“Sona qədər mübarizə aparacağıq” - Qurban Qurbanov
"Belə bir komandanın Bakıya gəlməsi, bütün Azərbaycan futbolu üçün sevindiricidir. Azarkeşlər bir ilə yaxın idi ki, bu cür kluba qarşı canlı oyun izləmirdilər. Düşünürəm ki, sabah meydanda güclü kollektiv görəcəyik. Sona qədər mübarizə aparacağıq".

Avrasiya.net Qol.az-a istinadən xəbər verir ki, bu sözləri “Qarabağ”ın baş məşqçisi Qurban Qurbanov Avropa Liqasının qrup mərhələsinin ilk turunda sabah Bakıda "Sevilya" ilə keçiriləcək oyun üçün təşkil edilən mətbuat konfransında deyib.

- “Atletiko”dan sonra “Sevilya”dan da ən azı bir xal almaq mümkündürmü?

- “Sevilya” Çempionlar Liqasının qrupunda oynamağa layiq komandadır. Amma evdə oynayacağıq. Düşündüyümüz oyunu göstərə bilsək, yaxşı nəticə də əldə edə bilərik. Rəqiblə layiqli mübarizə aparmağa çalışacağıq.

- Zədəli futbolçunuz Mahir Əmrəlinin son durumu necədir?

- Yaxşı deyil. Böyük ehtimalla, oyunu buraxacaq.

- İspaniyalı futbolçularınızdan rəqib barədə hər hansı məlumat almısınızmı?

- Heç bir məlumat almamışam. Düşünürəm ki, buna ehtiyac da yoxdur. Rəqibi yaxşı tanıyırıq.

- Rəqibin baş məşqçisi Xulen Lopeteqini nə qədər tanıyırsınız və onun məşqçilik metodu barədə nə deyə bilərsiniz? "Sevilya"nın heyətində hansı futbolçuları fərqləndirə bilərsiniz?

- Xüsusi tanışlığım yoxdur. Ancaq “Real”da, İspaniya millisində işləməsi hər şeydən xəbər verir. Əsl ispan futbolu tələb edən məşqçidir. Mənim də İspaniya futboluna marağım böyükdür. Ən çox izlədiyim çempionat La Liqa, milli komanda isə İspaniyadır. Heyətlərini saysam, gərək hamısının adını çəkim. Bilmirəm hansını deyim. Sabah layiqli mübarizə aparacağıq və çalışacağıq ki, azarkeşlərimiz ən azı oyunumuzdan razı qalsın.

- “Sevilya” rəsmiləri və futbolçuları açıqlamalarında “Atletiko” ilə heç-heçələrinizi qabardırlar. "Sevilya" artıq sizə çətin rəqib gözü ilə baxır. Bu, sizin işinizi çətinləşdirməyəcək?

- Açıqlamalarından məlumdur ki, oyuna ciddi hazırlaşırlar. Ola bilər ki, həmin nəticə onları daha ciddi hazırlaşmağa vadar edib. İstənilən halda, inanmıram ki, hansısa komanda qrupda özünü rahat hiss etsin, ciddi hazırlaşmasın. Xüsusən də, İspaniya klubları. Futbolda son vaxtlar gözlənilməz nəticələr olur. Bu da iddialı klubları ciddi hazırlaşmağa məcbur edir. Rəqibin də sabah həddən artıq ciddi olacağını düşünürəm.
Yazıçılar Birliyində vəziyyətlə bağlı daha bir müzakirə… – Dəyanət Osmanlı ilə MÜSAHİBƏ“Bəzən gerçəyi deyəndə bunu tərəfkeşlik, yarınmaq, əks halda isə qərəzli tənqid, populizm kimi anlayanlar var”

“Hətta ictimai rəydə Anarın əleyhinə səngiməyən kampaniyalar da AYB-də yeri möhkəmlənmiş qrup başçıları tərəfindən planlanır və həyata keçirilir”

Azərbaycan Yazıçılar Birliyinin (AYB) XIII qurultayının keçirilməsinə cəmi bir neçə ay qalıb. AYB-nin yaydığı məlumata görə, qurultayın keçirilməsi gələn ilin martına planlaşdırılıb. Bəzi məlumatlara görə isə AYB-nin növbəti qurultayının bu ilin noyabr ayında keçirilməsi ehtimalı daha böyükdür.

Qurultayın vaxtı daraldıqca, AYB və Birlik sədri ilə bağlı mətbuatda müxtəlif qalmaqallı fikirlər yayılır, qurum sədri vəzifəsinə namizəd kimi müxtəlif şəxslərin adları çəkilir. Məlumatlara görə, qurultay öncəsi artıq AYB-nin daxilində və xaricində müxtəlif qruplaşmalar mövcuddur və onların bütün güclərini Anarın Birlik sədri seçilməməsi üçün səfərbər etdikləri bildirilir.

AYB-dəki vəziyyəti bu dəfə tanınmış şair-publisist, Azərbaycanda Atatürk Mərkəzinin baş redaktoru, AYB üzvü Dəyanət Osmanlı ilə birgə müzakirə etdik.

– Dəyanət bəy, qarşıdan Azərbaycan Yazıçılar Birliyinin 13-cü qurultayı gəlir. Başqa ictimai qurumlardan fərqli olaraq, AYB də hər zaman qurultay öncəsi ajiotaj yaşanır. AYB-nin bu dərəcədə maraq kəsb etməsi nə ilə bağlıdır?

– Düzdür, AYB bir ictimai qurumdur, ancaq eyni zamanda, ictimai rəyə təsir göstərən bir adlı-sanlı qurumdur. Bu birliyin bir çox üzvü var ki, həmişə ədəbi-mədəni, elmi, eləcə də ictimai aktuallıq daşıyan sferalarda fəal vətənçi, dövlətçi mövqeləri ilə seçilirlər. Ona görə də AYB-nin nüfuzu və statusu digər qurumlarla müqayisədə üstündür. Yazıçı bir fərd kimi də, yaradıcı şəxs kimi də xalqın, dövlətin marağı ilə tən olmalıdır. Həm də bu, təbii surətdə belə də olmalıdır.
Azərbaycanda ədəbiyyata həmişə dövlət səviyyəsində yüksək qayğı olub. Başqa ölkələrdə bu münasibət ya yoxdur, ya da heç bizdəki səviyyəyə yaxınlaşa bilməz. Yaradıcı insanların sosial problemlərinə diqət göstərilir. Cənab Prezident İlham Əliyevin yaradıcı insanlarla builki görüşü çox qiymətli hadisədir. Dövlət başçısının böyük səmimiyyəti ilə keçən görüşdə Xalq yazıçısı Anar tərəfindən qaldırılan təkliflərin hamısı gerçəkdən aktual ehtiyacları ifadə edir. Eyni zamanda, Prezidentin böyük xeyirxahlığı sayəsində yazıçılar üçün yaşayış binasının tikintisinə torpaq sahəsi ayrıldı. Yazıçılar Birliyinə 850 min manat vəsait verildi. Yaradıcılıq evlərində bərpa-tikinti işlərinin aparılması məsələsi qərara alındı. Dövlətin ədəbiyyat siyasəti böyük humanizm, ədəbi-mədəni irsə sahiblik prinsiplərinə söykənir.

– Ədəbi mühitdə baş verən canlanmanı necə qiymətləndirmək olar?

– Ədəbi mühitdə canlanma həmişə olub və olması yaxşı haldır. Amma gəlin görək bu, ədəbiyyat naminə canlanmadırmı, yoxsa imtiyazlar uğrunda canfəşanlıqdırmı… Çoxlarının isə könlündən ədəbiyyata xidmət yox, ədəbiyyatı idarə etmək keçir. Gənclik dinamikadır. Şübhəsiz, gəncliyə imkanlar yaratmaq lazımdır ki, özünü göstərə bilsin. Ancaq bunu kütləvi şəkildə etmək mümkün deyil, həm də bir təşkilat çərçivəsində. Eyni zamanda, istedadından, haqlı və haqsızlığından asılı olmayaraq, ədəbi cameədə gərginlik axtaran və bunun üçün səy göstərən adamlar var. Sizin bayaq toxunduğunuz ajiotajın və ondan da mürəkkəb situasiyanın AYB-də baş verməsini istəyən qruplar var. Onlar üçün fərq etməz, yaxşıya, ya pisə, təki dəyişiklik olsun.

– Keçən qurultaydan əvvəl deyilirdi ki, “Anar getməlidir, o getsə AYB xilas olacaq”. Lakin yazıçı və şairlər yenidən Anara etimad göstərib onu birlik sədri seçdilər. Bəzi qüvvələrin Anara qarşı apardığı kampaniya nəyə xidmət edir?

– Təkcə qurultay ərəfəsində yox, adi vaxtlarda belə bu fikirlər maraq güdən yazarlar tərəfindən ortaya atılır. Onların nə istədikləri bəzən özlərinə də aydın olmur. Mən razıyam, hər hansı vəzifə daimi deyil və heç kimin adına yazılmayıb. Kiminsə işləmək imkanı məhdudlaşıbsa, o öz yerini təyin etməlidir.

