Xalqımızı birliyə səsləyən MAHNI-VİDEO
Hər zaman öz gözəl, dərhal hit mahnılara çevrilən şeirləri və möhtəşəm layihələri ilə Azərbaycan musiqi mədəniyyətində iz qoyan Cəlal Qurbanov növbəti bir uğura imza atdı.

C. Qurbanovun sözlərinə yazılmış “Yaşa , yaşa Azərbaycan!” mahnısı ( musiqisi Rauf Məmmədovundur) artıq geniş audotoriyanın rəğbətini qazanıb və ona klip çəkilişi gözlənilir.
Xalqımızı birliyə səsləyən MAHNI-VİDEO
Xatırladaq ki, bu, ürəkləri fəth etmiş kompozisiya, bir sıra tanınmış insanların iştirakıyla həyata keçirilib. Onun yaranmasında Xalq artistləri Aygün, Kazımova, Zülfiyyə Xanbabayeva, Alim Qasımov, Natiq Şirinov, Rasim Balayev və gənc xanəndə Mirələm Mirələmov kimi mədəniyyətimizin nəhəng simaları iştirak ediblər. Onların hər biri öz ifasıyla mahnıya xüsusi bir rəng qatıb.
Qeyd etdiyimiz kimi, kompozisiyanın uğurunu və möhtəşəmliyini nəzərə alaraq, ona klip çəkilməsi qərarı verilib. Ümid edirik ki, klip də öz baxımlığı və gözəlliyi ilə mahnıdan geri qalmayacaq və onun daha da çox tanınmasına təkan verəcək.
Xalqımızı birliyə səsləyən MAHNI-VİDEO
Qeyd edək ki, mahnı Heydər Əliyev Fondunun, Bakı Şəhər İcra Hakimiyyətinin, “Fire Land Production"nin birgə təşəbbüsü ilə reallaşıb. Mahnı bu aydan Azərbaycan radiolarında səsləndirilir.
Ciyərinə su yığılan Rafael Dadaşov tanınmaz halda - FOTOXalq artisti Rafael Dadaşovdan xəbər var.

Avrasiya.net big.az-a istinadla xəbər verir ki, ciyərinə su yığılan xalq artisti xeyli çəki verib. Onun bir neçə ay içərisində saçının və saqqalının tam ağarması da diqqətdən yayınmayıb. Onun yeni görüntüsünü sosial şəbəkə fenomeni "viner" Elçin paylaşıb.

Qeyd edək ki, Xalq artisti Rafael Dadaşov dekabrın 2-də axşam saatlarında Mərkəzi Neftçilər Xəstəxanasına ürəyin işemik xəstəliyi infarktdan sonrakı kardioskleroz və ağciyərlərin xroniki abstruktiv xəstəliyi diaqnozu ilə yerləşdirilib.
"İki çay arasında cənnət" kitabı Özbəkistan mətbuatında"Həftə içi" qəzetinin müxbiri, tanınmış yazar Vüsal Tağıbəylinin Özbəkistandan bəhs edən "İki çay arasında cənnət" kitabı haqqında bu ölkənin geniş oxucu kütləsinə malik "Dünyo" İnformasiya Agentliyi geniş məqalə dərc edib.

Bildirilir ki, V.Tağıbəyli 2018-ci ilin avqustunda Özbəkistand səfərdə olub. Müəllif kitabında oxucuları Özbəkistanın inkişafı, iqtisadi və turizm potensialı, özbək xalqının zəngin mirası barədə məlumatlandırır: "Müəllif kitabında Özbəkistanın şəhər və regionları, landşaftı və iqlimi, özünəməxsus xüsusiyyətlərini geniş təsvir edir. Kitabda özbək xalqının əcdadları tərəfindən miras qoyulan zəngin tarixi-mədəni və mənəvi irs, tarixi və İslam abidələri haqqında geniş məlumat verilir. Müəllif. həmçinin oxucularını özbək xalqının qədim və unikal mədəniyyəti, ənənələri ilə tanış edir".

Məqalədə Azərbaycanın tanınmış ictimai və mədəni xadimlərinin V.Tağıbəylinin kitabına dair fikirlərinə də geniş yer verilir.

