhələrdə tərəddüdsüz mübarizə ruhuna sahib olmağımız artıq qələbənin ilkin soraqçısı oldu mənim üçün. Elə həmin gündən etibarən “Zəngilan işğaldan azad edildi” cümləsini eşidərkən necə reaksiya verəcəyim barədə düşünməyə, “planlar qurmağa” başladım. Amma 20 oktyabr 2020-ci il saat 15:15 radələrində əmin oldum ki, 27 il həsrətini çəkdiyin elinin-obanın azad olması barədə xəbərə necə reaksiyan verəcəyini nə qədər planlaşdırsan da düşündüyün kimi olmur. Ölkə başçısının çıxışlarında sürprizlər etməsi artıq millətimizə tanış idi. Həmin gün Ali Baş Komandanın çıxışındakı bir çox nüanslardan hiss etmişdim ki, bu çıxışın ardınca Zəngilan müjdəsi gələcək. Rayonun coğrafi quruluşunu da bildiyimə görə əmin idim ki, evimizin olduğu Zəngilan şəhəri elə ilk gündə azad ediləcək. Ehtimalımda yanılmadım da. Həmin gün o xəbər veriləndən sonra 3-4 saat ərzində telefonum susmadı.

Sosial şəbəkələrdən mesajların ardı-arası kəsilmədi. İnanın, hər bir zəng məndə yeni hislər, yeni ümidlər yaradırdı. Əmin oldum ki, millətimiz gözəl hislər yaşamağa layiqdir. Yeri gəlmişkən, onu da qeyd edim ki, mənim ata yurdum Zəngilan rayonu Zəngilan kəndi, ana yurdum isə Zəngilan şəhəridir. Mən özüm isə Bakı şəhərində doğulmuşam, burada böyümüşən, təhsil almışam. 1992-ci ilin avqust ayına qədər isə hər il yay aylarında Zəngilana gedərdik. Yuxarıda qeyd etdiyim kimi əks-hücum əməliyyatları başlayan gündən etibarən Zəngilanda olduğum yerlərin mənzərəsi bir-bir gözümün qarşısında canlanırdı. İndi də həmin yerləri bir-bir gedib gəzəcəyim günləri səbirsizliklə gözləyirəm.

- Sizcə bütün Zəngilan camaatı sizin qədər həssasdırmı Zəngilana qarşı? Yəni, mənə maraqlıdır, nə düşünürsünüz, Zəngilan köçkünləri sizcə geri dönmək istəyəcəklərmi?

- Düşünürəm, nəinki zəngilanlılar, azərbaycanlılar, dünyanın bütün elindən-obasından didərgin düşmüş insanları azad olmuş yurdlarına qarşı həssasdırlar. Son bir il ərzində zəngilanlılarla sıx ünsiyyətim olub. Onların sosial-məişət şəraitləri, maddi vəziyyətləri ilə yaxından tanışam. Lakin bütün çətinliklərə, çatışmazlıqlara baxmayaraq bu insanların Vətənpərvərlik ruhu, Zəngilan sevgisi, el-oba həsrəti zərrə qədər də azalmayıb, hətta daha da itilənib, kəskinləşib. Döyüş əməliyyatları başlayan gündən etibarən xeyli sayda gəncimiz könüllü olaraq döyüş əməliyyatlarında iştirak etmək üçün müvafiq orqanlara müraciət etdilər. Ünsiyyətdə olduğum istisnasız olaraq bütün zəngilanlılar rayonumuzun işğaldan azad olunmasından dərhal sonra Zəngilana qayıtmaq istədiklərini açıq şəkildə dilə gətirirdilər. Zərrə qədər şübhəm yoxdur ki, Zəngilanı tərk edən o vaxtki 33 min zəngilanlı indi 45 minlik tərkiblə geri qayıdacaqdır.

- Ümumiyyətlə, məcburi köçkünlərin öz torpaqlarına köçürülməsi prosesi necə olmalıdır və necə olacaq?

-Hesab edirəm ki, xalqımıza göstəriş verilərsə elə bu gün torpaqlarına geri dönməyə hazırdır. Öz qohumlarım, dostlarım hal-hazırda səbirsizliklə geri dönmək üçün gün sayırlar. Lakin düşünürəm ki, 27 sentyabr tarixindən etibarən müşahidə etdiyimiz planlı fəaliyyətin, əməliyyatların davamı olaraq işğaldan azad edilmiş ərazilərə əhalinin köçürülməsi prosesləri də dəqiq plan əsasında həyata keçiriləcəkdir. Məncə, ilkin olaraq hərbi əməliyyatlar tam yekunlaşmalı, ərazilər minalardan və digər təhlükəli, zərərli ünsürlərdən tam təmizlənməlidir. Yerlərdə ilkin infrastruktur qurulmalı, dağıdılmış yaşayış yerləri bərpa edilməli, yeniləri tikilməldir. Yalnız bütün bu infrastruktur işlərindən sonra əhali mərhələli olaraq azad edilmiş torpaqlarımıza köçürülməlidir. Lakin, hər bir halda, bu bizə ilk baxışdan görünən mənzərədir. Hesab edirəm ki, proses gedişatında kifayət qədər nəzərdə tutulmamış məsələlər də çıxacaq. Amma, əlbəttə, dövlətimizin iqtisadi gücü çatacaq ki, “Böyük Qayıdış” tam uğurla həyata keçirilsin.

- Zəngilanın parlaq gələcəyi üçün nələr edilə bilər? Siz, öz adınıza, dövlətimizə bu yöndə necə kömək edə bilərsiniz? Misal üçün, hansı iş sizə tapşırılsa sevə-sevə və ustalıqla yerinə yetirə bilərsiniz?

