“Həmişə sadə insanların və dövlətimizin maraqlarını əsas götürmüşəm” - BAXCP sədriTeleqraf.com 36 saylı Xətai dördüncü seçki dairəsindən deputatlığa namizədliyi irəli sürülmüş BAXCP sədri Qüdrət Həsənquliyevin müsahibəsini təqdim edir:

- Qüdrət bəy seçkilərdə təbliğat kompaniyası artıq başa çatır,namizəd olduğunuz 36 saylı Xətai dördüncü seçki dairəsində mövcud vəziyyət necədir? Şanslarınızı necə qiymətləndirirsiniz? Hansısa təxribatla üzləşmisinizmi?

- Ümid edirəm, seçicilər mənim parlamentar kimi bu günə qədər olan fəaliyyətimi düzgün qiymətləndirib, mənə yenidən etimad göstərəcəklər. Mən öz fəaliyyətimdə həmişə sadə insanların və dövlətimizin maraqlarını əsas götürmüşəm. Xarici düşmənlərimizin, daxildəki mafioz və pozucu qüvvələrin fəliyyətinin əsas məğzini açıb, onları ifşa etmişəm. Hökuməti destruktiv qüvvələrin şantajından çəkinməməyə və islahatları genişləndirməyə çağırmışam. İslahatlara dəstək verməklə yanaşı, onun əsas istiqmətləri barədə təkliflər vermişəm, qanunların və qərar layihələrinin müzakirəsində aktiv iştirak etmişəm. İnsanlarımızı narahat edən problemləri göstərməklə yanaşı, onun nədən qaynaqlanması və həlli yolları barədə öz fikirlərimi demişəm. Ölkəmizi NATO Parlament Assambleyasında və Avropada Mühafizəkarlar və İslahatçılar Alyansında ləyaqətlə təmsil etməyə çalışmışam. Təsadüfi deyil ki, parlamentin fəaliyyətini işıqlandıran jurnalistlər hər il məni ilin ən fəal deputatlarından biri seçiblər. Bununla yanaşı, mətbuatda rəqiblərimdən kimsənin seçki qərargahının olması və hansısa formada təbliğat aparması barədə məlumata rast gəlməmişəm. Mənim Yaşar Kələntərli, Elçin Mirzəbəyli,Yeganə Mehdibəyli və adlarını çəkmədiyim digər partiya funksionerləri başda olmaqla seçki qərargahımın 50-dən çox üzvü və BAXCP fəalları fədakarcasına seçki platformamı seçilərə çatdırıb, onlarla görüşlərimi təşkil ediblər. Onlara öz təşəkkürümü bildirirəm. Təbliğat kampaniyası zamanı minlərlə seçici ilə üzbəüz görüşlərim olub və hamısından böyük hörmət görmüşəm.

Təxribatla üzləşməyimə gəldikdə isə, hələlik belə hal olmayıb. Əlbəttə, bu və digər məqsədlər naminə namizəd olmuş şəxslər var. Hər bir prinsipial mövqeyi olan siyasətçinin ləyaqətli rəqibləri olduğu kimi siyasi düşmənləri də olur. Mən də istisna deyiləm. Ola bilsin ki, seçki günü zaman-zaman ifşa etdiyim siyasi dələduzlar və mafiozlar tərəfindən hansısa namizədlərdən istifadə etməklə seçkilərin üzərinə kölgə salınmasına cəhd edilsin. Amma belə cəhdlər olarsa, əminliklə deyə bilərəm ki, onların qarşısı qətiyyətlə alınacaq, təxribatçılar isə ifşa edilərək layiq olduqları cəzanı alacaqlar. Ancaq rəqiblərimin özlərini ləyaqətlə aparacaqlarına ümid etmək istərdim.

- Qüdrət bəy, müavininiz Niyaməddin Orduxanlının bəzən təhqirlərə adekvat cavab verməsinə münasibətiniz necədir?

- Niyaməddin bəy partiyamızın rəhbərliyində təmsil olunan ləyaqətli və təcrübəli siyasətçilərdən biridir. Son dərəcə mədəni, alicənab və güvəniləsi bir insandır. Öz prinsipiallığı ilə seçilən Niyaməddin bəy həmişə olmasa da, bəzən başqa yol qalmayanda, qeyd etdiyiniz kimi, tərbiyəsizlik edənlərə onların başa düşdüyü dildə cavab vermək məcburiyyətində qalır. Seçkilər ən böyük siyasi hadisə olsa da onun rəqibləri barədə kiçik bir hörmətsizliyini gördünüzmü? O Qaradağ rayonunda 12 saylı Qaradağ-Binəqədi-Yasamal seçki dairəsindən deputatlığa namizəddir. Mən ona və seçkilərə qatılmış BAXCP-nin bütün namizədlərinə uğurlar arzu edirəm.

- Qüdrət bəy, Cəmil Həsənli, Əli Kərimli və digər vaxtilə deputat olmuş şəxslərin 9 fevralda seçiləcək şəxslərin əslində təyin olunacaqları ilə bağlı verdikləri açıqlamalara münasibətiniz necədir?

- Gözəl bir məsəl var: “Tülkünün ağzı üzümə çatmayanda deyir turşdur”. Əvvəla, soruşmaq lazımdır ki, bəs siz vaxtilə necə deputat seçilmişdiniz? Seçkilərin saxtalaşdırılmasını iddia edirsinizsə, o zaman gərək əvvəllər saxta yolla mandat aldığınızı etiraf edib xalqdan bağışlanmanızı rica edəsiniz.
İkincisi, Cəmil Həsənli deputat mandatına görə AXCP-dəki müavinliyinə, Əli Kərimli isə imzasına tüpürərək gedib parlamentdə oturmuş şəxslərdir. Gənclər mənim dediklərim üzərində kiçicik bir araşdırma aparsalar yaxşı olar.
Bununla yanaşı mən hesab edirəm ki, növbəti seçkilərə qədər biz siyasi islahatları genişləndirməklə yeni konstitusiya və yeni seçki məcəlləsi qəbul etməli, proporsional seçki sistemini bərpa etməliyik. Seçkilər zamanı çoxlu təsadüfi adamların namizədliyini irəli sürməsi və seçicilərlə görüş zamanı namizədlərə olan hücumlar mojaritar sistemdən imtinanın zəruriliyini bir daha ortaya qoymuş olur.
Mojaritar seçki sisteminin ən böyük qüsuru həm də ondan ibarətdir ki, o çoxpartiyalı sistemin inkişafına heç bir töhvə vermir və nəzəri cəhətdən mümkündür ki, bir partiya ölkədə seçicilərin səslərinin 49%-i alsın, amma parlamentdə bir nəfərlə belə təmsil olunmasın.
Zəngilan və Qubadlı seçicilərinin sevgisini qazanmış namizəd Emin Əliyev - FOTO
- Emin müəllim, özünüz haqqında qısa olaraq məlumat verərdiniz.

- 1981-ci ildə Bakı şəhərində anadan olmuşam. Atam və anam ailə qurduqdan dərhal sonra Bakı şəhərində yaşamağa gəliblər. Ona görə də rayonumuzda onları çox az adam tanıyır. Lakin ata babam Ramazan Əliyev və ana babam İdris Şıxəliyev rayonumuzun sayılıb-seçilən şəxsləri olublar. Orta təhsilimi Bakı şəhərində almışam.

Bakı Dövlət Universitetinin Tarix fakültəsinin bakalavr və magistraturasını fərqlənmə diplomu ilə bitirmişəm. Azərbaycan Milli Elmlər Akademiyasının Tarix İnstitutunun aspiranturasında təhsil almışam. Elmi araşdırma mövzum erməni terror təşkilatları və erməni terroru ilə bağlı olmuşdur. Bu sahədə 30 elmi məqalənin və 1 kitabın müəllifiyəm.
Zəngilan və Qubadlı seçicilərinin sevgisini qazanmış namizəd Emin Əliyev - FOTO
Aspiranturada təhsil alarkən erməni araşdırmaları ilə məşğul olan bir mərkəz də yaratdıq və uğurlu bir neçə layihənin icrasını təmin etdik. Bakı Dövlət Universiteti Tarix fakültəsində, Azərbaycan Turizm və Menecment Universitetinin Menecment fakültəsində mühazirə və seminar aparmışam. Dövlət Miqrasiya Xidmətində çalışmışam. Daha sonra isə özəl sektorda fəaliyyət göstərməyə başlamışam.

Turizm şirkətində, hüquq şirkətində, avtomobil idxalı şirkətində, 22 pərakəndə satış şirkətini özündə birləşdirən holdinqdə rəhbər vəzifələrdə çalışmışam. 2016-cı ildən isə sahibkarlıq fəaliyyəti ilə məşğul olmağa başladım. 5 şirkətin təsisçiliyində iştirak etmişəm və onlar hal-hazırda uğurla fəaliyyət göstərirlər. 2018-2020-ci illər ərzində isə yenidən dövlət sektoruna qayıdaraq Kənd Təsərrüfatı Nazirliyində rəhbər vəzifədə çalışmağa başladım və növbədənkənar parlament seçkilərində iştirak etməklə bağlı qərar verdikdən sonra işdən ayrıldım.

Eyni zamanda 2019-cu ilin iyun ayında təsis etdiyim Ekoloji təmiz məhsul istehsalçıları və ixracatçıları ictimai birliyinin sədriyəm. Birləşmiş Ərəb Əmirlikləri, Almaniya, İsrail, Yaponiya kimi dövlətlərdə idarəetmə üzrə təlim və təhsil almışam. Bundan başqa 21 ölkənin 50 şəhərinə səyahət etmişəm və bu səfərlər təlim, seminar, kurs, sərgi, simpozium, bir sözlə, öyrənmək məqsədli olmuşdur. İngilis və rus dillərini sərbəst bilirəm. Ailəliyəm, 5 övladım var. Xanımım da ixtisasca onkoloq-cərrahdır. İki Universitetin məzunudur. Bakıda və Peterburq şəhərində dövlət tibb universitetlərini bitirmişdir.
Zəngilan və Qubadlı seçicilərinin sevgisini qazanmış namizəd Emin Əliyev - FOTO
- 125 saylı Zəngilan və Qubadlı seçki dairəsindən millət vəkilliyinə namizədsiniz. Bu barədə nə deyə bilərsiniz?

Belə bir qərar vermək üçün çox ciddi düşünmək lazım idi. Bu hər hansısa bir oyun yarışı deyildir. Fasiləsiz təhsil, yüksəliş üzrə artan karyera, yüksək səviyyədə dil biliklərimin olması, dünya təcrübəsindən xəbərdar olmağım mənim bu marafonda iştirak etməklə bağlı qərar verməyim üçün əsas oldu. Seçki prosesi başlamazdan əvvəl mən və komanda yoldaşlarım çox hazırlıqlı olduğumuza görə rahatlıqla irəliləyəcəyimizi düşünürdük.