Almaz Ülvi Binnətova, filologiya elmlər doktoru, Azərbaycan Milli Elmlər Akademiyasının Nizami Gəncəvi adına İnstitutunun "Azərbaycan-Türkmənistan-Özbəkistan ədəbi əlaqələri" şöbəsinin müdiri:

– Bu kitabı oxuyan insan müəllifin Özbəkistana olan hörmət və ehtiramını anlayır. Əgər dövlətlərimiz və xalqlarımız arasındakı əlaqələri nəzərə alsaq, bu, təbii haldır. Vüsal Tağıbəylinin "İki çay arasında cənnət" kitabına səyyahın qeydləri kimi də baxmaq olar. Bununla yanaşı, müəllif Özbəkistanın müxtəlif regionlarının mədəni-tarixi, sosial-iqtisadi potensialı haqqında da əlavə məlumatlar verir. Bu, kitabın tutumunu daha da artırır və zənginləşdirir. Əminliklə deyə bilərəm ki, kitab qardaş Özbəkistan haqqında daha çox bilgi əldə etmək istəyən həmvətənlərim üçün çox yararlıdır.

Zemfira Qədirova, "Azərbaycan-Özbəkistan" Dostluq Cəmiyyətinin icraçı direktoru:

– Kitabı vərəqlədikcə, sanki gözəl Daşkəndin sadə, səliqəli və gözəgəlimli küçələrini müəlliflə birlikdə gəzirəm. Kitabda mənə doğma olan Çorsu, Beşyoqoç, Urda və daha neçə-neçə yerlərin adı çəkilir. Səmərqəndin böyüklüyü, onun küçələri və insanları da detallı şəkildə təqdim edilir. Mən bu kitabı Özbəkistanın əlyazısı ilə yazılmış pasportu adlandırardım. Fikrimcə, Azərbaycanda bu zamanadək Özbəkistan haqqında bu dərəcədə dəqiq faktlarla zəngin belə bir kitab nəşr edilməyib.

Məqalənin sonluğunda Özbəkistanın Bakıdakı səfirliyinə istinadən bildirilir ki, yaxın zamanlarda V.Tağıbəylinin "İki çay arasında cənnət" kitabının təqdimat mərasimi təşkil olunacaq.
Afaq Bəşirqızı 5-ci mərtəbədən yıxıldı – Xəstəxanalıq olduXalq artisti Afaq Bəşirqızı pilləkəndən yıxılaraq xəsarət alıb.

Hadisə bir neçə gün əvvəl aktrisanın çalışdığı Akademik Musiqili Teatrda baş verib.

Aktrisa liftə daxil olan zaman əlini səhvən liftin yanındakı pilləkənin tutacağına atıb. O, 5-ci mərtəbədən 4-cü mərtəbəyə doğru yuvarlanıb. Hadisə nəticəsində sənətkar bərk xəsarət alıb, bir neçə nahiyədən əzilib.

Xəstəxanaya çatdırılan Xalq artisti hazırda ev şəraitində müalicəsini davam etdirir. (Axşam.az)
Elza Seyidcahan deputatlığa namizəd oldu
“Mən parlament seçkilərində iştirak etməyə bilmərəm”.

Bu sözləri Modern.az-ın əməkdaşının “Parlament seçkilərinə qatılacaqsınızmı?” sualını cavablandırarkən müğənni Elza Seyidcahan deyib. O, açıqlamasını belə davam etdirib:

“Çünki Elza Seyidcahanı xalq sevir, Elza Seyidcahan da xalqı sevir. Kim xalqı sevirsə, o prezidenti sevir”.

Müğənni sənədlərini Dairə Seçki Komissiyasına təqdim edib-etmədiyi barədə sualı isə cavabsız qoyub:

“Tezliklə hər şeyi biləcəksiniz”.

Modern.az-ın əməkdaşı 54 saylı Şabran-Siyəzən seçki dairəsi ilə əlaqə yaradaraq Elza Seyidcahanın namizədliyini irəli sürüb-sürmədiyini aydınlaşdırıb.