- Zəngilan çox gözəl coğrafi mövqeyə malik olan rayonlarımızdandır. Rayon 2 ölkə ilə həmsərhəddir. Naxçıvan Muxtar Respublikasına da məsafəcə ən yaxın rayonumuz olması səbəbilə həm də strateji əhəmiyyətli bölgədir. Bundan başqa, Zəngilan rayonu qərbdən dağlıq, şərqdən isə Araz çayına qədər düzənlik relyefinə malikdir. Rayonun ərazisi kiçik olsa da 4 bolsulu çaya - Araz, Oxçu, Bəsitçay, Həkəri çaylarına malikdir. Dünyada məşhur olan çinar meşəsi də, məhz Zəngilan rayonundadır. Zəngilan qızıl, gümüş, mis yataqları, bundan başqa, əhəngdaşı yataqları ilə zəngindir. Rayonumuz ənənəvi kənd təsərrüfatı rayonudur. Tütünçülük, üzümçülük, qismən taxılçılıq, meyvəçilik inkişaf etmiş aqrar sahələrimizdəndir. Son dövrlərdə ölkəmizin inkişaf edən turizm sektoru rayonumuzda da geniş perspektivə malikdir. Zəngin təbiətə sahib olan Zəngilanda 2-3, hətta 4 ulduzlu mehmanxanaların tikilməsi ilə buraya turist axını təmin edilə bilər. Əminəm ki, yuxarıda qeyd etdiyim sahələrin inkişafı ilə rayonumuz ölkə iqtisadiyyatı üçün müstəsna dərəcədə faydalı ola bilər. Özümlə bağlı isə ilk öncə onu deyə bilərəm ki, Zəngilanımız işğaldan azad olunan günü öz sosial şəbəkə hesablarımda çıxış edərək söz verdim ki, dövlətimiz icazə verəcəyi təqdirdə Zəngilan şəhərinin mərkəzində “Zəfər parkı”nın salınmasını təmin edəcəyəm. Bundan başqa, uzun illərdir ki, turizm, kənd təsərrüfatı, təlim-tədris, konsaltinq xidmətləri sahəsində biznes fəaliyyəti ilə məşğul oluram.

Ölkəmizin demək olar ki, bütün rayonlarında xidmətlər göstərmiş, layihələr icra etmişəm. Bütün bu bilik, bacarıq və imkanlarımı səfərbər edərək Zəngilanın yenidən sürətli inkişafı üçün çalışmağa hazıram. Və artıq bu sahədə hazırlıqlara da başlamışıq. Zəngilan azad edildikdən sonra buraya ayaq basan ilk iş adamı kimi tarixə düşmək üçün səbirsizliklə gün sayıram (gülür). Zarafat bir yana, amma hamımız qollarımızı çirmələyib əlimizi daşın altına qoymalıyıq ki, rayonumuz sürətlə çiçəklənsin. Arzum budur ki, ölkə başçımız yeni-yeni müəssisələrin açılışı üçün tez-tez rayonumuza səfər etsin!
"Bəzi qurbernatorlar və konqresmenlər ermənilərin maliyyəsi ilə seçilirlər"Azərbaycan Liberal Demokrat Partiyasının (ALDP) sədri Fuad Əliyev Baku News-un suallarını cavablandırdı.

- Fuad müəllim, noyabrın 3-ü ABŞ-da prezident seçkiləri keçiriləcək. Keçən seçkilərində Sizin proqnozunuz düz çıxdı, Tramp seçildi. Bu il seçkilərin qalibi kim olacaq?

- Fikrimcə, yenə də Tramp seçiləcək. Seçilən gündən, demək olar ki, Trampa qarşı bir neçə impiçment kampaniyanın başlanmasına baxmayaraq, o, prezident səlahiyyətlərini axıra qədər çəkdi. Bu məsələnin siyasi tərəfi. İqtisadiyyata baxsaq demək olar ki, 2020-ci ilə qədər hər şey yaxşı gedirdi: iqtisadiyyat ildə ortalama 2,5% artır və 20 trilyon dollara qədər çatmışdı - bu, demək olar ki, dünya iqtisadiyyatının dörddə bir hissəsi deməkdir.

ABŞ, əvvəlki maliyyə böhranından çətinliklə özlərinə gələn Avropadan və Yaponiyadan, daha da irəli getdi. Pandemiya bu iqtisadi yüksəlişi dayandırdı. İşsizlərin sayı sürətlə çoxaldı. Amma bunlar Trampa görə deyil. Onun yerində başqa kimsə olsaydi, nəticə eyni olacaqdı. Pandemiya dünyanın bütün ölkələrinə iqtisadi problemlər gətirib.

- Fuad müəllim, bəzi siyasətçilər hesab edirlər ki, ABŞ-da prezidentlyə namizəd olan Co Bayden ermənilərin dəstəyini almaq üçün, Türkiyə və Azərbaycana qarşı bəyanatlar səsləndirir və seçiləcəyi təqdirdə ermənipərəst siyasətini aparacaq.

- Bu çox gülməli fikrirlərdi. ABŞ-ın 330 milyondan çox əhalisi var. Ermənilər isə təxminən 1 milyon 500 mindir. Bu heç 0,5 faiz təşkil etmir. Həmişə seçkilər dövründə namizədlərindən biri müəyyən xalqların nümayəndələribə bir çöz verir ki, seçilsəm filan şeyi edəcəyəm. Ermənilərə gəlincə, bunlara həmişə söz verirlər ki, qondarma “soyqırımı” tanıyacağıq. Seçiləndən sonra isə bunu etmirlər. Amma etiraf etmək lazımdır ki, ermənilərin təkçə ABŞ-da yox, dünyanın digər aparıcı ölkələrində diaspor təşkilatları çox güclüdür. Bəzi qurbernatorlar və konqresmenlər ermənilərin maliyyəsi ilə seçilirlər və ermənilərlə bağlı müəyyən məsələləri səs verməyə çıxardırlar. Amma heç nə əldə edə bilmirlər. ABŞ-da bir, iki şəhərin qondarma “soyqırımı” tanıması, dövlətin siyasətinə təsir edə bilməz. Çünki ABŞ-da oturulmuş demokratiya var. İkincisi, prezident seçkilərinə gəlincə, kim prezident olursa, dövlətin qəbul olunmuş siyasətindən kənara çıxa bilməz. Bu bir mənalıdır.

