Zərgərlik fəaliyyətilə bağlı İşçi Qrupu yaradılır
Azərbaycanda zərgərlik sahəsində fəaliyyət göstərən və hökumət nümayəndələrindən ibarət İşçi Qrupunun yaradılması təklif edilir.
Avrasiya.net xəbər verir ki, bu barədə İqtisadiyyat naziri Mikayıl Cabbarov “Azərbaycanda zərgərlik bazarının inkişaf perspektivləri: problemlər və imkanlar” mövzusunda sahibkarlarla keçirilən görüşdə deyib.
Nazir qeyd edib ki, bu sahədə sahibkarların işinin asanlaşdırılması istiqamətində assosiasiyanın yaradılması xüsusi əhəmiyyət kəsb edə bilər.
Xatırladaq ki, bu gün Bakıda “Azərbaycanda zərgərlik bazarının inkişaf perspektivləri: problemlər və imkanlar” mövzusunda sahibkarlarla görüş keçirilir. Tədbirdə Azərbaycan İqtisadiyyat naziri Mikayıl Cabbarov, Dövlət Gömrük Komitəsinin sədri Səfər Mehdiyev və digər rəsmi şəxslər iştirak edirlər.