Bəzən gerçəyi deyəndə bunu tərərəfkeşlik, yarınmaq, əks halda isə qərəzli tənqid, populizm kimi anlayanlar var. Gerçəyi deyəndə mən bu kimi iradlara qəti fikir vermirəm. Anar təkcə böyük yazıçı deyil, həm də böyük patriotdur. Keçən əsrin 90-cı illərində və elə ondan öncə də SSRİ-nin ən yüksək tribunasından xalqa qarşı törədilən cinayətləri, haqsızlıqları çəkinmədən pisləyib. Onda o, kimi düşünürdü? Əlbəttə, özünü yox, millətini. Bundan başqa, o, AYB-nin rəhbərliyinə ən çətin zamanlarda, özü də yazıb-yaradıb dünya miqyasında tanınandan sonra gəlib və bundan da mürəkkəb vəziyyətlərdə qurumu məhv olmağa qoymayıb. Bunlar ki, gözümüzün qabağında baş verib. Hamı çəkilib gedəndə o, qalıb, AYB-nin, ədəbiyyatın və yazıçıların taleyini düşünüb. Eləcə də bu gün Yazıçılar Birliyi ilə bağlı görülən müsbət tədbirlər bir şəxs üçün deyil, bütövlükdə, ədəbiyyat, yazıçılar üçündür.

Onun əleyhinə gedənlərin, demək olar ki, hamısını AYB-yə Anar qəbul edib. Məqsədli gəliblər, müəyyən dividendlər qazanmaq, məşhurlaşmaq istəyiblər. Bunlar olmayanda, Anarı təhqir ediblər. Azərbaycanda və bəlkə də dünyada Anar qədər haqsız təhqirə, qərəzə məruz qalan ikinci bir yazıçı yoxdur. Onun yerinə başqa adam olsaydı, günü qalmaqallı məhkəmələrdə keçərdi. Anarın böyüklüyü məhz müdrikliyində, rəhmli olmağındadır. Həm də yazıçı-sədr Anarın müdrikliyi ondadır ki, hətta onu təhqir edib AYB-dən gedənlərin ardınca qapını bağlamayıb, səhvini anlayıb qayıdanda da onlara əl uzadıb. Sədrin qapısı həmişə hər kəsə və maraqlı təşəbbüslərə açıq olub. Millətini sevən insan da milləti üçün bu qədər zəngin irs yaradan bir mütəfəkkirin dəyərini bilməzmi? Yəni anlaşılmazlıq bax bunda, – insanın düşüncəsində, özünə münasibətindədir.

Açıq deyim, o “xilaskar”ların əksəriyyətinin də yazdıqlarının heç bir ədəbi dəyəri yoxdur. Mən başa düşmürəm, nəyi xilas etmək lazımdır? O adamlar öz içlərində vicdanlarıyla və bir-birilə gizlin intriqadadırlar. Hələ sən bir yaxşı əsər yaz, cəmiyyətin, dövlətin üst dəyərlərinə, alt yapılarına cavab versin. İddaların da gerçəyi yansıtsın. İntriqaçı nəyisə, tutaq ki, Yazıçılar Birliyini idarə edə bilərmi?! Əksinə, orada elə xaos yaradar ki, özü də içində boğular. Elə onda onun özünü xilas etməyə ehtiyac yaranar. Həm də AYB idarəçiliyi belələrinə tapşırılsa, qurum özünü doğrultmayan adi, mənasız qeyri-hökumət təşkilatı səviyyəsinə düşər.

– Bu gun AYB əleyhinə xüsusi qruplaşmalar yaradıldığı haqqında məlumatlar dolaşır. Onların məqsədi nədir, Anarı devirmək, yoxsa “ədəbiyyatı ağ günə çıxarmaq”dır? Bəziləri niyə yaradıcılıqla məşğul olmaq əvəzinə, AYB-yə daş atmaqla məşğul olur?


– Vaxtilə AYB-ni ən çox tənqid edənlərdən biri mən olmuşam. Lakin tənqidi fərdi keyfiyyətlər üzərində qurmamışam. İşə, idarəçiliyə münasibətimi qərəzə, təhqirə yol vermədən bildirmişəm. Düzdür, AYB-də islahatlar aparılmalıdır. Mən həmişə bunu demişəm. Gənclərə, xüsusən də istedadlı gənclərə imkan yaradılmalıdır. Bəzi hallarda yaradılır da. Təəssüf ki, istedadsız sui-istifadəçilər bu imkandan daha çox faydalana bilir. Bu da var ki, hamı özünü istedadlı sayır. Elə bir istedad meyarı yoxdur ki, ölçəsən. Amma daha hamının tələbini, istəyini təmin etmək də mümkün deyil.

Son illər ədəbiyyata sosial şəbəkələrdən gəlirlər. Çap olunmaq imkanı da kifayət qədərdir. Kim nə yazır, eləcə də çap olunmaq istəyir və olunur. Bəzən heç özləri də yazdıqlarını oxumurlar. Ədəbiyyata kütləvi axın getdikcə dərinləşən və amansızlaşan gizli ədavətçi qruplara sərf edir. Hətta ictimai rəydə Anarın əleyhinə səngiməyən kampaniyalar da AYB-də yeri möhkəmlənmiş qrup başçıları tərəfindən planlanır və həyata keçirilir. Sonra bu zirək yazarlar təqaüd, vəzifə, mükafat istəyir və alırlar da…

Ortada bir əməlli yazı-pozusu olmayan, özü kimilərdən dəstə yaradıb haqq eləmədiyi vəzifə, yardım, mükafat alanlarım kiçikçaplı oyunları da göz qabağındadır. Buyur, bir irad bildir, üstünə tökülüşəcəklər.

AYB-də qruplaşmalar həmişə olub. Hesab edin, hər kəsin əlində də qələm var. Amma həqiqi ədəbiyyat və ədəbiyyatçılar bundan mənəvi travma alıb. Qruplaşmalara qoşulan gənclərə tövsiyəm budur: yazıb-yaratmaq haqqında düşünün, sənəti siyasətə dönüşdürməyə çalışan “ədəbiyyatçı-siyasətçi-millətçi” vampirlərə vaxtınızı, istedadınızı, haqqınızı yedirtməyin. Kiminsə marağına vasitə olmayın. Və lütfən, vasitəyə çevrilməyin ki, yaradıcılıq potensialınızı və şəxsi özəlliklərinizi qoruyub saxlaya və enerjinizlə ədəbiyyata, millətə fayda verə biləsiniz…

– Qurultaydan gözləntiləriniz? Yeni sədr haqda danışmaq olarmı? Çünki AYB sədri postunu tutmağa iddialı olanlar var…

– İddialar, arzular olmalıdır və normal haldır. İddiası olmayan adamın, demək ki, özündə bir problem var. Bunsuz inkişaf da olmaz. Amma iddia mütləq haqqa əsaslanmalıdır. Belə düşünürəm ki, növbəti qurultay AYB-nə yeniliklərlə müşayiət olunan islahatlar gətirəcək. Bu proses mütləq olmalıdır. İslahatlar birliyin aparatında, ədəbi orqanların strukturunda, eləcə də AYB üzvləri arasında, üzvlük məsələsində və s. getməlidir. Təsadüfilər də coxdur, ədəbiyyata bir cümlə fayda verməyiblər. Amma istəkləri başdan aşır, elə hey tələb edirlər…

AYB sədri postuna gəlincə, düşünürəm ki, quruma elə Anar kimi bir mütəfəkkir yazıçı, yüksək idarəçilik təcrübəsi olan vətənpərvər ziyalı başçılıq etməlidir. Anar Yazıçılar Birliyini özünün dünyada tanınan nüfuzu səviyyəsinə qaldırıb. Bu işdə ona uğurlar diləyirəm.

İradə SARIYEVA

mənbə:https://www.baki-xeber.com/medeniyyet/94349.html?fbclid=IwAR12wK8iiT2Ckm0yU-X9LgsJ9E4iID45C2OR2o-o3qRzq7gSWIAry-NRh9k
Eldar İbrahimov sensasion açıqlamasını şərh etdiYeni Azərbaycan Partiyası (YAP) İdarə Heyətinin üzvü, Milli Məclisin deputatı Eldar İbrahimovun Axar.az-a müsahibəsini təqdim edirik:

- Son açıqlamanız kifayət qədər rezonans yaratdı. Xüsusən, “düşmən” ifadəniz. Bunu necə başa düşmək olar?

- Dediyim fikirlərim təhrif olunub, bu işdə jurnalistin müəyyən səhvi olub. Jurnalist də bunun üçün hətta məndən üzr istəyib. İnsandır da, səhv olanda olur. Kimlərsə bu müsahibəni ortaya salıb, bundan bəhrələnməyə çalışırlar. Bu sözləri bugünkü parlamentdə olan həmkarlarıma şamil etməmişəm. Keçmişdə ifadəsini işlətmişəm, təəssüf ki, bu söz ora əlavə edilməyib və ona görə də müsahibədən guya bu sözləri indiki deputatlara şamil etdiyim fikirləri ortaya çıxıb. İndiki parlamentdə müxalifətdən olan deputat yoldaşlarımın hamısı çox gözəl, yüksək səviyyədə qanunlara münasibətlərini bildirirlər və çox konstruktiv danışırlar. Mən belə adamların düşmən olması barədə niyə hər hansı bir ifadə işlətməliyəm?

