Bu gün "Qarabağ" "Kukesi"ni qəbul edəcəkBu gün "Qarabağ" UEFA Çempionlar Liqasının II təsnifat mərhələsinin cavab matçı çərçivəsində Albaniya təmsilçisi "Kukesi"ni qəbul edəcək.

Səfərdə keçirdiyi ilk oyunda qolsuz heç-heçə edən komanda kollekliv doğma azarkeş önündə qələbə qazanmağa çalışacaq. Ağdam təmsilçisi bu görüşdə yeni transferləri - Con Delarj və İnnosent Emeqaranın da xidmətindən yararlana biləcək.

"Qarabağ" "Kukesi" səddini keçəcəyi təqdirdə BATE (Belarus) – HİK (Finlandiya) cütünün qalibi ilə üz-üzə gələcək. Məğlub olan komanda isə Avropa Liqasının III təsnifat mərhələsində “Torpedo” (Gürcüstan) – “Vikinqur” (Farer adaları) cütünün güclüsü ilə qarşılaşacaq.

Çempionlar Liqası

II təsnifat mərhələsi


Cavab oyunu

1 avqust

21:00. “Qarabağ” (Azərbaycan) – “Kukesi” (Albaniya)

Hakimlər: Peter Kraloviç, Miroslav Benko, Erik Vayss, Patrik Qrçka (hakimlər briqadası Slovakiyadandır)

Bakı. Tofiq Bəhramov adına Respublika stadionu.
Futbol meydançasında özünü partlatdıBelçikada 50-60 yaşlarında kimliyi məlum olmayan şəxs partlayıcı daşıyan kəmərlə Stembert ərazisindəki futbol meydançasına gələrək özünü partladıb.

Aznews.az “Habertürk”ə istinadən bildirir ki, yaxınlıqdakı şəxslər bir kişinin meydançaya doğru getdiyini və özünü partlatmağa hazırlaşdığını polisə xəbər veriblər.

“Le Soir” qəzeti yazır ki, özünü partlatmış şəxs keçmiş əsgər ola bilər.

Kim olduğu açıqlanmayan şəxsin evinə basqın edilib və həmin küçədəki evlər boşaldılıb. Hazırda bomba axtarışları üzrə iş gedir.
Nəticəni qənaətbəxş saymaq olar - Qurban QurbanovBelə oyunlarda bu nəticəni qənaətbəxş saymaq olar.

Trend-in məlumatına görə, bunu "Qarabağ"ın baş məşqçisi Qurban Qurbanov Çempionlar Liqasının II təsnifat mərhələsi çərçivəsində səfərdə "Kukesi" ilə qarşılaşdıqları oyundan (0:0) sonra deyib.

Q.Qurbanov ağır oyun olduğunu, futbolçuların çox güc sərf etdiklərini bildirib:

"Səfərdə oynadığımız üçün belə nəticəni gözləyirdik. Rəqibimiz də meydanda olduqca intizamlı idilər, qol buraxmaq istəmirdilər. Bir az fərqli sistemdə oynadılar. Məcburuq ki, cavab matçında dəyişikliklər edib qol vuraq".

Baş məşqçi qeyd edib ki, belə oyunlarda bu nəticəni qənaətbəxş saymaq olar: "Bakıdakı oyunda mərhələni keçmək üçün əlimizdən gələni edəcəyik".
“Qarabağ” bu gün səfərdə “Kukesi” ilə qarşılaşacaq   Çempionlar Liqasında II təsnifat mərhələsinin ilk oyunları davam edir.

Bu gün qitənin ən mötəbər klub turnirində “Qarabağ” da meydana çıxacaq.

Ağdam klubu Albaniyada “Kukesi”nin qonağı olacaq. Avrokuboklarda mübarizəni davam etdirən yeganə təmsilçimiz növbəti mərhələyə adlamaq üçün səfərdə sərfəli nəticə qazanmalıdır.


Qeyd edək ki, Qurban Qurbanovun komandası bu mərhələni də uğurla adlasa, növbəti turda BATE – HİK cütünün qalibi ilə qarşılaşacaq.

25 iyul

Çempionlar Liqası


2-ci təsnifat mərhələsi, ilk oyunlar

21:00. “Kukesi” (Albaniya) - “Qarabağ” (Azərbaycan)

Baş hakim: Ola Hobber Nilsen (Norveç)
Şkoder. “Loro Boriçi” stadionu
Əfsanəvi Ciu-Citsu usdası Roys Qreysi Bakıda“Qodzilla” qrupun rəhbəri Emil Əmiraslanovun təşkilatçılığı ilə Roys Qreysi Bakıya gəlib.