-XİN naziri Ceyhun Bayramov oktyabrın 10-dan bu günə gədər Moskvaya üçünci dəfədir ki, səfər edir. Sonra da ABŞ-a səfər edəcək. Sizin fikrinizcə, bu humanitar atəşkəslə, yoxsa Azərbaycana ümumi təzyiqlərlə bağlıdır?

-Bilirsiniz, ordumuzun uğurları çox çətinliklə əldə edilir. Müdafiə Nazirliyinin məlumatlarını eşidəndə ki, ordumuz əks-hücümü keçdi, filan kənd alındı, insanlara bu çox asan gəlir. Amma bu belə deyil. Düşmənin bu illər buyu qurulan müdafiə sistemini dağıtmaq üçün nə qədr vaxt gedir. Bəzən sosial şəbəkələrdə “filan kənd bizdədir” yazılar rast gəlibir, halbuki rəsmi xəbər olmamış bunu yazırlar. Hansısa kənd və yaxud yüksəkliyi nəzarət edə bilərik. Amma döyüş gedir, düşmən də müqavimət göstərir. Ona görə belə məlumatları tələm-tələsik, birinci olmaq üçün yazmaq lazım deyil. Azad olunan əraziləri tam nəzarət edəndən sonra Müdafiə Nazirliyin verdiyi məlumata əsaslanaraq sosial şəbəkələrdə yazmaq olar. Eynilə diplomat səviyəsində gedən “müharibə də”. Baxın Moskvada oktyabrın 10-u on saatdan artıq danışıqlar olub. Ceyhun Bayramov dövlətimizin mövqeyini çox ciddi şəklində bildirib. Bu heç kimə də asan gəlməsin. Humanitar atəşkəslə bağlı razılaşma var. Ermənilər bunu pozublar. Və hesab edirəm ki, bu səfərlər məhz bunula bağlıdır. Dövlət başçısı bizim mövqeyimizi açıq səsləndirdi. Separatist-ermənilər Azərbaycandan çıxmalıdırlar, ərazi bütövliyimiz bərpa olunmalıdır. Dünya artıq bilir ki, Qarabağ Azərbaycandır.
"10-dan çox beynəlxalq  təşkilata ermənilərin təxribatlarıyla bağlı məlumatlar göndərmişik"Azərbaycan Liberal Demokrat Partiyasının (ALDP) sədri Fuad Əliyev Baku News-a müsahibə verib.

- Fuad müəllim, Azərbaycan Liberal Demokrat Partiyası xaricdə fəaliyyət göstərən bir sıra partiya və beynəlxalq təşkilatlarla sıx əməkdaşlıq edirsiz. Onların Dağlıq Qarabağda aparılan anti-terror əməliyyatlara yanaşması necə oldu? Misal üçün ATƏT-in Minsk qrupunun üzvü olan dövlətlər və bəzi beynəlxalq təşkilatlar məsələyə laqeyd yanaşır.

- Birincisi onu deyə bilərəm ki, xarici ölkələrdə fəaliyyət göstərən və bizimlə əməkdaşlıq edən partiyaların əksəriyyəti birmənalı olaraq bizi dəstəkləyirlər. Niyə? Çünki biz beynəlxalq hüquqa əsaslanıb işğalda olan tarixi torpaqlarımızı azad edirik. Ermənilərin bölgəyə gəlmə xalq kimi, tarixi sübutlar təqdim etmişik. Yeri gəlmişkən, bu gündə 10-dan çox beynəlxalq təşkilata ermənilərin hərbi təxribatlarıyla bağlı məlumatlar göndərmişik. Ordumuzun uğurlu anti-terror əməliyyatlarla yanaşı, partiya olaraq hakimiyyətin apardığı uğurlu informasiya müharibəsinə öz tərəfimizdən töhfə veririk. O ki, qaldı ATƏT-in Minsk grupuna, onların bizə qarşı qərəzli olduğunu 27 il ərzində gördük. Amma Azərbaycan uğurlarını artırdıqca, tərəfdarları da çoxalır. Ona görə ki, biz ədaləti bərpa edirik.

- Fuad müəllim, erməni vandalları, Azərbaycanın Gəncə şəhərini raket atəşinə tutdu. Bəzi ölkələr buna bir reaksiya vermədi.

- Bu, mülki əhaliyə qarşı terror aktıdır, hərbi cinayətdir, xalqımızın növbəti soyqırımıdır!. Bu, Cenevrə Konvensiyalarının müddəalarına zidd əməllərdir. Həmçinin, insanlıq əleyhinə cinayətlərin göstəricisidir. Bunu heç vaxt unutmaq lazım deyil və isti-isti dünya ictimaitinə çatdırmalıyıq. Bunu törədən erməni faşıstləri cavab verməlidirlər. Azərbaycan tərəfi olaraq Ermənistana qarşı sanksiyaların tətbiq olmasına nail olmalıyıq. Bu cinayəti törədənlər Beynəlxalq məhkəmə qarşısında cavab verməlidirlər. Siyasi partiyalar və QHT bu istiqamətdə ciddi iş aparmalıdırlar.

