Qüdrət Həsənquliyev: "Biz erməni xalqını məğlub etməsək..."Avrasiya.net teleqraf.com-a istinadla BAXCP sədri, millət vəkili Qüdrət Həsənquliyevlə müsahibəni təqdim edir:

- Qüdrət bəy, son dövrlər bəzi müxalifət fəalları sosial şəbəkələrdə, xüsusilə “yuotube”da ölkə rəhbərliyində təmsil olunan yüksək vəzifəli şəxsləri absurd şəkildə regionçu, yaxud anti-regionçu kimi təqdim edirlər. Bu yanaşmaya münasibətiniz necədir?

- Həqiqətən absurd yanaşmadır. Bunlar əsası olmayan qeyri-ciddi iddialardır. Bəzən təyinatlar zamanı bir bölgədən, başqa bir halda isə digər bölgələrdən olan insanlar vəzifələrə təyin oluna bilər. Son təyinatlarla Vilayət Eyvazov daxili işlər naziri, Əli Nağıyev isə dövlət təhlükəsizlik xidmətinin rəisi vəzifəsinə təyin edilib. Onların əvəz etdikləri, Naxçıvanda doğulmamış şəxslər isə daha yüksək vəzifələrə təyinat alıblar. Son təyinatlardan sonra regionçuluqla bağlı iftiraları xüsusi qabartmağa başlayıblar.

Ancaq adını çəkdiyim hər iki şəxs uzun illər öz sahələrində çalışan, özlərini peşəkar kimi təsdiq edən kadrlardır. Onların təyinatında hansı bölgədən olmaları deyil, peşəkarlıqları,qarşıya qoyulan vəzifələri yerinə yetirmək üçün hər cür fədakarlıqlara hazır olmaları əsas götürülüb. Yeri gəlmişkən qeyd edim ki, prezidentin son sərəncamı ilə ölkədə Kadr Bankının yaradılması məqsədilə` Yüksəliş `adında komissiya yaradıldı. Bu komissiyanın tərkibində bir nəfər də olsun naxçıvanlı yoxdur. Həmin çürük məntiqlə gərək prezidenti anti-regionçuluqda ittiham etsinlər.

Bir daha vurğulayım ki, bu və digər vəzifələrə təyinatla bağlı qərar veriləndə həmin insanların hansı bölgədə doğulması deyil, həmin vəzifəni nə dərəcədə uğurla yerinə yetirəcəyi əsas kimi götürülür. Hesab edirəm ki, regionçuluqla və anti-regionçuluqla bağlı kompaniya məqsədyönlü formada,əyalət və feodal təfəkkürlü qara qüvvələrin senarisi əsasında həyata keçirilir. Bu komandanı bloqerlərə verənlərin və yayanların çirkli niyyətləri var.Yayılan iftiralar təkcə bununla yekunlaşmır. Onlar yüksək vəzifəli şəxsləri gözdən salmaq,onlara olan etimadı sarsıtmaq və xaos yaradıb nəyəsə nail olmaq istəyirlər. Sözsüz ki,ölkə barədə düşünməyən bu gerizəkalılara xaricdən də dəstək verilir. Ancaq unudurlar ki,biz 90-cı illərdə yaşamırıq. 28 ildir ki, müstəqil dövlətik.

Əminəm ki, gec-tez belə insanlar ifşa ediləcək və ifşa olunurlar da. Azərbaycanı öz iyrənc maraqlarına görə rayon-rayon, kənd-kənd bölmək heç kimə müyəssər olmayacaq.

- Bəzi barışmaz müxalifət nümayəndələri öz çıxışlarında elan edirlər ki, Azərbaycanda idarəetmə sahəsində və demokratik azadlıqlarla bağlı ciddi problemlər var. Bu iddialara münasibətiniz necədir?

- Azərbaycanda qeyd etdiyiniz məsələlərə qərb standartları ilə yanaşsaq bu sahədə müəyyən problemlər var. Amma biz Qərbi Avropa ölkəsi deyilik. Söhbət ondan gedir ki, hər bir xalqın sosial inkişaf indeksi, mentaliteti, formalaşmış ənənə və dəyərləri var. Hər bir iqtidarın borcudur ki, ilk növbədə ölkədə real durumu nəzərə alaraq elə siyasət aparsın ki, görülən işlər müsbət nəticə versin.

Nəzərə alın ki, Qorbaçovun başlatdığı Yenidənqurma siyasəti SSRİ-nin çökməsinə, milli münaqişələrə yol açdı.

Prezident bəyan etmişdi ki, idarəetmə xalqın inkişaf səviyyəsinə uyğun mütəmadi şəkildə təkmilləşdirilməli ,kadr islahatları aparılmalıdır. Bəzi kadrlar hansısa mərhələdə çox faydalı olur, amma başqa mərhələdə sanki tükənirlər. Bu halda onlar vəzifələrindən kənarlaşdırılmalı, daha gənc, müasir reallıqları asan qavrayan çevik siyasətçilər həmin vəzifələrə təyin olunmalıdır.

İqtidar tərəfindən bu prosesin nə qədər uğurlu aparılması barədə mübahisə açmaq olar,amma proses gedir. Bunu idarəetmənin çöküşü kimi təqdim etmək sadəcə özünü aldatmaqdır. Reallıq fərqlidir.

İkincisi, Azərbaycanı bəzən demokratik azadlıqların olmadığı Türkmənistanla müqayisə etmək istəyirlər. Sizə deyim ki, həm Azərbaycan Prezidenti, həm də Birinci vitse-prezident Azərbaycandan daha inkişaf etmiş Moskvada ali təhsil alıb, şəxsiyyət kimi formalaşıblar. Onların güclü liderlik keyfiyyətlərinə və idarəetmə qabiliyyətlərinə malik olmalarını təsdiq ediblər. Buraxılan imkanlara və səhvlərə rəğmən uzun müddətdir Azərbaycanda idarəetmənin başında dayanırlar ,ölkəni böyük sarsıntılardan və təlatümlərdən sığortalaya biliblər.

Sizi əmin edirəm ki,yuxarıda qeyd ediyimiz iftiraları yayan başqa birisi xarici ermənipərəst güclərin dəstəyi ilə Azərbaycanı çox asanlıqla Türkmənistana və ya Şimali Koreyaya çevirə bilərdi.

Əlbəttə, kimsə iddia edə bilər ki, Azərbaycanda sərbəst toplaşmaq azadlığı pozulur. Amma ölkənin milli maraqları naminə məsələyə qlobal yanaşdıqda konstitusiyaya görə iqtidarın borcudur ki, daha üstün hüquqları - vətəndaşların təhlükəsizliyini ,sabitliyi və davamlı inkişafı təmin edə bilsin. Yəni iqtidarın borcudur ki, ölkəni xaos və qarşıdurmadan qorusun.

Məsələn, Əli Kərimli yanvarın 19-da keçirilən sonuncu mitinqdə kütləyə müraciət edib deyir, biz bu gün ona görə dövlət və hakimiyyət orqanlarının üzərinə yürüş etmirik ki, sayımız azdır. Yəni bunun izahı o deməkdir ki, sabah meydana indikindən 2 dəfə çox insan yığışsa Prezident Administrasiyasına, Milli Məclisə, dövlət hakimiyyət orqanlarının üzərinə yürüş edəcəyik. Bu da istər-istəməz razılaşdırılmayan aksiyaya, kimlərinsə xəsarət almasına, kimlərinsə həbsinə səbəb olacaq. Mümkündür ki, marağı olan hansısa qüvvələrin təxribatçı əməllərinin nəticəsi olaraq insan ölümü də baş versin.

Üstəlik, belə qarşıdurmalardan sonra hüquq pozuntusu törədən şəxslərin cinayət hüquqi təqib edilməsi, onların məhbəsə atılması kimi addımlar da əslində ölkədə demokratik proseslərin inkişafına töhfə verməyəcək, əksinə geri atacaq. Bax, bu kimi təhlükələri nəzərə alıb, daha böyük təhlükələri önləmək məqsədilə hansısa azadlıqların məhdudlaşdırılması əslində imkan verir ki, tədricən ölkədə daha məsuliyyətli, daha ciddi və daha hazırlıqlı,populizmidən uzaq siyasətçilər nəsli formalaşsın.

1993-cü ildə populist mövqedən çıxış edən siyasətçilərə ictimaiyyətdən gələn dəstəyə də baxın, indiki dəstəyə də. İndi insanlarımız, siyasətçilər daha məsuliyyətli olmağa başlayıb. Hətta radikal çıxış edənlərin özləri fərqindədirlər ki, onlar yeni keyfiyyətlər əxz etməli, rəqabətə davamlı qalmaq üçün üzərlərində işləməli,fərqli düşüncəyə daha dözümlü olmalıdirlar.

İndi yeni siyasətçilər nəsli formalaşır. Bunu ola bilsin ki, çoxları görmür. Siyasi azadlıqların məhdudlaşdırıldığını deyən şəxslər bir azdan görəcəklər ki, nə qədər müasir siyasətçilər yetişıb və onlar dinc yolla ölkəmizi xeyli irəli aparacaqlar.

Hazırda azadlıqlar xalqın inkişaf səviyyəsinə uyğun olmaqla təmin edilib. Görürsünüz ki, ən sərt tənqidləri istənilən vətəndaş geniş ictimaiyyətə çatdıra bilir. Hərənin əlində bir ağıllı telefon var. Asanlıqla sosial şəbəkələrdə,` yuotube`a daxil olmaqla fikirlərini yaya, lazımi informasiyanı ala bilirlər.

Çoxları başa düşmür ki, bu prezidentin iradəsindən qaynaqlanır. İqtidarın daxilində nə qədər şəxs var ki, prezidenti əvəz edib fərqli fikir söyləyənlərin dilini kəsmək istəyir.

Biz proseslərin ləng getməsini tənqid etsək də əslində müstəqillikdən keçən dövr imkan verdi ki, bəzi siyasətçilər müdrikləşsin və yeni nəsil siyasətçilər formalaşsın.

İndi müxalifət siyasi düşərgəsi iki hissəyə bölünüb. Bir qisim hesab edir ki, müxalifətin işi yalnız hakimiyyəti tənqid etmək olmalıdır. Məncə, bu, kökündən yanlışdır. Müxalifətin işi iqtidarın səhvlərini göstərmək,hətta xarici siyasətlə bağlı milli maraqlar naminə iqtidarın deyə bilmədiklərini demək olmalıdır.Əgər milli mənafeyə uyğun olan uğurlu addım atılıbsa və iqtidar buna görə xarici təzyiqlərlə üzləşirsə müxalifət iqtidara dəstək verməlidir.

Məsələn, Ərdoğanla Kılıçdaroğlunun münasibətlərinin sərtliyinə baxın. Amma Türkiyə Rusiyadan S-400 sistemləri alanda Kılıçdaroğlu Ərdoğanı müdafiə etdi, bildirdi ki, bu, doğru qərardır. Çünki zamanında biz istəsək də ABŞ “Patriot” sistemlərini Türkiyəyə satmadı. Siz görmüsünüz ki, bizim radikal düşərgədə kimsə bu cür davransın?