Avrasiya Kombat Ciu-Citsu federasiyasının prezidenti Aqil Acalov, Avrasiya Kombat Ciu-Citsu federasiyasının birinci vitse prezidenti, Azərbaycan Respublikasının əməkdar məşqçisi,Daxili İşlər Nazirliyi-nin İdman cəmiyyətinin əlbəyaxa döyüş mərkəzinin baş məşqçisi, 5-ci dan qara kəmərin sahibi Rəsul Məmmədov, Brazilya Ciu-Citsu (İB) klubunun sədri Taleh Həsənov və digər qonaqlarla birlikdə ilk öncə fəxri xiyabanda ümummilli lider Heydər Əliyevin məzarını ziarət ediblər.
Əfsanəvi Ciu-Citsu usdası Roys Qreysi Bakıda
Daha sonra Fairmont otelde baş tutan press konfransda promoşun qrupun rəhbəri Emil Əmiraslanov juranlistlərə Roys Qreysinin Bakıya gəlməsindən təşkilatı məsələlərdən danışdı. Əfsanəvi idmançı Roys Qreysi juranlistlərə Bakıdan məmnun qaldığını bildirirdi.O, daha sonra UFC (“Ultimate Fighting Championship”in) döyüşləri ilə özünün yarışdığı 90-cı illərdəki UFC (“Ultimate Fighting Championship”in) yarışlarını müqayisə edərək bildirdi ki ,
“Bizim vaxtımızda döyüşlərdə, demək olar ki, qaydalar mövcud deyildi. Bu baxımdan, döyüşdə özümüzü daha sərbəst hiss edirdik. İndi isə UFC döyüşlərinə müəyyən qaydalar salınıb”.

Avrasiya Kombat Ciu-Citsu federasiyasının prezidenti Aqil Acalov Azərbaycanda və Avrasiya kontengetində ciu-citsu və kombat ciu-citsu döyüş sənətinin inkişafından bəhs etdi. Avrasiya Kombat Ciu-Citsu federasiyasın birinci vitse prezidenti Rəsul Məmmədov ciu-citsu döyüş sənəti üzrə danışdı.
Əfsanəvi Ciu-Citsu usdası Roys Qreysi Bakıda
“Qodzilla” promoşun qrup, Avrasiya Kombat Ciu-Citsu federasiyası və Brazilya Ciu-Citsu (İB) təşkilatçılığı ilə seminar təşkil olundu.Seminarda Avrasiya Kombat Ciu-Citsu federasiyasının və Brazilya Ciu-Citsu (İB) idmançıları və məşqçiləri qatıldı.

Rəsul Məmmədov və Taleh Həsənovun assistentliyi ilə əfsanəvi ciu-citsu ustası Roys Qreysi seminar keçdi. Seminarda əfsanəvi döyüşçü ciu-citsu döyüş sənətinin nəzəriyəsindən danışdı və daha sonra isə müxtəlif döyüş fəndləri göstərdi.
Bu gün Çempionlar Liqasında 2-ci mərhələ başlayır - TƏQVİM Bu gün UEFA Çempionlar Liqasında 2-ci təsnifat mərhələsinə start veriləcək. İlk oyun günündə 7 qarşılaşma keçiriləcək.

Qeyd edək ki, Azərbaycanın "Qarabağ" klubu Çempionlar Liqasının 2-ci təsnifat mərhələsində ilk oyununu iyulun 25-də səfərdə Albaniyanın "Kukesi" klubuna qarşı keçirəcək.


24 iyul

Çempionlar Liqası

2-ci təsnifat mərhələsi, ilk oyunlar

18:00. "Astana" (Qazaxıstan) - "Mityulland" (Danimarka)

20:00. ÇFR (Kluj, Rumıniya) - "Malmö" (İsveç)

21:30. PAOK (Yunanıstan) - "Bazel" (İsveçrə)

22:00. "Dinamo" (Zaqreb, Xorvatiya) - "Hapoel" (Beer-Şeva, İsrail)

22:15. "Şkendiya" (Makedoniya) - "Şerif" (Moldova)

22:30. "Srvena Zvezda" (Serbiya) - "Suduva" (Litva)

23:00. "Legiya" (Varşava, Polşa) - "Spartak" (Trnava, Slovakiya)
Azərbaycan klubları Avropa Liqasını tərk etdiAvropa Liqasında I təsnifat mərhələsinə yekun vurulub.

