APA-nın keçmiş işçiləri yeni sayt açdılarBu yaxınlarda fəaliyyəti dayandırlımış “APA Holdinq”ə daxil olan “Apasport.az” saytının köhnə komandası yeni idman saytı yaradıb.

“Matc.az” adlanan sayta bağlanmış “Apasport.az”ın baş redaktoru İxtiyar Əsgərov rəhbərlik edir.

İ.Əsgərov əməkdaşımıza deyib ki, komanda öz gücünə inanır və buna görə yeni saytla yola çıxıblar:

“Əlbəttə gücümüzə əminəm və heç bir rəqabətdən qorxmuruq. Yoxsa yenidən bu işə başlamazdıq. Digər yandan, “Apasport”dan kifayət qədər təcrübəmiz var. Bu baxımdan “Matç.az” idman jurnalistikası sahəsində öz sözünü deyəcək”.


Baş redaktor deyib ki, yeni saytın yaradılmasında məqsəd oxuculara Azərbaycanda, eləcə də dünyada baş verən idman hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

"Buna görə də bu sahədə olan boşluğu müəyyən qədər doldurmaq niyyətindədir. Təbii ki, Azərbaycanda və dünyada baş verən idman hadisələri də operativ şəkildə çatdırmağa çalışacağıq. Bununla yanaşı, saytımızın oxucularına vaxtaşırı tanınmış idman xadimləri ilə eksklüziv müsahibələr, reportajlar, araşdırmalar təqdim etmək niyyətindəyik".
Deputat oğlunun federasiyası bağlanırDaha bir federasiya maliyyə problemləri səbəbindən dağılmaq təhlükəsi ilə üz-üzədir.

Unikal.org-un əldə etdiyi məlumata görə, millət vəkili Mirzəcan Xəlilovun oğlu Vüqar Xəlilov rəhbəri olduğu Azərbaycan Futnet Assosiasiyasının (AFNA) fəaliyyətini dayandıra bilər.

Belə ki, bir müddətdir qurum idmançıların maaşlarını ödəmir. Hazırda vəziyyət o yerə çatıb ki, federasiyada qadınlardan ibarət milli komanda fəaliyyət göstərmir. Kişlərdən ibarət yığmada isə cəmi 3 idmançı – Namiq İsgəndərov, Səyyar Hüseynov və Amid Nəzərov var.

Qurum daxilindən aldığımız məlumata görə, deputat oğlu federasiya ilə maraqlanmır. Hətta bu günə kimi, cəmi 2-3 dəfə quruma gəlib .

İş o yerə çatıb ki, federasiyanın saytı (www.afna.az) da fəaliyyətini dayandırıb.

Xatırladaq ki, AFNA ötən ilin mart ayında yaradılıb.
Azərbaycanın məşhur MMA döyüşçüsündən möhtəşəm qələbəAvrasiya.net xəbər verir ki, Azərbaycanlı məşhur MMA döyüşçüsü Vüqar Keramov Ukraynanın paytaxtı Kiyev şəhərində keçirilən WWFC-nin təşkil etdiyi qaydasız döyüş üzrə çempionatında qalib gələrək kəmər uğrunda döyüşə vəsiqə qazanıb. Vüqar Keramovun rəqibi Qırığızıstanlı Sayakbayev Rinat olub.

Bu haqda saytımıza açıqlama verən Keramov bildirib ki, “Ukraynada keçirilən profesional döyüşdə Qırığızıstanlı rəqibim Sayakbayev Rinat oldu. Bu döyüşdə mən onu məğlub edərək növbəti kəmər uğurunda döyüşə vəsiqə qazandım.”
Azərbaycanın məşhur MMA döyüşçüsündən möhtəşəm qələbə
Azərbaycanın məşhur MMA döyüşçüsündən möhtəşəm qələbə
Ronaldo zorlamada ittiham olunurPortuqaliyalı forvard tanınmış futbolçu Kriştiano Ronaldoya qarşı ittiham irəli sürülüb.

Ronaldo amerikalı Ketrin Mayorqu təcavüz etməkdə ittiham olunur.

Almaniyanın nüfuzlu "Spiegel" nəşrinə görə təcavüz hadisəsi 2009-cu ildə ABŞ-da Las-Veqasda baş verib.

Qadın Ronaldonun ona susması üçün 375 min dollar ödədiyini bildirib.

34 yaşlı Mayorqun 9 illik dəhşətli hadisəni ilk dəfə mətbuata danışdığı qeyd edilir.