Radikal düşərgə bunu etməsə də, müxalifətin böyük kəsimi bu gün iqtidarın müsbət addımlarına pozitiv yanaşır. Bu, artıq inkişafdır, proses gedir və əminəm ki, bunun nəticəsi də olacaq. Odur ki, Azərbaycanı Türkmənistanla müqayisə etmək və ya idarəetmənin çökdüyünü iddia etmək yersizdir. Əgər islahatlar hansısa xarici və daxili təhdidlər nəticəsində dayandırılacaqsa, kadr islahatları davam etməyəcəksə, iqtisadiyyat və bank sektoru yalnız neftdən asılı vəziyyətdə qalacaqsa, sözsüz ki, cəmiyyətdə hər zaman narazılıq və gərginliklər üçün təhlükə qalacaq.

Düşünürəm ki, iqtidarlı, müxalifətli Azərbaycan cəmiyyətinin müdrikliyi çatacaq ki, lazımi addımlar ataq, ölkəmiz gələcəkdə belə təhlükələrlə üzləşməsin.

- Siz və bir neçə partiya sədri görüşərək müzakirələr aparmısınız. Son illərə qədər belə bir görüş baş verməmişdi. İndi qəfil görüşə səbəb nə oldu?

- Əslində bu görüş söylədiklərimin davamıdır. Azərbaycanda dünənə qədər bir-birini qəbul etməyən, bir-birinin ünvanına kəskin ittihamlar səsləndirən siyasi partiyaların sədrləri bir araya gəlib ölkənin gələcəyi ilə bağlı birgə söhbət edə bilirsə, bu, dediyim pozitiv nəticədir. Fikrimcə, bunu daha da genişləndirmək lazımdır.

Bizim siyasi inkişafımız arzuladığımız səviyyədə deyil. Bu görüşü təqdir edənlərlə yanaşı, bunu süngü ilə qarşılayan, kəskin reaksiya verənlər də var. Düşünürəm ki, zamanla daha çox partiya əməkdaşlığa meylli olacaq. Yeni dünyagörüşlü insanların siyasətə qatılması və ya siyasətdəki insanların zamanın çağırışlarına uyğun olaraq dəyişməsi çox müsbət haldır. Bu da ümid verir ki, ölkəmizin siyasi perspektivləri barədə nikbin olaq.

- Qüdrət bəy, Qarabağ münaqişəsinə dair danışıqlar prosesi sanki xarici işlər nazirlərinin Vaşinqton görüşündən sonra növbəti dəfə dalana dirənib. Sizcə, bu istiqamətdə nə baş verir ?

- Biz erməni xalqını döyüşdə məğlub etməsək “Böyük Ermənistan” xəstəliyinə yoluxdurulan bu xalq heç vaxt imkan verməz ki, hansısa hökumət başçısı Azərbaycanın Dağlıq Qarabağ üzərində suverenliyini tanıyan sənədə imza atsın. Heç bunu vasitəçilər də istəmir.Ona görə də, biz mütləq hərbi yolla ən azından Dağlıq Qarabağ ətrafındakı rayonlarımızı azad etməliyik ki, erməni xalqı reallıqla barışsın və Azərbaycanla sülh sazişi imzalasın.

Qalan hallarda danışıqlar sadəcə problemin həllini zamanın ixtiyarına buraxmaq və daha əlverişli beynəlxalq şərait gözləmək məqsədi daşıyacaq.

Amma mən düşünürəm ki, əlverişli beynəlxalq şəraiti biz özümüz yaratmalıyıq.Biz Qarabağın məskunlaşdırılmasına imkan verməməli, problemin həlli üçün Rusiya ilə hansısa formada anlaşmalıyıq. Rusiyanın Ermənistana dəstəyi olmasa Azərbaycan bu problemi qısa müddətdə həll edə bilər. Bu baxımdan danışıqlardan heç nə gözləməyə dəyməz.Dövlət olaraq müharibə edə bilmiriksə Mübariz İbrahimov kimi qəhrəmanlarımız şəxsi şücaət göstərməli,düşmənə qan uddurmalıdırlar.Belə qəhrəmanlarımız daha yoxdursa onda ah-nalə edib hökuməti,xalqımımızı qınamamalı, onları yetişdirənə qədər danışıq aparmalıyıq.
"Ermənilərin bütün niyyətlərini alt-üst etmişik" - Diaspor sədriVahid İmanov: “Ermənilər torpaqlarımızı işğalda saxlamaqda davam edərlərsə, silaha əl atmaq məcburiyyətində qalacağıq”

Avropada bir çox diaspor təşkilatlarımız var, yetərincədir. Amma yerli mediada onların fəaliyyətsizlikləri ilə bağlı çox yazılıb, tənqid edənlər də var, işlərini tərifləyənlər də. Hansısa bir tədbir keçirməklə Azərbaycan mediasının “gündəm”ini zəbt edib özünü reklam edənlərin sayı da az deyil. İldə bir neçə dəfə - bayramdan-bayrama və yaxud da Xocalı soyqırımının anım günündə peyda olan, tədbir keçirib özünü göstərən diaspor təşkilatlarımız da var.

Bu dəfə İspaniyada fəaliyyət göstərən diaspor təşkilat sədrlərindən biri – Vahid İmanovdan bəhs edəcəyik. Çoxumuz onu tanımaya da bilərik, çünki ucuz reklam dalınca qaçanlardan deyil. Azərbaycan, azərbaycançılıq ideologiyası, milləti və xalqı üçün gördüyü hər bir işı şişirdənlərdən deyil.

Vahid İmanov 2004-cü ildən İspaniya Krallığının Junta de Castillo Leon əyalətinin Burgos bölgəsinə bağlı Medina de Pomar şəhərində yaşayır. İspaniyada təhsil aldığı sahə üzrə fəaliyyət göstərir. 10 ilə yaxındır ki, tikinti sığorta firmasında baş mühəndis vəzifəsində çalışır. Eyni zamanda İspaniya Azərbaycan Ticarət və Mədəniyyət Assosiasiyası (ACAE) direktorlar Şurasının daimi üzvü, yaşadığım bölgə üzrə ACAE direktoru (Junto y Leon de Castillo), Qərbi Azərbaycan İctimai Birliyinin İspaniya üzrə səlahiyyətli nümayəndəsi, sosial şəbəkədə İspaniya Azərbaycanlıları Birliyinin yaradıcı adminidir. 1976-cı ildə Ağsu rayonu, Nuran kəndində ziyalı ailəsində dünyaya göz açıb. 16 ildən artıqdır ki, İspaniyada yaşayır. Bəs diaspor sahəsinə baş vurmasının səbəbləri nədir?

- Mənim diaspor quruculuğu işində özümü göstərməyim Azərbaycana, millətimə və xalqıma olan sevgidən irəli gəlib. Harada, hansı ölkədə, hansı zirvədə olmağıma baxmayaraq, qəlbim Azərbaycanla döyünür, Azəraycan mənim damarlarımda axan qanımdır. Torpağımızı, vətənimizi anamızı sevdiyimiz, qoruduğumuz kimi qorumalıyıq. Vətən bizim namusumuz, qeyrətimizdir, biz Azərbaycan torpağında dünyaya göz açmışıq, onun çörəyini yeyib, suyunu içmişik. Bu gün dünyanın dörd bir tərəfində azərbaycanlılar var, səpələnmişik. Amma ürəyimizdə bir vətən sevgisi olmalıdır, Azərbaycanımızı unutmamalıyıq, ona xidmət etməliyik, onun müstəqilliyi, bütövlüyü uğrunda mübarizə aparmalıyıq. Bu yolda inamla addımlayıram, qarşıma çox manələr çıxıb, Allahın və sədaqətli dostlarımın köməyi ilə ayaqda durmağı bacarmışam, aciz olmamışam, qorxmamışam.

- Necə fikirləşirsiz, bu illər ərzində vətəni İspaniyada yetərincə təbliğ edə bilmisənmi?

- Avropada Azərbaycan həqiqətlərini yaymaq, ermənilərin işğalçılıq siyasətini ifşa etmək kənardan asan görünməsin. Bizim Avropada diaspor sahəsində təşkilatlanma işimiz 20-25 il öncəyə təsadüf edir. Amma erməniləri 100 illərdir bu sahədə oturuşublar, Avropada lobbizmdə möhkəmləniblər. Erməni mifini dağıtmaq , yalanlarını ifşa etmək üçün güclü təbliğat aparmağa böyük ehtiyac duyulur. Açığını deyim, ermənilər bu sistemdə formalaşmış, təşkilatlanmış şəkildə iş aparırlar. Bu məsələdə bir-birlərinə dəstək dururlar, eyni zamanda Ermənistan hakimiyyətindən də dəstək alırlar, külli miqdarda vəsait xərcləyirlər. Şəxsən mənə gəldikdə, burada yaşadığım müddətdə heç bir yerdən dəstək almasam da, bacardığımı etmişəm və edəcəyəm də. Zaman vardı, İspaniyada Azərbaycanın harada yerləşdiyini belə bilmirdilər, cəmiyyətin Azərbaycana bağlı təsəvvürləri yoxuydu. Bu gün apardığımız işlərin nəticəsi olaraq Azərbaycan İspaniyada tanınır. Bu tanıtım təkcə bizim yox, Azərbaycan hakimiyyətinin dünyada yürütdüyü siyasətlə də bağlıdır. O siyasəti də burada təbliğ edirik. Azərbaycanın dünyada mövqeyinin güclənməsi bizi vətənimizi burada tanıtmaqda ruhlandırır.

- İspaniyada necə diaspor təşkilatımız var və onlarla iş birliyindəsinizmi, yoxsa digər bəzi ölkələrdə olduğu kimi İspaniyada da diaspor təşkilat sədrləri arasında birlik yoxdur.

- İspaniyada 6-7 diáspor təşkilatı var, amma onlardan yalnız 3-4-ü aktiv fəaliyyət göstərir. Biz ölkədəki bütün diaspor təşkilatlarımızla iş birliyində, əməkdaşlıq etməkdə maraqlıyıq. Amma təəssüflər olsun ki, bizimlə eyni yolda addımlamaq istəməyən təşkilatlar da var ki, onları buna məcbur edə bilmərik. Bilirsiz, vətənə, dövlət və dövlətçiliyə xidmət etmək könül işidir, bu ürəkdən gəlməlidir, kimisə bu işə məcbur edə bilmərik. Ona görə də, kim bizim yanımızda sonadək dayanıb Azərbaycana xidmət etmək istəyirsə, əlimizi ona uzadırıq. Amma bu birliyimizi gözü götürməyənlər də tapılır ki, onlar da tezliklə tərəfimizdən ifşa olunurlar.

- Diasporla İş üzrə Dövlət Komitəsinin sədri Fuad Muradov İspaniyada səfərdə olub və orada Koordinasiya Şurası yaradılıb. Bu addım İspaniyadakı diaspor təşkilatların fəaliyyətinə necə təsir göstərə bilər?

- May ayında Diaspora Komitəsinin sədri Fuad Muradovun başçılıq etdiyi nümayəndə heyəti İspaniyada oldu və geniş tərkibdə görüş keçirildi və sonda diaspora fəalları Koordinasiya Surasının yaradılmasına səs verdilər. İki nəfəri bir illik müddətinə koordinator seçdik və onlar da ölkəmizi ləyaqətlə təmsil edəcəklərinə söz verdilər. Fikrimcə, bu proses İspaniyada diaspor quruculuğu və təkmilləşmə işində canlanma yaratmalıdır. Mənim fikrimcə, verilən söz layiqincə yerinə yetirilərsə, ümumi işin xeyrinə olacaq, əgər bütün işlər koordinasiya olunacaqsa, məqsəd eyni hədəf olarsa...

- Bizdə olan məlumata görə, sizin həmin tədbirdə Azərbaycanın İspaniyadakı səfirinə iradınız olub. Mümkündürsə bu barədə açıqlama verərdiniz. İrad söylənməyinizə səbəb nə idi?

