“Əsrin müqavləsi” ölkəmizin gələcəyi üçün hesablanıb
1994-cü il Sentyabrın 20-də imzalanmış “Əsrin müqaviləsi” qısa müddət əvvəl müstəqillik əldə etmiş Azərbaycanın yalnız iqtiasdi cəhətdən özünü tam təmin edə bilməsi və qlobal iqtiasdi arenada müstəqil addımlar atması üçün təməli qoyulan ən böyük iqtisadi dayaq kimi deyil, o cümlədən hegemon dövlətləri dövlətimizlə ortaq maraqlara sahib olmağa vadar edən güclü bir səbəb kimi qiymətləndirilməlidir.
Bu fikirəri Avrasiya.net-ə açıqlamasında İqtisadçı Ekspert, Müvəkkil Hüquq Mərkəzi İqtisadi təhlil və tədqiqatlar Departamentinin rəhbəri Əkbər Əsgərov bildirib.
Ekspert qeyd edib ki, neft sektorundan gələn gəlirlərin müstəqillik əldə oldunduğu illərdən bu zamana qədər ölkə iqtiasdiyyatının əsas daşıyıcı lokomativi olduğunu nəzərə alsaq atılmış bu addımın ölkəmiz və bölgə üçün nə dərəcədə əhəmiyyətli olduğunu daha asanlıqla başa düşərik.
"Güclü və dayanıqlı iqtisadiyyatın hər bir ölkə üçün gələcəyə ümidlə baxma fürsəti yaradan ən önəmli amillərdən biri olduğunu və ölkəmizin iqtisadiyyatı üçün neftin nə dərəcədə önəmli olması reallığını göz önünə gətirsək “Əsrin müqavləsi”ni yalnız öz dövrü üçün deyil, eyni zamanda ölkəmizin gələcəyi üçün necə önəmli olduğunu aydın şəkildə görə bilərik. "