Lakin prosesin gedişatında gördük ki, kifayət qədər incəliklər vardır ki, çox diqqətlə nəzərə almalıyıq. Hətta bir neçə dəfə biz komanda olaraq sürətimizi azaltdıq, vəziyyətin yenidən dəyərləndirməsini etdik, bütün rəqibləri təhlil etdik, elektoratı bir daha incələdik və yenidən sürət yığdıq. Hesab edirəm ki, nəinki 125 saylı dairə üzrə, hətta cəsarətlə deyə bilərəm ki, Respublika üzrə maraqlı seçki təbliğatı aparan namizədlərdən biriyəm.

Tanımadığımız insanlar bizim fəaliyyətimizi yüksək qiymətləndirərək bizi təbrik edirlər. Hal-hazırda ən ciddi rəqibim ölkəmiz müstəqillik əldə etdikdən bəri 125 saylı seçki dairəsinin yeganə millət vəkili olan İmamverdi İsmayılovdur. Biz prosesə başlamamışdan öncə bütün namizədlərə çağırış etdik. Bildirdik ki, gəlin, bu seçki təbliğatı dövründə elə edək ki, seçki dairəmiz digər dairələrə nümunə olsun.

Bizim komanda hələ də bu prinsiplə davam etməkdədir. 9 fevral tarixi yaxınlaşdıqca rəqabət daha da qızışır və bəzən emosianal addım atanlar da olur. Bu da çox təbii bir haldır.
Zəngilan və Qubadlı seçicilərinin sevgisini qazanmış namizəd Emin Əliyev - FOTO
- Seçki təbliğatı dövründə hansı addımlarınız sizi seçicilərə sevdirmişdir?

İlk olaraq deyim ki, seçki platformam çox sadə, başa düşülən dildə yazılmışdır. Platforma tamamən özüm tərəfindən yazılmışdır və bu sənədə ciddi əhəmiyyət verirəm. Çünki insanlarımız məni bu sənəd üzərində yazılmış fikirlərimə görə tanıdı və qəbul etdi. Platformada hər bir söz və cümlə mənim seçicilərimizə verdiyim bir sözdür və bu sözə uyğun olaraq da şüarımız “verdiyim sözün üstündəyəm!” mesajıdır. Daha sonra insanlar məni səmimi davranışıma, onlarla xoş ünsiyyətimə görə qəbul etdilər.

Mən həmişə demişəm ki, mənə insanların səsindən daha çox sevgisi lazımdır. Millət sevdiyi insanı millət vəkili seçməlidir və seçdiyi millət vəkilini sevməlidir! Onu da əlavə edim ki, artıq bütün seçicilərdə mənim şəxsi telefon nömrəm vardır. Bu isə mənim seçicilərlə daha da sıx ünsiyyət qurmağım üçün şərait yaratmışdır. Mənə hər gün şəxsən tanımadığım seçicilərdən zənglər olur. Onlar mənə xeyir-dualarını verir və öz yaşadıqları məkanları ziyarət etməyə dəvət edirlər. Düşünürəm ki, mənim üçün bu sevgidən daha böyük heç bir qazanc ola bilməz.

- Bu prosesdə nə qazanmısınız, nələri itirmisiniz?

Qazancım yerlilərimin sevgisidir. Bu ən böyük qazancımdır. İtirdiyim isə bu müddət ərzində öz ailəmə, demək olar ki, vaxt ayıra bilməmişəm.
Zəngilan və Qubadlı seçicilərinin sevgisini qazanmış namizəd Emin Əliyev - FOTO
- Son olaraq nə deyə bilərsiniz?

Hər bir namizədə uğur arzu edirəm. Hər birini sevirəm, hörmət edirəm. Layiq olan namizədin qazanmasını arzu edirəm. Seçicilərimdən bir neçəsinə söz vermişəm ki, 10 fevraldan etibarən millət vəkili olaraq evlərinə qonaq olacağam. Məni gözləsinlər.

Qubadlıların evində Qubadlı aşı, Zəngilanlıların evində isə Zəngilan aşı bişirəcəyinə söz verən nənələrim var. Mən sözümün üstündə olduğum kimi onlar da sözlərinin üstündə olacaqlarını deyiblər. Hər birimizin verdiyimiz sözü tutmağımız arzusu ilə...

BAKU.WS

Qüdrət Həsənquliyev: “Xalqımız islahatların nəticələrini görür və iqtidardan bunun dərinləşdirilməsini istəyir”

Avrasiya.net Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin partiyanın mətbuat xidmətinə müsahibəsini təqdim edir:

- Qüdrət bəy, bəzi insanlar internet üzərindən 9 fevral seçkilər günü seçiciləri vətəndaş qarşıdurmasına səsləyir. Belə bir halın baş vermə ehtimalı varmı?

- Bilirsiniz, siyasətçi reallıq hissini heç vaxt itirməməlidir. Siz dediyiniz çağırışı edənlər seçkinin fəlsəfəsini dərk etməyən insanlardır. Seçkinin mahiyyəti cəmiyyətdə baş vermiş dəyişikliyin hüquqi müstəvidə rəsmiləşdirilməsidir. Siz küçədə-bacada belə bir dəyişikliyi hiss edirsinizmi? O çağırışı edən insanlara bütün dünya üzrə 3-4 min adam qulaq asır. Onların da böyük əksəriyyətini iqtidar mənsubları və xaricdə yaşayanlar təşkil edir. Kimsə öz arzularını cəmiyyətə reallıq kimi təqdim etmək istəyirsə, bu onun faciəsidir. Görün son illər nə qədər bu kimi cəfəng çağırışlarla çıxış ediblər. Payızda bu olacaq, yazda bu baş verəcək. Kimdir onlara qulaq asan? Bəziləri acizliklərindən söyüş söyürlər. Onlara da özükimilərdən və ailə üzvlərindən başqa kimsə qulaq asmır. Təsadüfən qulaq asanlar da murdar sifətlərinə tüpürürlər. Xalqın onların çağırışlarına cavab vermədiyini görüb vətəndaşlarımızı təhqir edib aşağılayan bu nadürüst adamlar anlamırlar ki, sadə insanlar real vəziyyəti onlardan düzgün qiymətləndirir. Hazırda ölkəmizin xoşbəxt gələcəyi yuxarıdan aparılan islahatlardadır. Antikonstitusion yolla hakimiyyət dəyişikliyi cəhdi dövlətçiliyimizə son qoya bilər. Hansı ki, ermənilər də bunu istəyir. Xalqımız islahatların nəticələrini görür və iqtidardan bunun dərinləşdirilməsini istəyir. Bunu başa düşmək özünü siyasətçi hesab edən bir insan üçün bu qədərmi çətindir?

Seçkilər günü seçiciləri qanunsuz əməllərə (büllütünləri oğurlayıb seçki məntəqəsindən kənara çıxarmağa) çağıran adamlar anlamalıdırlar ki, qanunsuz yollarla hüquqi dövlət qurmaq olmaz .Nəzərə alsaq ki, DİN və DTX ölkədə iğtişaş cəhdlərinin qarşısını dərhal və qətiyyətlə almaq iqtidarındadır, onda təsir altına düşən 3-5 nəfər belə adam tapılacaqsa, onlar da inzibati qaydada cəzalandırılacaq. Həmin çağırışı edənlər isə belə sadə adamlara mərhumiyyətlər yaşatmaqdan başqa heç nəyə nail ola bilməyəcəklər. Kriminal və düşmən elementlərin sifariş etdiyi 2019-cu ilin 19 oktyabr hadisələrindən (daha doğrusu avantürasından) dərs götürülməlidir.

- Qüdrət bəy, seçki o adamların dediyi kimi saxtalaşdırılarsa, bu zaman camaat nə etməlidir?

- O adamlar məqsədyönlü şəkildə öz platformalarından yox, seçkinin saxtalaşdırılmasından danışırlar. Seçkinin saxtalaşdırılmasına hansısa ehtiyac varmı? Kim istəyibsə namizədliyini irəli sürüb. DSK-ların əksəriyyətində isə namizədlər ucdantutma qeydə alınıb. Çoxlu sayda siyasətdən uzaq bu namizədləri hətta yaxın qonşuları belə tanımır. Artıq bu gün seçkilərin nəticələrini bəri başdan şübhə altına alan həmin adamların seçki təbliğatı apardığını, insanlarla işləməsini görürsünüzmü? Sözsüz ki, yox. Ona görə də siyasi demaqogiya ilə, yəni kütlənin geridə qalmış hissəsinin əhvali-ruhiyyəsinə uyğunlaşıb onlardan istifadə etməyə cəhd göstərməklə nəyəsə nail olmaq mümkün deyil. Hazırda özlərini yox, ölkəni düşünən müxalif siyasətçilər hakimiyyət ehtiraslarını boğmalı, qanunsuz yollarla və xarici dəstəklə yaxın perspektivdə siyasi hakimiyyətə gəlməyi əsas məqsəd kimi qarşıya qoymamalı, cəmiyyəti daha demokratik mülki cəmiyyət quruculuğuna, Qarabağ üçün fədakarlığa hazırlamalıdırlar. Cəmiyyət inkişaf etdikcə bizim xəyallarımızda qurduğumuz, Skandinaviya ölkələri kimi görmək istədiyimiz Azərbaycan gerçəkliyə çevriləcək. Qanlı Misir təcrübəsi bir daha təsdiq etdi ki, cəmiyyət hazır deyilsə hakimiyyəti dəyişməklə demokratik cəmiyyət qurmaq olmaz. Yaxşı olar ki, zamanında bu iqtidarı öyüb sonra nədənsə narazı qaldığı üçün hər şeyə istehza edib yersiz hırıldayan bəzi “Youtube”çular mənim bu müsahibəmi oxuyub, dünya təcrübəsini öyrənib nəticə çıxarsınlar.
"Biz vətənə, millətə, dövlətə xeyirli övlad olmaq uğrunda çalışmışıq" - Toğrul ƏlixanovAvrasiya.net daha bir gənc, savadlı, deputat seçiləcəyi təqdirdə Xızımız və dövlətimiz üçün ürəklə çalışan, problemlərimizin həllində bizə yardımçı olan, 44 saylı Sumqayıt-Xızı seçki dairəsindən namizədliyini irəli sürən layiqli namizəd Toğrul Əlixanovun "Xızı səhifəsi" nə verdiyi müsahibəni təqdim edir.