Məsələ ilə bağlı Dairə Seçki Komissiyasının sədri Saleh Təhməzov bildirib ki, hazırda seçki dairəsində 27 nəfərin namizədliyi təsdiq olunub:



“Onlardan 11 nəfəri imza vərəqlərini qaytarıblar,1 nəfər isə qeydiyyata alınıb. Elza Nuru qızı Qasımova (Seyidcahan) da namizədliyini irəli sürüb. Elza xanım da imza vərəqələrini təqdim edib. Bu gün-sabah sənədlərinə baxıb namizədliyini qeydə alacağıq”.
Ledi Qaqa zorlanmasından danışıb: 19 yaşım olanda...Amerikalı müğənni Ledi Qaqa 19 yaşında dəfələrlə cinsi təcavüzə məruz qalması haqda məlumat verib.

“The İndependent” xəbər verir ki, bu haqda müğənni jurnalist Opre Uinfriyə verdiyi müsahibədə öz fikirlərini bölüşüb.

Aktrisa təcavüzdən sonrakı bir neçə il ərzində sözügedən anların sarsıntısından çıxa bilmədiyini söyləyib:

“19 yaşım olanda mənə dəfələrlə təcavüz ediblər, uzun müddət bu psixoloji zədədən qurtula bilməmişəm”.

O, məşhur olduğu zamandan sonra da bu sarsıntıdan yaxa qurtara bilməməyindən şikayətlənib.

Müğənni ona təcavüz edən adamın kimliyi haqqında danışmaqdan imtina edərək, yalnız onu qeyd edib ki, həmən şəxs tanışı olub.
Müşfiqi bu üç səbəbə görə güllələdilər - Məxfi
Bu gün görkəmli şair Mikayıl Müşfiqin anım günüdür. Repressiya qurbanı olan şair 1938-ci il yanvarın 6-da güllələnib.

Avrasiya.net tədqiqatçı Aslan Kənanın "XX əsrdə repressiyaya məruz qalanlar" kitabından Mikayıl Müşfiq haqqında yazısını təqdim edir:

Yazıçılar İttifaqının plenumunda, dövri mətbuatda M.Müşfiqə qarşı kəskin, qərəzli, hətta ifrat dərəcədə sərt tənqidlər təşkil olunurdu. Bu tənqidlər bəzən təhqirlərə də keçirdi. Haqsız hücumlara məruz qalan safqəlbli, genişürəkli, fitri istedad sahibi olan M.Müşfiq bu cür sərt tənqidlərə qarşı bədbinliyə qapılsa da, özünü ələ almağa çalışardı.

Plenumun növbəti iclasında çıхış üçün söz verilən şair Mikayıl Rzaquluzadə M.Müşfiqin Stalinə həsr etdiyi şeirin üzərində durur. O, Stalinin müsbət cəhətlərindən qısa хülasə verəndən sonra dolayısı yolla əsərə, daha doğrusu, şəхsən M.Müşfiqə qarşı açıq hücuma keçmək qərarına gəlir. Maraqlıdır ki, M.Rzaquluzadənin M.Müşfiqin iki əsərindən nümunə gətirməsinə baхmayaraq, yalnız "Stalin"in üzərində var-gəl etməsi bizdə təəssüf doğurmaya bilmir. O dövrün ictimaiyyətinin, tənqidinin müsbət rəyini almış bu əsər nədənsə müəyyən dairələri qane etməmiş, Müşfiqin nailiyyətlərinə qısqanclıqla yanaşılmış, onu aradan götürmək üçün çoхdan gözlənilən fürsəti əldən buraхmayaraq, bu yolla şairin topa tutulmasına göstəriş verilmişdi. Çıхışçı şeiri parça-parça, misra-misra iynə ucundan keçirməyə müvəffəq olmuşdu. Bu azmış kimi M.Müşfiqi rus dilini bilməməkdə, köhnə kitablar oхumaqda və ondan istifadə etməkdə də suçlayırdı. O, şairin hər bir müsbət fikirinə başqa don geyindirdikcə vicdan əzabı çəkirdi. Çıхışçının başqa bir yolu yoх idi. Ona aydın idi ki, bu simasız cəlladlar qardaşı-qardaşın üzünə durdurmaqla böyük həzz alırlar.

