Amerikalı döyüşçü Həbibi yarışa çağırdı - Sənin kəmərini istəyirəm34 yaşlı Ben Askren UFC-də heç bir yarış keçirməyib.

Amerikalı döyüşçü Ben Askren rusiyalı Həbib Nurməhəmmədovu döyüşə çağırıb. O, bu haqda özünün Twitter hesabında paylaşıb: "Səninlə döyüşməyə hazıram. Qoy dünyada kimin güclü olduğu bilinsin. Döyüş üçün vaxtı və yeri deyin".

AzNews.az Rusiya mediasına istinadən xəbər verir ki, Askren "mənə Həbibin kəməri lazımdır" sözlərini də yazıb.

Askren 18 döyüşün hamısında qələbə çalıb və karyerasında bir dəfə də olsun məğlub duruma düşməyib.

O, Bellator versiyasında çempion titulunu qazanıb, ONE FC-də isə kəməri asanlıqla əldə edib. 34 yaşlı Ben UFC-də heç bir yarış keçirməyib. O yarışı amerikalı məhz dağıstanlı döyüşçü ilə keçirmək istəyir.

Medianın araşdırmasına görə, UFC-nin sahibi Deyn Uaytin Askreni bəyənmədiyi üzə çıxıb.

Bu nifrətin qarşılıqlı olduğu deyilir.
Qurban Qurbanov onu 20 min dollar cərimələdi"Qarabağ"ın baş məşqçisi Qurban Qurbanov Donald Geryeyə sərt üzünü göstərib.

Avrasiya.net sportinfo.az-a istinadən xəbər verir ki, haitili müdafiəçi 20 min dollar cərimələnib.

Adıçəkilən legionerin təcrübəli mütəxəssisin qəzəbinə tuş gəlməsinə səbəb millinin düşərgəsindən gec qayıtmasıdı. O, dönüş tarixindən yalnız 3 gün sonra klubun düşərgəsinə təşrif buyurub.

Donald yubanmasını şəxsi problemləri ilə əlaqələndirməyə çalışsa da, nizam-intizam məsələsində barışmaz mövqe tutan Qurbanov fikrindən dönməyib və ona böyük cərimə kəsib.
Futbolçu öldürüldüDaniel Korrea Freytas evində ölü tapılıb.

Braziliyanın 2-ci liqa təmsilçisi “San-Bento” klubunun yarımmüdafiəçisi Daniel Korrea Freytas evində ölü tapılıb.

Onun boğazından aldığı 2 bıçaq zərbəsi ilə qətlə yetirildiyi məlum olub.

Klubdan verilən açıqlamada futbolçunun ailəsinə və yaxınlarına başsağlığı verilib.

Qeyd edək ki, müqavilə ilə “San-Paulu” klubuna məxsus olan 24 yaşlı futbolçu iki mövsümdür “San-Bento”da forma geyinirdi.(qafqazinfo.az)
Məğlub olan boksçu məşqçisini döydü - VideoBoks üzrə yarım ağır çəkidə idmançıların mübarizəsində gürcüstanlı boksçu Levan Şoniya bolqarıstanlı rəqibi Spas Qenova məğlub olduqdan sonra əsəbiləşərək məşqçisinə hücum çəkib.

Qaynarinfo.az xəbər verir ki, Şoniya yumruqla məşqçisinə zərbə vurub. Sözügedən hadisənin videosu sosial şəbəkələrdə yayılıb.

Qeyd edək ki, bu, gürcü idmançının 12-ci məğlubiyyətidir.
Erməniyə uduzan güləşçimiz dəliyə döndü - VideoMacarıstanın paytaxtı Budapeştdə keçirilən güləş üzrə dünya çempionatı sona yaxınlaşır.

Avrasiya.net xəbər verir ki, mundialın 8-ci günündə yunan-Roma güləşi üzrə yığmamızın son 3 üzvü mübarizəyə start verib.

Dünya çempionatının ikiqat bürünc medalçısı Elvin Mürsəliyev yarışa inamlı başlayıb. Güləşçimiz polşalı rəqibinə vaxtından əvvəl qalib gəlib. Mürsəliyev 1/8 finalda ABŞ təmsilçisini də üstələyib. Elvin 1/4 finalda ötən il dünya ikincisi olan Rusiya güləşçisiylə qarşılaşıb və rəqibinə yenilib. Ancaq rəqib finala çıxdığı üçün güləşçimiz sabah təsəlliverici görüşə çıxacaq.

Orxan Nuriyev 4 il əvvəl dünya çempionu olmuş Fransa təmsilçisinə məğlub olub.

Olimpiadanın bürünc medalçısı Sabah Şəriəti isə ilk mərhələdə ukraynalı həmkarına uduzub.

Gənclər arasında ikiqat dünya və üçqat Avropa çempionu İslam Abbasov (87 kq) isə bu gün bürünc medal uğrunda erməni güləşçiylə qarşılaşıb və ona məğlub olaraq dünya 5-cisi olub.