Сavab oyunları çərçivəsində baş tutan qarşılaşmalarda üç Azərbaycan klubu da meydana çıxıb. Öncə Bakıdakı matç start götürüb. “Keşlə” öz meydanında “Baltsan”ı qəbul edib. Bakılılar 1:4 hesablı səfər məğlubiyyətinin əvəzini 2:1-lə çıxsa da, bu, mərhələ keçmək üçün yetərli olmayıb.

“Qəbələ” Lüksemburqda “Proqres”lə görüşüb. Əyalət təmsilçisi evdəki 0:2 hesablı yenilginin revanşını tək qolla alıb. Amma Stiv Monrozun vurduğu qol turu keçməyə kifayət etməyib. “Neftçi” isə Macarıstanda “Uypeşt”in qonağı olub. Bakılılar 3:1 hesablı qələbədən sonra səfərə üstün yollansa da, meydan sahibləri paytaxt təmsilçisini şoka salıb. Roberto Bordnin komandası 0:4 hesablı darmadağınla Budapeştdən boynubükük dönür.
Çempionlar Liqasında 2-ci mərhələyə keçən bütün KLUBLAR   Ötən gecə UEFA-nın Çempionlar Liqasında 1-ci təsnifat mərhələsinə yekun vurulub.

Aşağıdakı nəticələr sayəsində 2-ci mərhələyə keçən klublar müəyyənləşib:

I təsnifat mərhələsi, cavab oyunu

18 iyul


“Qarabağ” (Azərbaycan) - “Olimpiya” (Sloveniya) - 0:0
İlk oyun - 1:0

“Zrinski” (Bosniya və Herseqovina) - “Spartak” (Slovakiya) - 1:1
İlk oyun - 0:1

“Şerif” (Moldova) - “Torpedo” (Kutaisi, Gürcüstan) - 3:0
İlk oyun – 1:2

“Rusenborq” (Norveç) - “Valyur” (İslandiya) - 3:1
İlk oyun - 0:1

“Sutyeska” (Monteneqro) - “Astana” (Qazaxıstan) - 0:2
İlk oyun - 0:1

“Seltik” (Şotlandiya) - “Alaşkert” (Ermənistan) - 3:0
İlk oyun – 3:0


Beləliklə, Çempionlar Liqasının 2-ciI təsnifat mərhələsinin bütün cütlükləri müəyyənləşib.


Çempionlar Liqası


2-ci təsnifat mərhələsi



“Kukesi” (Albaniya) - “Qarabağ” (Azərbaycan)

“Astana” (Qazaxıstan) - “Midtulland” (Danimarka)

“Ludoqorets” (Bolqarıstan) - “Videoton” (Macarıstan)

ÇFR (Rumıniya) - “Malmö” (İsveç)

“Dinamo” (Zaqreb, Xorvatiya) - “Hapoel” (Beyer-Şeva, İsrail)

“Srvena Zvezda” (Serbiya) - “Suduva” (Litva)

BATE (Belarus) - HİK (Finlandiya)

“Şkendiya” (Makedoniya) - “Şerif” (Moldova)

“Legiya” (Polşa) - “Spartak” (Slovakiya)

“Seltik” (Şotlandiya) - “Rusenborq” (Norveç)

Qeyd edək ki, 2-ci təsnifat mərhələsinin ilk oyunları iyulun 24-25-də , cavab qarşılaşmaları isə iylun 31-i və avqustun 1-də keçiriləcək.

modern.az
Qurban Qurbanov: "Bundan sonrakı oyunlarımız çətin olacaq""Qarabağ"ın baş məşqçisi Qurban Qurbanov Çempionlar Liqasının I təsnifat mərhələsində Sloveniyanın "Olimpiya" klubu ilə qolsuz bərabərliyə qalaraq mərhələ adladıqları cavab matçından sonra mətbuat konfransı keçirib.

