Toysuz qalan meyxanaçı dəllallığa girişdiTanınmış meyxanaçı Vüqar Əbdülov ev alqı-satıqısına başlayıb.

Kult.az xəbər ki, bu barədə meyxanaçının özü İnstaqram səhifəsində məlumat yayıb.

Meyxanaçı ev alğı-satıqısı ilə bağlı ofisin qarşısından fotosunu bu sözlərlə paylaşıb: "Keçdik bu işlərə. Allah alana da, satana da xeyir versin".

Qeyd edək ki, Vüqar Əbdülov bir müddət bundan əvvəl Musavat.com-a açıqlamasında toylarsız qalan digər həmkarları kimi maddi vəziyyətinin çox ağır olduğunu bildirmişdi. Meyxanaçı sənətdən başqa bir iş bacarmadığını, gələcəkdə veriliş və filmlərdə, televiziya və yaxud mətbuatda işçi kimi çalışmağı düşündüyünü demişdi.
Azərbaycanda vətənpərvər yazıçı var, Sərdar CəlaloğluÇox təəssüf edirəm, Azərbaycan siyasətində kimsə savab bir iş görmək əvəzinə dağıdıcılıqla, məhv etməklə məşğuldu. Ortada olan Azərbaycan ziyalılarına qara yaxmaqla məşğuldur. Məncə siyasətçi danışdığı sözün mahiyyətinə varıb, ondan sonra danışsa daha yaxşı olar. Siyasətçinin danışdığı hər kəlmə söz dinləyicisi üçün örnək olmalıdır, bir yol göstəricisi olmalıdır. Siyasətçi ziyalısını öz ətrafına toplamalıdır, qarayaxma ilə məşğul olmamalıdır. Ona görə xalq tərəfindən onların rəğbət hissi qalmayıb.

Xalqdan, ziyalıdan qurtarıb sonra başlayırlar bir-birinə qara yaxmaqla məşğul olmağa. Kəndə böyümüşəm; kənd adamlarında belə bir xüsusiyyət var, kənddə üç, ya dörd adamın adı eyni olanda, onların adlarının önünə bir əliğa yapışdırırlar. Kəndimizdə Şərif adında dörd adam var idi, birinə qəzə Şərif, birinə pepi Şərif, birinə buğa Şərif, o birisinə yetim Şərif deyirdilər. İndi bu müxalifətçi qardaşlarımız dayaqlarını itiriblər, başlayıblar özləri özlərinə ad qoymağa. Cib müxalifəti, papqa müxalifəti, şapqa müxalifəti, radikal müxalifət, dağıdıcı müxalifət, söyücü müxalifət. Məncə işləri, gücləri olsaydı, hamı öz işi ilə məşğul olardı.

Bir təsadüf nəticəsində Reaksiya TV- də dostumuz Zaur Qərboğlu ilə Sərdar Cəlaloğlunun söhbətinə qulaq asası oldum. O söhbətdə Sərdar bəy Özbəkistanın da bizim tərəfimizi saxladığını, hətta bir özbək yazıçısının bizi müdafiə etdiyin qeyd etdi, amma adını çəkmədi. Bizi müdəfiə edirsə, mütləq adı çəkilməli idi. Bəlkə, o an adı Sərdar bəyin yadından çıxmışdı. Amma mən deyim. Qardaş Özbəkistan şairi və tərcüməçi, Karim BAXRIEV cənabları bizim mövqeyimizdən çıxış edir. Bir neçə cümləni xatırladım. Qardaş ölkənin şairi Karim Baxriev qeyd edir ki, “Özbəkistan daim beynəlxalq hüququn prinsiplərini, dövlətlərin ərazi bötövlüyünü dəstəkləyib və dəstəkləyəcək. Biz ədalətin yanındayıq. Qardaş Azərbaycan xalqını bu təcavüzdə yalqız qoymayacağıq və onlarla çiyin-çiyinə dayanacağıq”.

Bəli, biz qardaş Özbəkistanı və onun ziyalı şair və tərcüməçisi cənab Karim BAXRIEVİ alqışlamalıyıq.
Hə, bəs sonrası? Sonrası, Sərdar bəyin Azərbaycan Yazarına nifrət dolu çıxışından danışım. Əvvəlcə onu qeyd edim ki, Sərdar bəy çox dar düşüncədən çıxış etdi. O, elə bilir ki, Azərbaycanda Anardan və Əkrəm Əylislidən başqa yazıçı yoxdu. Anarın adını rişxəndlə çəkdi, Əkrəmin adını çəkmədi, yəqin özünə rəva bilmədi, onu qeyd etdi ki, “DAŞ YUXULAR”( yəni, Azərbaycanın mövqeyinə xələl gətirən bir roman).