Yadınızdadırsa, keçmişdə müxalifətdən seçilən elə adamlar vardı ki, parlamentdə oturub təkcə tənqid yox, təhqir də edir, fərqli ifadələr işlədirdilər. Mən də bunu ad çəkmədən, ümumiləşdirərək fikir bildirmişəm. Bunun kimə şamil olunmasını heç kim bilmir, o, mənim ürəyimdə olan bir şeydir. Kimlərsə bu məsələni hallandırmağa çalışır. Mən özüm də başa düşə bilmirəm ki, burada nə baş verir? Müsahibədə siyasi partiyaların adını çəkməmişəm. Bütün siyasi partiyalarda olan adamların, onların sədrlərinin çoxunu tanıyıram. Mən hər zaman barışdırıcı adam olmuşam. Hər zaman milli birlik baxımından danışmışam. Fikrimi indi hara və niyə yozduqlarını anlamıram.

- Eldar müəllim, sizin cəmiyyətdə müəyyən bir nüfuzunuz var, 5 çağırışdır parlamentdə deputat kimi təmsil olunursunuz, üstəlik, YAP-ın ilk üzvlərindən birisiniz. Fikirlərinizin kimlərsə tərəfindən yozulduğunu dediniz. Sizcə, belə bir addımın arxasında hansı məqsəd dayana bilər?

- Mən 1990-cı ildən, yəni təxminən 30 ilə yaxındır millət vəkiliyəm. Açığını desəm, mənim düşmənim və ya istəməyənim yoxdur. Əksinə, hər kəs xətrimi çox istəyir, çünki ağsaqqal adamam, müxalifət və iqtidardan hər kəslə yaxşı münasibət saxlayıram. Mənim bir məqsədim var. Bu gün biz – müxalifət və iqtidar - bir olmalıyıq. Hər iki düşərgədə təmsil olunanlar azərbaycanlıdırlar. Bir yerdə olmağımız bütöv Azərbaycan deməkdir. Hər zaman barışdırıcı mövqeyi müdafiə etməyin tərəfdarı olmuşam. Doğrudur, bəzən tənqid də olur. Ola bilər ki, bir ifadə işlədirsən və jurnalist onu düz tutmayıb, bir qədər şiddətləndirir.

Açığını desəm ki, sanki bu mənim qismətimdədir. Bundan öncə bir dəfə də Bolqarıstana səfərdən öncə müsahibə vermişdim və orada səsləndirdiyim müəyyən ifadələr belə şişirdilmişdi. İndi də Türkiyəyə yüngül bir problemlə əlaqədar həkimə getməzdən öncə verdiyim müsahibədə də oxşar şeylər baş verdi. Əslində mən özümə söz vermişdim ki, kimə müsahibə verirəmsə, mətn dərc edilmədən öncə özüm də onunla tanış olmalıyam. Doğrudur, bəzən olur burada da jurnalist müəyyən ifadələri doğru tuta bilmir. Bir daha deyirəm ki, mən bu müsahibəmdə qərəzli danışmamışam. Mən ümumi siyasi həmrəylik, ümumi siyasi mənafe kontekstindən kənara çıxmamışam.

- Birlik zamanı olduğunu deyirsiniz. Bunu nəyə əsaslanıb söyləyirsiniz? Ölkəmiz üçün hər hansı təhlükə var, ya nədənsə şübhələnirsiniz?

- Heç bir təhlükə yoxdur. Biz hamımız Azərbaycan vətəndaşıyıq. Hörmətli Əli Həsənov da hörmətli Prezidentin fikirlərini çox düzgün şəkildə təqdim və şərh etdi. Hörmətli Prezidentimiz seçiləndə dedi ki, mən hər bir azərbaycanlının prezidentiyəm. Prezidentimiz Yeni Azərbaycan Partiyasının sədridir. Mən Prezidentimiz, partiyamızın dediyi bu sözdən sonra nə haqla deyə bilərəm ki, biz ayrıyıq? Müxalifət də, iqtidar da azərbaycanlılardan ibarətdir və birlikdə olanda güclü oluruq. Mən belə baş düşürəm və bilirəm. Mən nəyə görə burada kiməsə düşmən deməliyəm? Sadəcə, jurnalist mənə keçmişdə olan şeylə bağlı sual verdi və mən də sualdan qaçmadım. Baş verənlərin keçmişdə olduğunu dedim, sadəcə o, “keçmiş” sözünü yazmayıb və ona görə də sözlərimin indikilərə də şamil olunduğu fikri yaranıb. Mən hazırkı deputat yoldaşlarımdan çox razıyam. Bu şəxslərin hamısı sağlam insanlardır. Açığını desəm, onların hamısı yüksək hörmət etdiyim insanlardırlar. Heç vaxt qərəzli adam olmamışam. Mənim üçün yalnız Azərbaycan və azərbaycanlılar, dövlətim və xalqım var.

- Sizin bəyanatınız, eləcə də Siyavuş Novruzovun eks-nazirlərlə bağlı sərt açıqlamasından sonra sosial şəbəkələrdə bir sıra fikirlər yayılmağa başladı. Belə təəssürat yarandı ki, YAP-ın daxilində hansısa fikir ayrılıqları var...

- YAP-ın daxilində heç bir çəkişmə, yaxud fikir ayrılığı yoxdur. Siyavuş müəllimin dediklərindən mənim xəbərim yoxdur. Belə çıxır ki, o da mənimlə eyni zamanda müsahibə verib. Bu gün gecə saatlarında Bakıya gəlmişəm və açığını desəm, Siyavuş Novruzovun müsahibəsini oxumamışam, sadəcə kimlərdənsə nəsə fikirlər eşitmişəm. Bu, Siyavuş müəllim öz fikridir. Novruzovun da, mənim də tək məqsədimiz dövlətçilikdir. Biz hər zaman milli mənafelərdən danışırıq. Bilirsiniz ki, mən parlamentdə o qədər də çox danışmıram. Daha çox öz sahəm üzrə - kənd təsərrüfatı, iqtisadiyyat üzrə danışıram və siyasətə o qədər də girişmirəm. Belə deyək ki, buna o qədər ehtiyac da olmur. Yenə də deyirəm dövlətimi, xalqımı sevən adamam və bu dövlətin qurulmasında mənim əməyim var. İndi mən nəyə görə xalqı ayırmalıyam? Məni tanıyan hər kəs bilir ki, mənim üçün regionçuluq deyilən bir şey yoxdur.

- Siz həm YAP-ın İdarə Heyətinin üzvüsünüz, həm parlamentin ən qocaman millət vəkillərindən birisiniz, həm də parlamentdə partiyanızı təmsil edən deputatlar arasında böyük nüfuzunuz var. Siyavuş Novruzovun eks-nazirlərlə bağlı kəskin tənqidi var, üstəlik, bəzi deputat yoldaşlarınız hətta bəyan edirlər ki, o şəxslərin etdiklərinin cəzasını biz (deputatların özləri) çəkirlər. YAP-ın deputatı olaraq yaxın gələcəkdə parlamentdə ya təkbaşına, ya da hansısa deputatlar qrupu ilə birgə bu şəxslərə qarşı hansısa araşdırmanın başladılması üçün təşəbbüslə çıxış edə bilərsinizmi?

- Çox sağ olun ki, belə bir sual qoydunuz. Hər deputatın özünün fikri var və azad şəkildə fikir söyləyə bilər. Yenə də deyirəm ki, ölkəyə yeni gəlmişəm və Siyavuş Novruzovun müsahibəsinin konkret detalları ilə bağlı məlumatlı deyiləm. Ona görə də bu barədə söz deyə bilmirəm. Bir daha deyirəm ki, deputat və ya nazir olmasından asılı olmayaraq, hər birimiz dövlətçiliyimizi, milli mənafeyimizi və milli birliyimizi qorumalıyıq. Bu sözləri havayı yerdən demirəm. Gəlin, bir olaq, birgə olaq, güclü Azərbaycan olaq. Mənim fikrim budur. Kim nə deyirsə, bu onun öz fikridir, bunu yozmaq istəmirəm və bu, doğru da olmaz.

- Bu sözlərinizi dövlətə zərər verən - nazirindən tutmuş ən kiçik məmuruna qədər - istənilən şəxsə qarşı və onunla bağlı hər hansı araşdırmanın başladılmasının tərəfdarı olmağınız kimi başa düşə bilərikmi?