67 kq-da yarışan Kamran Məmmədov da təsəlliverici görüşə çıxıb. Fransalı güləşçiylə qarşılaşmanın son dəqiqəsinədək 3:1 öndə olan Məmmədov sonda mübarizəni dayandırıb və 7-ci yeri tutub.

67 kq
Təsəlliverici görüş - Kamran Məmmədov - Mamadassa Silla (FRA) 3:4

77 kq

1/16 final - Elvin Mürsəliyev - İvan Nilipiuk (POL) 9:0

1/8 final - Elvin Mürsəliyev - Kamal Amir Bey (USA) 6:2

1/4 final - Elvin Mürsəliyev - Aleksandr Çekirkin (RUS) 0:3

Təsəlliverici görüş - Elvin Mürsəliyev

87 kq
Bürünc medal görüşü - İslam Abbasov - Artur Şahinyan (ARM) 1:6

97 kq

1/16 final - Orxan Nuriyev - Melonin Numonvi (FRA) 0:4

130 kq

Təsnifat - Sabah Şəriəti - Aleksandr Çernetski (UKR) 2:5
Qubada məktəbli qızların voleybol yarışı keçirilibAzərbaycan Respublikasının Təhsil Nazirliyinin "Təhsildə inkişaf və innovasiyalar üzrə 2-ci qrant müsabiqəsi"nin fərdi kateqoriya üzrə qalibi olan "Kim sevirsə idmanı poladdan olar canı" sağlam məktəbli spartakiadası adlı layihə çərçivəsində Quba rayonunun Qırmızı qəsəbə 1 saylı tam orta məktəbində qızalr arasında voleybol turniri keçirilib.

Tədbirdə çıxış edən layihə rəhbəri, Quba rayonu Qırmızı qəsəbə 1 saylı tam orta məktəbinin müəllimi Kamran Əlimərdanov layihə barədə məlumat verərək bildirib ki, məqsəd məktəblilərinin asudə vaxtlarının idman oyunları vasitəsilə səmərəli təşkilinə nail olmaq, gənc qızların idmana cəlbinə dəstək olmaq, eyni zamanda şagirdlər arasında sağlam həyat tərzinin təbliğinə təkan verməkdir.
Qubada məktəbli qızların voleybol yarışı keçirilib
Rəsmi hissədən sonra yarışa start verilmişdir.

Yekun nəticədə Qırmızı qəsəbə 1 saylı tam orta məktəbinin qızlardan ibarət voleybol komandası turnirin qalibi adını qazanıb. Ağbil kənd tam orta məktəbinin komandası ikinci, Qırmızı qəsəbə 1 saylı tam orta məktəbinin ikinci komandası isə turnirdə üçüncü yeri tutub.
Yekunda qalib və mükafatçılar kubok, diplom və medallarla təltif olunub.
Qubada məktəbli qızların voleybol yarışı keçirilib
Noyabr ayının 27-dək davam edəcək layihə çərçivəsində Quba rayonunun Dağlı kəndində oğlanlar arasında voleybol, Qaraçay kəndində oğlanların iştirakı ilə basketbol, Püstəqasım kəndində isə qızlar və oğlanların iştirakı ilə stolüstü tennis üzrə turnrilər keçiriləcəkdir.
Qubada məktəbli qızların voleybol yarışı keçirilib
Qeyd edək ki, “Təhsildə inkişaf və innovasiyalar üzrə ikinci qrant müsabiqəsi” dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilmişdir. Müsabiqə çərçivəsində ümumi təhsil müəssisələri kateqoriyası üzrə təklif olunmuş 211 layihədən 41-i, fərdi kateqoriya üzrə isə 639 layihədən 125-i olmaqla ümumilikdə 166 layihə qalib elan edilib.
Güləşçimiz Eldəniz Əzizli dünya çempionudur!Macarıstan paytaxtında güləş üzrə dünya çempionatı davam edir.

Virtualaz.org-un Budapeştə ezam olunmuş əməkdaşı xəbər verir ki, yunan-Roma güləşi üzrə yarışlarda 55 kiloqrama qədər çəki dərəcəsində Azərbaycanı təmsil edən Eldəniz Əzizli dünya çempionu adını qazanıb.

Finalda o, qırğızıstanlı idmançı Jolaman Şarşenbekova 10:0 hesabı ilə qalib gəlib. Qələbə üçün Eldənizə 1 dəqiqədən də az vaxt tələb olunub.
“Qarabağ”ın Çempionlar Liqasındakı gəliri açıqlandı - 16 milyon 819 min avroUEFA ötən mövsüm Çempionlar Liqasında iştirak edən klubların qazancı barədə məlumat yayıb.

Qitə futbol qurumu ilk dəfə Azərbaycanı Çempionlar Liqasında təmsil edən “Qarabağ”ın qazancını da açıqlayıb.