Gülümsünüb, sonra da o, çıxışında qeyd etdi ki, Azərbaycanda vətənpərvər yazıçı, şair yoxdu.

Bəlkə, belə bilir? Yox, Sərdar bəy, var! Azərbaycan ədəbiyyatı bu sarıdan sonsuz deyil. Siz dediyinizin əksinə olaraq çox vətənpərvər yazıçılarımız var. Bircə görmək lazımdır.

Onun əksinə olaraq Zaur Qəriboğlu: -Var! –dedi. -Amma müstəqil media adlanın Reaksiya TV rəhbəri, hansı bədii əsər olduğunu deməkdən çəkindi. Bilmirəm niyə? Ən aşağısı Zaur bəy bilirdi ki, mənim yazdığım SANDIQ adında bir roman var (Bu roman onda olduğu üçün deyirəm). O roman Azərbaycan adına utancaqlıq gətirə bilməz. Tənqitcilər dünya arenasına çıxa biləcək bir roman kimi təqdim ediblər.

“Sandıq” romanı necə maraqlı süjet və kompozisiya üzərində qurulmuşdur. Özünü qalib sayan xalqın nümayəndəsi qalib hisslərlə yaşamır, o daim qorxu altındadır, hadisələrin sonunun onların xeyrinə olmayacağını fəhmlə duyur və buna görə də narahat olur. Heç nəyə inamım qalmayıb mənim, bu gündən sabaha etibar yoxdur, heç nəyə bir damcı da olsun ümid bəsləmirəm, deyə düşünür. Hadisələrin hansı yana yön alıb gedəcəyi də məlum deyil. Harınlamış yekəbaşlar, yekəqarınlar, gönüqalınlar sadə insanların taleyinə biganədirlər. Çox maraqlıdır ki, bu narahatçılıq əsərin bütün erməni qəhrəmanlarında var, sanki onları gizli bir əl içəridən tutub silkələyir. Çünki onlar yaxşı bilirlər ki, müharibəni törədən və indi at oynadan həmin harınlar çətinə gələndə ancaq özlərini düşünəcəklər!

Başqa epizodu xatırladım.

Aprel döyüşündən sonra gənc leytenant Bədəlyanla, Qarabağ müharibəsinin başlandığı gündən bu günə qədər, həmişə ölmüş erməni əsgərlərinin meyidini Xankəndindən İravana aparan sürücü Xorenlə mübahisəsi zəminində bəlli olur ki, 25 il əvvəl Xoren həmin yolda meyit apararkən qarşısına qucağında körpəsi olan bir erməni qadını çıxır. Xoren çox gözəl olan erməni qadınından keçə bilmir. Təcavüz etmək fikrinə düşür. Qadın başa düşüb qaçmaq istəyir. Çölün düzündə, qışın şaxtalı günündə haraya qaça bilərdi?! Çaşqın vəziyyətdə qalan qadın Zil markalı maşının kuzasına çıxır. Fürsətdən istifadə edən Xoren qadının arxası ilə kuzaya çıxır və apardığı erməni meyitlərinin üzərində qadın cinsi təcavüzə məruz qalır.

Sonrakı söhbətdən məlum olur ki, 25 il əvvəl həmin qadının qucağındakı körpə uşaq Xorenlə mübahisə edən Leytinant Bədəlyandır.

Erməni vandalizmi nəyin ki, türk millətinə və ya digər millətlərə qarşı xəyanətkardır, hətta, öz milləti də məkirli niyətlərinin qurbanına çevrilir.

Onu yaxşı bilirlər ki, Qarabağ mövzusunda çox əsər yazılıb, amma erməni xislətini içdən təhlil edən kitab ilk dəfədir ki, qələmə alınır.

Atalar demiş, “bu meydan, bu şeytan”. Buyurun, baxın, səhv edirəmsə deyin, amma baxın, mən həmişə vicdanlı tənqidə və təhlilə açığam, lazımdısa tənqid edin. Bircə qarayaxmanı sevmirəm, Sərdar bəy.

Üzümü Hökumətə, elə müxalifətə də tutub deyirəm: -Belə ədəbiyyat nümunələri təbliğ olunmalıdır, necə ki, düşmənlər təbliğ edir. Sonra deməyək: - bizdə ədəbiyyat yoxdur, vətənpərvər yazıçı yoxdur.