Məlumata görə məbləğ müqabilində qadın heç kimə ittiham barədə danışmamaq və bütün sübutları məhv etmək haqda razılığa gəlib.

Qeyd edək ki, Mayorqun bu bəyanatından sonra Ronaldonun vəkilləri apelyasiya məhkəməsinə müraciət ediblər.(modern.az)
“Tank” ləqəbli kikboksçu Xəyal Əhmədov döyüşə çıxırAzərbaycan Kikboksinq Federasiyasının idmançısı, nüfuzlu beynəlxalq yarışların qalibi, dünya çempionu,”Tank” ləqəbli məşhur kikboksçu Xəyal Əhmədov 2018-ci il 6 oktyabr tarixində Almaniyanın Boxum şəhərində döyüşə çıxacaq.

Xəyal Əhmədov rəqibi Lukas Boçenski qarşı döyüşəcək. Döyüş ruhrconqress adlı yerdə olacaq.

“İnanıram ki, döyüşdən qələbə ilə ayrılacam. Hər döyüşdən nəsə öyrənirəm. Bu dəfə də məni çətin və məsuliyyətli döyüş gözləyir. Arzumdur ki, çox sevdiyim üçrəngli bayrağımızı zirvələrə qaldırım”, - deyə idmançı Avrasiya.net-ə bildirib.

Qeyd edək ki, Xəyal Əhmədov bir sıra beynəlxalq yarışların qalibidir. Əsasən peşəkar sahədə döyüşür.
Millimizin baş məşqçisinə ŞOK RÜŞVƏT İTTİHAMI - BƏYANATAzərbaycan Güləş Federasiyası (AGF) Elçin Mürşüdov adlı şəxsin yığmanın baş məşqçisi Firdovsi Umudovla bağlı sosial şəbəkələrdə yayılan çıxışı ilə bağlı bəyanat yayıb.

Avrasiya.net xəbər verir ki, AGF-nin bəyanatında adıçəkilən şəxsin baş məşqi barədə dediklərinin yalan olduğu vurğulanıb.

Məlumat üçün bildirək ki, özünü Elçin Mürşüdov kimi təqdim edən şəxsin videoçıxışı yayılıb. O, çıxışında öncə sərbəst güləş üzrə ölkə çempionu olduğunu, daha sonra isə UFC-yə keçdiyini deyib. Bundan sonra qaydasız döyüş üzrə yığmaya cəlb olunmaq üçün sərbəst güləş yığmamızın baş məşqçisi Firdovsi Umudova müraciət etdiyini və bunun üçün ondan 4500 manat tələb olunduğunu açıqlayıb.

Federasiyanın bəyanatına görə, əslində iki dəqiqəlik müsahibədə o qədər bir-birinə zidd, məntiqsiz fikirlər səsləndirib ki, onun iddialarının əsassız olduğunu buradan da anlamaq olardı. Ən azı jurnalistika peşəkarlığına uyğun addım atılmalı və qarşı tərəfin - AGF-nin və ya Firdovsi Umudovun fikirlərini öyrənməliydilər. Bu zaman həqiqət ortaya çıxacaqdı.

AGF bəyan edir ki, belə bir şəxs sərbəst güləşdə ölkə çempionu olmayıb. Məsələnin ən maraqlı tərəfi isə qaydasız döyüşlə məşğul olan birisinin yığmaya düşmək üçün AGF-yə müraciət etməsidir. Sərbəst güləşdə böyük və baş məşqçi kimi böyük uğurlar qazanmış Firdovsi Umudov başqa idman növü ilə məşğul olan bir şəxsi necə milliyə cəlb edə bilər? İstər qaydasız döyüş yığması olsun, istərsə də güləş. Yığmanın çalışdırıcısı üzünü belə görmədiyi şəxsdən 4500 rüşvət istəməkdə ittiham olunur.

Bu şəxsin yalançı (bəlkə də ondan belə danışmaq tələb olunub) olduğunu anlamaq üçün son cümlələrindən birinə diqqət yetirin: "2-3-cü yerlər uğrunda döyüşdə azərbaycanlı idmançını döyüb 2-ci yerə çıxdım".

Özünü dünya 2-cisi adlandıran bu şəxs bilməlidir ki, əksər fərdi idman növlərində çempionluq və 3-cü yer uğrunda görüş keçirilir. İkinci yeri yalnız finalda uduzmaqla tutmaq mümkündür.