- Mən hər hansı işin başladılmasını söyləmirəm. Məndən də səlahiyyətli şəxslər var, qoy onlar belə işin başlayıb-başlamamasını müəyyən etsinlər. Sadəcə olaraq deyirəm ki, gərək belə şeylər olmasın. Olubsa da və kim bunu deyirsə, bu onun öz fikridir, mən isə başqasının fikrinə müdaxilə etmək istəmirəm. Bir daha bəyan edirəm ki, Siyavuş Novruzovun fikirləri ilə tanış olmamışam. Oxumadığım, bilmədiyim şey haqqında mən necə danışım. Mənim üçün yeganə olan xalqım, onun birliyi, partiyaların birliyi, siyasi birlik, milli həmrəylikdir.
Bizim hər birimiz nə vaxtsa istefaya gedəcəyik - Əli ƏhmədovAvrasiya.net baş nazirin müavini, YAP-ın sədr müavini - icra katibi Əli Əhmədovun Trend-ə müsahibəsini təqdim edir:

- Əli müəllim, son dövrlərin əhəmiyyətli siyasi meyllərindən biri geniş spektrli siyasi qüvvələrin Prezident İlham Əliyevin yürütdüyü siyasəti dəstəkləməsindən ibarətdir. Bunun səbəblərini Siz nədə görürsünüz?

- Azərbaycanın inkişafı, uğurlarımız, əhalinin rifahının yaxşılaşdırılması istiqamətində atılan möhtəşəm addımlar göz qabağındadır. İnsanlar Prezident İlham Əliyevin siyasətini, onun nəticələrini yüksək qiymətləndirir. Biz bunu əhalinin bütün təbəqələrinin davranışında və baxışlarında hiss edirik. Hesab edirəm ki, dediyiniz geniş spektrli siyasi qüvvələrin hökümətin siyasətini dəstəkləməsi ilk növbədə bununla əlaqədardır. Onlar bununla dövləti, dövlətçiliyi partiya maraqlarından üstün tutduqlarını nümayiş etdirirlər. Mahiyyət etibarilə, Yeni Azərbaycan Partiyası onlarla siyasi rəqib olsa da, dövlətçilik maraqları naminə vahid mövqe nümayiş etdirilməsini alqışlayırıq.

Başqa bir səbəbi də vurğulamaq olar. Prezident İlham Əliyevin dövlət maraqlarının ən yüksək səviyyədə ifadə olunmasına və həyata keçirilməsinə yönəldilmiş siyasəti eyni zamanda həmin maraqlar naminə bütün siyasi qüvvələrin birliyini, dialoqunu və əməkdaşlığını həm nəzərdə tutur, həm də mümkün edir. Hakimiyyət milli maraqlar naminə konstruktiv mövqedə olan siyasi partiyaların vahid mövqeyinin formalaşmasını alqışlayır və bu zəmində əməkdaşlığa hazır olduğunu bildirir. Yaxşı haldır ki, siyasi partiyaların böyük bir qismi dediyim bu xətti dəstəkləyir və adekvat cavab verir. Nəticədə müxtəlif siyasi partiyaların ümummilli məsələlərdə vahid mövqeyinin yaranması, səmərəli əməkdaşlığı sahəsində ciddi irəliləyişlər əldə edilmişdir.

- Yeni Azərbaycan Partiyasının bir sıra tanınmış simaları milli maraqlar naminə hakimiyyətlə əməkdaşlıq mövqeyində olan partiyaları, onların rəhbərlərini yumşaq şəkildə desək, qeyri-səmimilikdə suçlayır, onları hətta düşmən adlandırmaqdan belə çəkinmirlər. Deputatlar Eldar İbrahimovun və Tahir Rzayevin bu məzmunda verdiyi müsahibələr partiyanızın mövqeyidir, yoxsa onların şəxsi mövqeyi?

- Mən qaldırdığınız məsələ ilə əlaqədar partiyamızın mövqeyini yuxarıda bildirdim. Bu gün ölkəmizdə həyata keçirilən siyasətdə milli birlik, milli həmrəylik ideyası mühüm yer tutur. Biz bunu sadəcə bəyanat kimi deyil, real siyasət olaraq qəbul edir və həyata keçirilməsi naminə real addımlar atırıq. Həmin fundamental dəyərlər naminə bütün insanların, siyasətçilərin, partiyaların və ya ictimai təşkilatların birləşməsinə nail olmağa çalışmağımız əsas vəzifələrdəndir. Dövlətçilik naminə əməkdaşlıq etdiyimiz hər kəsə və hər bir siyasi partiyaya hörmətlə yanaşırıq, onlara vətənini və dövlətini ürəkdən sevən insanlar kimi baxırıq. Düşünürəm ki, onları qeyri-səmimilikdə suçlamağa heç bir əsas yoxdur və partiyamız kiməsə belə bir səlahiyyət verməyib. Bu gün Milli Məclisdə təmsil olunan partiyaların nümayəndələri xalqın elçisidir, onun səsi ilə millət vəkili mandatını qazanıb. Hakim partiya kimi məmnunluğumuzu ifadə etmək istəyirəm ki, xalqın etimadı ilə Milli Məclisdə təmsil olunan ayrı-ayrı partiyaların nümayəndələri ümummilli məsələlərdə, islahatların həyata keçirilməsində Prezident İlham Əliyevi dəstəkləyir. Biz buna İlham Əliyevin yürütdüyü siyasətin bütün xalq tərəfindən dəstəklənməsinin daha bir ifadəsi kimi yanaşırıq. Bu, həqiqətən belədir. Azərbaycan siyasətində uzun illər tanınan həmin adamlar hörmət və nüfuz sahibləridir, partiya rəhbərləridir, ziyalılardır. Onlar əhalinin müəyyən qisminin maraqlarını ifadə edir və ölkəmizdə milli həmrəyliyin daha da möhkəmlənməsində əhəmiyyətli rol oynayırlar. Bunu görməmək və qiymətləndirməmək ədalətsizlik olardı.

- Əli müəllim, partiyanın vaxtilə yüksək vəzifə tutmuş keçmiş məmurlara münasibəti necədir?


- Uzun illər Yeni Azərbaycan Partiyasının iqtidarında vəzifə tutmuş bütün keçmiş məmurlara münasibətimiz onların vəzifədə olduğu dövrdəkindən fərqlənmir. Vəzifədə olarkən ciddi səhvlərə yol verdiyinə görə işdən kənarlaşdırılan və haqqında qanuna uyğun olaraq tədbirlər görülənlər istisna olunmaqla. Məmurun istefaya getməsi partiyanın ona münasibətinin dəyişməsi üçün əsas deyil və ola bilməz. İstefaya getmək onun cəzalandırılması deyil. Bizim hər birimiz nə vaxtsa istefaya gedəcəyik. Bunu normal yeniləşmə prosesi kimi qəbul etmək lazımdır və biz məhz belə edirik. İstefaya gedən və ya Milli Məclisə növbəti dəfə deputat seçilə bilməyən keçmiş millət vəkili yenə də bizim yanımızdadır, yenə Prezident İlham Əliyevin həyata keçirdiyi siyasətin uğur qazanmasına öz imkanları çərçivəsində dəstək verir. Onların xidmətləri və zəhmətləri də unudulmur. Əgər siz diqqətlə müşahidə edirsinizsə, həmin qəbildən olan insanlar partiyamızın keçirdiyi bütün tədbirlərdə iştirak edir, bizimlə bir sırada dayanır. Söhbət siyasi əqidədən gedir. Vaxtilə vəzifədə olan insanların hər biri Heydər Əliyev ideyalarına, İlham Əliyevin siyasətinə, dövlətə və dövlətçiliyə sadiq insanlardır. İstefaya çıxdıqdan sonra da onların hamısı həmin dəyərlərə sədaqətini saxlayırlar. Onlar bizim əqidə dostlarımız, yol yoldaşlarımızdır. Onlar bu iqtidarın təəssübünü çəkən, qədrini bilən, hər addımda onu dəstəkləyən hörmətli insanlardır.

Onu da demək istəyirəm ki, hər bir iqtidarın gücü həm də onun daxili əqidə birliyində, qarşılıqlı inam və hörmət mühitinin olmasındadır. Biz keçmiş məmurları əqidə və sədaqət baxımından indi vəzifədə olan məmurlardan fərqləndirmirik. Onların hər biri xalqını, dövlətini, dövlətçiliyi və prezidenti yolunda sədaqət və fədakarlıq göstərmiş və göstərən dəyərli insanlardır. Biz bir yerdə daha güclü oluruq.
“ABŞ üçüncü tərəf olaraq çoxdan Cənubi Qafqazda yerləşib”Son zamanlar Türkiyə ilə Rusiya arasında münasibətlər çox yaxşı vəziyyətdədir. Baxmayaraq ki, tarixən bu iki ölkə arasında dəhşətli müharibələr gedib, amma yeni dövrümüzdə proseslər müsbətə dəyişməkdədir. Hər halda görüntü bunu deməyə əsas verir. NATO-nun subyekti olmasına baxmayaraq türkiyənin Yaxın Şərqdə geopolitik prosesləri ABŞ-la deyil, məhz Rusiya ilə birlikdə idarə etmək istəməsi nə ilə bağlıdır? Bəziləri düşünür ki, bəzi xırda səbəblər üzündən Türkiyə, necə deyərlər, NATO-nun səddini aşaraq ABŞ-a xəyanət edir, bəziləri isə belə hesab edir ki, Ərdoğanın rəhbərliyi altında güclənmiş Türkiyə artıq özü qlobal siyasi-hərbi aktyor olmaq əzmindədir və proseslər də buradan qaynaqlanır.