Adı Toğrul, soyadı Əlixanovdur. 1990-cı ildə Sumqayıt şəhərində doğulub və hal – hazırda da bu şəhərdə yaşayır. 2007 – ci ildə 11 saylı tam orta məktəbi bitirib. 2008 – ci ildə ADMİU-nun “Beynəlxalq münasibətlər, Beynəlxalq mədəni əlaqələr” ixtisasına qəbul olub və 2012-ci ildə həmin ali məktəbi fərqlənmə ilə bitirib. 2009-cu ildə ABŞ-da Vaşinqton şəhərində təcrübə proqramı keçib. 2012-ci ildə Türkiyənin İzmir şəhərində yerləşən Yaşar Universitetinə “Biznesin idarə edilməsi” ixtisasına qəbul olub və 2014-cü ildə fərqlənmə ilə magistr dərəcəsi alıb. 2014-cü ildə ikinci dəfə magistr dərəcəsi almaq üçün (qiyabi) Moskva Texniki İnstitutunun “Maliyə işi” ixitisasına qəbul olub. Müxtəlif layihələrdə iştirak edib. Müxtəlif sertifikatlar, diplomlar və fəxri – fərmanlarla təltif olunub. ADMİU Tələbə Gənclər Təşkilatının sədr müavini, fakultə Həmkarlar İttifaqının sədri, Yaşar Universitetində Turizm Klubunun prezidenti vəzifələrində çalışıb.

2014-2015-ci illərdə “Olefin” Elmi Tətqiqat İnstitutunda Beynəlxalq şöbənin rəhbəri vəzifəsində çalışıb. 2015-ci ildən etibarən dünyanın ən böyük kimya şirkəti olan BASF-da layihələr üzrə satış mütəxəssisi kimi fəaliyyət göstərir. Ailəlidir.

- Toğrul müəllim, sizi cari ildə Milli Məclisə keçiriləcək növbədənkənar parlament seçkilərində iştirak etməyə nə, daha doğrusu, hansı şərtlər sövq etdi?

- Bilirsiz, valideynlərim bizi hər zaman vətənpərvər ruhda böyüdüblər. Biz daim vətənə, millətə, dövlətə xeyirli övlad olmaq uğrunda çalışmışıq.

Ölkə başçımız parlamentin buraxılması haqqında sərəncamı imzaladıqdan sonra vətəndaşlara müraciətində, gənclərə inandığını və yeni çağırış parlamentin üzvlərinin gənclərdən ibarət olmasını istədiyini bildirdi. Canab Prezidentin bu fikrini bir çağırış kimi dəyərləndirdim. Düşündüm ki, ölkə başçısı bu çağırışı edirsə, bir ziyalı gənc kimi seçki marafonunda iştirak etməliyəm. Öz fikirlərimi geniş kütləyə çatdırmalıyam, seçicilərin etimadını qazanacağım təqdirdə, millət üçün daha böyük əzm və iradə ilə çalışmalıyam.

- Şəhər üzrə ən çox namizədin iştirak edəcəyi 44 saylı Sumqayıt-Xızı seçki dairəsi.üzrə mübarizəyə başlayırsınız. Niyə məhz bu dairəni seçdiniz?

- Mən Sumqayıtda məhz bu dairənin ərazisində dünyaya gəlmişəm. Bu dairənin ərazisində təhsil almışam, məni burda tanıyanlar, bilənlər çoxdur. Mən də öz növbəmdə 44 saylı Sumqayıt-Xızı dairəsinin Sumqayıtda yerləşən ərazisini yaxşı tanıyıram, burda böyümüşəm. Hər küçəsini, hər dalanını bilirəm. İnsanlarını yaxşı tanıyıram. Onların problemlərini bilirəm. Xızıya gəldikdə isə açığı deyim ki, namizədliyimi irəli sürənə qədər Xızı şəhəri və ətraf kəndləri haqqında ciddi biliklərim yox idi. Lakin 44 saylı Sumqayıt-Xızı seçki dairəsindən namizədliyimi irəli sürəcəyimi özlüyümdə qətiləşdirdiyim zaman bölgəyə səfərə getdim. Demək olar ki, bütün kəndləri gəzdim, insanlarla söhbət etdim. Bölgənin potensialı haqqında məlumat topladım. Bu bölgəni daha da inkişaf etdirmək, insanların rifahını daha da yaxşılaşdırmaq üçün nələr edə bilərik bu barədə analiz elədim. İnsanlarla söhbət zamanı onu anladım ki, bizim kimi gənc, Xızı camaatı ilə yaxşı işlər görə bilər. Çox mehriban, qonaqpərvər və səmimi insanlardı.

- Seçkilərə qədər rəqiblərinizdən hansını tanıyırdınız və necə düşünürsünüz, hansı rəqiblər arasında daha gərgin mübarizə olacaq?

- Həqiqəti demək gərəkirsə, seçkilərə qədər heç bir namizədi tanımırdım. Lakin rəqiblərimi araşdırmağa başladıqca ayrı – ayrı sahələrdə hər birinin üstün cəhətlərinin olduğu anladım. Hər birinə seçki marafonunda uğurlar arzulayıram.

- Sizi rəqiblərinizdən fərqləndirən əsas xüsusiyyətlər hansıdır?

- Mən düşünmürəm ki, bu suala kimsə tam dolğun cavab verə bilsin. Çünki hələlik heç kim seçki platformasını ictimaətə açıqlamayıb. Lakin onu qeyd edə bilərəm ki, mən müxtəlif ölkələrdə yüksək keyfiyyətli təhsil almışam. Qlobal bir şirkətdə 5 illik təcrübəm var və düşünürəm ki, bu çox önəmlidir. Çünki dünya ölkələrinin praktikalarını görə bilmişəm. Onların müsbət və mənfi yönlərini araşdırmaq üçün kifayət qədər zamanım və təcrübəm olub. Ən əsas məqamlardan biri isə odur ki, artıq qeyd etdiyim kimi cənab Prezident qarşıdan gələn parlament seçkilərində gənclərə çağırış etdi və bildirmək istəyirəm ki, 44 saylı Sumqayıt – Xızı seçki dairəsindən qeydə alınmış namizədlərin siyahısına baxsanız görərsiniz ki, Azərbaycan Respublikasının qanunvericiliyinə əsasən yeganə gənc namizəd məhz mənəm. Çünki müvafiq qanunda qeyd olunur ki, Azərbaycan Respublikasında gənc yaşı 14-29 yaş arası olan şəxslərdir.

- Etiraf edək ki, əvvəlki dövrlərdə parlament seçkiləri öncəsi deputatlığa namizədlərin çoxu seçicilər qarşısında vədlər verirdi. “Əgər məni deputat seçsəniz, “yeni yollar çəkəcəm”, “körpülər tikəcəm” və sair. Halbuki, bu gün deputatlarımızın çoxu seçici qarşısında hər hansı vədin verilməsini qəbul etmir. Bununla bağlı nə deyə bilərsiniz?

- Bu kimi vədlər absurd vədlərdir. Çünki Azərbaycan Respublikasının Konstitutsiyasında Deputatın hüquqları, vəzifələri və səlahiyyətləri aydın şəkildə göstərilib. Ümumiyyətlə deputatlığa namizəd hər hansı bir məsələnin həlli üçün səy göstərəciyi, bu problem barəsində məsələ qaldıracağı vədi verə bilər. Çünki Milli Məclisdə müzarikə olunan qanunlar səs çoxluğu hesabı ilə qəbul olunur. Yəni anlayacağınız, bu tək adamın görə biləcəyi iş deyil.

- Sizin platformanız nədən ibarətdir?

- Bizim seçki platformamız əsas dörd prinsipdən ibarətdir. Bura məhəlli tipli problemlərin, şəhər – kənd xarakterli problemlərin, ölkə daxili məsələlərin və Ermənistan- Azərbaycan Dağlıq Qarabağ probleminin həllinə nail olmaq üçün göstərəcəyimiz daxildir. Bütün bu səylərdə biz ilk olaraq deputat obrazını dəyişdirmək istəyik. Biz istəyirik ki, daim seçki dairəmizin ərazisində olaq, burda yaşayan insanlarla mütəmadi olaraq əlaqədə yaradaq. Onların problemlərini sistemli şəkildə həll etmək üçün birlikdə güc sərf edək.

Məhəlli tipli problemlər kimi biz Sumqayıt ərazisində olan binaların təhlükəsizlik məsələsini, uşaq oyun meydançaların yaradılması məsələsini, damların, fasadların təmiri prosesini daha da sürətləndirmək səylərini, bir çox küçələrin xüsusilə də qəsəbə və Xızı kənd küçələrinin yol problemlərini, su problemlərini görürük və bununla əlaqədar olaraq yerli icra hakimiyyəti orqanları ilə birlikdə işlər görməyə çalışacağıq.

Şəhər – Rayon tipli problemlər arasında bölgənin sosial-iqtisadi inkişaf planına öz töhfəmizi vermək, sahibkarlığı, xüsusilə də kiçik və orta sahibkarlığı daha da inkişaf etdirmək üçün müfaviq qanunlara əlavə və düzəlişlərin edilməsi ilə bağlı məsələ qaldırmaq, regiona Dövlət büdcəsindən vəsaitin artırılması üçün çalışmaq, regiona investisiya yatırımlarının artırılması üçün hüquqi bazanı təkmilləşdirməyə çalışmaq, işsizlik məsələsini həll etmək üçün Sumqayıt Texnologiyalar Parkının rezidentləri ilə görüş keçirdib, əsas işçi qüvvəsinin Sumqayıt və Xızı qeydiyyatında olan və habelə, bu ərazilərdə yaşayan insanardan təşkil olunmasına çalışmaq, nəqliyyat problemini, bəzi inzibati - ərazi problemlərini həll etməyə çalışmaq kimi məsələləri görürük. Bundan başqa Xızının yüksək aqrar və turzim potensialını dəyərləndirmək, bundan istifadə edərək orda yaşayan insanların sosial – iqtisadi rifahını artırmaq üçün səylər göstərəcəyik. Bundan başqa bu gün şəhərimizdə Sumqayıtın inkişafı üçün çox böyük əməyi olmuş yaşlı insanlarımız var. Lakin onların bir yerə toplanıb asudə vaxtlarını keçirə biləcəyi bir mərkəz yoxdur. Biz bu məsələyə baxılması üçün də yerli icra orqanları ilə birgə əməkdaşlığa səy göstərəcəyik.

Ölkə miqyasında olan problemlər arasında bizim gördüyümüz məsələlərə daxildir: Vətəndaşların ərizə və şikayətlərinə vaxtında baxılmasına nəzarət edilməsi və qaldırılan məsələlərin qanun çərçivəsində ədalətli şəkildə həlli üçün deputat fəaliyətinin göstərilməsi, pensiya yaşı məsələsi, yol hərəkəti haqqında qanuna, gömrük, səhiyyə, təhsil sahəsindəki qanunlara əlavə və dəyişikliklər məsələsi, gənclər siyasəti məsələsi. Biz çox istərdik ki, ekoloji problemlərin həlli üçün elekrik avtomobilləri gömrük rüsumundan azad edilsin belə praktika inkişaf etmiş ölkədərdə mövcuddur. Biz istərdik ki, gənc alimlərin elmi araşdırma işləri üçün sərf olunan zaman onların iş saatı hesab edilsin, bu onlara əlavə motivasiya olacaq. Çünki artıq elə bir dövrdə yaşayırıq ki, kəşflər kağız üzərində qalmamalıdır. Əksinə bu kəşfləri istehsalata yönəldib, ölkə iqtisadiyyatına əlavə dəyər qatmalıyıq.