Qalib Şəfahət
AYB-nin üzvi,
Həkim-kardioloq
Bu gün Azərbaycan Kinosu GünüdürKult.az xatırladır ki, Ümummilli lider Heydər Əliyevin 2000-ci il 18 dekabr tarixli Sərəncamı ilə avqustun 2-si kino işçilərinin peşə bayramı - Azərbaycan Kinosu Günü kimi qeyd olunur.

Fransada keçirilmiş ilk kinoseansdan iki il sonra – 1898-ci il avqustun 2-də Bakı elmi-foto dərnəyinin katibi, naşir və fotoqraf Aleksandr Mişon özünün lentə aldığı “Bibiheybətdə neft fontanı yanğını”, “Əlahəzrət Buxara əmirinin yolasalma mərasimi”, “Qafqaz rəqsi” xronikal sənədli və “İlişdin” adlı bədii süjetlərini nümayiş etdirmişdi. Həmin gün milli kinonun yaranma günü sayılır.

Ötən əsrin əvvəllərində “Pate”, “Pirone”, “Filma” kimi xarici kino şirkətləri Bakıda filiallarını açaraq film istehsalı ilə məşğul olublar. 1916-cı ildə yazıçı İbrahim bəy Musabəyovun eyniadlı povesti əsasında “Neft və milyonlar səltənətində”, 1917-ci ildə isə Üzeyir Hacıbəylinin eyniadlı operettası əsasında “Arşın mal alan” qısametrajlı bədii filmləri çəkilib.

Azərbaycan Xalq Cümhuriyyəti dövründə hökumət bir çox mədəni-siyasi islahatlar keçirib. Xarici aləmlə diplomatik, mədəni-iqtisadi əlaqələr dünya kinosunun ilk nümunələrinin Bakıya gətirilməsinə və ictimai baxışlara təkan verib. Bunun nəticəsində Bakıda kinematoqrafiya həvəskarlarının sayı artmağa başlayıb. 1918-ci ildə onlar “Kinematoqrafiya və teatr qulluqçuları şurası”nda birləşiblər.

Azərbaycanda sovet hakimiyyəti qurulduqdan sonra 1923-cü ildə Azərbaycan Foto-Kino İdarəsi (AFKİ) yaradılıb və həmin il aprelin 28-də Birinci Dövlət Kinofabriki açılıb. Burada çəkilən ilk film xalq əfsanəsinin motivləri əsasında yaradılmış “Qız qalası” bədii filmi olub.

1923-1926-cı illərdə kinostudiya Birinci Dövlət Kinofabriki, sonradan AFKİ Kinofabrik ilə birləşdirilərək “Azdövlətkino”, “Azərkino”, “Azərfilm”, “Azdövlətkinosənaye”, “Bakı kinostudiyası”, “Azərbaycanfilm” adlandırılıb. 1960-cı ildən Cəfər Cabbarlının adını daşıyır.

“Azərbaycanfilm”də indiyədək iki mindən çox müxtəlif növ və janrda film istehsal olunub. Onların bir hissəsi, o cümlədən “Arşın mal alan”, “Şərikli çörək”, “Ad günü”, “Sevinc buxtası”, “İstintaq”, “Yaramaz” və başqaları Dövlət mükafatlarına, bir çox filmlər, o cümlədən “Ögey ana”, “Uzaq sahillərdə”, “Arşın mal alan”, “Bizim Cəbiş müəllim”, “Axırıncı aşırım”, “Nəsimi”, “Özgə vaxt”, “Sarı gəlin”, “Ovsunçu”, “Buta”, “Çölçü”, “Nabat”, “Axınla aşağı” və digərləri beynəlxalq və digər kinofestivalların mükafatlarına layiq görülüb.
BMT-dən Aya Sofya açıqlaması: Statusunu itirə bilər?Aya Sofyanın mədəniyyat məkanı olaraq qalması təmin edilməlidir.

Avrasiya.net xəbər verir ki, bu barədə BMT mütəxəssisləri bəyanat yayıb.

