Həbib növbəti döyüş üçün 100 milyon dollar istədi - "Bu pulu ona verə bilərik""Əlbəttə, onlar bilir ki, bu realdır"

Xəbər verildiyi kimi dağıstanlı döyüşçü Həbib Nurməhəmmədov növbəti döyüş üçün UFC (Mütləq döyüş çempionatı) rəhbərliyindən 100 milyon dollar qonorar istəyib.

AzNews.az Rusiya mediasına istinadən xəbər verir ki, UFC-nin prezidenti Dana Uayt döyüşçünün istəyinə "Bu, MMA qarışıq stilində münkündür" cavabını verib.

"Əlbəttə, onlar bilir ki, bu, realdır. Bu baxımdan sualın cavabı aydındır". Deyə Dana Uayt Twitter səhifəsində yazıb.

Qeyd edək ki, Həbib irlandlı döyüşçü Konor Makqreqoru məğlub etdiyinə görə, daha çox populyarlaşıb. UFC dava saldığına görə Həbinin 2 milyon dollar qonorarının yalnız yarısını verib.

Azərbaycanlı iş adamı Türkiyədə futbol klubu aldıAzərbaycanlı iş adamı Rauf İsmayılov futbol üzrə Türkiyə çempionatının ikinci divizionunun “Qırmızı qrup”unda yarışan və Kocaeli bölgəsini təmsil edən “Gənclərbirliyi Darıca” klubunu alıb.

Avrasiya.net “Turan”a istinadən xəbər verir ki, yaxın günlərdə bu sövdələşmə ilə bağlı rəsmi məlumatın yayımlanacağı gözlənilir.

Qeyd edək ki, sözügedən klub ötən mövsüm üçüncü liqada yarışların qalibi olub.

Oktyabrın 15-dən komandaya Türkiyə yığmasının və “Beşiktaş” klubunun məşhur futbolçusu Oqtay Dərəlioğlu baş mıəşqçi təyin edilib.
Həbib 100 milyonluq rəqib axtarır - MenecerBizi gəlir gətirməyən döyüşlər maraqlandırmır.

Axar.az xəbər verir ki, bu sözləri UFC üzrə yüngül çəkidə dünya çempionu Həbib Nurməhəmmədovun meneceri Əli Abdel-Əzizi deyib.

“Həbib dünya superulduzuna çevrilib. Həbib Putinlə, Ərdoğanla görüşür, digəri isə tövlədə alkoqol satmaqla məşğuldur. Onlar sanki fərqli planetlərdəndir. Qoy öz işləri ilə məşğul olsunlar”, - menecer bildirib.

İdmançının meneceri Həbibin potensial rəqibləri məsələsinə də toxunub.

“Askren və ya Vudli Həbibə hətta toxuna bilməyəcəklər. Məni namizədlər narahat etmir, ancaq bizə 50-100 milyon dollar gəlir gətirəcək rəqib lazımdır. Askren və Vudli heç 100 min də gətirə bilməzlər”, - menecer fikrini tamamlayıb.
"Qarabağ"ın rəqibinin oyununda partlayıcı maddə atıldıUEFA Avropa Liqasının qrup mərhələsində “Qarabağ”ın rəqibi olan Ukraynanın “Vorskla” klubunun milli çempionatda Odessanın “Çernomerets” komandası ilə görüşündə meydana partlayıcı maddə atılıb.

Axar.az xəbər verir ki, hadisədən sonra hakim oyunu dayandırıb. Tüstü tam dağıldıqdan və lazımi təhlükəsizlik tədbirləri görüldükdən sonra oyun davam etdirilib. Hadisə nəticəsində futbolçular və azarkeşlər arasında xəsarət alan olmayıb.

Qeyd edək ki, görüş “Vorskla” komandasının 2:1 hesablı qələbəsi ilə yekunlaşıb.
Azərbaycanın 5 taekvondoçusu cəzalandırılıb – Dopinqdən istifadəyə görəAzərbaycanın daha 2 idmançısına dopinqdən istifadəyə görə sanksiya tətbiq edilib.

Azərbaycan Milli Antidopinq Agentliyindən (AMADA) “Report”a verilən məlumata görə, taekvondoçular – Cavid Hüseynov, Samir Məhərrəmov, Şəms İsayeva, Nərgiz Mirzəyeva və Ofeliya Allahverdiyeva 12 ay müddətinə diskvalifikasiya olunub. Onlardan alınmış nümunələrdə qadağan edilmiş maddə və ya onun metabolit yaxud markerlərinin mövcudluğu təsbit olunub.

Orqanizmlərində furosemid maddəsi aşkarlanan hər iki idmançının cəzası 19 mart 2018-ci il tarixindən qüvvəyə minib. N.Mirzəyeva və O.Allahverdiyeva Azərbaycan yığmasının üzvləridir.

Xatırladaq ki, daha əvvəl Azərbaycanın 25 idmançısı dopinq-testdən keçə bilmədiyi üçün AMADA tərəfindən cəzalandırılıb.
Amerikalı döyüşçü Həbibi yarışa çağırdı - Sənin kəmərini istəyirəm34 yaşlı Ben Askren UFC-də heç bir yarış keçirməyib.

Amerikalı döyüşçü Ben Askren rusiyalı Həbib Nurməhəmmədovu döyüşə çağırıb. O, bu haqda özünün Twitter hesabında paylaşıb: "Səninlə döyüşməyə hazıram. Qoy dünyada kimin güclü olduğu bilinsin. Döyüş üçün vaxtı və yeri deyin".