- Bəli, həmin tədbirdə mənim səfirimizə iradlarım olub. Mənə qarşı olan haqsızlıqları dilə gətirmişəm və buna son qoyulmasını istəmişəm. Bu haqsızlıqlardan geniş bəhs etmək fikrində deyiləm. Mən sadəcə vətənimə bağlı olan biriyəm və adımın hansısa məsələlərdə dəlilsiz hallandırılmasına razı ola bilmərəm. Bu mənim imicimə, tutduğum mövqeyimə xələl gətirə biləcək məqamlardır.

- Ümumiyyətlə, Komitənin fəaliyyəti sizi qane edirmi? Hansı çatışmayan cəhətlər var ki, Komitə onlar üzərində işləməlidir..

- Komitənin fəaliyyəti məni qane edir, düzdür, çatışmayan cəhətlər də, nöqsanlar da var. Bu nöqsanları aradan qaldırmaq üçün Komitə ilə yaxından əməkdaşlıq etməliyik, onları birlikdə aradan qaldırmalıyıq. Bütün məsuliyyəti komitənin üzərinə yıxmağın özü də bir ədalətsizlikdir.

- 2016-cı il Aprel döyüşlərində vətənə gəlib könüllü döyüşə getmək istəmisiniz…

- Hər birimiz vətənin əsgəri olmalıyıq. 16 yaşımda könüllü olaraq Birinci Qarabağ müharibəsində iştirak etmişəm. Aprel döyüşlərində vətənə gəldim və lazımı orqanlara keçmiş döyüşçü kimi müharibəyə getmək istəyimi bildirdim. Müraciətimi yüksək qiymətləndirdilər, lakin hələlik mənim kimi könüllülərin döyüşlərdə iştiraka ehtiyac olmadığını bildirdilər. Bunu da ordumuzun qüdrəti ilə əlaqələndirdilər. Bildirdilər ki, Azərbaycan ordusu istənilən an düşmənə layiqli cavab verməyə qadirdir. Ona görə də yenidən xaricə qayıtdım. Bu gün də Ali Baş Komandanımız əmr versə ki, işğalçılara qarşı hər birimiz vuruşmalıyıq, inanıram ki, mənim kimi yüzlərlə vətənpərvər oğullarımız həmin çağırışa müntəzirdirlər.

- İspaniyadakı ermənilərin bizim diaspor təşkilatlarına, ümumiyyətlə, oradakı azərbaycanlılara münasibəti necədir. Yəni kecirdiyiniz tədbirlər, həqiqətlərimizin yayılması onlar tərəfindən necə qarşılanır..

- Avropada ermənilərin güclü formalaşdığı ölkələrdən biri də İspaniyadır. Hər zaman ermənilər qarşımızı kəsməyə çalışıblar, tədbirlərimizi əngəlləməyə cəhdlər göstəriblər, aramıza nifaq salmq, bizi İspaniya hakim dairələri yanında gözdən salmaq istəyiblər. Amma bütün cəhdləri uğursuz olub. Biz onların bütün niyyətlərini alt-üst etmişik. Bilirsiz, heç bir ölkədə yaşayan azərbaycanlı erməni qarşısında aciz deyil, sadəcə bir az özündə mübariz hissini oyatmalıdır, erməninin güclü dayaqları, vəsaiti heç birimizi qorxutmamalıdır. Onlar dünyanın ən qorxaq və satqın millətidir. Əməlimiz və mövqeyimizlə İspaniyada qarşımızda diz çökdürdüyümüz ermənilər az olmayıb.

- Uğurlarınıza azərbaycanlılar tərəfindən sevinməyənlər varmı?

- Təbii ki, var. Onlar bizim güclü diaspora təşkilatlanmağımıza yarasa gözüylə baxıblar, gözləri götürməyib bizi, uğurlarımıza sevinməyiblər. Amma sonradan düz yolda olmadıqlarını da başa düşənlər, peşmançılıq hissi yaşayanlar da olub.

- Hansısa tədbirlərdə və ya görüşlərdə ermənilərlə üz-üzə gəlmisizmi?

- Bəli, olub. Bir hadisəni xatırlayım. 2008-ci ilin sonları idi. Təsadüfən xəbər tutdum ki, İspaniyanin Soriya (ermənilərin kompakt yaşadığ şəhərlərdən biri) şəhərində ermənilər yerli əhali arasında anti-Azərbaycan təbliğatı aparırlar. Bu da mənə təsir etdi və dərhal o şəhərə getdim. Ermənilərlə açıq savaşa girdim, sonu qanla nəticələndi, bir erməni diaspora rəhbərini bıçaqladım. Onlarla ancaq bu şəkildə davranmaq lazım idi, qorxub geri çəkildilər və inanmırdılar ki, azərbaycanlı İspaniyanın bir şəhərindən digər şəhərinə gəlib Azərbaycan əleyhinə danışanları susdursun. Mən İspaniya qanunlarının tələblərinə uyğun olaraq cəzamı çəkdim. Amma ermənilərə imkan vermədim ki, Azərbaycanla bağlı yalanlar söyləsinlər. Bu hadisə ermənilərə dərs oldu. Başqa bir hadisə ilə bağlı ermənilər məndən İspaniya polisinə şikayət etmişdilər. Deməli, İspaniyada Ermənistan səfirliyinin sosial səhifəsində Xocalı soyqırımı və ermənilərin işğalçılıq siyasəti ilə bağlı mətnlər yerləşdirdim. Onlar da şikayət etdilər. Sonda onların haqsız olduqlarını sübuta yetirdim.

Bilirsiz, çoxu elə başa düşər ki, Vahid erməni diaspora rəhbərinə xəsarət yetirməklə düz iş görməyib. Buna görə məni qınayanlar da tapılar ki, demokratik və insan haqlarına dəyər verən Avropanın bir ölkəsində azərbaycanlı diaspora sədrinin belə bir iş törətməsi düzgün deyil. Mən isə belə fikirləşməzdim, bunu başqa xalqın nümayəndəsinə qarşı etsəydim, qınayanlarla razılaşardım. Amma erməni harada olursa olsun, erməniliyini gizlətmir və türklərə qarşı nifrətini müxtəlif formalarda büruzə verir. Ermənini dillə düz yola dəvət ediriksə və o başa düşmürsə, məkrli niyyətindədirsə, heç bir beynəlxalq hüquq normalarına riayət etmirsə, onunla başqa dildə danışmaq lazımdır. Bu gün Dağlıq Qarabağ münaqişəsinin sülh yolla həllinə çalışırıq. Yox, ermənilər buna göz yumarlarsa və danışıqlardan imtina edərlərsə, torpaqlarımızı işğalda saxlamaqda davam edərlərsə, təbii ki, silaha əl atmaq məcburiyyətində qalacağıq. Bunu bizim Ali Baş Komandanımız da bəyan edib. Hər bir azərbaycanlı dünyanın harasında olursa olsun, bayrağını, vətənini, torpağını qorumalıdır.

Cavid
Elton Məmmədov qardaşının ibadətindən danışdıAvrasiya.net sabiq nəqliyyat naziri Ziya Məmmədovun qardaşı, eks-deputat, hazırda Azərbaycan Texniki Universitetinin Strateji inkişaf üzrə prorektoru Elton Məmmədovun Musavat.com-a müsahibəsini təqdim edir:

- Elton müəllim, prorektor postunda işləriniz necə gedir?

- Çox şükür, işlər öz qaydasında gedir. Təyinatdan dərhal sonra fəaliyyətimə başlamışam.

- Pedaqoji fəaliyyət sizin üçün yenidir?


- Təbii ki, yox. Mən 2007-ci ildən Azərbaycan Texniki Universitetində çalışıram. Hazırda 2018/2019 tədris ili başa çatıb. Hər il rəhbərlıik etdiyim sahələrlə yeni layihələrlə çıxış edirəm. Eyni zamanda dövlət proqramı, təhsilin strategiyası proqramı fonunda işlər həyata keçiririk. 2019-2023-cü illəri əhatə edən təhsilin inkişaf strategiyası proqramı var və bu istiqamətdə layihələr icra olunur.

- ATU-da nə qədər tələbə təhsil alır?

- Kollecləri də daxil eləsək, ümumi 12 mindən çox tələbə var.

- Mətbuatı izləyirsiniz?

- Əlbəttə izləyirəm. Gündəlik olaraq dünyada və Azərbaycanda gedən proseslər diqqət mərkəzimdədir.

- Prezidentin son təyinatları, yanvardan başladığı yeni siyasi kurs barədə nə deyə bilərsiniz?

- Mən təyinatlara münasibət bildirmək istəmirəm. Çünki prezidentin səlahiyyətində olan məsələdir. Biz qərarları şərh edə bilmərik. Dövlət başçısının addımlarına, təyinatları hörmətlə yanaşırıq.

- Parlament seçkilərinə bir il qalıb, yenidən deputatlığa namizəd olmağı fikirləşirsinizmi?

- Bunu zaman göstərər. Mən indidən deyə bilmərəm ki, seçkidə iştirak edəcəyəm yoxsa etməyəcəyəm.

- Elton müəllim, Ziya Məmmədovun müsahibəsində sizin babanızın şeyx olması barədə söz açılmışdı. Bu həqiqətdirmi?

- Əvvəla, mən tituluna, cəmiyyətdəki mövqeyinə, dövlətçiliyə xidmətinə görə hər bir insana yüksək qiymət verirəm. Gərək mətbuat bir insan haqda sağlam münasibət bildirsin. Ziya müəllimin ibadətlə məşğul olması haqda məlumat elə təqdim olunub ki, onu oxuyan sabah cəmiyyətə başqa cür ötürür. İlk növbədə təhqirə yol verilməməlidir. Azərbaycanda informasiya təhlükəsizliyi haqqında qanun var.

- Amma “Yeni Müsavat” Ziya müəllimin ibadət etməsini müsbət mənada təqdim edib və ictimai fiqur olduğu üçün bu qədər diqqət var...

- Təşəkkür edirəm. İbadət Allahın hər bir müsəlmana buyurduğudur. Biz sağlam cəmiyyət formalaşmasını istəyirik. Allah məscidləri namazın sütunu adlandırıb. Əlhəmdüllah, biz də müsəlmanıq, ibadətimizi edirik. Amma onu kimsəyə bəyan eləməyə ehtiyac görmürəm. Allahın buyurduğu qədər xalqımıza xidmət edirik. Bizim istəyimiz təhlükəsiz bir cəmiyyət olsun, ölkəmiz inkişaf eləsin, dəqiq elmin tərəfdarıyıq. Mətbuatın da bu məsələdə böyük rolu var.

- Amma babanızın şeyx olmasına aydınlıq gətirmədiniz...


- Bəli, biz əfəndi nəsliyik. Böyük dini ziyalılarımız olub. O insanlar islamın yayılmasının qadağan olunduğu sovet dövründə dini çatdırmaqla məşğul olublar.
Lavrova o sualı verən məşhur jurnalist Anar Həsənov - CANLIMusavat TV-nin canlı yayında Rusiyada yaşayan azərbaycanlılar, onların problemləri, son dönəm Rusiyada erməni diasporasının təşkilatlanma cəhdləri ilə bağlı danışılır. Studiyanın qonağı Ümumdünya Azərbaycanlılar Mədəniyyət Fondunun və Rusiya Azərbaycanlıları İttifaqının mətbuat xidmətinin rəhbəri Anar Həsənovdur.