Bizim Dağlıq Qarabağ və ərtaf yeddi rayonun işğalı kimi ciddi problemimiz var. Bütün azərbaycanlıların ən böyük məqsədi erməni separatçılarının işğalı altında olan Dağlıq Qarabağımızı və ətraf 7 rayonumuzu düşmən işğalından azad etməkdir. Bunun üçün hər birimiz, bütün azərbaycanlılar, o cümlədən Sumqayıt və Xızı sakinləri yorulmadan, əzmlə çalışmalıyıq. Keyfiyyətli nəticə əldə etmək üçün bizə inkişaf edən və Azərbaycanın mübarizəsinə ciddi töhfələr verməyə qadir olan Sumqayıt və Xızı sakinləri lazımdır! Bu məsələlərin həlli naminə xalq-dövlət birliyinin gözəl nümunəsinə çevrilməliyik və unutmamalıyıq ki, “BİZ BİRLİKDƏ BACARACAĞIQ!”

- Sumqayıtın inkişafı, sakinlərin sosial rifahının artırılması üçün hansı töhfələri verə biləcəyinizi düşünürsünüz?

- İlk olaraq yuxarıda da qeyd etdiyim kimi burda kiçik və orta sahibkarlığı daha da inkişaf etdirmək lazımdır. Bunu bacara bilsək regionda yaşayan bütün yaş qruplarından olan əhali üçün yeni imkanlar yaratmış olacağıq. Bunun üçün Mərkəzi Bank qarşısında regiona yönəldmiş kredit xəttinin artırılması və faiz dərəcəsinin aşağı salınması üçün məsələ qaldıracağıq. Sumqayıt həm də kimya şəhəridir. Bilirsiz ki, möhtərəm prezidentimiz, cənab İlham Əliyev Sumqayıt Texnologiyalar Parkında yeni istehsalat sahələrinin yaradılması ilə əlaqədər böyük işlər görülməsi üçün çox sayda sərəncamlar imzalayıb. Bundan sonra da dövlət büdcəsindən bura vəsaitin artırılması və xarici investisiya cəlb edilməsi üçün müvafiq dövlət orqanları ilə birgə sıx əməkdaşlıq içində olacağıq. Bu həm də bizim istehsal gücümüzün artması, ölkəyə valyuta axını, idxal – ixrac balansı arasındakı fərqi azaltmağa yönəlmiş addım olacaq. Yeni iş yerləri, yeni imkanlar, yeni töhfələr bu işlər sayəsində olacağına inanıram.

- Sizcə, işsizlikdən başqa Sumqayıtın əsas problemləri hansılardır?

- Sumqayıt gənclər şəhərdir. Lakin, bu gün ki, gün baxsanız görərsiniz ki, Sumqayıtda gənclərin vaxt keçirə biləcəyi yerlər kifayət qədər azdır. Gənclik enerjidir, biliyə və təcrübəyə can atan təbəqədir, gənclik həm də əyləncədir. Bunların hamısını əslində birləşdirə bilsək inan ki, Sumqayıtda problem qalmaz. Təklif edərdim ki, Sumqayıt şəhərində yeni, ən müasir texnologiyalarla təhciz olunmuş laboratoriyaları olan, müasir dünyanın tələblərinə uyğun müxtəlif ixtisasların tədris ediləcəyi universitet kampusu, tələbə yataqxanaları tikilsin. Dünyanın hər nöqtəsindən gənclər bu təhsil ocağına toplansın. Yeni kəşflər - yeni imkanlar deməkdir. Bu həm də böyük biznes sahələrinə töhfədir. Beləki müxtəlif ölkələrin gəncləri bir şəhərdə toplanarsa kiçik və orta sahibkarlıq özü özlüyündə inkişaf edəcək. Yeni bazar formlaşacaq. Təsəvvür edin ki, bu gənclər yeni texnologiyalardan istifadə edərək bazara yeni məhsullar çıxarda bilər. “Start up” layihələri bu gün qərb ölkələrində gənclərə milyonlar qazandıra bilir. Bu ideanı həyata keçirtmək üçün isə Allaha şükür olsun ki güclü dövlətimiz və daim gəcnlərə dayaq olan ölkə başçımız var.

- İndiyədək ictimaiyyətə şəhərin hansı problemlərini araşdıraraq çıxış yollarını bildirmisiniz və bu barədə hansı orqanlara məlumat vermisiniz?

- İndiyə kimi açığı yalnız işlədiyim sahədə yəni tikinti kimyəviləri sahəsində cəmiyyətə nəsə edə bilmişəm. Bilirsiniz ki, ölkəmizin hər tərəfində maraqlı memarlıq nümunələri, fabriklər, zavodlar, fermalar tikilir. Tikintilər müasirləşdikcə orda istifadə olunan sistemlər də mürəkkəbləşir. Bu həmçinin, ekoloji problemlərə yol aça bilir ki, bizlər də onun qarşısını almağa çalışırıq. Bunun üçün tikinti layihələrinə yeni şərtnamələr yazmaqla, ekoloji təmiz məhsullar istifadə etməklə, yeni sistemlər təqdim etməklə işin daha tez və daha az sərmayə ilə bitməsi üçün çalışırıq.

- Seçicilərə istək və arzularınız?

- Seçicilərdən ən böyük istəyim aktiv olaraq seçkilərdə iştirak etsinlər, arzum budur ki, seçkilərdə məni, Sumqayıtın gənc namizədini dəstəkləsinlər və əsla bir şeyi unutmasınlar: “BİZ BİRLİKDƏ BACARACAĞIQ!”
Mən onlara layiq olmağa çalışıram və buna söz verirəm! - Emin ƏliyevAvrasiya.net 125 saylı Zəngilan-Qubadlı seçki dairəsindən deputatlığa namizəd Əliyev Emin Fazil oğlunun müsahibəsini təqdim edir.

- Emin müəllim, gec də olsa namizədliyinizin təsdiq edilməsi ilə bağlı sizi təbrik edirik və uğurlar arzulayırıq.

-Çox sağ olun, təşəkkür edirəm. Şərəfli bir yola çıxmışıq, ümid edirəm ki, uğurla davam edər və xeyirli bir nəticə alarıq.

- Seçki təbliğatı necə gedir? Şüarınız da maraqlıdır: “Verdiyim sözün üstündəyəm!”. Emin Əliyev yerlilərinə nə söz verib ki?

-Seçki təbliğatımız mehribançılıq, dostluq, şəffaflıq və layiq olanın qələbəsi prinsipləri üzərində qurulmuşdur. Biz öncə bölgələrdəki yerlilərimizlə görüşlərdən başladıq. Məlumat var idi ki, o məkanlara bu günədək heç kəs getməyib. Özümüz də yerlilərimizlə görüşdə şahidi olduq ki, onlar etinasızlıqdan, diqqətsizlikdən çox əziyyət çəkirlər. Sabirabadın Rüstəmli kəndində Yeni Zəngilan şəhərciyi isə ürəyimiz sızlatdı. O yer mənim yaddaşıma o gündən bəri “nursuz şəhər” kimi həkk olunub qalıb. Mən söz verdim ki, bu şəhərciyi nurlandıracağıq. Daha sonra Hacıqabul və Şirvanda olan yerlilərimin müvəqqəti məskunlaşdığı məkanlarda oldum. Şirvanda çox gözəl bir şəhərcik salınıb. Hacıqabulda isə bunun şahidi oldum ki, elə cılız məsələlər öz həllini tapmır ki, əslində bir zəngə həll olunan şeylərdir! Mən, açığı, öz yerlilərimizi bu qədər ümidsiz görməmişdim. Bizim torpağın insanları müharibə vaxtı mühasirədə qaldılar, vuruşdular, düşmənə qan uddurdular, şəhid oldular, yaralandılar, lakin ümidsiz olmadılar! Mən şahidəm ki, rayonumuzun işğalına bir neçə gün qalmış artıq dinc əhali Araz çayının sahilində onun dayazlaşdırılmasını gözləyərkən bir çoxları yenidən öz evlərinə qayıtdılar. Ona görə qayıtdılar ki, ümidləri ölməmişdi.

Ümidləri qalmışdı ki, rayon işğal edilə bilməyəcək. Bu mərdliyin, qeyrətin sahibi olan insanlar bu gün heç bir yeniliyə ümid etmir. Hesab edirəm ki, insan hər bir şeyini itirə bilər, lakin ölməz. O, yalnız ümidini itirərsə ölər, mən ən çox bundan narahatam. Biz Sumqayıtda və Novxanıda Qubadlıdan olan yerlilərimlə, Yasamal rayonunda, Nərimanov rayonunda, Biləcəri qəsəbəsində, Masazır qəsəbəsində məskunlaşan yerlilərimlə görüşlərdə olarkən onların mənim səmimiyyətimi hiss etdiklərinə əminəm. Sumqayıtda bir ailənin evində olduq. Adam dedi ki, heç vaxt seçkilərə getməmişəm. Sən ki gəlib, bu qapını cəsarətlə döyüb, səmimi mənlə söhbət etdin, gedib bu dəfə seçkidə iştirak edəcəyəm. Bu ümid işığının yanması bizim üçün hər bir şeydən üstündür! Bu məqamda 125 saylı dairə seçki komissiyasının rəhbər-işçi komandasına səmimi fəaliyyətlərinə görə təşəkkür edirəm. Bütün görüşlərimizin detallarını onlarla müzakirəli, məsləhətli şəkildə təşkil etdik ki, heç bir namizədlə narahatçılıq olmasın və bərabər şəkildə təbliğatımızı aparaq. Maneə yaratmaq istəyənlərə də DSK özü layiqli cavab verirdi. Hələ ki, bərabər şəkildə təbliğat aparmaq şəraiti yaradılıb və bu imkanlarımız vardır.
Mən onlara layiq olmağa çalışıram və buna söz verirəm! - Emin Əliyev
O ki, qaldı şüara, bu şüar elə sizin səhifənizdə çıxan müsahibəmə qoyduğunuz başlıqdan götürülmüşdür (gülümsəyir)-”Emin Əliyev: “Zəngilan və Qubadlı camaatına verdiyim sözü tutacağam””. Bu səmimiyyətdən yaranan bir şüar və qarşımıza qoyduğumuz hədəf oldu- millət vəkilliyinə namizədlər təbliğat vaxtı söz verir, lakin bu sözləri tutmur. Mən isə verdiyim sözlərin siyahısını tutmuşam. Onları bir-bir icra edib onları öz dəftərimdə işarə edəcəyəm və millət vəkilliyimin ilk beşilliyinin sonunda öz nəticələrimi qiymətləndirib yerlilərimə təqdim edəcəyəm. Bu hesabat 2025-ci ildə olacaq, yəni mən ikinci dəfə millət vəkili olmaq üçün namizdəliyimi irəli sürərkən☺) Yerlilərimə verdiyim sözləri öz seçki platformamda qeyd etmişəm. Son nöqtəsinə qədər özüm hazırlamışam, edə biləcəyim işləri vəd vermişəm və qalib gələrək vəd verdiyim işləri bir-bir edəcəyəm!