- Çox az sayda azərbaycanlı tapılar ki, müharibənin dayandırılmasını, münaqişəni sülh yolu ilə həll olduğunu istiyər. Liberal Demokrat Pariyasının sədri kimi, buna münasibətiniz necədir?

- Əslində Vətən, torpaq uğrunda müharibə gedən vaxtda nə liberal-demokrat partiyasının, nədə ki, başqa partiyanın üzvü olmalısan. Biz hal-hazırda hamımız əsgərik, hamımız ordumuzun ətrafında sıx birləşməliyik və orduya dəstək verməliyik. O ki, qaldı humanistlik baxımdan, biz 27 ildir ki, humanist olduğumuzu göstərmişik. Artıq erməni terroristlərə cavab vermək vaxtıdır. Ordumuz da bu şərəfli missiyanı həyata keçirir. Şanlı ordumuz Qarabağı Azərbaycana qaytarır.

- Fuad müəllim, xaricdə yaşayan azərbaycanlıların keçirdiyi aksiyaları necə qiymətləndirərsiz?

-Çox yüksək səviyyədə qiymətləndirirəm. Bizim soydaşlarımız orduya dəstək verirlər. Məndə olan məlumata görə, demək olar ki, hər gün ABŞ və Avropanın müxtəlif şəhərlərində aksiyalar və tədbirlər keçirirlər. Çox sevindirici haldır ki, bu aksiyalarda digər millətlər də qoşulur, bizə dəstək verirlər. Deməli, biz həm də informasiya müharibəsində qalib gəlirik.
Qüdrət Həsənquliyevdən “Qaçqınların yürüşü” təşəbbüsü“Ən azı 100 min qaçqının Minsk qurupunun həmsədri olan ölkələrin Bakıdakı səfirliklərinin qarşısından keçməklə etiraz aksiyası keçirib öz evlərinə qayıtmaqlarını tələb etməsi, sonda Türkiyə səfirliyi qarşısına gedib qardaşlarımıza verdikləri dəstəyə görə təşəkkür etmək istəklərinə hökumət müsbət reaksiya verərsə bu çox yaxşı olar”

ABŞ-da Afrika mənşəlilərin qaldırdığı şüarlar kimi ( Black Lives Matter) biz də plakatlar qaldırardıq ki, azərbaycanlıların da həyatı məna kəsb edir.

Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin partiyanın mətbuat xidmətinə müsahibəsini oxucularımıza təqdim edirik:

- Qüdrət bəy, Qarabağın azadlığı uğrunda döyüşlər başlanandan sonra mətbuata Rusiyanın vasitəçi ölkə kimi neytral qalmasından məmnunluğunuzu ifadə etmişdiniz. Atəşkəs elan olunandan sonra münasibətiniz dəyişməyib ki?

- Rusiya dünyanın hərbi supergüclərindən biri olmaqla yaxın qonşumuzdur. Həmin ölkədə bizim iki milyona qədər soydaşımız yaşayır. Ciddi tarixi, mədəni, iqtisadi əlaqələrimiz var. Ona görə də hər zaman Rusiya ilə yaxşı münasibətlərin tərəfdarı olmuşam. Azərbaycan iqtidarı da Qarabağ probleminin həllində Rusiyanın Ermənistanın hərbi-siyasi müttəfiqi kimi xüsusi rolunu və Minsk qurupunun həmsədri olmasını nəzərə alıb bu ölkə ilə münasibətlərin yüksək səviyyədə olması üçün böyük səylr göstərib. Təəssüf ki, Rusiya da münaqişənin həllinə kömək etməli olan digər həmsədr ölkələr kimi münaqişənin həllindən çox onun dondurulmuş vəziyyətdə qalmasında maraqlı olub. Belə hesab ediblər ki, bu halda hər iki respublika onlardan asılı vəziyyətdə qalacaq və bu siyasətlə indiyə qədər istədiklərinə nail də olublar. Ona görə zaman-zaman Azərbaycan iqtidarını səsləmişəm ki, Rusiya ilə açıq danışmaq lazımdır. Rusiya problemin həllinə imkan verərsə biz regionda Rusiyanın maraqlarını müdafiə edə bilərik. Yox, Rusiya mövqeyini dəyişməsə o zaman Azərbaycan Avropa İttifaqına inteqrasiya yolu tutmalı, NATO-ya üzvülük üçün müraciət etməli, neytrallıq siyasətindən imtina edib Türkiyənin hərbi bazalarının Azərbaycanda yerləşdirilməsi istiqamətində konkret addımlar atmalıdır. Bu zaman Rusiyanın yeni hərbi təxribatlarından, hətta Qarabağdakı qondarma rejimi tanıması ehtimalından belə çəkinməməliyik. Rusiyanın onu tanıyıb tanımaması heç nəyi dəyişmir. Gürcüstandakı seperatçı rejimləri tanıması nəyi dəyişdi ki? Amma Gürcüstanı əbədi düşmənə çevirdi. İndi Gürcüstanda hakimiyyət naminə xalqının maraqlarını satanlar, yaxud satmaq istəyənlər də xalqın qəzəbindən çəkinərək Rusiya ilə yaxınlaşa bilmir.
Rusiya Ermənistana kömək etməklə bizə xəyanət etsə, deməli bu ölkəyə heç zaman güvənmək olmaz. Hazırda Rusiyanın iştirakı ilə humanitar məqsədlərlə atəşkəs barədə razılaşmaya görə onları ittiham etmək olmaz. Bu bizə də lazım idi. Humanitar atəşkəsə razılıq verməklə həm də növbəti dəfə nümayiş etdirdik ki, Rusiyanın təşəbbüsünə hörmət edirik və nə qədər ki, bu təşəbbüslər Azərbaycanın milli maraqlarına ziyan vurmur Rusiyanın regiondakı və dünyadakı nüfuzuna nəinki zərbə vurmaq fikrində deyilik, əksinə yüksəlməsində maraqlıyıq. Amma atəşkəsdən sonra Gəncəyə ballistik raketlə zərbə endirən Ermənistana münasibətdə Rusiyanın mövqeyində dəyişiklik olmasa və Rusiya Ermənistana dəstək verməklə Azərbaycana öz torpaqlarını işğaldan azad etməyə imkan verməsə, o zaman qəti sözümüzü deməliyik.