Təcrübəli mütəxəssis əvvəlcə qarşılaşmanı dəyərləndirib:

- Öncə futbolçularımı ürəkdən təbrik etmək istərdim. Belə isti havada bu cür mübarizə aparmaq həqiqətən alqışa layiq idi. Belə güclü komandaya qarşı oynamaq xoşdur. "Olimpiya" bizim məşqçilik korpusunu son illərdə ən çox düşündürən rəqib idi. Şükürlər olsun ki, iki oyunun nəticəsinə görə, cütün qalibi məhz biz olduq. Qarşılaşmadan əvvəl xəbərlər var idi ki, stadionda azarkeşlər az olacaq. Ancaq ilk mərhələyə görə, azarkeş sayı yaxşı idi. Bundan sonrakı oyunlarımız çətin olacaq. Bütün komandalar bizə qarşı ciddi hazırlaşır. Bu da bizə problem yaradır. Kollektiv şəkildə daha yaxşı oyun göstərməyə qadirik. "Olimpiya"nın baş məşqçisinə də uğurlar arzulamaq istəyirəm. Komandaya yeni gəlib. Onunla söhbətim oldu. Hiss olunur ki, yaxşı düşüncəyə malik baş məşqçidi. "Olimpiya"nın oyununda ötən mövsümlə müqayisədə fərq var. Onlara uğurlar arzulayıram

- Dani Kintanın zədəsi nə yerdədir?

- Ola bilər ki, ciddidir. Əzələ dartmasıdır. Sabahkı müayinədən sonra dəqiq bilinəcək. Gözlənilən budur ki, qarşıda oyunda olmayacaq.

- Növbəti mərhələdə rəqibiniz olacaq "Kukesi"ni necə dəyərləndirirsiz?


- Bu komandanın oyununa baxmamışam. Sabah baxacam. Onlar da mərhələ keçib. Həddən artıq diqqətli, məsuliyyətli yanaşmalıyıq. Belə komandalar intizamlı olur.

- Rəqib sizi çox yordu. Son nöqtəni də qoya bilmədiniz. Bu, komandanızda hücumçu çatışmazlığından irəli gəlir?

- Bəli, çox yorulduq. Ümumiyyətlə, belə oyunlar futbolçulara çox böyük fayda verir və onları daha yaxşı tanıyırıq. Bütün futbolçulardan razı qaldım. İlk oyunda çatışmazlıqlar olacaq. Hücum tək bir nəfərdən ibarət olmur. Sol və sağ cinah yarımmüdaçiləri də aktiv olmalıdı. Bir neçə qol şansımız oldu. Ancaq son nöqtəni qoya bilmədik. Hücumçu axtarışındayıq, danışıqlar gedir. Sonda kim bizimlə olacaq, əfsular olsun ki, bilmirəm. Hər xətdə daha çox futbolçuların olmasını istərdik.

- "Kukes" bizim üçün "sirli qutu"du. Rauf Əliyevin ötən mövsüm bu komanda da oynadığını nəzərə alsaq, ondan müəyyən informasiya almaq planınızda varmı?

- Kimlə yaxından maraqlanmaq lazım olsa, müraciət edə bilərik. Maksimum 2 güm ərzində rəqib haqqında informasiya toplaya bilərik. Kiçik informasiya lazım olsa, onu öyrənməyə hazıram. Niyə də olmasın? Bizə kiçik informasiya da faydalıdır.

- Sanki, komandanın oyun üslubunda dəyişiklik etmisiniz. Daha çox pressinq edirdiniz, hücumda olurdunuz...

- Dəfərlərlə demişəm ki, hər bir rəqibə qarşı fərqli oynayacağıq. Bugünkü futbolun tələbi də budur. Hər bir rəqibə qalib gəlmək üçün oyununun qarşısını almalısan. Bu da müxtəlif zonalar üzrə olur. Oyunumuzda buna görə dəyişiklik var idi.

Report
Rusiya futbol üzrə dünya çempionatından 11 milyard dollar qazanıbRusiya futbol üzrə 2018-ci il dünya çempionatının təşkilindən 850 milyard rubl (təxminən, 11 milyard dollar) gəlir əldə edib.

TASS xəbər verir ki, bu barədə Rusiya Turoperatorlar Assosiasiyasının rəhbəri Mayya Lomidze təşkil etdiyi mətbuat konfransında bildirib.

Rusiya mundialın təşkili üçün, təqribən, 12 milyard dollar xərcləyib.

Qeyd edək ki, dünya çempionatının oyunları 14 iyun – 15 iyulda Rusiyanın 11 şəhərində keçirilib. Yarışın qalibi Fransa yığması olub.