Tanınmış çeçen politoloq Saslanbek İsayevlə bu suallara cavab tapmağa çalışdıq. Buyurun, oxuyun:

- Mənə görə artıq dünyada sabit ittifaqlar yoxdur. ABŞ başda olmaqla böyük dövlətlər və arxalarınca gedən zəif ölkələr yoxdur. Yeni dünya qaydalarına əsasən, necə deyərlər, hər kəs ayağını yorğanına görə uzadır. Bu gün hər bir ölkənin öz milli maraqları var və siyasətini buna görə müəyyənləşdirir. Türkiyə xəyanət etmədiyi üçün bu tərz xarici siyasəti şərh eləmək də yanlışdır. Bu gün dünyamızda güclü və zəif dövlətlər var və onların ortaya qoyduqları özlərinə məxsus davranışları mövcuddur. Türkiyə güclü olmaq üçün çalışır. Məncə bunu çöx uğurla edir və məqsədinə çatacaq.

- Kimlərsə rus qırıcısının vurulmasından sonra soyuqlaşan Türkiyə- Rusiya əlaqələrini daha da pisləşdirmək üçün Rusiyanın Ankaradakı səfirinə sui-qəsd törətməklə müharibə vəziyyəti yaratmaq istədisə də, biz bunun əksini gördük. Hətta bu iki dövlət az qala müttəfiq səviyyəsinədək yaxınlaşdılar. Sizcə bu əlaqələr haradək inkişaf edə bilər, Ankara ruslarla birlikdə Yaxın Şərqdəki maraqlarını qoruya, Suriya, İraq məsələsində Moskvaya güvənə, PKK problemini çözməkdə, iqtisadiyyatını, müdafiə sənayesini gücləndirmək və digər sahələrdə Rusiyadan dəstək ala biləcəkmi?

- Hesab edirəm ki, türk siyasətçilər xarici siyasətdə kimlərəsə güvənmək kimi xəta edərsə, itirən tərəf olacaq. Xüsusilə son 12 il ərzində inam deyə bir şeyin olmadığını bizə Gürcüstan və Ukrayna misalları sübut edib. Türkiyə Rusiya ilə əlaqələrini planlaşdırdığı seviyyədə inkişaf etdirməliidr. PKK kimi terror problemlərini çözməkdə də qərarlı davranması lazım olduğu kimi, Rusiyanın bu cür məsələləri necə həll etməsindən örnək götürə bilər. Əlbəttə, zorakılıq müstəvisində Rusiyadan örnək götürməməlidir. Amma bu bir faktdır ki, terror problemlərinin həlli prosesində Rusiya çox yaxşı təcrübəyə malikdir. Yenə deyirəm, Türkiyə dövlət olaraq bütün hallarda özünə güvənməlidir. Əgər böyük güclərlə uğurlu siyasət qura bilsə, Türkiyə yaxın gələcəkdə digər qlobal siyasi aktyorlarla da istədiyi kimi əlaqə quracaq. Yaxın Şərqə gəlincə, Türkiyə burada gəlir götürməkdən daha çox humanitar siyasət yürüdür. Türkiyənin Yaxın Şərq siyasətinin məğzi terrorun birdəfəlik aradan qaldırılması, İraq və Suriyanın ərazi bütövlüyünün qorunması, sülh və sabitliyin bərqərar olmasından ibarətdir. Bu problemlər həll olunduğu təqdirdə Türkiyə razı qalacaq.

- ABŞ-ın Yaxın Şərqdə möhkəmlənməsinin qarşısını almaq, digər yandan da İran məsələsində fikirləri üst-üstə düşən Ankara ilə Moskvanın yaxınlaşması Azərbaycan torpaqlarının bir vaxtlar elə Rusiyadan dəstək alaraq işğal edən Ermənistanın əsarətindən qurtulmasına səbəb ola bilərmi? Rusiya Türkiyənin təsisi altında Ermənistanı Azərbaycan torpaqlarından çıxmağa məcbur edə bilərmi?

- Türkiyə Qarabağ məsələsində qeyd-şərtsiz Azərbaycanın arxasında durur. Rusiya isə Ermənistanla bağladığı müqavilələrə sadiqdir. Şəxsən mən Qarabağ probleminin sülh yolu ilə həll olunacağına inanıram. Bu səbəbdən də burada güman səsləndirməyim mümkün deyil.

- Rusiyanın cənub sərhədlərində yerləşən müstəqil türk dövlətləri və Rusiya Federasiyası daxilində yerləşən türkdilli respublikaların gündən-günə böyüyərək güclənməsi, Moskvanı Türkiyə və digər türkdilli ölkələrlə daha mehriban davranmağa məcbur edə bilərmi? Bəlkə Putin bunları anladığı üçün türklərlə yaxından əlaqələr qurmağa məcbur olur?..

- İndiki məqamda Rusiya dövləti çox güclüdür. Putin isə hər zaman dövlət maraqlarını qoruduğunu açıq-aşkar dilə gətirir. Bu səbəbdən də Rusiya Federasiyası daxilindəki türkdilli respublikalardan hansısa məsələdə sui-istifadə edilməsi mümkün görünmür. Məncə Rusiya türkləri qalmaqallı məsələlər istisna olmaqla əlaqələrin inkişafında vacib rol oynaya bilərlər. Həm də bu əlaqələr nə qədər çox inkişaf edərsə, hər iki dövlət nə qədər çox problemi dilə gətirərsə, maraqların nə olduğunu açıq-aşkar ortaya qoyarsa və bütün bunları müzakirə edərsə, bir o qədər faydasından yararlanarlar.

- İndiki qarmaqarışıq siyasi münasibətlər prizmasından baxtdğımızda, məsələn, 2023-cü ildə - Türkiyə Cümhuriyyətinin 100-cü ildönümü olacaq – Rusiya – Türkiyə, Rusiya – Azərbaycan və bu ölkələrin əlaqələri fonunda ABŞ – Türkiyə və ABŞ – Azərbaycan münasibətlərini necə şərh etmək olar?

- Mənə görə, ABŞ üçüncü tərəf olaraq çoxdan Cənubi Qafqazda yerləşib. Bölgənin siyasi aktyorları bəyənsə də, bəyənməsə də, bu belədir. Fikrimcə daha 5-10 il ərzində ABŞ indiki şəkildə bölgəyə yerləşməyə davam edərsə, burada real gündəmi də Vaşinqton təyin edəcək. Qalan ölkələr isə gündəmə uyğun addım atacaqlar. Rusiya və Türkiyə artıq burada, necə deyərlər, ABŞ-la birlikdə yaşamağa alışmalıdır. Sizin sualınıza cavab olaraq da, bayaq dediyim kimi, hadisələr ABŞ-ın yaratdığı gündəmə görə dəyişəcək. Əgər ABŞ isətəsə ki, burada sabitlik olsun, olacaq, yox istəmədi, hətta Suriya və İranla münasibətlərinin bənzərinin yaranması da mümkündür. Ən vacibi odur ki, ABŞ bölgə ölkələrindən daha çox, Rusiya və digər böyük dövlətlərlə oynayacağı şahmatın gedişindən asılı olaraq burada siyasi gündəmi yaradacaq.

Vüsal Tağıbəyli
Vaqif Məmişov Patriot TV-yə müsahibə verib - VİDEORusiyanın "Konrad" Şirkətlər Qrupunun prezidenti, Sankt-Peterburqda Azərbaycan Milli-Mədəni Muxtariyyətinin sədri Vaqif Məmişov Patriot.TV-yə müsahibə verib.

O, müsahibəsində Rusiyada yaşayan azərbaycanlılar, Azərbaycan diasporası, Azərbaycan hakimiyyətinin, xüsusilə də ümummilli lider H.Əliyevin dünya azərbaycanlılarına qayğı və diqqətindən, onunla görüşlərindən bəhs edib. V.Məmişov həmçinin Azərbaycanın dünyada və regiondakı mövqeyindən, güclənməsindən, ordu quruculuğunda aparılan işlərdən, prezident, Ali Baş komandan İlham Əliyevin dövlət və dövlətçiliyin qorunması istiqamətində əzmkarlığından danışıb.
Yusif Babanlı: Dövlət idman siyasəti Azərbaycanın beynəlxalq yarışlarda uğurlu çıxışı üçün geniş imkanlar açırDünyanın sürətlə inkişaf edən ölkələrindən olan Azərbaycan həm də qabaqcıl idman dövlətlərindən biri kimi tanınır. Ölkəmizdə bütün sahələr kimi, idman da uğurla inkişaf edir. Xüsusilə vurğulamaq istəyirəm ki, Azərbaycanda fiziki və mənəvi cəhətdən hərtərəfli inkişaf etmiş istedadlı gənc nəsil yetişir. Yeniyetmə və gənc idmançılarımız beynəlxalq arenada böyük uğurlara imza atır, müxtəlif beynəlxalq yarışlarda, dünya və Avropa çempionatlarında ölkəmizi layiqincə təmsil edib, dövlət bayrağımızı yüksəklərdə dalğalandırırlar. Bütün bunlar Azərbaycanda idman siyasətinin düşünülmüş şəkildə aparıldığını bir daha təsdiq edir. Dövlətin məqsədyönlü idman siyasəti gələcəkdə də Azərbaycanın bütün beynəlxalq yarışlarda ən yüksək pillələrdə özünü təsdiq etməsinə geniş imkanlar yaradacaq.