Verdiyim sözün üstündəyəm çünki!

- Sosial şəbəkələr vasitəsilə digər namizədlərlə birgə görüşün və ya debatın keçirilməsini təklif edibsiniz. Bu bir yenilik olacaqdır yəqin ki. Nə vaxta planlaşdırısınız?

- Əslində bu çağırış sosial şəbəkələrdə yerlilərimizin tələbi idi və səsləndirildi. Mən də “biz hazırıq” dedim. Lakin bir hərəkətlilik olmadı. Kampaniya çərçivəsində yerlilərimlə görüş zamanı da şahidi oldum ki, onlar da tələb edirdilər ki, real və ədalətli seçim etmək üçün namizədlər bir yerdə müzakirələr apararaq, debat edib öz ideya və fikirlərini, vədlərini bildirərdilər və canlı olaraq seçicilərin suallarını cavablandırardılar. Buna görə də bu dəfə biz video çağırış etdik ki, sosial şəbəkələr üzərindən canlı yayım edərək debat təşkil edək və öncədən prinsip olaraq ortaya qoyduğumuz mehribançılıq, şəffaflıq, ədalətlilik qaydasında görüşək və həm namizədlər bir yerdə olar, yeni bir mesaj vermiş olarıq seçicilərə, həm də onların namizədi olduğumuzu nümayiş etdirərdik! Mənim bu seçkilərlə bağlı bir xəyalım var-125 saylı seçki dairəsində olan kampaniya və seçki mühiti digərlərinə nümunə olsun. Biz bunu edə bilərik!
Mən onlara layiq olmağa çalışıram və buna söz verirəm! - Emin Əliyev
- Düşünürsünüz ki, sizdən qorxurlar?

- Bu mətbuat yenə sensasiyaya, xəbər partlayışına meyl edir (gülür). Namizədlərin içərisində güclü rəqiblərim var. Hər birini sevirəm, hörmət edirəm! Ümid edirəm ki, vaxt ayırıb birlikdə görüşəcəyik və biz gələcək üçün gözəl bir ənənənin təməlini bir yerdə qoyacağıq. Buna Zəngilan və Qubadlı camaatı layiqdir, hətta bundan artığına da layiqdir. Mən də onlara layiq olmağa çalışıram və buna söz verirəm!

- Həm platformada, həm DSK-ya verdiyiniz məlumatlardan belə məlum oldu ki, Kənd Təsərrüfatı Nazirliyində çalışdığınız vəzifədən 10.01.2020-ci il tarixdə çıxmısınız. Sizə təzyiqlər oldu, yoxsa öz istəyinizlə çıxdınız?

- 5 uşaqlı ata işini niyə öz xoşu ilə tərk etsin ki? (gülür). Dövlət qulluğu şərəfli işdir. Xalqa xidmət Haqqa xidmətdir! Biz hər olduğumuz yerdə özümüzün və ətrafımızın gözəl işlər görməsi üçün çalışmışıq. Buna da öz miqyasımızda nail olduğumuzu düşünürük. Nazirlikdə mən bir il yarım xidmət etdim və orada gözəl işlər etməyə çalışdım və gözəl işlər edə biləcək komanda yaratdım. Mənim bu gün daha başqa bir xəyallarım və arzularım var, mən 80 minlik yerlilərimin xidmətində olaraq daha böyük və Azərbaycanımız üçün daha gözəl işlər görmək istəyirəm. Məhz buna görə sevdiyim işimdən ayrılmışam. Seçki Məcəlləmiz də bizə bunu tövsiyə etmişdir.

-Ölkədə bu seçki ab-havasını necə dəyərləndirirsiniz?

- Məncə cənab Prezidentin iradəsi və çağırışları bu seçkilərin xoş ab-havada keçməsinin əsas səbəbidir. Mən bu cür əhval-ruhiyyənin olacağına ümid etməsəydim seçkilərə qatılmazdım. Əslində daha fərqli kampaniyalar etmək olardı, lakin biz gənc dövlətik və cəmi 5 Parlament seçkisi keçirmişik. Çox şeylər gözləmək və tələb etmək ədalətsizlik olardı. Amma ən azı onu deyə bilərəm ki, inkişaf göz qabağındadır. Bu Parlament fərqli olacaq. Özü də çox!
Layiq olan namizədləri Milli Məclisdə görmək ümidi ilə!
Mən onlara layiq olmağa çalışıram və buna söz verirəm! - Emin Əliyev
Qalib mən olacağam - ALDP sədri Fuad Əliyev9 fevral 2020-ci ildə keçiriləcək növbədənkənar parlament seçkilərində 26 saylı Sabunçu birinci seçki dairəsindən naizəd olan Azərbaycan Liberal Demokrat Partiyasının (ALDP)sədri Fuad Əliyev Avrasiya.net-ə müsahibə verib.

- Fuad bəy, təbliğat, təşviqat kampaniyanız digər namizədlərin apardığı prosesdən nə ilə fərqlənəcək?

- Mənim iştrak etdiyim bütün seçkilər - istər parlament, istərsə prezident seçkilərində təbliğat kampaniyam digər namizədlərdən həmişə fərqlənib. Namizədlərin əksəriyyəti boş vədlər verir, seçicilərin səslərini qazanmaq üçün cəfəngiyyat fikirlər səsləndirirlər. Məni tanıyanlar isə bilirlər ki, mən heç vaxt heç kimə söz vermirəm. Mən real iş görürəm. Artıq təbliğat, təşviqat kampaniyama start vermişik. Seçicilərlə fərqli bir görüşlər olacaq. Bu da kampaniyanın sirri kimi qalsın. (Gülür)

- Namizədləriniz arasında sizə rəqib ola biləcək birini görürsüzmü?

- Konstitusiya hər bir vətəndaşa imkan verir ki, istənilən seçkilərdə iştrak etsin. Vətəndaş da özü qiymət verir, öz gücünü sınasın, ya yox. Həmişə onun tərəfdarı olmuşam ki, vətəndaşın siyasi aktivliyi olsun, öz hüquqlarını bilsin, özünü müdafiə etsin. Siyasi baxımdan aktiv olsun. Onun bu aktivliyi mütləq bizim cəmiyyətimizin inkişafına, demokratikləşməsinə böyük bir töhfə verə bilər. Amma namizədlərin tərcümeyi-halına baxanda görürsən ki, bəzilərinin nə siyasi, nədə ki, həyat təcrübəsi yoxdur, digərlərin isə ümumiyyətlə, bu seçkilərə aidiyyəti yoxdur. Misal üçün, heç ali savadı olmayanın parlament seçkilərində nə işi var? Təqaüdçünün parlamentdə nə işi var? Bizim dairədə namizədlərin sayı kifayət qədər çoxdur. Amma bu məni heç də narahat etmir. Vətəndaşdır, öz hüququndan istifadə edib seçkilərdə iştrak edir. Buna da hörmətlə yanaşıram. Amma iştrak edənlərdən heç kimi özümə rəqib görmürəm.

- Seçki prosesində hansısa bir təxribatla üzləşə biləcəyinizi ehtimal edirsizmi və hansılar ola bilər.

- Ehtimal edirəm, çünki imzatoplama prosesində belə bir təxribatlar olub. Özünü Sabunçü rayon İcra Hakimiyyətinin işçisi kimi təqdim edən bir nəfər imza vərəqəni götürüb vətəndaşların imzaları pozdu və vərəqəni cırmağa cəhd etdi. Bizim imza toplayanların müdaxiləsindən və mənə məlumat veriləndən sonra o ərazini tərk etdi. Bundan sonra da təxribatların ola biləcəyini gözləyirik və qabağını almağa hazırlaşırıq.

- Media yazıb ki, sizin namizəd olduğunuz dairədən namizəd olan millət vəkili Fazil Mustafa seçicilərinə 5 manat pul paylayır. Sonradan özü açıqlaa verərək bunun böhtan olduğunu deyib. Buna münasibətiniz.

- Allah bərəkət versin... (Gülür) Əqər bu həqiqətdirsə, deməli o seçicinin səsini cəmi beş manata qiymətləndirir... Özünə hörmət edən seçici səsini, öz vicdanını pula satmaz. Vətəndaşın inamını itirmək siyasətçi üçün böyük fəlakətdir. Onun inamını heç bir pulla bərpa etmək olmaz.

- Seçkinin saxtalaşdırılacağı halla üzləşəcəyiniz təqdirdə hansı addımlar atacaqsız?

- 9 fevral 2020-ci ildə keçiriləcək növbədənkənar parlament seçkilərində 26 saylı Sabunçu birinci seçki dairəsindən qalib mən olacağam. Ona görə o haqda heç fikirləşmirəm.
İranda güc savaşı: SEPAH-a niyə zərbə vuruldu? - VideoUkrayna sərnişin təyyarəsinin İranda vurulması böyük ehtimalla təxribatdır.

Bu barədə politoloq Eldar Namazov Yutub sosial şəbəkəsindəki “En TV” kanalında yerləşdirdiyi videosunda danışıb. Namazov təxribatın İran daxilindəki siyasi oyunların nəticəsi olduğunu iddia edib.

O, təxribatın İran İslam İnqilabı Keşikçiləri Korpusuna qarşı hazırlana biləcəyini və bunun sayəsində onun əlindən əsas maliyyə gücünü almağın nəzərdə tutulduğunu bildirib.

E.Namazov yaxın zamanlarda bu insidentlə bağlı daha yeni faktların ortaya çıxacağını da istisna etməyib.

Daha ətraflı videoda:
Zirəddin: Nərmin qətlində polislərlə təmasda idim... – Sensasiya
Tanınmış ekstrasens Zirəddin Rzayev “İri Plan” Yutub kanalına maraqlı müsahibə verib.

Kult.az sözügedən müsahibəni ixtisarla təqdim edir:

- 2020-ci il o qədər də xoş gəlmədi. Necə davam edəcək?

- Əsl yeni il 21 martda başlayır, bizim Novruz bayramımızda. İl hələ təzələnməyib, ona görə baş verən qanlı hadisələri 2020-ci ilə aid edə bilmərik.

2020-ci il 2019-cu ildən elə də fərqlənməyəcək.

- Zirəddin falçılardan nə ilə fərqlənir?