AzNews.az Rusiya mediasına istinadən xəbər verir ki, Askren "mənə Həbibin kəməri lazımdır" sözlərini də yazıb.

Askren 18 döyüşün hamısında qələbə çalıb və karyerasında bir dəfə də olsun məğlub duruma düşməyib.

O, Bellator versiyasında çempion titulunu qazanıb, ONE FC-də isə kəməri asanlıqla əldə edib. 34 yaşlı Ben UFC-də heç bir yarış keçirməyib. O yarışı amerikalı məhz dağıstanlı döyüşçü ilə keçirmək istəyir.

Medianın araşdırmasına görə, UFC-nin sahibi Deyn Uaytin Askreni bəyənmədiyi üzə çıxıb.

Bu nifrətin qarşılıqlı olduğu deyilir.
Qurban Qurbanov onu 20 min dollar cərimələdi"Qarabağ"ın baş məşqçisi Qurban Qurbanov Donald Geryeyə sərt üzünü göstərib.

Avrasiya.net sportinfo.az-a istinadən xəbər verir ki, haitili müdafiəçi 20 min dollar cərimələnib.

Adıçəkilən legionerin təcrübəli mütəxəssisin qəzəbinə tuş gəlməsinə səbəb millinin düşərgəsindən gec qayıtmasıdı. O, dönüş tarixindən yalnız 3 gün sonra klubun düşərgəsinə təşrif buyurub.

Donald yubanmasını şəxsi problemləri ilə əlaqələndirməyə çalışsa da, nizam-intizam məsələsində barışmaz mövqe tutan Qurbanov fikrindən dönməyib və ona böyük cərimə kəsib.
Futbolçu öldürüldüDaniel Korrea Freytas evində ölü tapılıb.

Braziliyanın 2-ci liqa təmsilçisi “San-Bento” klubunun yarımmüdafiəçisi Daniel Korrea Freytas evində ölü tapılıb.

Onun boğazından aldığı 2 bıçaq zərbəsi ilə qətlə yetirildiyi məlum olub.

Klubdan verilən açıqlamada futbolçunun ailəsinə və yaxınlarına başsağlığı verilib.

Qeyd edək ki, müqavilə ilə “San-Paulu” klubuna məxsus olan 24 yaşlı futbolçu iki mövsümdür “San-Bento”da forma geyinirdi.(qafqazinfo.az)
Məğlub olan boksçu məşqçisini döydü - VideoBoks üzrə yarım ağır çəkidə idmançıların mübarizəsində gürcüstanlı boksçu Levan Şoniya bolqarıstanlı rəqibi Spas Qenova məğlub olduqdan sonra əsəbiləşərək məşqçisinə hücum çəkib.

Qaynarinfo.az xəbər verir ki, Şoniya yumruqla məşqçisinə zərbə vurub. Sözügedən hadisənin videosu sosial şəbəkələrdə yayılıb.

Qeyd edək ki, bu, gürcü idmançının 12-ci məğlubiyyətidir.
Erməniyə uduzan güləşçimiz dəliyə döndü - VideoMacarıstanın paytaxtı Budapeştdə keçirilən güləş üzrə dünya çempionatı sona yaxınlaşır.

Avrasiya.net xəbər verir ki, mundialın 8-ci günündə yunan-Roma güləşi üzrə yığmamızın son 3 üzvü mübarizəyə start verib.

Dünya çempionatının ikiqat bürünc medalçısı Elvin Mürsəliyev yarışa inamlı başlayıb. Güləşçimiz polşalı rəqibinə vaxtından əvvəl qalib gəlib. Mürsəliyev 1/8 finalda ABŞ təmsilçisini də üstələyib. Elvin 1/4 finalda ötən il dünya ikincisi olan Rusiya güləşçisiylə qarşılaşıb və rəqibinə yenilib. Ancaq rəqib finala çıxdığı üçün güləşçimiz sabah təsəlliverici görüşə çıxacaq.

Orxan Nuriyev 4 il əvvəl dünya çempionu olmuş Fransa təmsilçisinə məğlub olub.

Olimpiadanın bürünc medalçısı Sabah Şəriəti isə ilk mərhələdə ukraynalı həmkarına uduzub.

Gənclər arasında ikiqat dünya və üçqat Avropa çempionu İslam Abbasov (87 kq) isə bu gün bürünc medal uğrunda erməni güləşçiylə qarşılaşıb və ona məğlub olaraq dünya 5-cisi olub.

67 kq-da yarışan Kamran Məmmədov da təsəlliverici görüşə çıxıb. Fransalı güləşçiylə qarşılaşmanın son dəqiqəsinədək 3:1 öndə olan Məmmədov sonda mübarizəni dayandırıb və 7-ci yeri tutub.

67 kq
Təsəlliverici görüş - Kamran Məmmədov - Mamadassa Silla (FRA) 3:4

77 kq

1/16 final - Elvin Mürsəliyev - İvan Nilipiuk (POL) 9:0

1/8 final - Elvin Mürsəliyev - Kamal Amir Bey (USA) 6:2

1/4 final - Elvin Mürsəliyev - Aleksandr Çekirkin (RUS) 0:3

Təsəlliverici görüş - Elvin Mürsəliyev

87 kq
Bürünc medal görüşü - İslam Abbasov - Artur Şahinyan (ARM) 1:6

97 kq

1/16 final - Orxan Nuriyev - Melonin Numonvi (FRA) 0:4

130 kq

Təsnifat - Sabah Şəriəti - Aleksandr Çernetski (UKR) 2:5