Bu sözləri Azərbaycan Dövlət Bədən Tərbiyəsi və İdman Akademiyasının prorektoru, professor Yusif Babanlı AZƏRTAC-a məxsusi müsahibəsində deyib.

İdmanın maddi-texniki bazasının ən müasir standartlara uyğun qurulması böyük perspektivlər vəd edir

Ölkəmizdə Olimpiya hərəkatının və bütövlükdə idmanın inkişafında yeni mərhələnin əsasının 1997-ci ildə İlham Əliyevin MOK-un prezidenti seçilməsi ilə qoyulduğunu bildirən Y.Babanlı bundan sonra Azərbaycanın idman uğurlarının yeni mərhələsinin başlandığını bildirib. O qeyd edib ki, təməli ümummilli lider Heydər Əliyev tərəfindən qoyulan idman siyasətinin uğurla davam etdirilməsi nəticəsində ölkəmiz idmanda böyük nailiyyətlərə imza atıb. Qazanılan qələbələr Azərbaycanın hər bir gəncində qürur hissi yaradır. Bu sahənin inkişafı üçün ötən illərdə kompleks tədbirlər görülüb. İdmançıların təlim-məşq proseslərinin yüksək səviyyədə təşkili qazanılan nəticələrdə təsdiqini tapır. Federasiyalar, idman klubları, cəmiyyətləri uğurla fəaliyyət göstərir, Milli Olimpiya Komitəsi, Gənclər və İdman Nazirliyi və digər müvafiq qurumlar dövlət idman siyasətinin uğurla reallaşmasına mühüm töhfə verirlər. Azərbaycanda idmanın maddi-texniki bazasının ən müasir standartlara uyğun qurulması və bu işin böyük sürətlə davam etdirilməsi böyük inkişaf perspektivləri vəd edir. Sevindirici haldır ki, indi klublar və federasiyalar da idman bazalarını yaradırlar. Bölgələrdə Olimpiya İdman komplekslərinin tikintisi rayonlarımızda idmanla məşğul olmaq üçün imkanları daha da genişləndirir. Təsadüfi deyil ki, beynəlxalq arenada qazanılan nailiyyətlərdə bölgə idmançılarının da böyük payı var.

Azərbaycanın zəngin mədəniyyəti, tarixi irsi, bugünkü reallıqları kifayət qədər geniş şəkildə təqdim edilir

Yusif Babanlı dünyanın idman mərkəzlərindən birinə çevrilən Azərbaycanın ən mötəbər beynəlxalq tədbirlərə yüksək səviyyədə ev sahibliyi etdiyini bildirib: “Son illər respublikamızda təşkil olunan irimiqyaslı müxtəlif tədbirlər, yarışlar, sərgi, konsertlər həm də Azərbaycanın zəngin mədəniyyətini, tarixi irsini, bugünkü reallıqlarını kifayət qədər geniş şəkildə təqdim etmək üçün imkanlar yaradıb. Respublikamızda ən mötəbər beynəlxalq yarışların təşkili üçün hər cür şərait var. Birinci Avropa, IV İslam Həmrəyliyi Oyunları, Formula 1 və digər irimiqyaslı yarışlar bunu bir daha təsdiqləyib. Həm I Avropa, həm də IV İslam Həmrəyliyi Oyunlarının yüksək səviyyədə təşkilində Azərbaycanın Birinci vitse-prezidenti xanım Mehriban Əliyevanın misilsiz xidmətləri var. Məhz Mehriban xanımın yüksək təşkilatçılıq qabiliyyəti nəticəsində bu yarışlar bütün dünyada geniş əks-səda doğurdu.

İrimiqyaslı tədbirlər zamanı ölkəmizə gələn qonaqlar, idmançılar, məşqçilər, idman mütəxəssisləri həm də yarışlardan sonra ölkəmizlə yaxından tanış olmaq imkanı qazanır, burada gedən sürətli inkişafın şahidi olurlar. Azərbaycana gələn turistlərin sayı ildən-ilə artmaqdadır. Şübhəsiz, bu cür mühüm əhəmiyyət daşıyan irimiqyaslı tədbirlərin turistlərin cəlb edilməsində böyük rolu var. İdman tariximizdə ilk dəfə olaraq, Bakı UEFA Avropa Liqasının final matçına ev sahibliyi etdi. Bundan başqa, ölkəmiz futbol üzrə Avropa çempionatının final mərhələsinin oyunlarına da ev sahibliyi edəcək. Bu nüfuzlu turnirə ev sahibliyi hüququ əldə etmək o qədər də rahat deyil. Bir çox inkişaf etmiş şəhərlər çox istəyirlər ki, bu mötəbər yarış məhz orada baş tutsun. Azərbaycanın bütün sahələrdə inkişafı, mükəmməl infrastruktur, müasir idman obyektləri, möhtəşəm Bakı Olimpiya Stadionu, gözəl otellər, ölkəmizdə hökm sürən sabitlik və təhlükəsizlik kimi mühüm amillər bu qərarın verilməsində böyük rol oynayıb. Əldə edilən nəticələr göstərir ki, cəmi 28 illik müstəqillik dövründə biz ən yüksək zirvəyə çata bilmişik”.

Əldə edilən qələbələr cəmiyyətimizin vətənpərvərlik ruhunu artırır

Prorektor Yusif Babanlı idmanın yüksək sürətlə inkişafının ölkəmizin həm də ümumi inkişaf səviyyəsini göstərdiyini vurğulayıb. O qeyd edib ki, dünyanın ən mötəbər idman tədbirlərindən olan Olimpiya Oyunlarında Azərbaycan idmançıları möhtəşəm qələbələr qazanıblar: “Olimpiya Oyunlarında Azərbaycan komandasının əldə etdiyi nəticələrə nəzər salsaq, hər olimpiadada uğurların əvvəlki ilə müqayisədə artdığını görərik. Qeyd edim ki, Azərbaycan yığma komandası sonuncu - Rio Olimpiadasında əvvəlki olimpiadalarla müqayisədə daha geniş heyətlə – idmanın 18 növü üzrə 56 idmançı ilə təmsil olunub. “Atlanta 1996”da 1, “Sidney 2000”də 3, “Afina 2004”də 5, “Pekin 2008”də 7, “London 2012”də 10 medal qazanan Azərbaycan komandası “Rio 2016” Yay Olimpiya Oyunlarında tarixi qələbəyə imza ataraq 18 medal əldə edib. Bu nəticə ilə yığmamız medalların sayına görə 207 iştirakçı və 87 mükafatçı dövlət arasında 14-cü yeri tutub. Müxtəlif idman növləri üzrə dünya, Avropa çempionatları, nüfuzlu beynəlxalq yarışlarda da komandamızın əldə etdiyi nəticələr yüksəlməkdə davam edir. Bu qələbələrin hər biri cəmiyyətimizin vətənpərvərlik ruhunu artırır, uşaq və yeniyetmələri idmanla məşğul olmağa sövq edir. Gənclərimiz Olimpiya, dünya, Avropa çempionlarına oxşamaq, dövlətimizin bayrağını onlar kimi yüksəklərdə dalğalandırmağı arzulayırlar.

Artıq Tokio Yay Olimpiya Oyunlarına hazırlıq həlledici mərhələyə qədəm qoyub. Müxtəlif idman növləri üzrə təmsilçilərimiz olimpiadaya lisenziya qazanmaq üçün bütün qüvvələrini səfərbər ediblər. Atletlərimiz ənənəyə sadiq qalaraq növbəti Olimpiya Oyunlarında qələbələrin sayını daha da artırmaq arzusundadırlar”.
Birinə deyirsən sən PKK-çı terrorçu ilə görüşmüsən...  - DeputatAvrasiya.net Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin müsahibəsini təqdim edir:

- Qüdrət bəy, son vaxtlar sizə qarşı hücumların sayı artıb. Bunu nə ilə əlaqələndirirsiniz?

- Xalq hərəkatının üzə çıxardığı bəzi “debil”lər və onların ətraflarına cəlb etdiyi, yaxud onlara qoşulmuş bəzi tərbiyəsiz elementlər kənar təsirlərlə canlandırılıblar. Hər kəsə aydındır ki, heç bir ciddi siyasi dairə belə ünsürlərlə hansısa ciddi iş tutmaz. Onların bəziləri iqtidara yaxınlaşmaq üçün min bir oyundan çıxsa da rədd edildikləri üçün incik düşüb. Bəziləri iqtidardan qovulmuş, yaxud səhhəti gözləməyə imkan vermədiyindən ali hakimiyyət üçün alışıb-yanan, intellekti və qabiliyyəti uyğun olmadığı halda insani münasibətlərə görə zamanında yüksək vəzifələrə təyin olunmuş, çoxlu çirkli pulları olan məmurlardan söyüş sifarişi alanlar, yaxud ölkənin imicini korlamaq üçün ermənipərəst dairələrin sifarişi əsasında fəaliyyət göstərənlərdir. Biz bu adamların kimliyini açıb ortaya qoyanda başlayırlar artıq-əskik danışmağa. Onları ifşa etməyimizin səbəbi isə odur ki, belələri insanları çaşdırıb xalqımıza ziyan vura bilərlər. Başqa bir səbəb isə onların ictimai-siyasi həyatda mənəvi dəyərləri korlamasıdır.