“BMT-yə görə Aya Sofya beynəlxalq əhəmiyyətli bir abidədir. Abidənin statusu tələsik şəkildə dəyişdirildiyi üçün UNESKO-nun Ümumdünya Mədəni İrs statusunu itirmək təhlükəsi altındadır. Türkiyə hökumətinin rəsmilərinin bu çərçivədəki öhdəliklərini yerinə yetirməsi vacibdir. Aya Sofya Türkiyədə ən çox ziyarət edilən turistik məkandır və bina beynəlxalq əhəmiyyətə sahib bir abidədir”, - bəyanatda bildirilib.
AKİ ssenari müsabiqəsinin qaliblərinin adlarını açıqladıAzərbaycan Kinematoqrafçılar İttifaqı A. M. Qorçakov adına İctimai Diplomatiyaya Dəstək Fondu ilə birgə sənədli kino sahəsində aktivliyi artırmaq , o cümlədən Rusiyada elm , mədəniyyət, ictimai fəaliyyəti ilə görkəmli nəticələr əldə etmiş azərbaycanlıların daha geniş tanıtmaq məqsədi ilə “Rusiyanın görkəmli azərbaycanlıları” beynəlxalq sənədli filmlər ssenariləri müsabiqəsi elan etmişdi. Elan edildiyi kimi “Aşur evi” (Əkbər N. Nəcəf, İdris Heydərli, Seyran Mahmudoğlu),“Bir ailənin əsri” (Toğrul Cuvarlı, Ziya Şıxlinski),“Qacarlar” (Nicat Dadaşov, Reyhan İsayeva),“Xatirələrim məndə yaşayır” (Nadir Maçanov),“Mamed” (Seymur Elsəvər ),“Next” (Çingiz Rəsulzadə),“Sadəcə Emin…” (Günel Mehri), “Şərqdə doğan günəş” (Ülviyyə Əhmədova),“Tənha” (Ruslan Mollayev),“Üç nəfərdən artıq yığışmaq olmaz” (Çingiz Rəsulzadə) ssenariləri müsabiqəyə buraxılmışdı. Rüstəm İbrahimbəyovun sədrliyi ilə Oleq Səfərəliyev, Vaqif Azəryar və Əli İsa Cabbarovun daxil olduğu münsiflər heyəti Milli Kino günü öncəsi qalibləri müəyyən etmişdir:
1-ci yer -“Aşur evi” (Əkbər N. Nəcəf, İdris Heydərli, Seyran Mahmudoğlu)

2-ci yer “Bir ailənin əsri” (Toğrul Cuvarlı, Ziya Şıxlinski)

3-cü yerlər “Şərqdə doğan günəş” (Ülviyyə Əhmədova)
“Next” (Çingiz Rəsulzadə)
“Qacarlar” (Nicat Dadaşov, Reyhan İsayeva)

Azərbaycan Kinematoqrafçılar İttifaqı birinci yer tutmuş ssenarinin kino həyatı qazanması üçün səy göstərəcəkdir. Münsiflər heyəti müsabiqəyə qatılmış müəlliflərə müsabiqədə iştiraka görə minnətdarlığını bildirir, yaradıcı fəaliyyətdə uğurlar arzu edir. Müsabiqənin qalibləri diplom və pul mükafatı ilə təltif ediləcəklər.
 Rasim Balayev karantinə alındıXalq artisti, aktyor Rasim Balayev 14 günlük karantinə alınıb.

Bu barədə Kult.az-a xalq artisti özü məlumat verib.

O bildirib ki, koronavirusa yoluxmayıb:

“Bir neçə gün öncə müayinə üçün Türkiyəyə getmişdim. 5 gün orada qaldım. Hər şey yaxşıdır. Səhhətim də normaldır. Yanvarda qardaş ölkədə əməliyyat olunmuşdum. May ayında müayinədən keçməli idi. Koronavirusa görə yollar bağlandı, gedə bilmədim. Təzəlikcə qayıtmışam. Ölkəyə dönən kimi 14 günlük karantinə aldılar. ASAN Xidmətə zəng vurub səbəbini soruşdum. Dedilər ki, qayda belədir. Xarici ölkədən qayıdanlar iki həftə evdən bayıra çıxmamalıdır. İndi bayıra da çıxa bilmirəm. Evə ərzağı uşaqlar alır”.

Maya və Ulduz dünyasını dəyişdiAzərbaycan kino sənətində Maya və Ulduz obrazları ilə yaddaşlarda qalan aktrisa və pianoçu Tamilla Rüstəmova uzun sürən xəstəlikdən sonra dünyasını dəyişib.

Avrasiya.net xəbər verir ki, bu barədə sosial şəbəkədə məlumat paylaşılıb.

Qeyd edək ki, Tamilla Rüstəmova Azərbaycanın görkemli bəstəkarı Səid Rüstəmovun ailəsində dünyaya göz açmışdır.
Allah rəhmət eləsin!

Azərbaycanda məşhur musiqiçi ölüm ayağındadır - FOTONağara ifaçısı Zöhrab Məmmədovun səhhəti pisləşib.

Avrasiya.net xəbər verir ki, bu haqda klarnet ifaçısı Hüseyn Məhəmmədoğlu instaqram səhifəsində paylaşım edib.