- Siz necə düşünürsünüz Rusiyanın neytral qalacağına dair əminlik olmasaydı Azərbaycan əks-hücuma keçərdimi?

- Biz istənilən dövlətin, o cümlədən Rusiyanın münasibətindən asılı olmayaraq torpaqlarımızı azad etməliyik. Sualınıza gəldikdə isə onu deyə bilərəm ki, vaxtilə Azərbaycan Respublikası Prezidenti Rusiya televiziyalarından birinə verdiyi müsahibədə xüsusi vurğulamışdı ki, o Prezident Putinə inanır. Rusiyadan Ermənistana silah daşınsa da hələlik onun yanılmadığı ortadadır. Rus ordusu döyüşlərə qatılmayacaqsa biz işğalçıları ölkəmizdən qovacağıq. Qoşulacağı təqdirdə isə Türkiyənin köməyi ilə bunu edəcəyik. Amma Putin söylədi ki, Rusiyanın münaqişəyə qatılması üçün heç bir əsas yoxdur,ç ünki müharibə Azərbaycanın ərazisində gedir. Onu da xüsusi vurğuladı ki, böyük siyasətdə dostlar yoxdur, maraqlar var. Putin görür ki, Azərbaycan səmimi və etibarlı tərəfdaşdır. Ermənistan barəsində isə bunu demək olmaz. Paşinyan Qarabağı işğal altında saxlamaq üçün Rusiyadan istifadə etsə də addım-addım Ermənistanı Rusiyadan uzaqlaşdırır. Bizim Rusiya ilə strateji tərəfdaş olmamız və Rusiyanın vasitəçilik missiyası tələb edir ki, Rusiya haqlı olan Azərbaycanı müdafiə etməsə də heç olmasa bitərəf qalsın. Rusiyanın neytral qalacağına ümid burdan qaynaqlanır. Rusiya neytrallığını qoruyub saxlamasa onunla münasibətlərə yenidən baxmalıyıq və bundan sonra strateji tərafdaşlıqdan söhbət belə gedə bilməz. Biz torpaqlarımızın azadlığı üçün xarici təzyiqlərə sinə gərib, çox qətiyyətli davranmasaq ölkəmizin taleyi çox qaranlıq olacaq.

Biz Rusiyanı seçim qarşısında qoysaq Rusiyanın Şimal-Cənub nəqliyyat dəhlizi olan Azərbaycana və onun təbii müttəfiqi Türkiyə ilə dostluğa üstünlük vermə ehtimalı çox yüksəkdir. Ermənistan onsuz da Rusiyanın orbitindən uzaqlaşa bilməz. Qərb zəngin erməni diasporasına görə Ermənistanı nə qədər çox sevsə də onun işğalçılıq siyasətini dəstəklədiyinə görə Rusiyaya çox şey verməyəcək, sanksiyaları da aradan qaldırmayacaq. Amma Rusiya Azərbaycanla dostluq edib ona mane olmasa, bu həm iqtisadi baxımdan faydalı olar, həm də digər anoloji problemləri olan ölkələr anlayacaqlar ki, öz problemlərini Rusiya ilə dost olmaqla həll etmək daha asandır. Əksini görsələr, Rusiyadan qorxu və ona nifrət bir az da artacaq. Rusiya düşmən xalqlarla əhatə olunacaqdır. Putin ağıllı adamdır, düşünürəm düzgün seçim edəcək. Regionun inkişafı və sabitliyi Türkiyə, Rusiya və Azərbaycanın dostluq münasibətlərindən çox asılıdır.

- Rusiyadakı və Qərbdəki ermənipərəst dairələr Putinə təzyiq edir ki, Qarabağda humanitar fəlakət yaşanır,insanlar ev-eşiklərini tərk edir və s. Putindən tələb olunur ki, Azərbaycanı dayandırsın. Bu vəziyyətdə biz nə etməliyik?

- Bu tipli siyasi riyakarlığı təbliğ edən rus kanallarından birinə bizim xalq yazıçısı Çingiz Abdullayev çox gözəl cavab verdi. Dedi ki, hansı humanizmidən, insanlıqdan danışırsınız. Dağlıq Qarabağ və ətraf rayonlardan 700 mindən çox insan ermənilərin etnik təmizləmə siyasəti nəticəsində ev-eşiyindən qovulanda harada idiniz. Onların taleyi sizi narahat etmir? Hesab edirəm “Qaçqınların yürüşü” kimi ən azı 100 min qaçqının Minsk qurupunun həmsədri olan ölkələrin Bakıdakı səfirliklərinin qarşısından keçməklə etiraz aksiyası keçirib öz evlərinə qayıtmaqlarını tələb etməsi, sonda Türkiyə səfirliyi qarşısına gedib qardaşlarımıza verdikləri dəstəyə görə təşəkkür etmək istəklərinə hökumət müsbət reaksiya verərsə bu çox yaxşı olar. Hamı tibbi maska geyinərsə və hərbi komendant təhlükəsizliyə təminat verərsə belə aksiyanı sanksiyalaşdırmaq məqsədəuyğun olardı. Onlar varlıqlarını dünyaya bir daha çatdırardı. ABŞ-da Afrika mənşəlilərin qaldırdığı şüarlar kimi ( Black Lives Matter) biz də plakatlar qaldırardıq ki, azərbaycanlıların da həyatı məna kəsb edir.
Məsuliyyət Rusiyanın üzərindədir - ALDP sədriAzərbaycan Liberal Demokrat Partiyasının (ALDP) sədri Baku News-a müsahibə verib.