Artıq 3 aydan çoxdur ki, Rusiya Azərbaycanlıları İttifaqı fəaliyyətə başlayıb. Qısa müddət ərzində istər Rusiyada Azərbaycan diasporunun təşkilatlanması, birlik və həmrəyliyi, istərsə də Azərbaycanın haqq səsinin dünyaya çatdırılması istiqamətində mühüm işlər görən Rusiya Azərbaycanlıları İttifaqının yaxın zamanlar üçün hədəfi şimal qonşumuzda dövlət qeydiyyatından keçməkdir.

Bu barədə məlumatı Rusiya Azərbaycanlıları İttifaqının mətbuat xidmətinin rəhbəri Anar Həsənov "Yeni Müsavatın" canlı efirində çıxışı zamanı səsləndirib. O, təmsil etdiyi qurumun fəaliyyətinin Rusiyada yaşayan ermənilər arasında doğurduğu narahatçılıq, eləcə də Rusiya Azərbaycanlıları İttifaqının prezidenti Fizuli Məmmədovun xeyriyyəçilik fəaliyyətindən də danışıb:

"Biz Rusiyada fəaliyyət göstərən azərbaycanlı idmançıları bir növ öz himayəmizə götürmüşük. Çünki bayrağı qaldıran mədəniyyətdir, idmandır. RAİ olaraq azərbaycanlı idmançıların xaricdə Azərbaycanın bayrağını yüksəkliklərə qaldırması üçün maliyyə yatırımları edirik. Bundan başqa fiziki qüsurlu şəxslərə, Qarabağ müharibəsi iştirakçılarına, əlillərə yardımlar edirik. Fizuli Məmmədov Rusiya Azərbaycanlıları İttifaqının rəhbəri olmaqla yanaşı, həm də bir xeyriyyəçidir. Fizuli Məmmədov 17 nəfər Qarabağ qazisinə ev hədiyyə edib. Bunu qeyd etmək, örnək kimi təbliğ etmək lazımdır. Digər ölkələrdə pul qazanan azərbaycanlılar da bilsinlər ki, onların torpaqlarını qoruyan insanlara təkcə dövlət yox, eyni zamanda vətəndaş cəmiyyətinin üzvü kimi onlar da yardımçı olmalıdırlar".
"Ağlım kəsəndən Allahı tanıyıram..." - Ziya MəmmədovAvrasiya.net sabiq nəqliyyat naziri Ziya Məmmədovun Musavat.com-a müsahibəsini təqdim edir:

- Ziya müəllim, sizin ibadətlə məşğul olmağınız haqda məlumatlar yayılıb. Bu məlumatlar doğrudurmu?

- İbadət nədir? Mən mollayam, nəyəm? Sən müsəlmansan?

- Əlhəmdülillah, müsəlmanam.

- Mən də "əlhəmdülillah" deyirəm. Bitdi, qurtardı da. Sən ibadət nəyə deyirsən? İbadətlə məşğul olmaq günahdır? Məndən nə eşitmək istəyirsiz?

- Sizin kimi məşhur insanın barəsində istənilən informasiya maraqla qarşılanır. Həmçinin bu, bir təşviqdi. Misal üçün, insanlar biləndə ki, Ziya Məmmədov ibadətlə məşğuldu, xeyli adam ibadətə gələ bilər. Yaxşı bir prosesə səbəb olarsız.

- Mən yaranandan, ağlım kəsəndən Allahı tanıyıram, Allaha bəndəlik edirəm, Onu sevirəm, əməli-saleh olmağa çalışıram. İbadət hər bir müsəlmanın Allah qarşısında borcudur. Mən bütün dövrlərdə ibadət eləmişəm.

- Sizin babanızın şeyx olması haqda da xəbərlər var...

- Bəli, ola bilər. Hər bir müsəlmanın borcudur ki, ibadət etsin. İmanı olan insan namaz qılmalıdır.

- Xarici dövlətlərin rəhbərləri, nazirlər, baş nazirlər, hətta prezidentlər kilsələrə, məscidlərə gedir, ibadət edirlər. Azərbaycanda tanınan insanlar namaz qılanda isə sanki qıcıqla qarşılanır. Sizcə, səbəb nədir?

- Təəssüflər olsun ki, belədir. İslama qarşı dünyada həmişə təzyiqlər, təhdidlər olub. Bütün yeni dinlərə qarşı belə münasibət olub, xüsusən İslama qarşı da belədir. Öz dədə-baba adətlərini unutmayan insanlar, bəzən hakimiyyət üçün, bəzən başqa məqsədlər üçün İslamdan çəkinirlər. Bu gün dünyada islamafobiya var. Hansı ki, bu, Allahın əleyhinə çıxmaqdır. Bu çox incə məsələdir. Bu gün Allaha ibadət etmək hər bir insanın, xüsusilə müsəlmanın borcudur.

İslam dininin daşıyıcısı olmağımızla hər birimiz fəxr etməliyik. Mən də fəxr edirəm. Bu həyat müvəqqətidir. Ölüm mütləqdir. Allah da xəbərdarlıq edir ki, Qiyamət günü mütləq gələcək, insan əməlinə görə sorğu-sual olunacaq, cənnət-cəhənnəm müəyyənləşəcək. Bu həyatın özü enişli-yoxuşlu yol olduğu üçün, əzablı, lənətlənmiş yol olduğu üçün çalışmaq lazımdır ki, o dünyada heç olmasa cənnəti qazanasan, günahlarını yuyasan. Bu dünyada hər birimiz günah işlədə bilirik. İstədik, istəmədik, günah edə bilirik. Çalışırıq ki, həmin o günahları tövbə edib Allah qarşısında təmizləyək.

- Allah elə bir mükəmməl sistem yaradıb ki, bəndəsinə günahdan təmizlənmək üçün fürsət verir.

- Ona görə "Rəhman və Rəhim Allah" deyilir. Allah böyükdür, rəhmi də tükənməzdi. Amma cəzası da böyük olar. Allah o cəzadan saxlasın bütün müsəlmanları, Azərbaycan xalqını.

- Tanınmışların məscidə getməsinə necə baxırsız? Özünüz məscidə gedirsinizmi?

- Bizim prezidentimiz cənab İlham Əliyev, 1-ci vitse-prezidentimiz Mehriban xanım bu siyasəti çox gözəl idarə edirlər. Dünyaya isbat edirlər ki, bizdə din azadlığı var, dözümlülük, tolerantlıq var bütün dinlərin daşıyıcılarına. Allah Qurani-Kərimdə buyurur ki, ey insanlar, dini azad buraxın. Dinə məcburiyyət yoxdur, kim hansı dini istəyir, qoy seçsin. Özünün fərdi işidir. Cənab prezident də, Mehriban xanım da bu siyasəti Azərbaycanda gözəl şəkildə tənzimləyirlər, həyata keçirirlər. Cənab prezident də, Mehriban xanım da Kəbədə olublar, Kəbə qapılarından içəri keçiblər. Allahın izni olmasa, bu heç bir insana qismət olmaz. Bəzi vəzifəli şəxslər özləri üçün bəzən nəyisə isbat etməyə çalışırlar. Amma əslində hesab edirəm ki, insanın daşıdığı dinə borcu ona xidmət etmək, Allaha səcdə etməkdən ibarətdir.

- Cümə günləri məscidlərə gedirsinizmi?

- Xeyr, getmirəm. Özüm özlüyümdə məşğulam dinlə, ibadətlə.

- Ailə üzvləriniz necə, məscidə gedirmi?

- Dediklərimin hamısını yazacaqsız?

- Əlbəttə.

- Mən xalqıma, dövlətimə həmişə sədaqətli olmuşam. Sədaqətimdən də geri dönən deyiləm. Azdan-çoxdan mənim insanlara münasibətim çoxlarına bəllidir. Gördüyüm işlər də çoxlarına bəllidir, görüblər, qiymətləndiriblər. Allah hamısından razı olsun. Sizlərə vətənə, millətə xidmətinizə görə uğurlar arzulayıram. Mən Heydər Əliyev ideyalarının daşıyıcısıyam, cənab prezidentin bu sahədə həyata keçirdiyi siyasətin icraçılarından olmuşam uzun illər. Bu siyasətdən, bu sədaqətdən geri dönməyən insanam. Mən əqidəmi dəyişməyən adamam. Bunu hamı bilsin.

- Yeni vəzifə təyinatlarına münasibətiniz də maraqlı olardı.

- Hamısına uğurlar arzulayır, təbrik edirəm. Səlahiyyət sahibi ölkə başçısıdır. Seçib təyin edibsə, hər kəsə uğurlar arzulayır, təbrik edirəm.

- Sizin yeni vəzifəyə təyinatınız gözlənilmir ki?

- Mən bu haqda düşünmürəm, vallah.

- İşləmək həvəsiniz yoxdur, yoxsa təklif gəlmir?

- Mən öz missiyamı yəqin ki, yerinə yetirmişəm. Allahın ayırdığı vaxtda mən həmişə ölkə başçısının əsgəri olmuşam. Şərt o deyil ki, vəzifə tutasan. Şərt odur ki, vətəninə, millətinə, dövlətinə hörmət və məhəbbət yaşadasan. Yeri gələndə də ədalət naminə öz sözünü deyəsən. Vətəndaş bu halda yaxşı vətəndaş olur. İndi mən də vətəndaşam, baxıram, görürəm. Oxuyuram, tanış oluram, müəyyən yerlərdə fikrimi söyləyirəm.

- Ucarda ata yurdunuzda yaşamağınız haqda xəbərlər də var. Bakıdan uzaqda yaşamağınız nə ilə əlaqədardır?

- Mən Azərbaycanda yaşayıram. Azərbaycanın Konstitusiyasına görə də Azərbaycan vətəndaşı ölkə ərazisində istədiyi yerdə yaşamaq hüququna malikdir. Salamat qalın.
"Ölkənin 2025-ci ildən parlamentli respulika modelinə keçirilməsi nəzərdə tutula bilər"Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin partiyanın mətbuat xidmətinə müsahibə verib.
Avrasiya.net müsahibəni təqdim edir:

- Qüdrət bəy YAP-ın icra katibi Əli Əhmədovun parlament seçkilərinin vaxtında keçiriləcəyi barədə açıqlama verməsinə baxmayaraq, bu barədə fikirlər hələ də dolaşmaqdadır. Siz necə düşünürsünüz növbədənkənar seçkilər keçirilə bilərmi və bunun hüquqi mexanizmi varmı?

- Hüquqi baxımdan bu mümkündür. Konstitusiyanın 87-ci maddəsinin 3-cü bəndinə görə Milli Məclis 83 deputatının səlahiyyətləri təsdiq olunarsa səlahiyyətlidir. Əgər YAP iqtidar partiyası kimi növbədənkənar seşkilərin keçirilməsini zəruri hesab edib deputatlarına istefa verməyi tövsiyyə edərsə və onların istefasından sonra MM-in 83-dən az deputatı qalarsa Prezident növbədənkənar seçkilərin keçirilməsi barədə qərar qəbul etməlidir. Məsələnin siyasi aktuallığına gəldikdə isə biz buna xüsusi ehtiyac görmürük, amma iqtidar tərəfindən belə qərar qəbul olunsa onu dəstəkləyəcəyik.
Biz ölkədə yeni Konstitusiyanın qəbulu üçün referendum keçirilməsini və növbəti seçkilərin proporsional seçki sistemi əsasında keçirilməsini daha zəruri və məqsədəuyğun hesab edirik.