"Son vaxtlar AGF və xüsusən Firdovsi Umudov bəzi mətbu orqanlar tərəfindən əsassız ittihamlara məruz qalır. KİV-dən xahiş edirik ki, hər hansı şübhəli məsələ haqqında mövqeyimizi də öyrənin", - deyə bəyanatda qeyd olunub.
İlham Əliyev cüdo üzrə dünya çempionatında yarımfinal qarşılaşmasına baxıbSentyabrın 22-də cüdo üzrə Bakıda keçirilən dünya çempionatında Azərbaycan idmançısı Hidayət Heydərov bürünc medal uğrunda mübarizə aparacaq.

Azərbaycan Respublikasının Prezidenti İlham Əliyev və ailə üzvləri yarımfinal qarşılaşmasına baxıblar.

Yetmiş üç kiloqram çəki dərəcəsində mübarizə aparan Hidayət Heydərov yarımfinalda Yaponiya idmançısı, dünya çempionu Soiçi Haşimotoya məğlub olub. O, bürünc medal uğrunda Monqolustan idmançısı Tsoqtbaatar Tsend-Oçirlə qarşılaşacaq.

Qeyd edək ki, 2013-cü və 2014-cü illərdə yeniyetmələr arasında Avropa çempionu olan Hidayət Heydərov 2015-ci ildə Birləşmiş Ərəb Əmirliklərində keçirilən gənc cüdoçuların dünya çempionatında bürünc medal qazanıb. O, 2017-ci ildə "Bakı-2017" IV İslam Həmrəyliyi Oyunlarının qalibi olub, həmçinin Avropa çempionu adını qazanaraq qitənin "Ən yaxşı gənc cüdoçu”su xüsusi mükafatına da layiq görülüb.
Mehriban Əliyevaya medal verildiBirinci vitse-prezident nümunəvi nailiyyətlərinə görə mükafatlandırılıb

Azərbaycanın birinci vitse-prezidenti Mehriban Əliyeva mükafatlandırılıb. Ötən gün Bakıda keçirilən cüdo üzrə dünya çempionatının təntənəli açılış mərasimi çərçivəsində prezident İlham Əliyev, birinci xanım Mehriban Əliyeva və ailə üzvləri Beynəlxalq Cüdo Federasiyasının prezidenti Marius Vizer ilə görüşüblər.

Söhbət zamanı Azərbaycanın beynəlxalq idman əməkdaşlığına töhfə verdiyi, ölkəmizdə idmana dövlət səviyyəsində qayğı göstərildiyi bildirildi, Azərbaycan idmançılarının böyük uğurlar əldə etdikləri qeyd olunub.

Beynəlxalq Cüdo Federasiyası ilə uğurlu əməkdaşlığın həyata keçirildiyi bildirilən görüşdə Azərbaycanın bu qurumun fəal üzvlərindən biri olduğu vurğulandı, gələcəkdə əməkdaşlığın daha da genişləndiriləcəyinə əminlik ifadə edilib.

Sonra Mehriban Əliyevaya idman aləmində və “Ədalətli oyunlar”ın təbliğində nümunəvi nailiyyətlərinə görə Beynəlxalq Ədalətli Oyunlar Komitəsinin “Xüsusi xidmətlərə görə” medalı təqdim olunub.
Prezident Bakıda cüdo üzrə dünya çempionatının təntənəli açılışında iştirak edir Azərbaycan Prezidenti İlham Əliyev Bakıda cüdo üzrə dünya çempionatının təntənəli açılış mərasimində iştirak edir.

Bakıda, Milli Gimnastika Arenasında cüdo üzrə dünya çempionatının təntənəli açılış mərasimi keçirilir.

Avrasiya.net AZƏRTAC-a istinadən xəbər verir ki, mərasimdə Azərbaycan Respublikasının Prezidenti İlham Əliyev, xanımı Mehriban Əliyeva və ailə üzvləri, Beynəlxalq Cüdo Federasiyasının prezidenti Maruis Vizer, dövlət və hökumət rəsmiləri iştirak edirlər.
"Qarabağ" rqibinə məğlub olduDünən Avropa Liqasında qrup mərhələsinə start verilib.

Təmsilçimiz “Qarabağ” da ilk oyununda səfərdə “Sportinq”in qonağı olub.

Lissabon təmsilçisi bu mövsüm ÇL-də debüt matçında çıxırsa, “Qarabağ” bu mərhələyə qədər 8 rəqiblə üz-üzə gəlib.

"Qarabağ" 2-0 rəqibinə məğlub oldu.