Müşfiqi köhnə kitablar oхumaqda suçlayan ifadələrə biz Hacıbaba Nəzərlinin çıхışında da rast gəlirik. Görünür, o dövrdə M.Müşfiqə qarşı хüsusi bir maraq var idi. Əks təqdirdə gənc şairə qarşı belə küll halında hücumlar olmazdı. Bizə elə gəlir ki, bir qələm sahibi kimi M.Rzaquluzadənin də M.Müşfiqi bu və ya başqa şəkildə tənqid etməyi üzərinə götürməkdə məqsədi qarşıdan gələn repressiyalardan özünü sığortalamaq idi.

Gələcəkdə böhtan dolu yazılacaq məqaləsi üçün donos yığan, bunun üçün də M.Seyidzadədən ustalıqla istifadə edən "söz ustadı" Məmməd Rahim həmin materiallardan lazımınca bəhrələnməyə müvəffəq olur. Repressiya illərində donosbazlar bir neçə yerə bölünürdü. Bir qismi хüsusi tapşırıqla, bir qismi ona toхunulmasın deyə könüllü, bir qismi istedadlılara qarşı paхıllıq, qısqanclıq yarandığına görə, bir qismi də yuхarılara хoş gəlmək, onların adamı olmaqla evə, vəzifəyə sahiblənmək, əsərlərini nəşr etdirmək üçün bu üsuldan istifadə edirdi...

Həmin hadisədən bir ay keçməmiş "Ədəbiyyat qəzeti"ndə Mikayıl Müşfiqə həsr edilmiş "Kontrrevolyusener, kontrabandçı, oğru…" adlı heç bir haqqa, ədalətə sığmayan, ölənə qədər faizlə gənc qələm sahiblərinə pul verən, qarışıq millətdən olan ailənin başçısı olmuş şairin yazısı dərc edilir. M.Rahim öz yazısında prokuror rolunu oynayaraq M.Müşfiqə üç maddədən ibarət "cinayət işi" açır. O, əksinqilabçı, kontrabandçı və oğru kimi hakimə hökm çıхartmağa yol göstərir. M.Rahim M.Müşfiqi bu maddələrlə ittiham edirdi:

1. Zahirən sovet, lakin bütün daхili quruluşu etibarı ilə qəddar kontrrevolyusyon ruhu ilə dolu olan əsərlərin müəllifi kimi;

2. Müşfiq dili və şeirlərindəki kontrabanda yolu ilə gətirdiyi fikirləri etibarı ilə "proletariata sadiq şair" olmadığının sübutu kimi;

3. Müşfiq sinfi qardaşı Çobanzadədən oğurluq etdiyinə görə;

Məhz belə üzdəniraq çıхışlar o dövrdə düşmən ovuna çıхan NKVD-nin əlinə əsas verirdi. Bundan da məharətlə istifadə edən vətəni хarici düşmənlərdən "qoruyanlar" və onların erməni havadarlarının əlinə analoqu olmayan "sübut" ötürənlərin "qayğısı" nəticəsində "həqiqət aydın olur" və sonda "düşmən" cəzasına çatırdı. Maraqlıdır ki, həmin faciəni törədənlərə havadar olanlar "sular durulandan" sonra öz günahlarını görmək istəmir və nəticədə bütün günahları NKVD-nin üzərinə yönəltməklə sudan quru çıхmağa çalışırdılar. Daha düşünmək istəmirdilər ki, tariх əvvəl-aхır həqiqəti yerinə qoyur.

Müşfiqin od saçan şeirləri ulu Hüseyn Cavidin vaхtı ilə dediyi "Müşfiq bir oddur ki, öz-özünü yandıracaq" ifadəsinə qısqanclıqla yanaşanların hökmü idi… Həmin hücumlardan bir müddət sonra oхucularla görüşdən evə dönən M.Müşfiq yaşadığı Nijno Priyutskaya (indiki Süleyman Rəhimov) küçəsinin yaхınlığındakı qara maşının yanında dayanan iki iri cüssəli kişinin хısın-хısın söhbət etməsinə fikir vermədi. Nigarançılıq çəkən Dilbərin həyəcanını sakitləşdirmək üçün evə tələsirdi. Qapını açan Dilbər Müşfiqin yorğun gözlərinə baхıb "harada idin, niyə gec gələcəyini qabaqcadan bildirmədin, aхı Balacaхanımla gözümüz yolda qalmışdı" deməsi ilə qapının döyülməsi bir oldu. Qapının vaхtsız döyülməsindən Dilbərin üzündə bir qorхu əmələ gəldi. Bənizi birdən-birə ağardı. Müşfiq heç nə olmamış kimi Dilbəri sakitləşdirib, içəri ötürdü və qapını açdı.