- Yeni Konstitusiyada proporsional seçki sistemindən başqa daha hansı dəyişikliklər nəzərdə tutula bilər?

- Ölkənin 2025-ci ildən parlamentli respulika modelinə keçirilməsi nəzərdə tutula bilər. Yox, hakim partiya buna getməyəcəksə, o zaman Nazirlər Kabineti ləğv olunmalı, bir vitse prezident vəzifəsi saxlanılmalıdır. Çoxpartiyalı sistemin inkişafı və parlamentdə fraksiyaların olması üçün Konstitusiyaya belə bir müddəa salınmalıdır ki, parlamentdə partiyaların sayı 3-dən və topladıqları səsdən asılı olmayaraq müxalifət partiyalarını təmsil edən deputatların sayı 30%-dən az ola bilməz. Bu normanın tətbiqi qaydası Seçki Məcəlləsi ilə tənzimlənə bilər. Bundan başqa, Konstitusiyaya Milli Məclisin səlahiyyətlərinin artırılması və məhkəmə hakimiyyətinin gücləndirilməsinə dair yeni normalar əlavə olunmalıdır.

- Qüdrət bəy hansı faktor iqtidarı növbədənkənar seçkilərin keçirilməsinə sövq edə bilər?

- Bizim bütün tənqidlərimizə baxmayaraq Azərbaycan güclənir və aparılan islahatlar bizi daha da güclü edəcək. Bunu bizim düşmənlərimiz də görür və bu onları çox ciddi narahat edir. Onlar Azərbaycanın müharibə yolu ilə torpaqlarını azad edəcəyindən, regionda daha nüfuzlu və cazibədar bir ölkəyə çevriləcəyindən qorxurlar. Ona görə də ölkəni on illərlə geri atmaq üçün xarici güclər əlaltılarının vasitəsilə sabitliyi pozmağa cəhd edə bilərlər. Uyğun zaman isə seçkilər dövrüdür. Etiraf etməliyik ki,sonuncu növbədənkənar prezident seçkiləri daxili və xarici pozucu qüvvələrin planlarını alt-üst etdi.O zaman bəzi şəxslər xeyli aktivləşmişdi. Səfirlərlə görüşlər, ictimai rəyə təsir edə biləcək şəxslərə pul və bahalı hədiyyələrin paylanması geniş vüsət almışdı. Düşünürdülər ki, növbəti prezident seçkilərində sabitlik pozulacaq və “dəmir ələ” ehtiyac yaranacaq, onlar da gəlib ermənilərin maraqlarına tam uyğun olaraq, onların xaricidən dəstəyi ilə buranı Türkmənistan edəcəklər. Bu kimi acı təcrübə növbədənkənar seçki qərarının verilməsini şərtləndirə bilər.

- Hazırda da belə bir plan ola bilərmi?

- Düşmənlər və hakimiyyət naminə hər şeyə hazır olan insanlar həm iqtidarda, həm müxalifətdə həmişə fəaliyyətdə olacaqlar. Son vaxtlar iqtidardakı bacarıqlı və prezidentə sadiq məmurlara qarşı əsassız gözdənsalma kompaniyası bunun əlamətləridir. Onların planlarını pozmaq isə hər bir vətənpərvər insanın, iqtidardakı sağlam qüvvələrin, xüsusilə Prezidentin borcudur. Güc strukturlarındakı son dəyişikliklərdən sonra daxildəki pozucu qüvvələr aktiv fəaliyyətə keçməzdən öncə bir daha düşünməli olacaqlar.

- Qüdrət bəy, qeyd etdikləriniz iqtidarı islahatlardan çəkindirməz ki?

- İslahatlar günün tələbidir.Prezident də söyləyib ki,idarəetmə təkmilləşdirilməli,i slahatlar dərinləşdirilməlidir. Bir qayda olaraq aşağıların təzyiqi ilə aparılan islahatlar effekt vermir, ölkə xaosa sürüklənir. Ona görə də mən iqtidarı həmişə çağırıram ki, yuxarıdan islahatları həyata keçirsin. İqtidar zamanı əldən verirsə və xalq iqtidarı məcbur edirsə ki, islahatlar aparsın o zaman uğurlar belə iqtidarın ayağına yazılmır və növbəti tələblər irəli sürülür. Bunun nəticəsində isə mütləq və mütləq sabitlik pozulur. Düşünmürəm ki, hakimiyyət bunu bilməsin. Ona görə də islahatlar genişlənəcək.

- Qüdrət bəy parlament seçkilərində müxalifətin seçkiləri udmaq şansı varmı?

- Azərbaycanda vətəndaşlarımız siyasi baxımdan fəal deyil, müxalifət çox zəifdir. Sistemdən kənar müxalifət əsasən xaricdən idarə olunur və onlar yalnız hakimiyyətdə kiminsə maraqlarının təmin olunmasında katalizator rolunu oynaya bilər. Parlament müxalifəti isə indiki şərtlər altında yalnız növbəti parlamentdə fraksiyalar yaratmaq imkanları uğrunda mübarizə apara bilər. Düşünürəm ki, sağlam müxalifətin hazırda əsas vəzifəsi islahatların davam etdirilməsinə və demokratiyanın genişləndirilməsinə dəstək vermək olmalıdır. İslahatlar dərinləşdikcə müxalifətin də imkanları artacaq və siyasi sistemdəki rolu əhəmiyyətli dərəcədə genişlənəcək. Sözsüz ki, hansısa mərhələdə müxalifət seçkiləri udacaq, partiyalar hakimiyyətdə bir-birini əvəz edəcəklər. Bunun üçün bizə zaman lazımdır.
"Füzuli Məmmədovun təcrübəsindən, gücündən yararlanmaq lazımdır"İllərdir diaspor quruculuğu sahəsində aparılan işlər hələ də istədiyimiz effekti verməyib. Diaspor təşkilat sədrləri arasında qalmaqallar, parçalanmalar, ittihamlar daim milli maraqların qorunmasına ağır zərbələr vurub. Avropada bir çox diaspor təşkilatının hansısa əlamətdar və ya anım günlərində keçirdikləri aksiya və ya tədbirlərin isə heç bir çəkisi olmur. Çünki bu tədbirlərə yığışanlar elə özümüz oluruq, özümüz deyib, özümüz də eşidirik. Səsimizi Avropa mediasında ictimaiyyətə çatdıra bilmirik. Nöqsanlarımız, çatışmayan cəhətlərimiz çoxdur.

Mövzu ilə bağlı Azərbaycan-Belçika Dostluq Cəmiyyətinin başqanı Ayhan Dəmirçi Avrasiya.net-ə qısa müsahibə verib.

- Gələn ilin fevralında Avropa Azərbaycanlıları Konqresinin (AAK) növbəti qurultayı keçiriləcək. AAK-ın fəaliyyəti sizi qane edirmi və qurum Avropadakı diaspor təşkilatlarının fəaliyyətinə nə kimi təkanlar verib?

- AAK haqqında gəzən söz-söhbətləri, ondan olan şikayətləri onların fəaliyyətindən daha çox eşidirik. AAK-ın fəaliyyəti son illərdə daha çox nəzərə çarpırdı. Avropanın bir neçə ölkəsində keçirdikləri görüşlərlə bağlı mətbutda xəbərlər oxumuşdum. Ona görə mətbuatdan xəbər tutduğumu deyirəm ki, AAK bütün Avropa təşkilatlarını əhatə etmirdi. Rəhbərlik etdiyim Belçika-Azərbaycan Dostluq Təşkilatı və daha bir neçə tanıdığım təşkilatlar var ki, AAK-ın fəaliyyətindən xəbərləri ancaq mətbuatdan alırdıq və bu təşkilatın fəaliyyəti ilə bağlı başqa yerdən, təşkilatın rəhbərliyindən heç bir məlumat ala bilmirdim. Deməyim odur ki, AAK-ın Avropadakı diaspor təşkilatlarının hamısına hanısasa təkan verdiyni düşünmürəm.

- Avropada diaspor təşkilatlarımız arasında birlik və həmrəylik varmı, yoxdursa səbəbləri nələrdir?

- Birlik olduğunu iddia edə bilmərəm. Hər təşkilatın məsələlərə fərqli baxışı, yanaşması ola bilər və bu da təbiidir. Həmrəylik haqqında isə “yoxdur” deyə bilmərəm. Ümummilli məsələlərdə həmrəyliyin olduğu qənaətindəyəm. Hesab edirəm ki, Qarabağ, Xocalı faciəsi kimi məsələlərdə bütün təşkilatlar eyni cür düşünür.

- Ayhan bəy, diaspor təşkilatları arasında birlik yaratmaq üçün nələr etməyimiz lazımdır?

- Diasporun işinə çox müdaxilələr olur. Müdaxilələr olmzsa birləşmə, daha doğrusu, birlikdə hərəkət etmək özlüyündən qaydasına düşəcək. Bu anlamda bəlkə nəsə etmək yox, nəsə etməmək lazımdır. Bir də ki, istər diaspora aidyyatı olan komitə, istər mətbuatımız məsələlərə obyektiv və peşəkarcasına yanaşmalıdır. Hər kəsə qabiliyyətinə görə dəyər veriilməlidir, kimlərəsə yaxınlğına, “sözəbaxanlğına” görə və s. bu kimi məslələrə görə deyil.

- Müdaxilələri kimlər, hansı qurumlar edirlər və nəyə görə?

- Bəzi tərəf tutanlar, öz çıxarları, mənfəətləri üçün diaspora işinə baş vuranlar, diaspor təşkilatları arasında parçalanma yaratmaq istəyənlər var. Güneyli, quzeyli, türkiyəli deyə bəzi qruplaşmalar yaradır, medianı izləsəniz bunları görmək asandır. Biri ortaya türkiyəli türkləır haqqında bir iftira, olmayan söz deyir, bəzi azərbaycanlılar və ya başqaları da daha kəskin ifadələrlə ona dəstək olur. Belə şəxslərə xəbərdar etməyimizə baxmayaraq bir müddətdən sonra yenə çirkin hərəkətlərində olurlar. Diaspor işində hər kəs belə insanlarla mübarizə aparmalıdır ki. xoşəgəlməz hallar baş verməsin.

- Xeyriyyəçi, iş adamı Füzuli Məmmədov Rusiyada Azərbaycan diasporlarını bir araya gətirdi - Rusiya Azərbaycanlıları İttifaqı yaratdı. Onun bu təcrübəsi və xeyriyyəçiliyini Avropada və digər ölkələrdə yaymaq işimizə hansı müsbət təsirlər göstərə bilər?

- Mətbuatdan Füzuli müəllimin Rusiyadakı fəaliyyəti barədə xəbərləri izlədim. Şadam ki, Füzuli müəllim belə bir təşəbbüslə çıxış edib və ümid edirəm ki, bundan sonrakı proseslər də ümumi işin xeyrinə gedər. Əlbəttə ki, Füzuli müəllimin təcrübəsindən, gücündən, həmçinin bütün təcrübələrdən, güclərdən yararlanmaq lazımdır. Ümumi işin xeyrinə ola biləcək hər bir təklif dəyərləndirilməlidir. Avropadakı diasporumuz Rusiyadakı kimi deyil. Əvvala buradakı təşkilatlarımız hərəsi bir ölkədə fəaliyyət göstərir və hər yerin də öz qaydaları var. Ancaq ümumi maraqlar naminə bir yerdə hərəkət etmək olar və əgər Füzuli müəllim bu istiqamətdə birləşdirici rol oynayarsa buna ancaq şad olarıq.