O, fotonu paylaşaraq insanları və Hacı Nuranı sənətçiyə kömək etməyə səsləyib:
Azərbaycanda məşhur musiqiçi ölüm ayağındadır - FOTO
"Azərbaycan nağara sənətinin ən öndə duran sənətkarlarından biri Zöhrab Məmmədovun köməyə ehtiyacı var. Üzümü tuturam ilk növbədə imkanlı şəxslərə sonra da Hacı Nurana. Yardımı ancaq populyar oxuyanlara yox belə sənətkarlara da etmək lazımdır. Axı o, Azərbaycanın sərvətidir. O, həqiqətən xəstədir, başqaları kimi yalandan aldatmır".

Qeyd edək ki, 73 yaşlı musiqiçinin müalicəsi üçün maddi yardıma ehtiyacı var. Nağaraçının yaxınları bununla bağlı "Facebook"da yardım kampaniyasına başlayıblar. Sənətçinin təcili əməliyyata ehtiyacı var.
İlham Əliyev Xalq artistinə ev verdiPrezident İlham Əliyev Azərbaycanın Xalq artisti, aktyor, ssenari müəllifi Vidadi Həsənova ev hədiyyə edib.

Avrasiya.net xəbər verir ki, dövlət başçısı tərəfindən hədiyyə edilən 3 otaqlı mənzilin açarları Xalq artistinə təqdim olunub.

Belə ki, Prezident İlham Əliyev V.Həsənova mənzili onun doğum günündə (iyulun 16-da - red) hədiyyə edib.

Xalq artisti dövlət başçısına təşəkkür edib:

“Mən bu tarixdə 62 yaşımı haqladım. Ad günümdə səmimi, xoş arzular da oldu, maraqlı və dəyərli hədiyyələr də. Hamınıza təşəkkür edirəm. Dostlar! O gün, xüsusi ilə bir hədiyyənin mənə və ailəmə bəxş etdiyi sevinci sizinlə bölüşmək istəyirəm. Bilmirəm, bəlkə, bu təsadüf idi? Əlbəttə, bu, təsadüf ola bilərdi. Bəlkə də, sadəcə, tarixlər üst-üstə düşmüşdü? Əlbəttə, belə də ola bilərdi. Amma, mən belə düşünmək istəmirəm. Bu, nə təsadüf idi, nə də tarixlərin üst-üstə düşməsi. Məncə bu, qayğıkeş bir rəhbərin, genişürəkli bir insanın hər bir ölkə vətəndaşına göstərdiyi diqqətin ibrətamiz bir nümunəsi idi. Bu yaxınlarda məni Bakı Şəhər İcra Hakimiyyətinə çağırıb, bir sərancam təqdim etdilər. Bu, Həsənov Vidadi İsmail oğluna, Bakı şəhərində 3 otaqlı mənzil verilməsi ilə bağlı Möhtərəm Prezident cənab İlham Əliyevin sərancamı idi. Sərancamın tarixi isə - istəyirsiz inanın, istəyirsiz yox - məhz 16.07.2020-ci il idi. Dostlar! Bilmirəm, bəlkə, bu təsadüf idi? Bəlkə də, tarixlər üst-üstə düşmüşdü? Siz necə istəyirsiz düşünə bilərsiniz. Məncə, belə deyildi. Möhtərəm Prezident! Bu əlamətdar gündə mənə və ailəmə bəxş etdiyiniz sevincə görə Sizə dərin təşəkkürümü bildirirəm”.

Qeyd edək ki, V.Həsənov 1958-ci ilin iyulun 16-da Gəncədə anadan olub. Gəncə şəhər 37 saylı məktəbi bitirib. 1979-cu ildə hərbi xidməti başa vurduqdan sonra Cəfər Cabbarlı adına Gəncə dövlət dram teatrında fəaliyyətə başlayıb. 1980-ci ildə isə Azərbaycan Dövlət Mədəniyyət və incəsənət İnstitutunun dram və kino aktyoru ixtisasına daxil olub. İnstitutun Tədris Teatrında aktyor kimi iştirak edib.

O, 1986-cı ildə həmin universitetdə müəllim kimi fəaliyyətə başlayıb. Aktyor 1990-cı ildən isə YUĞ teatrında çalışır. 9 may 2012-ci ildə Əməkdar artist fəxri adına, 31 iyul 2019-cu ildə Azərbaycan kinematoqrafiyasının inkişafında xidmətlərinə görə Azərbaycanın xalq artisti fəxri adına layiq görülüb.