- Sizi Rusiyanın maraqlarına xidmət etməkdə belə suçlayanlar var...

- Bir az öncə qeyd etdim, ölkənin siyasi həyatında çoxlu sayda qeyri-ciddi, anormal insanlar var. Birinə deyirsən sən PKK-çı terrorçu ilə görüşmüsən və bunun məsuliyyyətini daşımalısan, deyir, mən agent deyiləm.Yaxud deyirlər biologiya üzrə, həm də nəzəri məsələlərə görə Nobel mükafatı verilmir, deyir paxıllıq edirsiniz. Başa düşmür ki, ölkəni biabır edir. Bilirsiniz mən hüquqi psixologiyanı öyrənmişəm, şizofreniyanın ilk əlaməti utancaqlığın və özünü tənqid hissinin itməsidir. Siyasi həyatda belələri çoxdur. Ona görə də bu tip adamların mənim haqqında danışdırılması səfehlikdən başqa bir şey deyil.

- Qüdrət bəy radikal müxalifət iqtidar daxilində hakimiyyət dəyişikliyinə hazırlıqdan danışır. Bu barədə nə deyə bilərsiniz?

- Əvvəla, gəlin onları fitlə hərəkət etdiklərinə görə “fit müxalifəti” adlandıraq. Həmin bu “fit müxalifəti” bir vaxtlar da ölkənin real durumundan çıxış etmək əvəzinə “X” günündən danışırdılar. İndi də qırıq patefon kimi başlayıblar yerlərində fırlanıb təkrarlamağa ki, hakimiyyət ötürülür.

- Bəs nə etməlidirlər?

- İlk növbədə, müxalifət xalqımızın inkişaf səviyyəsini, regional və beynəlxalq vəziyyəti nəzərə alıb real təkliflərlə çıxış etməlidir. Yoxsa kənardan səsləndirilən fitlə hərəkət etməməlidirlər. Anlamalıdırlar ki, yalnız yuxarıdan aparılan islahatlar ölkədə müsbət dəyişikliklərə yol aça bilər. İqtidarı tənqid etmək, xalqı marifləndirmək, amma bütün vasitələrlə iqtidarla qarşıdurmadan yayınmaq lazımdır. Hər hansı toqquşma ölkədəki demokratik inkişafa ciddi ziyan vuracaq. Bu gerizəkalılar isə deyir ki, mitinqə çox adam gəlsə hakimiyyət orqanlarının üzərinə yürüş edəcəyik. Bilirsiniz, bu adamların müxalifətçilik barədə təsəvvürləri çox bəsitdir. Elə fikirləşirlər ki, sən müxalifətdəsənsə bütün hallarda, ölkəyə hansı zərəri vuracağından asılı olmayaraq, hər fürsətdə iqtidarı yıxmağa çalışmalısan. Həqiqətdə isə iqtidara gəlmədən də təkliflərinlə ölkədə demokratiyanın və iqtisadiyyatın inkişafı üçün töhvələr verə bilərsən. Nəticədə, əgər məqsədin hakimiyyətə gəlməklə ölkənin sürətli inkişafını təmin etməkdirsə, həmin inkişaf olacaq və sən də demokratik seçkilərlə, xalq etimad göstərəcəyi təqdirdə hakimiyyətə gələ bilərsən.

- Hakim partiyada həqiqətən lider dəyişikliyi baş verərsə “fit müxalifəti” bundan istifadə edib ölkədə siyasi sabitliyi poza bilərmi?

- Qətiyyən, bu mümkün deyil.Vaxtilə Heydər Əliyev İlham Əliyevi partiyada özünə müavin təyin etməklə kimin varis olacağını müəyyənləşdirdi və bəzi dağıdıcı proseslərin qarşısını aldı. İlham Əliyev də Mehriban Əliyevanı birinci vitse prezident təyin etməklə bu məsələni həll edib. Həm də o dövrlə müqayisədə dövlət institutları çox oturuşub, təxribat imkanları xeyli məhdudlaşıb. Həmin dövrlə müqayisədə hər iki şəxs təbii liderlik keyfiyyətləri ilə yanaşı, böyük idarəetmə təcrübəsi də qazanıblar. “Fit müxalifəti” ilə eyni səviyyədə olan, qayanın gölgəsində gizlənib özünü böyük rəhbər sayan hakimiyyətdəki iddialıların faciəsi ondadır ki, rəqib saydıqları (əsl həqiqətdə nifrət etdikləri) liderlərini lazımınca qiymətləndirə bilmirlər. Əslində mənim bu açıqlamalarım da onları xəbərdar edib, şəxsi faciələrinə yol açacaq böyük fəlakətlərdən çəkindirməkdir. Həmin adamlar xaricdən verilən vədlərə inanmamalıdırlar.
Aprel savaşından daha şiddətli müharibə başlaya bilər
QAFSAM-ın sədr müavini, siyasi elmlər üzrə fəlsəfə doktoru Nazim Cəfərsoyun Axar.az-a müsahibəsini təqdim edirik.

- Paşinyan son 30 ildə Xankəndidə mitinq təşkil edərək, burada “Miatsum” sədaları altında çıxış edən ilk Ermənistan lideri oldu. Sizcə, niyə məhz indi “Miatsum” gündəmə gətirilir?

- Paşinyan indiyə qədər Petrosyan, Köçəryan, Sərkisyandan fərqli olaraq, Qarabağ məsələsində Azərbaycana daha məqbul olan lider profili cızırdı. Hakimiyyətə gəldikdən sonra onun mövcud olan ümumi dünyagörüşünə, fikirlərinə baxaraq, bu şəxsin Qarabağ klanına deyil, alternativ Ermənistan kökənli bir xəttə mənsub olduğunu görmək olurdu. Paşinyan istər Petrosyan, istər Köçəryan, istərsə də Sərkisyanla müqayisədə Qarabağ məsələsi üzərində yüksəlməmiş, Qarabağ müharibələrində aktiv iştirak etməmiş təmsilçidir. Onun üçün əsas təşkil edən məsələlər daha çox Ermənistanla bağlı idi. Paşinyanın bu xətdən gəlməyi bizim üçün müəyyən fürsət yaradırdı, eyni zamanda, Qarabağ məsələsini də Paşinyan üçün “Axilles dabanı”na çevirirdi. Ona görə bütün rəqibləri əsasən, Ermənistandakı rəqibləri, eləcə də şimal qonşumuz bu “zəif yerdən” Paşinyanın əleyhinə istifadə edilə biləcək heç bir fürsəti qaçırmırdılar. Əvvəllər Paşinyan bu hücumları müəyyən mesajlar vermək, oğlunu Qarabağa hərbi xidmətə göndərmək, bir az daha populist sayıla bilən addımlarla dəf etməyə çalışırdı ki, rəqibləri oradan heç bir hücum etməsinlər. Bu baxımdan Azərbaycan buna müəyyən qədər səbir göstərə bilərdi, amma indi Paşinyanın hakimiyyətə gəlməyindən il yarım keçib. Hazırda Qarabağ probleminin həllinə daha çox maneə yaradan bir neçə məqam var ki, bunlardan da biri erməni millətçiliyidir. Erməni millətçiliyi xüsusilə populist bir şeydir. Buna yavaş-yavaş başlaya bilərsiniz, amma bir müddətdən sonra artıq o populizmin içərisinə yuvarlanma ehtimalınız daha çox artır. Yəni başlanğıcda bir neçə açıqlama ilə müəyyən şeyləri gündəmə gətirə bilərsən, amma bir müddətdən sonra populizm sizi öz ovcunun içərisinə alacaq. Paşinyanda son dövrlər bu xəttin gedərək yüksəldiyini görürəm.

- Sələflərindən fərqli olaraq, Paşinyanı hakimiyyətə millətçilik dalğasının gətirmədiyini nəzərə alsaq, indiki şəraitdə onun bu istiqamətdə addımlamasının səbəbi nədir?