-Fuad müəllim, Azərbaycan ordusu anti-terror əməliyyatlarına başlıyaraq işğalda olan bir neçə kəndi azad edib. Ermənilərin bir neçə alayı, raket kompleksləri tam məhv edib, silah-sürsat və çoxlu sayda hərbi texnikası hərbi qənimət kimi ələ keçirilib. Bütün bu uğurlara baxmayaraq oktyabrın 10 -u humanitar atəşkasa razılıq verir. Nə dərəcədə bu bizə lazım idi?

-Bəli, Azərbaycan ordusu əks-hücum nəticəsində işğalda olan 30-dan çox kəndi azad edib. Düşmən hərbi texnikanı döyüş meydanında qoyub qaçıb. Onların minlərlə əsgər və zabitlər məhv edilib. İndi sual verirsiz ki bu humanitar atəşkasa getmək lazım idi yoxsa yox? Birincisi, humanitar atəşkəs müvəqqəti xarakter daşıyır. Bu birmənalıdır. İkincisi, Azərbaycana qarşı vahid diplomatik cəbhə formalaşıb. İndi biz razılıq verməsəydik, onda ermənilər və onları dəstək verən ölkələr Azərbaycanı “antihumanist” ölkə adlandıraraq, ordumuzun bütün cəbhə boyu əldə olunan nailətlərə baxmayaraq, təzyiqlər edib geri çekilməyə məcbur edəcəkdilər. Azərbaycan bu addımı ilə buna imkan vermədi.

-Amma “atəşkəs” deyib yalvaran erməni, heç bir saat keçməmiş erməni tərəfi atəşkəsi pozdu, döyüş mövqelərinə yeni hücumlar etdilər və gecə saat 2 radələrində Gəncə şəhərinin yaşayış binalarını raket atəşinə tutdular.

-Buna adekvat cavab veriləcək. Heç şübhəniz olmasın. Həm hərbi cavab olacaq, həmdə diplomatik. Biz haqq yolundayıq. Azərbaycan ordusu işğalda olan bütün torpaqlarımızı azad edəcək. Ermənilər tərəfindən atəşkasın pozulmasına, dinc əhalinin həlak olduğuna, yararlı olmasına görə məsuliyyəti bir başa Rusiyanın üzərindədir. Çünki onlar bu atəşkasın pozulmamasına görə, hər iki tərəf üçün qarant olublar. Və əgər ermənilər bunu pozublarsa, deməli bunun məsuliyyətini Rusiya daşıyır. Bununla da tam aydın olur ki, artıq Ruasiya Ermənistanı tam nəzarət edə bilmir. Paşınyan xuntası Moskvanı saymır və başqa qüvvələrin nəzarəti altındadır.

-Gəncə şəhərində ermənilərin raket bombalanması nəticəsində onlarla həlak və yüzlərlə yaralı dinc vətəndaşlarımız oldu...


-Bu namərd erməni düşməndən başqa nə gözləmək olardı?! Gəncə şəhərində baş verən hadisəni azərbaycanlıların soyqırımı kimi qiymətləndirirəm. Bununla bağlı xarici ölkələrdə əməkdaşlıq etdiyimiz partiyaları məlumatladırmışıq. Onlardan işğalçı erməni terroristlərin torpaqlarımızı azad etmək üçün anti-terror əməliyyatları barəsində və Gəncə şəhərində mülki şəxslərə qarşı hücumu Cenevrə Konvensiyasının pozulması haqqında məlumatları öz ölkələrində çatdırılmasını xahiş etmişik.
"Putin hələ ki, vəziyyəti kənardan izləyir" - ALDP sədri30 ildir Ermənistanın Azərbaycana qarşı apardığı işğalçılıq siyasəti və hərbi təxribatları sentyabrın 27-dən başlayaraq Ordumuzun əks-həmləsi ilə öz layiqli cavabını almaqdadır.

Azərbaycan ordusu öz ərazilərimzidə apardığı müharibədə üstünlüyü ələ alıb, bəs dünyanın informasiya məkanında hansı üstünlüyü qazanmışıq və siyasi partiyalar bu istiqamətdə hansı addımlar ata bilir?

Hafta.az-a müsahibə verən Azərbaycan Liberal Demokrat Partiyasının sədri Fuad Əliyev müəyyən nüanslara diqqət çəkib.

- Fuad bəy, son 5 gündə Ordumuz düşmənə qarşı əks-hücuma keçib və bu barədə mütəmadi xəbərlər alırıq. Beynəlxalq medianı yaxından izləyən siyasətçi kimi necə hesab edirsiz, siyasi düşərgə informasiya müharibəsində necə iştirak edir və ölkədən kənarda aparılan informasiya müharibəsində üstünlük kimdədir?

- Bu gün xarici mediada Ermənistan-Azərbaycan müharibəsi haqqında verilən məlumatları iki hissəyə bölmək olar. Əlbəttə ki, bir qism Azərbaycanın haqq səsini dəstəkləyir, digər qism isə Ermənistanın yalan məlumatlarını yayaraq işğalçılıq siyasətini haqlı tərəfi kimi təbliğ edir. Bu gün mətbuatdan xüsusilə Suriya hökumətinin birbaşa Ermənistanı dəstəklədiyi müşahidə olunur. Son vaxtlar bu dövlətlərin arasında yaranan sıx əməkdaşlıq Suriyadan Dağlıq Qarabağa gətirilən erməni ailələrinin timsalında da özünü göstərdi. Ermənistanın uzun illərdir xaricdə formalaşmış diaspora və lobbiçilik fəaliyyəti də heç şübhəsiz ki, bu gün özünün əks təbliğatını aparmaqda davam edir.