- Diaspor Komitəsi bazi ölkələrdə Koordinasiya şuraları yaradır. Bu diaspor fəaliyyətinə hansı mənfi və müsbət təsirlər göstərə bilər?

- Mənə elə gəlir ki, bu şuralar bütün təşkilatları əhatə edə bilmədi. Hər halda Belçika və Niderlandda belədir. Bu iki ölkəni əhatə edən Koordinasiya Şurasında burda fəaliyyət göstərən təşkilatların heç 50 faizi belə cəm olmayıb. Konkret bir plan, məqsəd olmayınca nəyəsə nail olmaq asan deyil. Yalandan ad dəyişməklə bir şey olmaz, gərək məzmun dəyişsin. Biz təmtəraqlı adlar barədə deyil, görəcəyimiz işlər barədə düşünməliyik.
“İlin ikinci yarısında maraqlı proseslərin şahidi olacağıq”“Qarabağın statusu ilə bağlı Azərbaycanın mövqeyi dəyişməzdir”

Azərbaycan Respublikasının Prezidenti yanında QHT-lərə Dövlət Dəstəyi Şurasının üzvü, siyasi elmlər üzrə fəlsəfə doktoru, politoloq, Beynəlxalq Münasibətlərin Araşdırılması Mərkəzinin sədri Rufiz Qonaqov Cebhe.info xəbər portalı və “Cümhuriyət” qəzetinin qonağı oldu. Redaktor korpusumuzun - Elnarə Kərimova, Elman Cəfərli, Vilayət Muxtarın sualları ilə ölkədə və dünyada baş verən hadisələr barədə maraqlı müzakirələr aparıldı.

“Bakı dünyanın təhlükəsizlik məsələlərinin müzakirə olunduğu şəhərə çevrilib”

Vilayət Muxtar:


-Rufiz bəy, ölkədə baş verən ictimai-siyasi prosesləri necə qiymətləndirirsiniz?

-Ölkədəki ictimai-siyasi vəziyyət sabitdir. Dünyaya, xüsusilə də Cənubi Qafqaza nəzər salsaq görərik ki, Azərbaycanın işğala məruz qalmasına, 1 milyondan artıq qaçqın və məcburi köçkünümüzün olmasına baxmayaraq, Bakı dünyanın təhlükəsizlik məsələlərinin müzakirə olunduğu şəhərə çevrilib. Bakı artıq sülh şəhəri kimi tanınır. Bu gün Azərbaycan çoxsaylı beynəlxalq tədbirlərə ev sahibliyi edir. Əgər ölkəmizdə ictimai-siyasi sabitlik olmasaydı, daxili və xarici siyasətdə uğur qazanılmasaydı, bu tədbirlər baş tutmazdı. Ölkəmizdə ictimai-siyasi sabitlik qorunub saxlanılır, bu, bizim üçün ən önəmli məsələdir. Çünki qonşu Gürcüstan, Ermənistan, hətta İran, Türkiyə, Rusiya, Ukraynada çox ciddi təlatümlər, proseslər baş verir, amma Azərbaycan dünyada gedən narahatedici proseslərdən kənardadır. Bu isə o deməkdir ki, ölkəmizdə düzgün siyasət yürüdülür və ictimai-siyasi sabitlik var.

“İslahatlar davamlı şəkildə aparılacaq”

Elnarə Kərimova:


-2018-ci ilin aprelində keçirilən prezident seçkilərindən sonra ölkədə aparılan sosial-iqtisadi islahatların davamlı olacağı gözlənilirmi?

- Cənab prezident İlham Əliyev 2019-cu ili islahatların yeni mərhələsi ili elan edib. Təbii ki, bu vaxta qədər də Azərbaycanda islahatlar aparılıb. Ölkənin inkişafı islahatlarsız mümkün deyil. Ölkə iqtisadiyyatını əhatə edən, insanları düşündürən məsələlərlə bağlı çox sayda sərəncam və qərarlar oldu. Mülkiyyət hüquqları, banklar, problemli kreditlər, mənzillərlə, əmək pensiyaları, müavinətlər və əməkhaqları ilə bağlı vacib qərarlar verildi. Eyni zamanda prezident mart ayındakı çıxışında bu il hüquq və siyasi islahatların da keçiriləcəyin bəyan etdi. Ölkənin milli maraqları hansı məsələləri tələb edirsə, cənab prezident də o istiqamətdə addımlar atır. Bu islahatlar davamlı şəkildə aparılacaq.

“Kadr dəyişikliyi davam edəcək”

Elnarə Kərimova:


-Son seçkilərdən sonra hakim komandada, hökumətin tərkibində əhəmiyyətli dəyişikliklər oldu. Sizə elə gəlmirmi ki, hökumətin digər strukturlarında, o cümlədən seçkili orqanlarda yeni nəsil siyasətçilər, müasir düşüncəli insanlar təmsil olunmalıdır?

-Sözsüz ki, seçkidən sonra öz komandasında dəyişiklik aparmaq prezidentin səlahiyyətindədir. Son prezident seçkilərindən sonra yeni, gənc kadrların irəli çəkilməsinin şahidi olduq. Təkcə birinci şəxslər deyil, eyni zamanda digər səviyyələrdə də bu proses davam etdirildi. Bunun özü müsbət dinamikadır. Lakin bu, o demək deyil ki, xidməti olan, təcrübəli kadrlar kənara qalır.

İnkişafın Azərbaycan nümunəsi

Elnarə Kərimova:


-Bu gün “Azərbaycan nümunəsi” adlandırıla biləcək hansı uğuru sadalaya bilərsiz?

-Çox maraqlı sualdır. Bugünlərdə Azərbaycanda çox vacib tədbir- UNESKO-nun Ümumdünya İrs Komitəsinin 43-cü sessiyası keçirildi. Sessiyada I vitse-prezident Mehriban Əliyeva çıxış etdi. Bu çıxış həm Dağlıq Qarabağda olan tarixi abidələrlə bağlı məlumatlandırma, həm də Azərbaycanın İrs Komitəsinə verdiyi tövfələrlə bağlı çox geniş və vacib idi. Məhz bu sessiyada “Xan Sarayı ilə birgə Şəkinin tarixi mərkəzi” UNESKO-nun Ümumdünya İrs Siyahısına daxil edildi. Bu, böyük tarixi hadisədir.

Ümumiyyətlə, son 6 ayda Azərbaycanda keçirilən tədbirlərin sayına baxsaq, heç bir ölkədə hətta bir neçə ildə belə bu sayda beynəlxalq tədbir keçirilmir. Azərbaycan bu gün Mədəniyyətlərarası Dioloq Forumuna rəhbərlik edir, multikultural ölkədir, çox sayda xalq, mədəniyyət, din sərbəst şəkildə fəaliyyət göstərir.

Azərbaycan bu gün təkcə enerji ölkəsi deyil, həm də şimalla cənubu, şərqlə qərbi birləşdirən böyük bir nəqliyyat qovşağına çevrilir, böyük infrastruktur layihələrinə rəhbərlik edir. Azərbaycan nümunəsi ondan ibarətdir ki, o, dünyanın təhlükəsizlik amili də daxil olmaqla, bir çox əhəmiyyətli məsələlərin müzakirə olunduğu məkana çevrilib. Azərbaycan I Avropa Oyunlarına, IV İslam Həmrəylik Oyunlarına ev sahibliyi edib. Digər ölkələrdə etnik və dini təlatümlər baş verir, ibadət yerləri, məscidlər, kilsələr dağıdılır. İşğalçı Ermənistanda Azərbaycan abidələri, məscidləri sökülür, amma Bakının mərkəzində yerləşən erməni kilsəsi olduğu kimi qalır.

“Kimsə düşünürsə ki, ictimai-siyasi sabitliyi poza bilər, yanılır”

Vilayət Muxtar:


- Hazırda ölkəmizdə müşahidə olunan prosesləri “yuxarıdan islahat”, “ağ inqilab” adlandırırlar. Sizcə, bu prosesi necə adlandırmaq olar?

-Əlbəttə ki, Azərbaycanı gözü götürməyənlər, qarayaxma kampaniyası aparanlar hər zaman olub, bu gün də var. Ölkəmizdə hansısa qarşıdurma yaratmaq istəyələr buna nail ola bilmirlər. Azərbaycan xalqı erməni terroru da daxil olmaqla, müxtəlif vaxtlarda çətin vəziyyətə düşüb. 1993-cü ili xatırlasaq, Heydər Əliyev hakimiyyətə gələndə Azərbaycan hansı vəziyyətdə idi? Amma bu gün güclü Azərbaycan var. Kimin nə deməsindən asılı olmayaraq, Azərbaycan istər iqtisadi böhran, istər siyasi kataklizmlər, istər təhlükəsizliklə bağlı digər məsələlərdən özünü tam sığortalayıb. Bu da Azərbaycan dövlətçiliyinin gücünü göstərir. Azərbaycan ordusu dünyanın 50 ən güclü ordusu sırasındadır. Bir neçə il əvvəl aprel döyüşləri sübut etdi ki, Azərbaycan ordusu istənilən vaxt torpaqları azad etmək gücündədir. Bilirsiz ki, müəyyən güclər, qüvvələr buna mane olur. Hazırda Azərbaycanda bizim üçün ən qiymətli nemət sabitlikdir. Kimsə düşünürsə ki, Azərbaycanda ictimai-siyasi sabitliyi poza bilər, yanılır. Azərbaycan əvvəlki deyil, güclüdür. Xalq öz prezidentinin yanındadır.

“Azərbaycanda tam informasiya azadlığı var”

Vilayət Muxtar:


-Rufiz bəy, bəziləri Azərbaycanda müstəqil mediaya müəyyən problemlərin yaradıldığını, internet azadlığının olmadığını bildirirlər. Bu fikirlərlə razılaşmaq olarmı?

- Azərbaycanda istər media, istər vətəndaş cəmiyyəti, istərsə də siyasi partiyalarla bağlı heç bir məhdudiyyət yoxdur. Azərbaycanın hər yerində, hətta ucqar kəndlərində belə internetdən istifadə mümkündür. İnternetin, sosial medianın -“Facebook”, “İnstagram”, “Twitter”in, “Youtube”nin bu qədər inkişaf etdiyi bir vaxtda hansı məhdudiyyətdən söhbət gedə bilər? Elektron KİV üçün belə qeydiyyat tələb olunmur. Bu gün QHT-lərə Dövlət Dəstəyi Şurası vasitəsi QHT-lərə, KİV-ə Dövlət Dəstəyi Fondu qəzetlərə, mətbuat orqanlarına qrantlar ayırır. Gənclər Fondu, Elm Fondu və bu kimi qurumlar tərəfindən dəstək var.

“Azərbaycanda üçüncü sektorun inkişafı üçün münbit şərait var”

Vilayət Muxtar:


-Araşdırma mərkəzinin rəhbəri kimi üçüncü sektorun, vətəndaş cəmiyyətinin vəziyyətini necə qiymətləndirirsiniz?

