23 okt 18:17iqtisadiyyat

Azərbaycanda bu nazirliklərin ləğv olunması təklif edildi

Azərbaycanda bu nazirliklərin ləğv olunması təklif edildiİqtisadçı alim Qubad İbadoğlu Azərbaycanda bəzi nazirliklərin ləğv edilməsi və ya başqa bir nazirliyə birləşdirilməsi ilə bağlı təklif irəli sürüb.

O, hesab edir ki, nazirliklərin sayı 12-yə qədər azaldıla bilər:

“1) Gələn ildən tibbi sığortanın tətbiqini nəzərə alaraq Səhiyyə Nazirliyi ləğv edilsin və ya Əmək və Əhalinin Sosial Müdafiəsi Nazirliyinə birləşdirilsin.
2) Sillahlı qüvvələrin texniki təchizatını bir mərkəzdən idarə etmək üçün Müdafiə Sənayesi Nazirliyi Müdafiə Nazirliyinə birləşdirilsin.
3) Ölkədə fövqəlada halların baş vermədiyini nəzərə alaraq Fövqəlada Hallar Nazirliyi ləğv edilsin və onun bazasında dövlət komitəsi yaradılsın.
4) İdmançıların polis orqanlarında çalışdığını, gənclər siyasəti ilə prezidentin özünün məşğul olduğunu nəzərə alaraq Gənclər və İdman Nazirliyi də ləğv edilsin.
5) Qeyri-neft sektoru ilə neft-qaz sektoru arasında balansı təmin etmək üçün Energetika Nazirliyi də İqtisadiyyat Nazirliyinə birləşdirilsin.
Beləliklə də nazirliklərin sayı 12-ə qədər azaldılsın”.

Qeyd edək ki, bu gün Prezident İlham Əliyevin imzaladığı fərmanla Vergilər Nazirliyi, Dövlət Əmlak Komitəsi ləğv edilərək İqtisadiyyat Nazirliyinə birləşdirilib.
XƏBƏR LENTİ
SORĞU