- Fal – hər hansı əşyanın yardımı, köməyi ilə gələcəkdən xəbər verməkdir. Novruz bayramında belə qızların fala baxması... - onlar falçı deyil ki! İslamda fal haramdır. Öncəgörmə, bəsirət gözünün açıq olması isə fal deyil. Əgər ana yuxuda yatıb görürsə ki, Amerikada oxuyan övladı xəstələnib və səhər övladına zəng edəndə oğlu bunu təsdiqləyirsə, bu, faldırmı? Ona görə əgər Zirəddin yuxuda görürsə və bu baş verirsə, yaxud məndə öncəgörməlik varsa, kim istəyir buna fal desin, cadugərlik desin, baxıcılıq desin... Hərə öz səviyyəsində qiymətləndirir.

- Zirəddin 100 faiz bilirmi?

- Yox, Zirəddin yüz faiz bilə bilməz.

- Müsahibələrinizin birində belə bir söz işlətmişdiniz ki, mən ilk dəfə öz xalamın ölümünü görmüşdüm...

- Bəli.

- Pis xəbəri görmək sonradan qınaq obyekti olmağınıza səbəb olmadı ki?

- Uşaq vaxtı çox qəribə yuxular görürdüm. Bir gün yuxudan oyandım, bina evində idik, anama dedim ki, Ay quş oldu, yerə düşdü, qıza çevrildi, sonra quşa çevrildi, uçub getdi, bizim bu yerdə isə qara böcəklər yarandı. 10-11 yaşım vardı onda. Sonra anama dedim ki, ürəyim dəmir üzərində qızardılmış ət istəyir. Anam otağın qapısını örtdü, ora tüstü getməsin deyə, başladı dəmirin üstündə mənə ət qızartmağa. Bu zaman mətbəxdə qaz şlanqı çıxır və mətbəx alışır. Biz qapını açanda tüstü olduğu üçün heç nə görmürdük. Sonra birtəhər özümüz odu söndürdük. Haranı mən göstərmişdimsə, orda qara-qara kösövlər vardı. Bunu da anam dedi. Sonra da məni danladı ki, bir də yuxunu danışma, bayquş kimi yuxuda nə görürsən danışırsan, hamısı da başımıza gəlir...

Olub yəni, uşaq vaxtı yuxularımın çin çıxmağı anamın məni qınaq obyektinə çevirməsinə səbəb olurdu.

Zamanı gəldikcə anam dərk elədi məni.

- Niyə bəd hadisələri, bədbəxtlikləri Zirəddin daha tez görür?

- Bilirsiniz, həkim yalnız insanlardakı xəstəlikləri görə bilər. Həkimin vəzifəsi budur. Bizim vəzifəmiz də budur ki, insanların qarşılaşdığı bədbəxtlikləri görüb, onları xəbərdar edək.

Cadu insanı öldürə bilər

- Cadu insanı öldürə bilərmi?

- Bəli, cadunun gücü ilə, magiya ilə insanın ömrünə son qoymaq olar və bu, cinayətdir. Ola bilsin ki, nə zamansa Cinayət Məcəlləsinə cadu ilə insanı öldürmək də düşəcəkdir. Elm inkişaf etsə, bu olacaq. Çünki cadu ilə insanı öldürmək mümkündür.

- Zirəddin bəddua edibmi?

- O qədər! Bəddua etmişəm. Bilirsiniz, hər saat onu etmirəm. Amma ruhumu sızladan, incidən məqam olanda edirəm. Mənim bürcüm əqrəbdir – toxunmayın, toxunmayım. Amma məni sancan insana zəhərimin son damlasına qədər buraxacam. Bu xasiyyət məndə var.

- Ekstrasens olmaq Zirəddinə nə verdi, nə aldı?

- Həyatımın hüzurunu pozdu, sağlamlığımı əlimdən aldı, yuxularımı pozdu – normal yata bilmirəm mən. Digər tərəfdən də hörmət sahibi etdi, insanların sevgisini qazandırdı, mənə təbiəti – cansız və canlı aləmi duymağı öyrətdi. Bundan bəzən ləzzət alıram. Bəzən də həmin həzzlə bağlı işgəncə də alıram. Çünki təbiətə qarşı çox həssasam.

Nərminin qatilinin impotent olduğunu görürəm...

- Gündəmdə olan məsələlərdən biri 10 yaşlı Nərminin qətli və yandırılmasıdır. Bu, ictimaiyyətdə böyük rezonans doğurub. Qatil artıq bəllidir, ancaq bəziləri onun bu hadisəni törətdiyinə inanmır. Zirəddin necə düşünür?

- Nərmin hadisəsi ilə bağlı polislərlə sıx təmasda idim. Polislər məndən informasiya istəyirdilər, amma mənə heç bir informasiya vermirdilər. Görücü Allah deyil, onun gücündən istifadə etmək üçün ona kömək etmək lazımdır. Mənə şəkil verələr, ad deyələr, qohumdu, ya qonşudu şübhələndikləri... Məsələn, 10 nəfərdən şübhələnirsiniz, onları deməlisiniz ki, mən nəsə deyə bilim. Amma mən divarla öz-özümə danışa bilmərəm.

Hazırda şübhəli qismində saxlanan və cinayəti etiraf edən adama baxanda onda kişiliklə bağlı problem görürəm. Onun sağlamlığı yerində deyil – ya yarım vəziyyətdədir, ya da ümumiyyətlə onda kişilik potensialı yoxdur. Hələlik güc strukturları orda zorakılıq olub-olmaması barədə rəsmi açıqlama verməyiblər, ancaq mən nədənsə orda zorakılıq görürəm. Amma cinayətkara baxanda, onun impotent olma ehtimalının böyük olduğunu hiss edirəm və bu məni çaşdırır...

- Niyə bizdə baxıcıya, ekstrasensə getmək ayıb sayılır?

- Bu, sadəcə, insan psixologiyasıdır. Bizdə psixiatra gedənlər də gizlədir bunu və yaxud uroloqa gedən kişi bunun bilinməsindən utanır. Ekstrasensə də eləcə.

Alın yazısından çıxmaq olmaz

- Ekstrasens olmasaydınız, həyat yoldaşınızla necə tanış olacaqdınız?

- Qəribə sual verdiniz. Mən taleyə inanıram, fatalistəm. Əgər Allah yazıbsa, olacaq. İnsan alın yazısından kənara çıxa bilməz. Allah insana azadlıq da verib, ancaq alın yazısı da var, orda insan məhkumdur.

- Övladlarınızda bu vergi olsa, qarşısını ala bilər, yoxsa imkan yaradar ki, onlar da ekstrasens olsun?

- Qızımda da, oğlumda da var. Ancaq mən istəməzdim onlar bununla məşğul olsun. Çünki bu sahədə dəmir psixika, iradə lazımdır. Ən ağır sahə insanlara xidmətdir. Onların içində də ən çətini ekstrasensorikadır. Çünki insanların münasibəti birmənalı deyil bu sahəyə: inananı var, inanmayanı var. Ona görə də uşaqlarımın bu sahədə olmasını istəmirəm. Amma təəssüf ki, var onlarda.

- Nəyə görə ekstrasenslər onların qəbulunda olan məşhurları piar edirlər?

- Mənə də sual edirlər ki, məşhurlardan kim olub sənin yanında? Mən məşhurlarla olan dostluğumu deyirəm. Kimlərlə münasibətim yaxşıdır, kimlərlə dostam... Mənim haqqımdır da, kimlərləsə dost ola bilərəm. İndi mən görücüyəm deyə, hansısa məşhurla dostluğumu gizlətməliyəmmi? Amma yanıma niyə gəldi, videolar paylaşım ki, filan məşhur mənə müraciət etdi, bu, özünüreklamdan başqa bir şey deyil.

- Niyə Zirəddin azərbaycanlı ekstrasensləri bəyənmir?

- Mənimçün sübutlar, faktlar ən gözəl göstəricidir. Mən, ümumiyyətlə, Rusiyanın özündə də ekstrasensləri bəyənmirəm, Rusiyada da ekstrasens tanımıram.

Yenilənir...
"Parlamentin özünü buraxmasına ironiya edənlər özlərini buraxmış adamlardır"
Avrasiya.net BAXCP sədri, millət vəkili Qüdrət Həsənquliyevin partiyanın mətbuat xidmətinə müsahibəsini təqdim edir:

- Qüdrət bəy, bəzi şəxslər belə bir iddia ilə çıxış edirlər ki, parlament özünü buraxdığından həmin qərara səs verən deputatların təkrar namizədliyini irəli sürməsi siyasi və mənəvi baxımdan düzgün deyil. Onlar nə dərəcədə haqlıdırlar?

- Parlamentin özünü buraxmasına ironiya edənlər özlərini buraxmış adamlardır. Məsələn, bu yaxınlarda Böyük Britaniyada növbədənkənar seçkilər təşəbbüsü ilə çıxış etmiş Mühafizəkarlar Partiyası seçkilərdə növbədənkənar seçkilər barədə qərar qəbil etmiş deputatlarla möhtəşəm qələbə çaldı. Biz isə parlamentdə müxalifətin mövqelərinin gücləndirilməsi üçün növbədənkənar seçkiləri dəstəkləmişik və həmin vaxt bu barədə bəyanatla çıxış etmişik.İqtidar bəyan etməsə də onu övbədənkənar seçkiləri stimullaşdıran əsas faktorlardan biri 19 oktyabrda özünü buraxmışların sifarişlə icazəsiz aksiya keçirməyə cəhd etməsi və bunun təkcə onların yox, həm də bütövlükdə müxalifətin nüfuzuna ciddi zərər vurması olubsa, ikinci səbəb onların xarici dairələrlə işbirliyinin təsirini azaltmaq üçün gözlənilməzlik faktorundan istifadə etmək olmuşdur. Ona görə də, əgər növbədənkənar seçkilərin keçirilməsində qəbahət varsa, onun əsas siyasi və mənəvi məsuliyyətini həmin adamlar daşıyırlar.

- Seçkilərdə bu qədər çox namizədin olmasını nə ilə izah edərdiniz?