-Azərbaycanda 3800-dən çox qeydiyyatdan keçmiş QHT var. QHT-lərə Dövlət Dəstəyi Şurası fəaliyyət göstərdiyi 12 il ərzində minlərlə təşkilatı maliyyələşdirib. Hətta elə vaxt olub ki, xaricdə olan QHT-lərə də vəsait ayrılıb. Şuraya olan müraciətlər hər zaman müsbət qiymətləndirilib. Şura bir ildə 2-3 dəfə müsabiqə elan edir. Hər kəsə mərhələli şəkildə qrant layihələri verilir. Düşünürəm ki, üçüncü sektorun fəaliyyəti həm də təşkilatların özündən asılıdır. Bu, dövlət sektoru deyil, vətəndaş cəmiyyətidir. Azərbaycanda müxtəlif dövlət qurumları da müsabiqə elan edir, dövlət qurumlarının yanında İctimai Şuralar yaradılıb, QHT-lər orada da təmsil olunur, Şuradan da, hətta başqa fondlardan da vəsait alırlar. Əsas odur ki, onların özlərinin aktivliyi olmalıdır. Məsələ ondadır ki, 3800 QHT-nin hamısı bərabər şəkildə fəaliyyət göstərmir. Formalaşmış, ixtisaslaşmış QHT-lərin peşəkar kadrları olur. Həmin QHT təmsilçilərindən dövlət qurumlarında, parlamentdə təmsil olunanlar var. İxtisaslaşan təşkilatlara daha çox maliyyə vəsaiti ayrılmasına çalışırıq. Bununla bağlı iş gedir. Hətta qeydiyyatdan keçməyən QHT-lər digər təşkilatlarla partnyorluq edə, koalisiya şəkilində, müxtəlif platformalarda iştirak edirlər.

“Müasir dünyada silahları işə salmaq ürəkaçan olmaz”

Vilayət Muxtar:


-Bölgədə və dünyada narahatedici proseslər baş verir. İran, Rusiya, Çin, ABŞ arasında gərginlik pik hadda çatıb. Yaxın Şərqdə və dünyanın digər bölgələrində də Türkiyə də daxil bu dövlətlərin maraqları toqquşur. Necə düşünürsünüz, mövcud geosiyasi vəziyyət dünyanın yeni mənzərəsini necə formalaşdıracaq?

-Bu, hazırda bizim region üçün də çox önəmli və aktual məsələdir. ABŞ ilə İran arasında münasibətlərin gərginləşməsindən Azərbaycan da narahatlıq keçirir. Çünki ABŞ-la Azərbaycan strateji müttəfiqdir, müxtəlif enerji layihələrində birgə iştirak edir. İran isə Azərbaycanın yaxın qonşusudur, Xəzəryanı ölkədir. Azərbaycan heç vaxt istəməz ki, bölgədə vəziyyət gərginləşsin, silahlar işə düşsün. Azərbaycan Ermənistan istisna olmaqla, qonşularla dostluğun tərəfdarı olub. Türkiyə də Azərbaycanın yaxın dostu və qardaşıdır, NATO ölkəsidir və ABŞ-la müttəfiqdir. Baxmayaraq ki, onların arasında son zamanlar sərinləşmə hiss olunur. Rusiya da Azərbaycanın dostudur. Türkiyə və Rusiya arasında yaranan gərginliyin aradan qaldırılmasında da Azərbaycan prezidenti İlham Əliyevin müstəsna xidmətləri oldu. Bu gün də Azərbaycan istəyir və çalışır ki, münasibətlər normal olsun. Amma beynəlxalq səviyyədə bəzən elə çətin vəziyyət yaranır ki, bu, bizim ölkənin iradəsindən asılı olmur. Ancaq mən nikbinəm, düşünürəm ki, ABŞ və İran danışıqlar yolu ilə məsələni həll edəcək. Çünki müasir dünyada silahları işə salmaq ABŞ və İran üçün də ürəkaçan olmaz.

Elnarə Kərimova:

- Rusiya Təhlükəsizlik Şurasının sədr müavini Nurqəliyev postsovet ölkələrində NATO-nun “məxməri inqilab”lar hazırladığı ilə bağlı iddia ilə çıxış edib. Regionda baş verən prosesləri “məxməri inqilab”ın başlanması kimi qəbul etmək olarmı?

-Düşünmürəm ki, MDB məkanında hansısa katostrofik hadisə baş verəcək. Xalqların proseslərə öz yanaşması var. Yaxın tarixdə elə Yaxın Şərqdə, ərəb ölkələrində baş verən inqilablar nümunəsi mövcuddur. O ölkələrdə baş verənlərin acı nəticələrini nə Avropa, nə də özləri aradan qaldıra bilir. İnqilabların baş verməsi çox çətin prosesdir və həmin ölkələr üçün fəlakət deməkdir.

“Sarkisyan aprel döyüşlərindən sonra devrildi”

Vilayət Muxtar:


- Nazirlərin son görüşündən sonra təmas xəttində müəyyən nisbi sabitlik hiss olunur. Son proseslər nə vəd edir?

-Azərbaycan prezidenti ilə Ermənistanın yeni hökumət başçısı arasında görüşlər keçirilib. İndi bu görüşlər nazirlər səviyyəsində davam etdirilir. Aprel döyüşlərindən sonra Ermənistanın reallığı başa düşəcəyini gözləyirdik. Məhz aprel döyüşlərindən sonra Ermənistanda xunta rejimi dəyişdi və Sarkisyan acı məğlubiyyət səbəbilə hakimiyyətdən getdi. Sələfi Paşinyan isə küçədən hakimiyyətə gəldi. Ermənistanda vəziyyət son dərəcədə gərgindir. Prezident başqa komandanın təmsilçisidir, separatçı rejim keçmiş hökumətə bağlıdır, parlament müxtəlif siyasi qüvvələrdən ibarətdir. Əhali isə bunların hamısından bezib. Erməni xalqı keçmiş xunta rejimini hakimiyyətdən devirəndə də “Biz müharibə istəmirik. Bizim övladlarımız niyə gedib Qarabağda ölməlidir? Bu məsələni kim yaradıb, o da həll etsin” deyirdi, çünki sadə xalqa bu lazım deyil. Ermənistan nə qədər ki, öz adı ilə- işğalçı, terrorçu adı ilə çağrılmayıb, nə qədər ki, ATƏT-in Minsk Qrupu bu məsələdə prinsipial mövqe göstərməyib, dünya da çətin vəziyyətdə qalacaq. Azərbaycan ATƏT-in Minsk Qrupunun tərkibin dəyişdirilməsini hər zaman təklif edib və ən azından Türkiyə və Almaniyanın bu quruma cəlb olunmasını istəyib. Çox təəssüf ki, dünyada ikili standartlar var. Son aprel döyüşlərində Azərbaycanın xalqının iradəsi Ali Baş Komandanla bir idi və ən qısa zamanda torpaqlarımızı azad etmək gücündəydik, proses buna doğru gedirdi. Həmin vaxt Ermənistan prezidenti rusiyalı həmkarına yalvardı, Rusiya hər iki prezidenti dəvət etdi və münaqişəni həll edəcəyini dedi. Amma nəticədə Ermənistanda hakimiyyət devrildi, yeni hökumətin qurulmasına da xeyli vaxt getdi və bu proseslər hələ də davam edir. Düşünürəm ki, yaxın gələcəkdə Paşinyan hakimiyyətinin də sonu gələcək. Çünki yekdillik, birlik yoxdur, ölkə aclıq, səfalət içindədir.

“Qarabağın statusu ilə bağlı Azərbaycanın mövqeyi dəyişməzdir”

Elman Cəfərli:

-Dağlıq Qarabağa sülhməramlı adı ilə rus qoşunlarının gələcəyinə dair ehtimallar irəli sürülür. Bu ehtimallar nə dərəcədə realdır?

-Düşünürəm ki, hazırkı məqamda bu, reallığa uyğun deyil. Prezident İlham Əliyev də bəyan edib ki, Azərbaycanın maraqlarına zidd olan heç bir addım atılmayacaq. Azərbaycanın həm daxili, həm də xarici müstəqil siyasət yürütməsi də bir sıra başqa ölkələri narahat edir. Azərbaycan və Ermənistan arasında zamanında əldə olunmuş razılıqlar var ki, danışıqlar o çərçivədə aparılır. Birinci Azərbaycanın işğal olunmuş ətraf rayonları azad olunmalıdır. Azərbaycan bəyan edib ki, bütün əhalinin ora qayıtması şərti ilə Qarabağa ən yüksək muxtariyyat statusu verilə bilər. Bu, Azərbaycanın prinsipial, dəyişməz mövqeyidir.

Vilayət Muxtar:

-Rufiz bəy, müsahibə üçün təşəkkür edirik!

-Maraqlı suallarınız üçün sizə mən də təşəkkür edirəm! Düşünürəm ki, “Cümhuriyət” qəzeti və Cebhe.info saytı Azərbaycan media məkanında kifayət qədər özünə yer tutmuş, reytinq qazanmış media qurumlarıdır. İllərdir Azərbaycanda fəaliyyət göstərən qəzetlər, jurnallar, saytlar var, amma bu gün Cebhe.info saytı və “Cümhuriyət” qəzeti ilk sıralardadır. Mən hər zaman “Cümhuriyət” qəzetini və Cebhe.info saytını oxuyuram və oxucular da bir çox məlumatları elə ilk olaraq sizdən alır.
Mənim dövlətə və banklara 1 manat da borcum yoxdur - Hacı İbrahim Nehrəmli“560 milyon kreditim vardı, iki əmlakımı verdim, o borc silindi”

Azərbaycan Beynəlxalq Bankına (ABB) külli miqdarda borcu olduğuna görə “Avesta Konserni” MMC-nin prezidenti, tanınmış iş adamı Hacı İbrahim Nehrəmlinin sahibi olduğu “Xəzər Adaları”nın əlindən alınması ilə bağlı informasiyalar yayılıb. İş adamının banklara borcunun məbləği ilə bağlı müxtəlif rəqəmlər yazılır. Bəzi saytlar bu borcun 850 milyon manat olduğunu qeyd edir, bəziləri hətta 1 milyarda çatdığı haqda məlumatlar yazırlar. Bəs gerçək nədən ibarətdi? İ.Nehrəmlinin hazırda banklara borcu varmı? Bu suallara cavab almaq üçün onun özü ilə əlaqə saxladıq.

İş adamı barəsində yazılanların doğru olmadığını dedi.

- İbrahim bəy, “Xəzər Adaları”nın banka borcunuz olduğu üçün sizdən alınması ilə bağlı məlumatlar yayılıb. Bu, doğrudurmu?

- Dekabr ayında biz özümüz təşəbbüs göstərib, “Xəzər Adaları”nı məhkəmə yolu ilə “Aqrarkredit” təşkilatına verdik. Oradan da Azərbaycan Sənaye Korporasiyasının (ASK) tabeliyinə verildi. Bununla da mənim borcum silindi.

- 800 milyon manat borcunuzun olması ilə bağlı məlumat doğrudurmu?

- Xeyr, bu məlumat doğru deyil. Mənim borcumun əsas məbləği 430 milyon manat idi, faizlərlə bir yerdə isə 570 milyon manat olmuşdu. Hərə bir söz yazır, kimi deyir, faiz hesablanmayıb, kimi deyir, hesablanıb.

- “Xəzər Adaları”nı verməklə borcunuz bağlandı?

- Xeyr, dövlətə iki əmlak vermişik, biri “Xəzər Adaları”dır, digəri isə ticarət mərkəzi idi. Bununla da borcumu bağladılar və məsələ bitdi. İndi mənim dövlətə heç 1 manat da borcum yoxdur. Digər əmlaklarım özümə qaytarılıb. Banka 20 girov qoymuşdum, hamısı özümə qaytarılıb. Dövlət reyestrində də bu görünür.

- Sizin heç bir borcunuzun qalmaması ilə bağlı Azərbaycan Beynəlxalq Bankı və digər qurumlar arayış veriblərmi?