Bütövlükdə isə normal demokratik ölkələr beynəlxalq hüquqa əsaslanaraq Azərbaycanı dəstəkləyirlər. Biz, beynəlxalq müstəvidə Azərbaycanın əraziləri kimi tanınan torpaqlarımızda vuruşuruq və bu müharibənin haqq işi olduğunu sübut edirik. Son iyul hadisələrindən başlayaraq dünya ictimaiyyətini informasiyalarla maraqlandıra bilmişik. Bu istiqamətdə ciddi iş aparmışıq və informasiya müharibəsində də üstünlük bizim tərəfimizdədir.

Hər dəfə də bəyan edirik ki, biz başqa bir ölkənin torpaqlarını işğal etməmişik. Bizim torpaqlar işğal olunub. Biz öz sərhədlərimiz çərçivəsində, Ermənistanın Azərbaycan ərazilərində işğalda saxladığı torpaqlarımızı azad etmək üçün anti-terror əməliyyatlarını başlamışıq və bu da uğurla davam edir. Bu gün Azərbaycan bu şərəfli müharibədə onun yanında kimlərin dayandığını gördü. Çox təssüf olsun ki, post-sovet məkanında olan türkdilli ölkələr bizim haqq səsimizə dəstək vermədilər. Lakin Qafqaz dövləti olan qonşu Gürcüstan bizi dəstəklədi. Daha sonra Ukrayna, Belarus və artıq Macarıstan və bir sıra digər Avropa ölkələrindən də bizi dəstəkləyən çıxışlar eşidilməkdədir. Verilən dəstəklərdə Azərbaycan ərazilərinin bütövlüyünü tanıdıqlarını, Ermənistan hərbi hissələrinin işğal olunmuş ərazilərdən çıxarılmasını tələb edirlər. Çünki biz beynəlxalq hüquqa əsaslanaraq öz torpaqlarımızı işğaldan azad etmək üçün mübarizə aparırıq. Dövlət başçısının da dediyi kimi, biz mülki əhaliyə qarşı deyil, Ermənistanın hərbi qüvvələrinə qaşı müharibə aparırıq.

Hesab edirəm ki, bu gün istənilən ictimai və siyasi təşkilatlar xarici ölkələrdə əməkdaşlıq etdiyi qurumlarla əlaqəli şəkildə informasiyanın yayılmasına və təbliğati işlərinin aparılmasına diqqət yetirməlidir. Siyasi partiyalar bütün imkanlarını məhz informasiya müharibəsinə yönəltməli və beynəlxalq müstəvidə ayrı-ayrı ölkələrdə olan siyasi həmfikirlərinin vasitəsi ilə təbliğatının qurulmasına üstünlük verilməlidir.

- Xaricdə işləyən onlayn kanallarımız məsələdə nə dərəcədə aktivdir, nə dərəcədə təbliğati işlər apara bilirlər?

- Türkiyə mediasında Azərbaycanı müdafiə edən çıxışlar var. Ukrayna Rusiya kanallarında əksəriyyət erməni mövqeyindən çıxış edir. Lakin Prezidentin “Rossiya1” kanalında 60 dəqiqəlik verilişdə etdiyi çıxışı bizə olan münasibəti tam dəyişib. Üstünlük bizim tərəfimizdədir. Bizim jurnalistlərin xaricdə açdıqları onlayn kanallara isə baxmıram. Biz xarici ölkələrdə əməkdaşlıq etdiyimiz partiyalara müraciət göndərib Azərbaycanın haqq işinin təbliğatı baxımından bizə dəstək vermələrini xahiş etmişik. Və artıq Türkiyənin Liberal Demokratları öz fəaliyyətlərinə bu məsələyə diqqət göstərəcəklərini bildiriblər. Bu istiqamətdə faəliyyətimiz davam edir.

- İllərdir “Dağlıq Qarabağ münaqişəsi”nin beynəlxalq müstəvidə aparılan danışıqlar yolu ilə həllinə nail ola bilməyən ATƏT-in Minsk Qrupu və digər nüfuzlu təşkilatlar yenə də öz ampluasındadır. İşğal altında qalan torpaqlarımızın qeyd-şərtsiz azad olunması ilə bağlı qətnamələri olan BMT və digər təşkilatlar, prezidentlər Azərbaycanı danışıqlara dəvət edən bəyanatlar verib. Yenə də işğalçıya “sənin Azərbaycanın ərazilərində nə işin var, rədd ol!” deyilmir. Beynəlxalq təşkilatların hazırki mövqeyini necə dəyərləndirirsiz?