- Əsas səbəb güclü çoxpartiyalı sistemin olmamasıdır. Proporsional seçki sisteminin olmaması insanları siyasi partiyalara qoşulmağa həvəsləndirmir. Ona görə də çoxlu sayda siyasətdən uzaq, hətta qonşularının belə tanımadığı insanlar seçki marofonuna qatılıblar. Məsələn, bir həkim başa düşür ki ,onun peşəkar həkim olması üçün 15 il vaxt lazımdır, amma düşünür ki, siyasətlə peşəkar səviyyədə məşğul olmadan da parlamentar olmaq olar. Parlamentdə həyatımızın müxtəlif sahələrində ictimai münasibətləri tənzimləyən minlərlə qanun qəbul olunur, yaxud onlara dəyişiklik edilir. Hansısa sahə üzrə yaxşı mütəxəssis olmaq hələ o sahə üzrə dövlət siyasətindən baş çıxarmaq və ya onu müəyyənləşdirmək bacarığının olması demək deyil. Amma tutaq ki, elədir, bəs digər sahələr üzrə qanunlar, yaxud dövlət əhəmiyyətli qərarlar qəbul ediləndə həmin şəxs nə edəcək? Siyasətlə məşğul olmaq istəyən şəxs əvvəlcə ölkənin ictimai-siyasi həyatında aktiv iştirak etməli, siyasi təcrübə toplamalıdır. Bizdə xalqımızın siyasi inkişaf səviyyəsi onun sosial inkişaf indeksinə uyğun olduğundan Qərb standartlarına cavab vermir. Amma buna görə ruhdan düşmək lazım deyil, cəmiyyət və ona uyğun olaraq da demokratiya inkişaf etdikcə vəziyyət dəyişəcək. Biz tələsmədən və yorulmadan işləməliyik.

- Hər dəfə Milli Məclisə seçkilərdən öncə kimlərin seçiləcəyinə dair siyahılar açıqlanır və o təqribən 99 % doğru olur. Bu barədə nə deyə bilərsiniz?

- Bu bütün dünyada mojaritar seçki sistemləri üçün xarakterik cəhətdir. Seçkilər günündən öncə kimin hansı dairədə favorit olduğu bəlli olur və təsadüfi hallarda istisnalar baş verir.

- Bəzi namizədlərin seçki debatlarından imtina etməsini necə qiymətləndirirsiniz?

- Bu əsasən iki səbəbdən baş verir. Birincisi, namizədin özünə güvənməməsindən, ikinci isə siyasətdən uzaq zəif rəqiblərlə debata çıxıb özünü pis vəziyyətdə qoymaq istəməməsindən. Əgər bir peşəkar boksçu təzə başlayan həvəskar bir boksçu ilə döyüşə çıxarsa bu ona hörmət gətirməz və tamaşaçılar nəinki onun qələbəsini alqışlamaz, əksinə onu fitə basarlar. Debatı kimin təşkil etməsi və tamaşaçıların sayı da rol oynaya bilər.Ümumən TV-lərdə seçki debatlarının keçirilməməsi seçkilərin üzərinə kölgə salmaqla ölkənin imicinə də ziyan vurur. Mövcud vəziyyət iqtidarı narahat etməli və seçki islahatlarına sövq etməlidir. Bu islahatların nəticəsi kimi proporsional seçki sistemi bərpa olunmalı,seçkilərdə bitərəflərin müstəqil iştirakı qadağan edilməli, hər hansı bir partiyanın parlamentdə yerlərin üçdə ikisindən çoxuna sahib olması yasaqlanmalıdır.

- Seçkidə Sizin üçün əsas mövzu nədir?

- Qarabağın işğaldan azad olunması, dövlət quruculuğu və ölkəmizin sosial-iqtisadi inkişafı. Qarabağı azad etmək üçün güclü peşəkar ordumuz, çevik və cəsarətli xarici siyasətimiz olmalıdır. Sosial-iqtisadi inkişaf üçün isə əlverişli investisiya mühiti yaradılmalı, məhkəmələrin tam müstəqilliyinə nail olmaqla qanunun aliliyi təmin edilməlidir. Bunlara nail olmaq üçün isə yeni konstitusiya qəbul edib, parlament idarəçiliyinə keçməliyik. Proporsional seçki sisteminə və parlament iadərəçiliyinə keçid imkan verəcək ki, bir partiya uzun müddət hakimiyyətdə qala bilsin və bu beynəlxalq qıcıq doğurmasın. Dünyada parlament idarəçiliyinə məxsus ölkələrdə bir partiyanın 50 il hakimiyyətdə qaldığı nümunələr var. Yaponiya kimi. Parlament idarəçiliyi çoxpartiyalı sistemin inkişafına yol açacaq. O zaman hökumət parlamentin ciddi nəzarəti altında olacaq, korrupsiyaya qarşı daha effekli mübarizə aparmaq imkanları yaranacaqdır. Bu yolla biz çox da böyük olmayan zaman kəsiyində bu gün həlli mümkünsüz görünən ciddi problemlərimizi çözə və Qərbin inkişaf etmiş ölkələri sırasına qatıla, insanlarımızın firəvan həyatını təmin edə bilərik.

- Qüdrət bəy, sabiq müstəntiq və bir hüquqşünas siyasətçi kimi Nərminin böyük ictimai rezonans doğurmuş ölüm işinin istintaqı barədə nə deyə bilərsiniz?

- Azyaşlı uşağın öldürülməsi böyük faciədir və ona ictimai reaksiya da elə belə olmalıdır. Cinayətinin üstünün gec açılmasına görə hüquq-mühavizə orqanlarının tənqid olunması da çox ədalətlidir. Əsl cinayətkarın tutulub-tutulmaması və istintaqın obyektiv aparılması məsələsinə gəldikdə isə, cinayət işinin istintaqını prokurorluq aparır. Bundan sonra məhkəmə istintaqı olacaq. Mən özüm də çalışacam ki, imkan olsa mütləq məhkəmədə iştirak edim. Hazırda bir çox hakim ədalətli və müstəqil qərarlar qəbul edir. Tam əminəm ki, Prezidentin də nəzarətində olan bu iş üzrə heç kim saxtakarlıq edib o körpə uşağın qanını batıra bilməz.
Amma çox təəssüf ki, bəziləri bu hadisədən istifadə edib başqa məqsədlər naminə polisin gözdən salınması istiqamətində total bir kompaniya aparır.
Problemlərə baxmayaraq, biz kriminogen durumun sabitliyinə, ictimai asayişin və təhlükəsizliyin yüksək səviyyədə təmin olunmasına görə polisə minnətdar olmalıyıq. Əgər ölkədə sabitlik olmasa nə inkişafdan, nə islahatlardan, nə də insan hüquqlarından söhbət belə gedə bilməz. İki gün öncə efirdən yersiz gülüşləri ilə diqqət çəkən birisi öz “YouTube” kanalında Nərminin ölümündən danışır və ABŞ-ı misal çəkirdi ki, bu ölkədə oxşar vəziyyətlərdə polis nə edir,cinayətkarlığa qarşı mübarizə belə təşkil olunub və s. Amma gözəl bir deyim var: Hər şey müqayisədə daha aydın görünür. Məsələn ABŞ-da orta hesabla hər il 113 min 108 adama odlu silahdan atəş açılır və onun 36 min 383 nəfəri ölür. Bunun 1488-i uşaq və yeniyetmədir. Kimsə deyə bilər ki, ABŞ-ın əhalisi çoxdur. Onda gəlin əhalisinin sayı təqribən Baki əhalisi (2,7 milyon )qədər olan Çikaqo şəhərinə diqqət yetirək. 2019-cu ildə bu şəhərdə 492 nəfər odlu silahla qətlə yetirilib. Məhz ABŞ-da mövcud olan siyasi korrupsiya,yəni ABŞ Milli Silah Assosasiyasının konqresmenlərin seçki hesabına ödədiyi pullar, silahlara nəzarət haqqında effektli qanunun qəbuluna imkan vermir. Bakıya gəldikdə isə, bu barədə ictimaiyyətə dəqiq statistik məlumat verilməsə də DİN-in internet səhifəsində Azərbaycan üzrə 2019-cu ilin birinci yarısının statistik məlumatları yerləşdirilib və qeyd olunur ki, həmin dövrdə 131 qəsdən adam öldürmə və ona cəhd qeydə alınıb. Onun da 46-sı ailə məişət zəminində baş verib. Düşünürəm ki, bu müqayisəyə diqqət yetirəndən sonra bizə yalnız öz polisimizə təşəkkür etmək qalır.

“ƏN BÖYÜK ÜSTÜNLÜYÜM YAP-ın NAMİZƏDİ OLMAĞIMDIR...” – “Böyük səs fərqilə qalib gələcəyəm”
Yeni Azərbaycan Partiyasının 54 saylı Şabran-Siyəzən Seçki Dairəsindən deputatlığa rəsmi namizədi Sadiq Qurbanovun “AzPolitika.info”-ya müsahibəsi

- Sadiq müəllim, gəlin elə ondan başlayaq ki, niyə məhz 54 saylı dairə - Siyazən və Şabran rayonları?

- Əlbəttə, bu sualı mən gözləyirdim, həm də artıq eşidirəm ki, bəzi rəqiblərim də məhz bu faktor üzərindən mənə qarşı əks-təbliğat aparırlar ki, YAP-ın namizədi “yerli adam deyil”. Ona görə də sizin bu sualınız lap yerinə düşdü. Artıq təşviqat mərhələsi başlayıb, güman edirəm ki, mən bu sualla yenə qarşılaşa bilərəm, ona görə ən başdan “niyə məhz 54 saylı dairə” sualına aydınlıq gətirsək, əlavə söz-söhbətlərə də yer qalmaz.

Əvvəla, nəzərə alın ki, mənim namizədliyim Yeni Azərbaycan Partiyası tərəfindən irəli sürülüb. Yəni partiyamız belə məsləhət görüb və bu da təbiidir. Azərbaycan Milli Məclisi hakimiyyətin bir qoludur və seçkilər nəticəsində formalaşdırılır. Hər bir siyasi təşkilat istəyir ki, Milli Məclisdə daha çox yer götürsün. Bunun üçün isə, təbii ki, ən şanslı namizədlərin siyahısı formalaşdırılır və həmin namizədlər seçki dairələri üzrə paylaşdırılır. Bu siyahı tərtib olunarkən isə, kimin hansı rayonda anadan olması, harda oxuması, yaşaması kimi amillər yox, namizədin siyasi hazırlığı, təhsili, partiya və dövlət qarşısındakı xidmətləri, xalq arasındakı nüfuzu və digər şəxsi keyfiyyətləri əsas götürülür.

Şübhəsiz ki, mənim ən böyük üstünlüyüm ümummilli liderimizin qurucusu olduğu, hakimiyyətdə olduğu 27 ilə yaxın müddət ərzində Azərbaycan xalqına ləyaqətlə xidmət edən, ölkəni bu qısa zaman kəsiyində yenidən quran, inkişaf etdirən, ona sabitlik qazandıran, bütün dünyada tanıtdıran Yeni Azərbaycan Partiyasının rəsmi namizədi olmağımdır. Düşünürəm ki, Azərbaycan seçicisi, o cümlədən Şabran və Siyəzən rayonlarının sakinləri ötən seçkilərdə olduğu kimi, bu dəfə də ilk növbədə bu faktoru nəzərə aldıqdan sonra namizədlərin şəxsi keyfiyyətlərinə nəzər yetirəcəklər.