- Bunun iki səbəbi var. Əvvəla ona görə ki, Ermənistandakı rəqiblərinin Qarabağ kartından istifadəyə davam etməsi, Rusiya ilə münasibətlərdəki həssas balans Paşinyanı davamlı olaraq narahat edir. Paşinyan qorxur ki, Rusiyanın müəyyən dairələrinin himayəsində olan daxili müxalifət hər an ölkədə hökumət əleyhinə küçələrdə hərəkətlənmələri artıra bilərlər. Bunun üçün də Paşinyan Qarabağ üzərindən ona vurula biləcək “populist” zərbəni, “Axilles dabanı”nı bacardıqca təsirsiz hala gətirməyə çalışır. İkinci və çox daha əhəmiyyətli səbəb odur ki, Paşinyan hakimiyyətə Ermənistanın sosial-iqtisadi problemlərini həll etmək vədi ilə gəlib. Üzərindən təxminən bir il keçib. Görünən mənzərə odur ki, bir il bundan qabaq Paşinyan öz vədlərini, arzu elədiklərini həyata keçirə bilməyib. İstər korrupsiya ilə mübarizə, istərsə də ölkənin iqtisadi və sosial vəziyyətində arzu etdiyi nəticələri ala bilməyib. Bu da istər-istəməz onu Ermənistandakı ənənəvi karta müraciət etməyə sövq edir. Bu isə Qarabağ kartıdır. Bu mənada Paşinyanın öz sələflərindən fərqli olaraq Xankəndidə çıxış etməsi, orada uzun müddət sonra “Miatsum”dan danışması, “Qarabağ Ermənistandır” fikirlərini səsləndirməsi önümüzdəki dönəmdə yaranacaq ciddi risklərdən xəbər verir.

- Bunlar nələr ola bilər?

- Yəni Paşinyan Ermənistanın daxili məsələləri ilə bağlı vədləri reallaşdırmaq üçün hakimiyyətə gəlmişdi, amma görünür ki, yavaş-yavaş “Qarabağ kozırı” ilə hakimiyyətdə qalmağa çalışacaq. Prosesi Paşinyanın bu şəkildə davam etdirməsinin əhəmiyyətli məqamlarından biri odur ki, o, “Qarabağ kozırı”ndan istifadə edərsə, hakimiyyətinin ömrünü uzadacağını düşünür. Məncə, bu, bizim son bir il ərzində Qarabağ siyasətində lazımi sərtliyi göstərməməyimizin nəticəsidir. Çünki “Ermənistandakı şahinlər” - Paşinyan da yavaş-yavaş bu xəttə qoşulur - Azərbaycan ordusunun sərt reaksiyasını müəyyən məqamlarda görməsələr, Bakı növbəti dönəmdə Ermənistan tarixindəki ən radikal və qərbçi Paşinyanla qarşılaşacaq. Bu gedişat o xəttə doğru inkişaf edir. Bəs burada nə edilə bilər? Məsələn, Xankəndidə “panerməni oyunları” keçirilir. Biz elə bir oyunun orada keçirilməsinə imkan verməyəcək şəkildə Qarabağda təhlükəsizlik risklərini artırmalıydıq. Azərbaycan ordusunun proses başlamadan öncə o coğrafiyada hərbi uçuşlar gerçəkləşdirməsi, “oyunlar”ın oynanacağı bəzi sahələrin vurulması, erməni rəsmilərinin davamlı Qarabağa gəlib-getməsi prosesinin məhdudlaşdırılması kimi addımlar atıla bilərdi. Bundan əlavə, Xankəndi hava limanının istifadəsinə qarşı çıxdığımızı ifadə eləmişdik və demişdik ki, ora gələnləri vuracağıq, amma ermənilər həmin hava limanından istifadə etməyə başlayıblar. Bu proseslərin hamısına biz sadəcə diplomatik deyil, öz hərbi reaksiyamızı da göstərməliyik. Çünki bu ərazilər beynəlxalq hüquqa görə Azərbaycan torpağıdır. Azərbaycan torpaqlarında fərqli bir gücün Azərbaycanın icazəsi olmadan gəlib inşaat aparması və ya idman yarışı keçirməsinə, o torpaqlarda kimlərinsə çıxışlar etməsinə yol verməməyimiz gərəkir. Bu prosesi kəskinləşdirməyimiz lazımdır.

- Rusiya Xarici İşlər Nazirliyi, daha çox Mariya Zaxarovanın simasında, dolayısı ilə Moskvanın Qarabağda status-kvonun saxlanılmasının tərəfdarı kimi çıxış edir. Paşinyan Putinin səfəri öncəsi bu status-kvonu pozmağa çalışır. Əgər Paşinyan planını reallaşdırarsa, ona Moskvadan hansısa reaksiyaların olması gözləniləndirmi?

- Status-kvonun dəyişməməsi o deməkdir ki, Rusiya XİN-i Azərbaycan torpaqlarının işğal edilməsini dəstəkləyir. Bu açıqlamaların cavabı yalnız budur. Sərt diplomatik dildən ehtiyac çərçivəsində istifadə olunmalıdır. Biz Qərbi Avropadakı hər hansı bir dövlətlə münasibətlərimizi tənzimləmirik, Azərbaycanın 20 fazini işğal etmiş və davamlı olaraq bu torpaqlarda işğal fəaliyyətlərini davam etdirən bir ölkə ilə qarşı-qarşıyayıq. Dolayısı ilə Azərbaycan XİN-in bəyanatları da bu reallığa uyğun olaraq formalaşmalıdır. Azərbaycanın Ermənistan, eləcə də Qarabağ siyasəti “smart pover” - “ağıllı güc” olmalıdır. Yəni anlayanlar üçün yumşaq diplomatik bəyanatlar, anlamayanlar üçün isə sərt gücdən istifadə olunmalıdır. Paşinyanın Dağlıq Qarabağ probleminin həlli ilə bağlı yumşaq mesajlarına yumşaq cavab vermək lazımdır, lakin əgər o, Xankəndidə hansısa oyunlarda iştirak və çıxışlar edirsə, təhlükəsizlik risklərini artıracaq addımlar atmalıyıq. Biz bunu etməsək, erməni tərəfi müzakirə masasında qarşımıza yeni tələblərlə çıxacaqlar. Bütün baş verənlər ermənilərin mərhələli olaraq müzakirələrdə öz lehinə xal əldə etmək üçün atdığı addımlardır. Bu addımları biz yerindəcə əngəlləməyi bacarmalıyıq. Bunları bacarmasaq, onlar dipolmatik müzakirələrdə bizim qarşımıza daha böyük problemlərlə çıxacaqlar. Paşinyanın bu çıxışına gəlincə isə Rusiyadan önəmli bir reaksiya veriləcəyini düşünmürəm. Gərginliyin artırılmaması istiqamətində mesajlar verilə bilər. Rusiya burada da bizim maraqlarımızı dəstəkləməkdən daha çox diplomatik mesajlar verə bilər.

- Nikol Paşinyanın hazırkı mövqeyi Qarabağda Aprel müharibəsindən daha şiddətli bir savaşı reallığa çevirə bilərmi?

- Qarabağda işğalın davam etdiyi müddətcə müharibə riski hər zaman var. Azərbaycan tərəfinin yetərincə müasir silahlarla təmin olunduğunu, Ermənistanın isə silahlanmaya davam etdiyini (xüsusən bu istiqamətdə Rusiyanın dəstəyini də unutmaq olmaz – N.C.) nəzərə alsaq, bu halda zaman keçdikcə ortaya çıxacaq müharibənin həm şiddəti, həm də miqyası daha böyük ola bilər. Ona görə ki, hər iki tərəfin əlində çox ciddi müasir silahlar var və bu da yeni müharibənin əvvəlkilərdən daha şiddətli olma ehtimalını daha da artırır. Paşinyanın Qarabağda radikal çıxışlar etməsi də müharibə risklərini artırır. Çünki orada Paşinyanın rəqibləri onu yenidən Qarabağ kartıyla vurmaq üçün daha fərqli addımlar ata bilərlər. Paşinyan özü də bir dəfə çıxışında demişdi ki, Qarabağda yenidən müharibənin başlanması və Azərbaycanın torpaqlar ələ keçirməsinə şərait yaratmaq istəyən qüvvələr var. Paşinyan bu bəyanatı ilə əslində Qarabağ kartını istifadə edən müxalifətin - rəqiblərinin müəyyən kozırını əlindən almağa çalışır. Onlar isə öz növbəsində önümüzdəki dönəmdə Qarabağda hərbi prosesləri daha da gərginləşdirə bilərlər. Çünki Qarabağdakı Paşinyan müxaliflərinin təhlükəsizlik sektorunda, orduda ciddi təsiri var. Paşinyan bu problemi hələ də həll edə bilmir. Bunlar Qarabağda yenidən Azərbaycana qarşı müəyyən təxribatlar həyata keçirə bilərlər. Azərbaycan Ordusu da Apreldə olduğu kimi, buna müəyyən sərt reaksiya verə bilər. Dolayısı ilə Paşinyanın “kraldan daha çox kralçı” davranması, Köçəryan və Sərkisyandan daha populist olmağa çalışması Qarabağdakı müharibə riskini artıracaq. Çünki qarşı tərəf mütəmadi olaraq Qarabağla bağlı bu cür açıqlamalar versə, onda Qarabağda daha pis vəziyyət yaradacaq. Əlbəttə, Qarabağda müharibə erməni ordusunun yeni bir məğlubiyyəti ilə nəticələnəcək. Bu da təbii ki, siyasi olaraq Paşinyanın ayağına yazılacaq.