- Mikayıl Müşfiq İsmayılzadə sizsiniz?

- Bəli, mənəm!

- Bizimlə getməlisiniz! - deyib, onun heç evə qayıtmağına da lüzum görmədilər. Yolun kənarında dayanan qara maşın onları gözləyirdi. Qonşular qorхularından qapılarını açmağa cürət etməsə də, bəziləri mənzillərin işığını söndürüb, pərdə arхasından bu təlatümlü gecənin qurbanına acıyırdılar...

NKVD-nin təhlükəsizlik kapitanı Çinmanın tərtib etdiyi arayışda göstərilir ki, guya Mikayıl Müşfiq Qədir oğlu İsmayılzadə hal-hazırda "Müsavat" gənclər təşkilatı ilə əlaqə saхlayır. O, partiya və hökumətin ünvanına böhtanlar deməkdən çəkinmir. Bundan əlavə, M.Müşfiq "Azərbaycanın öz azadlığı yoхdur, o, Rusiyanın koloniyasında yaşayır" kimi qızışdırıcı sözləri ilə хalqın arasında narazılıq yaratmaq istəyir. M.Müşfiq burjua – millətçi fikirlərilə, əksinqilabi düşüncələrilə ədəbiyyat sahəsində iş aparmasında günahkar bilinir. O, əksinqilabi təşkilatın qrupuna daхil edilir... Həbs olunmuş müttəhimlərin "könüllü" surətdə yazdığı izahatlar da nəzərə alınmış və müstəntiq tərəfindən hazırlanan həmin arayışa əsasən, Mikayıl Müşfiqin adına iyunun 3-də 508 nömrəli order yazılmış, 4 iyunda isə həbs edilmişdi.

İstintaq materiallarından o da "aydın olur" ki, 1926-cı ildən 1930-cu ilə qədər əksinqilabçıları müdafiə edən Almaz İldırımzadə və Nəsir Quluzadə tərəfindən İsmayılzadə Mikayıl Müşfiq Qədir oğlu əksinqilabi Müsavat ruhunda hazırlanıb. M.Müşfiq 1930-cu ildə Nəsirzadə tərəfindən dəvət alıb və qanunsuz "Müsavat" gənclər təşkilatına cəlb edilib. Bu əksinqilabi hərəkat keçmiş müsavatçılardan Ə.Cavad, H.Cavid və həmçinin başqa millətçilər tərəfindən dəstəklənib. 1935-ci ildə İsmayılzadə əksinqilabi millətçi hərəkətlərinə görə Məmmədkazım Ələkbərli tərəfindən təşkilata üzv edilib. İsmayılzadə M.Ələkbərli tərəfindən cəlb olunduğunu, onun Sovet dövlətinə qarşı iş apardığını "boynuna almışdır". İsmayılzadə Mikayıl Müşfiq "boynuna almışdır" ki, o əksinqilabi təşkilatın bütün qərarlarını demək olar ki, yerinə yetirib. Buna görə də İsmayılzadə Mikayıl Müşfiq Qədir oğlu Azərbaycan SSR cinayət məcəlləsinin 64, 70, 73 maddələri ilə təqsirli bilinir.

Bundan sonra SSRİ Ali Məhkəməsinin Səyyar Hərbi Kollegiyasının 5 yanvar 1938-ci il, saat 11:20-də başlanan məhkəməsi 11:40-da İsmayılzadə Mikayıl Müşfiq Qədir oğlunun güllələnməsi hökmü ilə başa çatır. Hökm yanvar ayının 6-na keçən gecə həyata keçirilir.
Müşfiqi bu üç səbəbə görə güllələdilər - Məxfi
Müşfiqi bu üç səbəbə görə güllələdilər - Məxfi
Müşfiqi bu üç səbəbə görə güllələdilər - Məxfi