C qrupunda mübarizə aparan Azərbaycan çempionunun ümumi gəliri 16 milyon 819 min avro təşkil edib. Qurban Qurbanovun yetirmələri bunun 2 milyonunu pley-off mərhələsinə yüksəldiyi, 12,7 milyonunu qrupa vəsiqə qazandığı üçün alıb. Bundan əlavə 1 milyon qrupdakı nəticələrə (2 heç-heçə) görə, 1 milyon 119 min avro isə marketinq gəlirləri olub.

Qeyd edək ki, “Çelsi”, “Roma” və “Atletiko” ilə eyni qrupda yer alan “Qarabağ” sonuncularla hər iki matçda heç-heçə etmiş və qrupu 2 xalla tamamlamışdı.
“Çox üzgünük, alınmadı...” - Qurban Qurbanov“Çox üzgünük. Qalib gəlmək istəsək də, alınmadı”.

Bu sözləri “Qarabağ”ın baş məşqçisi Qurban Qurbanov deyib.

Ağdam təmsilçisi Avropa Liqasının qrup mərhələsi çərçivəsində öz meydanında “Vorskla”nı qəbul edib. Görüş Ukrayna klubunun minimal hesablı qələbəsi ilə başa çatıb.

Oyundan sonra baş tutan mətbuat konfransında iştirak edən mütəxəssis fikirlərini bildirib: “Rəqib müdafiədə etibarlı oynayırdı. Qol imkanlarımız olsa da, yararlana bilmədik. Düşündüyümüz hücumları düzgün qurmağa çalışmalı idik. Oyunun gedişində gördük ki, bəzi hücumlarımız alındı. Sadəcə, qol imkanlarımızdan yararlana bilmədik. Futbolçularımın üzərinə getmək lazım deyil. Çünki çox sıx qrafikdə oynayırıq. Çətin olsa da, bu oyunu unutmalıyıq”.

- Komanda hücumlar qurur, amma son nöqtəni qoya bilmir. Bunun səbəbi nədir?

- Fərqli fikirlər söyləmək olar. Futbolçularda gərginlik, yorğunluq var. Hər bir halda, bəlkə də futbolçularda ustalıq səviyyəsi çatmır. Dünən “Atletiko”nun oyununa baxırdım. Onlar da kifayət qədər qol imkanlarından yararlana bilmədilər və böyük hesabla məğlub oldular. Futbolçulara bildirdim ki, daha istəkli olmalıyıq. Belə nəticələrə hazır olmalıyıq. Futbolçularımız daha çalışmalı, istəkli olmalıdırlar.

- Buraxılan qolda qapıçının səhvi var idi, yoxsa müdafiəçilərin?
- Qapıçının səhvi var idi. Belə topları qapıçı tutmalıdır. Müdafiədə ciddi səhvlər etmədik. Düzdü, 2-3 epizodda səhvlərimiz oldu, lakin ciddi təhlükə yaranmadı. Müdafiəçilərdən daha çox, qapıçı diqqətli olmalıdır. Ancaq belə səhvləri ilk dəfədir görməmişik.

- “Qarabağ” avrokuboklarda ən bərbad mövsümünü keçirir və sanki komandanın sütunu yoxdur. Bundan başqa, Qara Qarayevlə Maksim Medvedev əvvəlki formalarından xeyli uzaqdırlar. Bu barədə nə deyə bilərsiniz?
- Mən nə qədər futbolçuları müdafiə etsəm də, nəticəyə görə xoş sözlər deyə bilmərik. Futbolçular, xüsusən də millinin oyunçuları çox yorulurlar. Bir turnirdən digərinə keçmək asan deyil. Ancaq Qara və Maksimdan narazı deyiləm. Desəm ki, az işləyirik, bu, düzgün olmaz. Davam etməli və uğursuz zolaqdan çıxmalıyıq. Futbolçularımın yanındayam. İnanıram ki, hər şey daha yaxşı olacaq. Daha yaxşı kollektiv görmək üçün çox çalışmalıyıq.

- Hannes Halldorsson əsas heyətə düşməkdə çətinlik çəkir.
- Qapı ən ağır mövqedir. Qapıçıları dəyişmək hər zaman problem yaradır. Bu günə qədər hər bir qapıçıya şans vermişik. Bundan sonra da belə olacaq.(qafqazinfo.az)
Elmar Vəliyevin oğlunun adamları işdən çıxarılır - Direktor və rəis vəzifələrini itirdiXəbər verdiyimiz kimi, "Kəpəz” Peşəkar Futbol Klubu İctimai Birliyinin İdarə Heyətinin sədri, Gəncənin sabiq icra başçısı Elmar Vəliyevin oğlu Elmir Vəliyev vəzifəsindən istefa verib.

Avrasiya.net Fanat.az-a istinadən xəbər verir ki, Elmir Vəliyevin istefasından sonra "Kəpəz"də "təmizlik" başlayıb.

Belə ki, Gəncə stadionunun direktoru Namiq Abdullayev və klubun rəisi Ruslan Nağıyev vəzifələrini itiriblər.

Saytın iddiasına görə, yaxınlarda daha bir nəfər - faktiki olaraq "Kəpəz"ə rəhbərlik edən icraçı direktor Elnur Camalxanov da işdən çıxırılacaq.