- Bəli, məlumdur ki, Azərbaycana qarşı təsirlər edilir. Bugünlər həm BMT, həm ATƏT-in Minsk Qrupu və digər ölkə başçılarının birgə bəyanatı yayılıb. Türkiyə və Rusiya xarici işlər nazirləri də görüşərək Qarabağdakı vəziyyəti müzakirə ediblər. Hətta sosial şəbəkələrdə bu müzakirədə müharibənin dayandırılması ilə bağlı bəyanatın qəbul edildiyi də qeyd olunub. Bunun nə qədər doğru olacağını bilmirəm. Hesab edirəm ki, BMT, ATƏT-in Minsk Qrupu və digər dövlətlərin belə müraciətlər verməsi də normal qarşılanmalıdır. Çünki hər zaman bu təşkilatların belə bəyanatlar verməkdən başqa bir işinin olmadığını görmüşük. Bu yanaşmalar, “Torpaq bizimdir və öz problemimizi özümüz həll etməliyik” prinsipini ortaya qoyur. Məhz buna görə də bu gün Ali Baş Komandan əks hücum və səfərbərliklə bağlı öz tarixi qərarını verdi. Eləcə də beynəlxalq təşkilatlara ən gözəl cavabı Prezident verdi və məqsədimizi açıq-aydın şəkildə izah etdi. Azərbaycan o halda danışıqlara gedəcək ki, Ermənistanın işğalçı hərbi hissələri ərazilərimizi tərk edəcək. Çünki bu gün də Ermənistanın hərbi təxribatlardan əl çəkmədiyi, Azərbaycanın mülki əhali yaşayan kəndlərini atəşə tutduğu, xəsətxanaların, məktəblərin ağır artilleriya silahları ilə dağıdıldığının şahidiyik və bu davam edir. Xeyli zayda mülki vətəndaşlarımız şəhid olub. Əgər-əvvəl atəşkəsin pozulması halları var idisə, bu gün müharibə gedir. İki gündür xəbərlər gəlir ki, Ermənistan tərəfindən bizim sərhəd rayonlarımız da atəşə tutulur. Bu minivalla Ermənistan üçüncü ölkəni də prosesə cəlb etmək istəyir. Məlum məsələdir ki, üçüncü ölkələr Rusiya və Türkiyədir. Dünya ölkələri bu niyyəti başa düşür. Üçüncü tərəflərin bu mühribəyə qoşulmaq istəyəcəyini düşünmürəm. Bu Vətən Müharibəmiz dayana bilməz. Bu yalnız o halda mümkün ola bilər ki, Ermənistanın işğalçı qoşunları torpaqlardan çıxsınlar. Bundan sonra hansı addımlar atılacaq, artıq sonrakı proseslərdir.

- Necə hesab edirsiz, üçüncü tərəflər bu müharibəyə hansı halda qoşula bilər və indiki savaş durumunda bu nə dərəcədə ciddi ehtimaldır?

- Fikir verirsinizsə, regionda əsas oyunçu olan Rusiya bu prosesə qoşulmadı. Putin “biz qonşu dövlətlərin siyasətinə qarışmırıq” deməklə hələ ki, vəziyyəti kənardan izləyir. Bundan əvvəl isə Prezident İlham Əliyev demişdi ki, “bizi təkbətək buraxın, biz torpaqları işğaldan azad edəcəyik”. Eyni zamanda Türkiyənin mövqeynə baxsaq, bu dövlətin Azərbaycanı açıq dəstəkləyən bəyanatları deməyə əsas verir ki, biz informasiya müharibəsində üstünük. Ermənistanda Paşinyan hakimiyyəti SOROS hakimiyyətidir. Bu da Rusiya ilə əlaqələrin pozulmasına gətirib çıxarıb. Putin Paşinyanın satqınlığını bağışlamayıb. Bu da Rusiya-Ermənistan münasibətlərinə təsir edib. Bu illər ərzində Türkiyə hər zaman Azərbaycanın yanında olub. Lakin regionda belə aktiv və açıq şəkildə Azərbaycana dəstək verməsi ilk dəfədir baş verir. Hər halda biz bu yolda səhv deyilik. Rusiya bu məsələyə qarışsa Türkiyə də açıq dəstək verəcək. Eləcə də Pakistan bir qardaş dövlət olaraq daim bizə dəstək verir. Bu da istər-istəməz münaqişənin formatına təsir edir.

- Fuad bəy, 50 siyasi partiya birgə bəyanatla Orduya, Ali Baş Komandana dəstək mövqeyini ortaya qoydular. Belə bir vaxtda bu prosesdən kənarda qalanlar oldumu və hazırda siyasi partiyaların bu istiqamətdəki birliyi nə dərəcədədir?

- Torpaqlqarın işğala məruz qoyulduğu bu 30 il müddətində biz hər zaman deyirdik ki, siyasi partiyaları birləşdirən bir məsələ var, bu da Dağlıq Qarabağdır. Bu da bir sübutdur ki, bu məsələdə cəmiyyət birləşə bilər. Bu təkcə Azərbaycana yox, elə bütün dünyaya bir ismarıc verdi ki, Azərbaycan xalqı birdir. Bundan kənarda qalan çox olsa 1 faiz olar. Amma düşünmürəm ki, o da Qarabağ məsələsində kənarada qala bilər. Qalıbsa, bu onun ən böyük səhvidir. Bu məsələ ilə bağlı ALDP-yə təklif gələndə mən o sənədə baxmadan imza atmaq istədim. Çünki biz Qarabağ məsələsi ətrafında düşünmədən birləşməliyik və birik. Çünki bu bütün millətin həll etməli olduğu problemidir. Və xalq bütövlükdə öz həmrəyliyini göstərib. İyul hadisələrindən sonra xalqımız öz sözünü dedi. Hər gün xalq arasında bu fikir daha çox yayılırdı ki, danışıqları dayandırıb müharibəyə başlamaq lazımdır. Bu Vətən Müharibəsi Azərbaycan xalqının tələbidir. Nəhayət Ermənistanın davam edən hərbi təxribatları, danışıqlar prosesindən öz cinayətlərini genişləndirmək üçün istifadə etməsi Azərbaycanın səbr kasasını daşdırdı. Və beynəlxalq təşkilatların məsələ ilə bağlı vecsiz yanaşması pisləndi. Azərbaycan anladı ki, öz torpağını heç kim işğaldan azad edib ona qaytarmaq fikrində deyil. Əksinə, beynəlxalq aləmin Ermənistanı durdurmaması, ona həddini aşması üçün ruh verir. Və xalqımız bir olaraq öz haqq səsinin müdafiəsinə qalxıb.