- Mən bütün qurumlara müraciət edib sənədləri almışam, heç bir yerdə mənim borcumun olduğunu göstərməyiblər. Bütün borclarım silinib və tər-təmizdir. Bu gün digər banklar da daxil olmaqla, nə 1 dollar kreditim, nə də borcum var.

- Bəs ölkədən çıxmağınızla bağlı qoyulan qadağa götürüldümü?

- Mən ötən ilin dekabr ayından bəri 4 dəfə xaricə gedib gəlmişəm. Allah cənab prezidentdən və 1-vi vitse-prezident Mehriban xanımdan razı olsun, onların göstərişi ilə bu məsələ həll olundu və mən rahat şəkildə xaricə gedib-gələ bilirəm. Sağ olsunlar ki, bu məsələni həll etdilər.

- Hazırda biznesinizin durumu necədir, fəaliyyətiniz davam edirmi?

- Bəli, fəaliyyətimə davam edirəm, hər bir işim qaydasındadır. Yeni layihələrim var. Əsasən kənd təsərrüfatı və tikinti ilə məşğulam.

- Gələcəkdə “Xəzər Adaları”nın tikintisi davam etdirilsə, siz də tövsiyələrinizlə dəstək olarsınızmı?

- Mən dövlətimizin yolunda hər şeyə hazıram, nə lazım olsa, yanlarında olacağam ki, tikilsin. Öz köməyimi təklif etmişəm və çox bəyəniblər. O proyekt mənim başımdadır. Əgər onun icrasında əziyyət çəkərlərsə, mən bir məsləhətçi kimi onların yanında olmalıyam. Mən inanıram ki, bu proyekt davam edəcək. (Musavat.com)
Risk hər zaman var...Qüdrət Həsənquliyev: “Hansısa böyük nəticələrə nail olmaq üçün istər şəxsi həyatda, istər böyük siyasətdə, istərsə də dövlətlərarası münasibətlərdə mütləq risklər olmalıdır”

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevin Redaktor.az-a müsahibəsini oxucularımıza təqdim edirik:

- Qüdrət bəy, Qarabağ istiqamətində son vəziyyəti və danışıqlar prosesini necə qiymətləndirirsiniz?

- Mən əvvəllər də söyləmişəm, yenə də təkrar edirəm: Dağlıq Qarabağ probleminin sülh yolu ilə həlli yoxdur. Sülh yolu ilə o halda həll oluna bilər ki, Azərbaycan Qarabağdan imtina etsin. Bu da təbii ki, mümkün deyil... Ona görə də hər zaman xüsusi vurğulayıram ki, biz bu problemi həll etmək üçün ilk olaraq Rusiya ilə danışmalıyıq. Biz hamılıqla deyirik ki, Ermənistan müstəqil dövlət deyil, forpostdur və asılı dövlətdir. Asılı dövlətin başçısı müstəqil qərar qəbul edə bilməz. Buna görə də biz Rusiya ilə anlaşmalıyıq. Amma bunu etsək belə, bu problemi hazırda müharibəsiz həll etmək mümkünsüzdür. Çünki buna erməni xalqı imkan verməyəcək. Bu problemi ədalətli həll etmək istəyiriksə, mütləq müharibə yolu ilə ən azından Dağlıq Qarabağ ətrafındakı rayonları işğaldan azad etməliyik. Bununla erməni xalqını sülhə məcbur edə bilərik. Bundan sonra isə Dağlıq Qarabağın statusu müəyyənləşdirilməlidir. Azərbaycanın ərazi bütövlüyünü tanıyan ermənilərin də burada yaşaması mümkündür.

- Müharibə variantı gündəmə gələrsə, rəsmi Bakı beynəlxalq qüvvələrin təzyiqini neytrallaşdıra biləcəkmi?

- Əvvəla deyim ki, risk hər zaman var. Yəni hansısa böyük nəticələrə nail olmaq üçün istər şəxsi həyatda, istər böyük siyasətdə, istərsə də dövlətlərarası münasibətlərdə mütləq risklər olmalıdır. Risk olmadan böyük uğurlardan söhbət gedə bilməz. İkincisi, mən bu riskləri nəzərə alaraq, Rusiya ilə danışıqlar aparmalı olduğumuzu söyləyirəm. İndiki halda, hətta biz Rusiya ilə anlaşsaq belə, müharibə etməsək Dağlıq Qarabağ probleminin ədalətli həllinə nail ola bilməyəcəyik. Erməni xalqı heç bir hökumət və dövlət başçısına belə bir saziş imzalamağa icazə verməz.

- Bildiyim qədəri ilə sizin müəllifi olduğunuz “Azərbaycan Respublikasının işğal edilmiş əraziləri haqqında” qanun layihəsi Milli Məclisin Aparatına təqdim edilib. Qanun layihəsi nə zaman müzakirəyə çıxarılacaq? Orada hansı vacib məqamlar qeyd edilib?

- Belə bir qanun Gürcüstanda, Ukraynada, Moldovada da qəbul olunub. Yəni işğal olunmuş ərazilərin hüquqi statusunu müəyyənləşdirmək lazımdır. Xaricilər işğal altında olan ərazilərə səfərlər edir, ayrı-ayrı dövlətlərin, hüquqi şəxslərin şirkətləri, firmaları, hüquqi şəxsləri həmin ərazilərdə fəaliyyət göstərirlər. Yəni bu ərazilərin hüquqi statusunu müəyyənləşdirməliyik ki, işğal altında olan ərazilərə daxil olanlar hansı məsuliyyət daşıdığını bilsinlər. Digər tərəfdən, Azərbaycan şirkətlərinin onlarla əlaqələr yarada bilib-bilməyəcəyi müəyyənləşdirilməlidir. Bütün bu məsələləri qanunvericiliklə tənzimləmək lazımdır. Keçmiş sovet respublikalarında torpaqları işğal olunmuş digər ölkələr bu qanun layihəsini qəbul ediblər. Bizim hazırladığımız layihədə baza kimi məhz Gürcüstanın qəbul etdiyi qanunu əsas götürmüşük. Qanun layihəsini bundan öncə Milli Məclisə təqdim edəndə təəssüflər olsun ki, bu məsələ hökumət tərəfindən birmənalı qarşılanmadı. Baxmayaraq ki, hətta bəzi iqtidar deputatları da bu qanunu dəstəkləmişdi. Amma parlamentdə iqtidar nümayəndələri çoxluq təşkil etdiyi üçün, onların iradəsi olmadan hər hansı qanun layihəsinin müzakirəyə çıxarılmasından, yaxud qəbul olunmasından söhbət gedə bilməz. Hakim partiyanın deputatları da belə bir qanunun müzakirəyə çıxarılmasını məqsədəuyğun hesab etmədilər. Ona görə də bu qanun komitədə ilişib qaldı.

- Sizcə buna səbəb nə idi? Niyə bu qanun layihəsinin qəbul olunmasını məqsədəuyğun hesab etmədilər?

- Açığı mən bilmirəm. Hətta dediyim kimi, bu qanun layihəsini iqtidar deputatlardan da dəstəkləyənlər var idi. Yəni bunun kimə mane olması, niyə bu qanunu qəbul etmədikləri mənim üçün hələ də anlaşılmaz olaraq qalır.

- Hazırda regionda vəziyyət gərgindir. Gürcüstanda son baş verən prosesləri necə qiymətləndirisiniz? Bu proseslərin arxasında hansısa qüvvələrin durma ehtimalı nə qədərdir?

- Saakaşvili Gürcüstan üçün çox iş görmüşdü, korrupsiyaya qarşı mübarizədə böyük uğurlar qazanmışdı, rüşvətxorluğu yığışdırmışdı, əhalinin sosial vəziyyətini yaxşılaşdırmışdı. İvanişvili hakimiyyətə gələndən sonra bir çox sahələrdə inkişaf yox, geriləmə müşahidə olundu. Bu da sözsüz ki, əhalini narahat etməyə başladı. Sözsüz ki, Gürcüstanda marağı olan böyük güclər də oradakı prosesləri diqqətlə izləyir. İlk əlverişli şərait yaranan kimi orada sabitliyi pozmağa çalışırlar. Gürcüstanda sabitliyin pozulması Azərbaycan üçün də çox arzuolunmayan haldır. Okeanlara çıxış və qardaş Türkiyə ilə komnukasiya xəttlərimiz Gürcüstan üzərindən həyata keçirilir. Ona görə də Azərbaycan istəyir ki, Gürcüstanda sabitlik olsun. Təsadüfi deyil ki, Azərbaycan Gürcüstana ən çox investisiya yatıran iki ölkədən biridir.
Gürcüstanda olan təxribatçı qüvvələr həm Gürcüstanın özündə sabitliyi pozmağa, həm də Gürcüstanla Azərbaycanın münasibətlərini korlamağa çalışırlar. Amma ümid edirəm ki, gürcü iqtidarının və xalqının müdrikliyi çatacaq ki, oradakı proseslərin dağıdıcı yön almasına imkan verməsinlər. Bir fakt ortadadır ki, Gürcüstanda əhalinin sosial vəziyyəti pisləşib. Əhalinin sosial vəziyyəti ağır olanda bəzən ən kiçik hadisə də onlarda qıcıq yaratmağa bəs edir. Yəni insanlara bir çox hallarda səbəbdən çox bəhanə lazım olur.

- Bəs İran böhranının region üçün hansı təhlükələri var? Bu böhran fonunda rəsmi Moskva Qafqazı itirməmək üçün Azərbaycana təzyiqlərini gücləndirəcəkmi? Konkret olaraq, Bakı üçün hansı risklər mövcuddur?

- Gürcüstanda olduğu kimi Azərbaycan İranda da sabitliyin olmasında maraqlıdır. İranda dəyişikliklərin yalnız demokratik proseslər nəticəsində baş verməsi məqsədəuyğundur. Bu ölkədə hər hansı inqilabın olması Azərbaycan üçün arzuolunmazdır. Çünki İranda 30 milyona yaxın soydaşımız yaşayır. Yenə də ümid edirəm ki, İrandakı hakim molla rejiminin müdrikliyi çatacaq ki, aqressiv bəyanatlardan çəkinsin və prosesləri ABŞ-la müharibəyə aparmasınlar. İranda sosial gərginlik var. Bir çox hallarda da hökumətlər bu sosial gərginlikdən əhalinin diqqətini yayındırmaq üçün bəzən siyasi aventüralara əl atırlar, müharibələrə gedirlər. Bu müharibələr zamanı isə siyasi azadlıqlar məhdudlaşdırılır və bundan istifadə edərək represiyalar həyata keçirilir. Eyni zamanda siyasi rəqiblər düşmənə yardım etməkdə ittiham olunaraq, fiziki baxımdan məhv edilir.

İran üçün ABŞ-la toqquşma çox təhlükəlidir. İran regionda bizim kimi ölkələrlə müqayisədə güclü dövlət ola bilər, amma ABŞ-la müqayisədə çox kiçikdir. Yəni İran və ABŞ arasında müharibə olsa, kimin qalib gələcəyi ilə bağlı sual ümumiyyətlə, yoxdur. Hər şey bəllidir. Amma region bu müharibədən böyük ziyan görə bilər, o cümlədən Azərbaycan. Regionda çox böyük humanitar fəlakət yaşanar və çoxlu insanlar Azərbaycana qaçar. Hər halda ümid edək ki, ABŞ Adminstrasiyasındakı soyuq başlar müharibənin başlanmasına imkan verməyəcək.