- Vətənə, xalqa xidmətin yeri və vaxtı olmur. Məsələn, biz deyə bilərikmi ki, Bakıda doğulan zabit niyə Qubadakı hərbi hissədə xidmət edir? Yaxud, sual etmək nə qədər məntiqli olar ki, Lənkəranda doğulan polis zabiti niyə Yevlax rayonunda rəis olur, orda cinayətkarlığa qarşı mübarizə aparır?

Fikrimcə, çox uzatmağa ehtiyac yoxdur, deputatın “yerli adam” olmasını tələb etmək ciddi arqument sayıla bilməz. Namizədin harda doğulmasına yox, hansı partiyanı təmsil etməsinə, həmin partiyanın xalq qarşısında xidmətlərinə, gələcəklə bağlı planlarına və bu planları həyata keçirə bilmək potensialına, liderinin xalq və dünya miqyasındakı nüfuzuna, qısası, keçmişdə etdiklərinə və gələcəkdə edə biləcəklərinə, daha sonra isə namizədin şəxsi keyfiyyətlərinə baxmaq lazımdır.

Azərbaycan xalqı qədirbilən, müdrik xalqdır. O görür ki, Prezident İlham Əliyevin, onun ən yaxşın silahdaşı, Birinci vitse-prezident Mehriban xanım Əliyevanın apardıqları siyasətin alternativi yoxdur. Bu siyasət Azərbaycana sabitlik və inkişaf gətirib, illər keçdikcə sabitlik daha da möhkəmlənir, inkişaf isə dönməz xarakter alır. Düşünürəm ki, xalqımız bu dəfə də müdrik davranacaq və 9 fevral parlament seçkilərində əksər dairələrdə partiyamızın namizədləri qalib gələcəklər. O cümlədən, 54 saylı Şabran-Siyəzən dairəsində. Mən bütün rəqiblərimə hörmətlə yanaşıram, amma şübhə etmirəm ki, 9 fevralda böyük səs fərqi ilə qalib gələcəyəm.

- Dediniz ki, ən böyük üstünlüyünüz YAP-ın namizədi olmağınızdır. Amma seçicilər, şübhəsiz ki, YAP-ın namizədinin kimliyinə də diqqət yetirəcəklər. Sizcə, bioqrafiyanızdakı hansı məqamlar seçicilərin qərarına müsbət təsir etməlidir?...

- Özüm haqda çox danışmağım yaxşı çıxmaz, amma qısaca olaraq onu deyə bilərəm ki, mən Yeni Azərbaycan Partiyasının ilk üzvlərindən - qurucu üzvlərindən biriyəm. 1999-2006-cı illərdə YAP-ın mərkəzi aparatında ideoloji şöbədə işləmişəm. 2000-ci ilin parlament seçkilərində, 28 yaşındaykən, ehtiyat üzv kimi YAP-ın proporsional siyahısına düşmüşəm. 2005-ci il seçkilərində Xətai rayon 34 saylı Seçki Dairəsindən partiyamızın rəsmi namizədi olmuşam. Yəni təsadüfi adam deyiləm, YAP-ın qurulduğu ilk günlərdən başlayaraq, sıralarında uzun bir mübarizə yolu keçmişəm.

Eyni zamanda uzun illərdir pedaqoji fəaliyyətlə məşğulam, 2006-cı ildən texniki elmləri namizədiyəm. Hal-hazırda İqtisad Universitetinin İqtisadiyyatın hüqiqi tənzimlənməsi kafedrasında dosent vəzifəsində çalışıram.

Yəni həyatımın bütün məqamları şəffafdır, tərcümeyi-halımda partiyamızın nüfuzuna xələl gətirə və özümün başımı aşağı edə biləcək bircə məqam belə yoxdur. Əksinə, indi qürurla xatırlayıram ki, Azərbaycanın ən çətin günlərində, hələ çox gənc olmağıma baxmayaraq, Azərbaycanın xilaskarının Heydər Əliyev olduğunu dərk edə və bu yolda müəyyən fəaliyyətlər göstərə bilmişəm. Universitetdə oxuduğum illərdə “Əliyevçi” olmağımın yaratdığı təhlükələr də məni yolumdan döndərə bilməyib. Bu fəaliyyətimə görə hətta bir günlük universitetdən xaric olunmuşdum, tələbə yoldaşlarım yaxşı xatırlayır.

Çox şükürlər olsun ki, bu uzun illər ərzində mən hər zaman öz əqidəmə sadiq qala, düz bildiyim yolda inamla irəliləyə bilmişəm. Partiyamızın rəhbərliyi də hər zaman bunu yüksək qiymətləndirib və mənə etimad göstərib.

- Sadiq müəllim, düzdür, Siz YAP-ın siyahısı üzrə namizədsiniz, amma seçki mojaritar sistem üzrə keçirilir. Yəni siz konkret dairənin, rayonun deputatı olmaq iddiasındasınız. Bu baxımdan hər halda maraqlıdır, Şabran və Siyəzən rayonunun seçicilərinə nə vəd edirsiniz? Bu rayonların hansı spesifik problemləri var və Siz onların həlli üçün nə etmək niyyətindəsiniz?

- Şözsüz ki, bizim deputat kimi fəaliyyətimizin ən əsas məqsədi ümumilikdə Azərbaycan xalqının firavan, xoşbəxt və təhlükəsizlik şəraitində yaşamasına nail olmaq, bu siyasətə xidmət edən qanunlar qəbul etmək olmalıdır. Yəni hər bir deputat, hansı dairəni, rayonu təmsil etməsindən asılı olmayaraq, ilk növbədə bütün Azərbaycan vətəndaşlarının maraq və mənafelərini qorumalı, onların daha yaxşı, firavan yaşayışına xidmət edən qanunvericilik bazasının yaradılmasına çalışmalıdır. Elə bir qanunvericilik sistemi olmalıdır ki, bütün xalqın, o cümlədən də 54 saylı dairənin seçicilərinin problemləri həll edilsin. Bu baxımdan, biz, hakim partiya olaraq Azərbaycan xalqı üçün hansı vədləri veririksə, onlar elə Şabran və Siyəzən rayonlarının sakinlərinə də aiddir. Bir deputat təkbaşına bir rayonun, dairənin hər hansı ciddi problemini həll etmək iqtidarında deyil. Ona görə də, seçicilərə “məni seçin, sizin problemlərinizi həll edim” tipli vədlər vermək bir qədər məsuliyyətsizlik kimi qəbul oluna bilər. Amma sözsüz ki, deputatın yerli səviyyəli hansısa problemləri hökumətin qarşısında qaldırmaq, hökumətin diqqətini o problemə yönəltmək və beləliklə hansısa səviyyədə həllinə nail olmaq imkanları var. Şübhəsiz ki, mən Şabran və Siyəzən rayonlarının həlli mümkün problemlərini davamlı olaraq hökumətimizin qarşısında qaldıracam. Qeyd edim ki, namizədliyim elan olunduqdan sonra dəfələrlə bu rayonlarda olmuşam. Yanvarın 17-dən etibarən isə seçicilərlə təşviqat görüşlərinə başlamışıq. Bu təmaslar mənə rayonların yerli səviyyəli problemini dərindən öyrənmək imkanı verir. Məsələn, hər iki rayonda qazlaşma ilə bağlı müəyyən problemlər var, bəzi yaşayış məntəqələrinə qaz verilməyib. Bu problemin tezliklə aradan qalxmasına çalışacağıq.
“ƏN BÖYÜK ÜSTÜNLÜYÜM YAP-ın NAMİZƏDİ OLMAĞIMDIR...” – “Böyük səs fərqilə qalib gələcəyəm”
Bildiyiniz kimi, Şabran və Siyəzən rayonlarının yaxşı turizm potensialı var. Amma indiyədək bu potensialdan tam istifadə olunmayıb. Bu məsələni dərindən araşdırmaq və hökumətimiz qarşısında təkliflərlə çıxış etmək niyyətimiz var. Turizm potensialından maksimum istifadə eyni zamanda bir başqa problemin – işsizliyin aradan qaldırılmasına da ciddi təkan verə bilər.

Qısası, Şabran və Siyəzən rayonlarının yerli səviyyəli bütün problemləri diqqət mərkəzimizdə olacaq.

Hər iki rayonda əhalinin problemlərini operativ öyrənmək, onlarla birbaşa ünsiyyətdə olmaq üçün daimi nümayəndəliyimiz fəaliyyət göstərəcək. Şabranda, Siyəzəndə və Bakıda, ayda bir dəfədən az olmayaraq, görüş vaxtı təyin ediləcək. Seçicilərin mənimlə sosial şəbəkələr vasitəsilə də birbaşa əlaqə yaratmaq imkanı olacaq. Yəni indidən əminliklə deyirəm ki, seçicilərim üçün əlçatan bir deputat olacam, onlar çox asanlıqla mənimlə ünsiyyət qura və problemlərini çatdıra biləcəklər.

Namizədin tərcümeyi-halı

Qurbanov Sadiq Haqverdi oğlu 1972-ci il iyul ayının 12-də Naxçıvan MR Şərur rayonunun Ələkli kəndində anadan olub. Təhsili:

1979-1989-cu illərdə Ərəbyengicə kənd orta məktəbini;

1989-1994-cü illərdə BDU-nun mexanika–riyaziyyat fakültəsini;

1997-2001-ci illərdə ikinci ixtisas üzrə BDU-nun hüquq fakültəsini;

2001-2004-cü illərdə isə Prezident yanında Dövlət İdarəçilik Akademiyasının dövlət və bələdiyyə idarəetməsi fakültəsini bitirib.

2006-ci ildən texniki elmlər namizədidir.

2 kitabın - Əmək Məcəlləsinin Kommentariyası (2007) və Azərbaycan Respublikası Əmək Məcəlləsinin Elmi-Paktik Kommentariyası (2019) həmmüəllifi, 15-dən çox elmi məqalələrin müəllifidir.

Əmək fəaliyyəti:

1994-2000-ci illərdə BDU-nun «Nəzəri-mexanika və bütöv mühit mexanikası» kafedrasında mühəndis kimi, 2000-ci ildən hal-hazıradək ADİU-nun (UNEC) İqtisadiyyatın hüquqi tənzimlənməsi kafedrasında dosent vəzifəsində fəaliyyət göstərir.

2000-2006-ci illərdə YAP-ın Mərkəzi Aparatında İdeoloji şöbənin partiyalararası əlaqələr üzrə baş referent vəzifəsində, 2006-2010-cu illərdə Əmək və Əhalinin Sosial Müdafiəsi Nazirliyinin Yoxsulluq problemləri və ünvanlı sosial yardım siyasəti şöbəsinin sektor müdiri vəzifəsində, 2010-cu idən hal-hazıradək Az.NQSI HI RK–nın sədr müavini (Neft və Qaz Sənayesi İşçiləri Həmkarlar İttifaqı Respublika Komitəsi) vəzifəsində işləyir.

Evlidir, 3 övladı var.