Bu gün saat 20:00-da Azərbaycan - Malta Bu gün – otyabrın 14-də UEFA Millətlər Liqasında IV tura start veriləcək.

D liqasının 3-cü qrupunda mübarizə aparan Azərbaycan millisi növbəti oyununa çıxacaq. Ötən tur səfərdə Farer adalarını 3:0 hesabı ilə məğlub edərək, 2-ci pilləyə yüksələn komandamız bu dəfə doğma meydanda Malta seçməsini qəbul edəcək. Yığmamız keçən ay səfərdə heç-heçə (1:1) oynadığı rəqibini evdə məğlub edib, ən azından mövqeyini qorumağa çalışacaq.

Qrupun digər oyununda isə Kosovo səfərdə Farer adalarının qonağı olacaq. Qonaqlar xal itirəcəyi təqdirdə millimiz Maltanı udub, liderliyə də yüksələ bilər.

Qeyd edək ki, Bakı Olimpiya Stadionunda keçiriləcək oyun saat 20:00-da başlayacaq.


Millətlər Liqası

D liqası, 3-cü qrup, III tur

14 oktyabr

20:00. Azərbaycan - Malta

Hakimlər: İvan Bebek, Tomislav Petroviç, Miro Qrqiç, Qoran Pataki
Bakı Olimpiya Stadionu


20:00. Farer adaları - Kosovo


Kosovo 3 2 1 0 5:1 7

Azərbaycan 3 1 2 0 4:1 5

Farer adaları 3 1 0 2 3:6 3

Malta 3 0 1 2 3:7 1

Millimiz darmadağınla qalib gəldiDünən UEFA Millətlər Liqasının 3-cü qrupunda yer alan millimiz Farer adaları ilə qarşılaşıb.

2 oyunda heç-heçə edən yığmamız iddiasını davam etdirmək üçün ilk qələbəsini qazanıb.

Qeyd edək ki, Torşavn şəhərindəki “Torsvullur” stadionunda keçiriləcək oyun Bakı vaxtı ilə 22:45-də başlayıb.

Millimiz matçın 28-ci dəqiqəsində Riçard Almeydanın qolu ilə hesabı açdı: 1-0.

Nazarov Rüfət Dadaşovun ötürməsi ilə fərqi artırdı: 2-0.

R. Almeyda matçın 85-ci dəqiqəsində penaltidən fərqi bir qədər də artırdı: 3-0.

Millimiz Farer adalarına 3-0 qalib gəldi. Bu nəticədən sonra komandamız xalını 5-ə yüksəltdi. Qrupumuzun digər görüşündə isə Kosova Maltanı 3-1 məğlub etdi. Qrupda hazırda vəziyyət belədir:

1. Kosova - 7 xal

2. Azərbaycan - 5 xal

3. Farer adaları - 3 xal

4. Malta - 1 xal
Ronaldunun keçmiş sevgilisi: “Kriştianu yataqda zəif olsa da, heç kəsi zorlamaz”Kriştianu Ronaldu ilə bağlı zorlama qalmaqalı getdikcə böyüyür.

“Ölkə.Az” xəbər verir ki, onun keçmiş sevgilisi Rafaella Fiko Ronaldu haqqında müsbət danışıb. Rafaella zorlama iddialarına qarşı “Ronaldu bunu edə biləcək adam deyil” deyib.

Ronaldunun keçmiş nişanlısı portuqaliyalı ulduz futbolçu haqqında danışıb. Rafaella Fiko zorlama istintaqı davam edən futbolçunun bunu edə biləcək bir insan olmadığını deyib:
“Ronaldu ilə 11 ay birlikdə olduq. Mənimlə çox mədəni davranırdı və mədəni insandır. Evdə də işləyirdi”.

Qeyd edək ki, Rafaella Ronaldunu Balatelli ilə müqayisə edərək “Balatelli yataqda Kriştianudan daha güclüdür” fikri ilə qalmaqala səbəb olmuşdu.
Faiq Qarayev istefa verdiFaiq Qarayev istefa verib.

Qadın voleybolçulardan ibarət Azərbaycan millisinin baş məşqçisi Faiq Qarayev postundan istefa verib.

Bu barədə Azərbaycan Voleybol Federasiyasının (AVF) mətbuat xidmətindən məlumat verilib. 59 yaşlı mütəxəssis səhhətində yaranan ciddi problemlə əlaqədar olaraq, məşqçilik karyerasını da başa vurub.

O, fəaliyyətini AVF-in I vitse-prezidenti kimi verəcək.

F.Qarayevlə yanaşı, voleybolçu Natalya Məmmədova millidəki karyerasını başa vurub.(report.az)
Ronaldu zorlama ilə bağlı bütün ittihamları rədd edibİtaliyanın "Yuventus" klubunun futbolçusu Kriştianu Ronaldu cinsi təcavüzlə bağlı şəxsiyyətinə qarşı irəli sürülən bütün ittihamları rədd edir.

“Report” TASS-a istinadən xəbər verir ki, bu barədə "The Sun" qəzeti idmançının vəkilinin təqdim etdiyi bəyanata istinadən məlumat yayıb.

"Ronaldu göstərilən qanun pozuntularındakı bütün ittihamları qəti şəkildə rədd edir. Özündə guya Ronaldunun ifadələrini ehtiva edən və mətbuatda yer alan bütün sənədlər uydurmadır", - deyə məlumatda qeyd olunur.
Ronalda daha 3 qızı zorlayıbmış - ŞOK İDDİA"Yuventus”un superulduzu Kriştiano Ronaldo ilə bağlı yeni iddialar ortaya atılıb.

Publika.az xarici mediaya istinadən xəbər verir ki, bu mövsüm Madrid “Real”ında gözlənilməz şəkildə İtaliyaya gedən futbolçunun daha 3 qadına cinsi təcavüz etdiyi bildirilir. Zorlandığı iddia edilən qızların vəkili Ketrin Mayorqa bildirib ki, həmin şəxslər artıq aidiyyatı təşkilatlara müraciət ünvanlayıb.

Qeyd edək ki, son vaxtlar Kriştiano Ronaldo ilə bağlı qalmaqallı iddiaların sayı artıb.
Həbibin cəzası açıqlandı: mükafatı verilməyəcək və... - ŞOK ABŞ-ın Nevada ştatının Atletika komissiyası UFC 229 turnirində irlandiyalı idmançı Konor Makqreqor üzərində qələbə qazanan rusiyalı Həbib Nurməhəmmədova qazandığı mükafatı ödəməyəcək.

Publika.az Rusiya KİV-inə istinadən xəbər verir ki, bu haqda UFC-nin rəhbəri Deyna Uayt bildirib.

“O, bütün məbləği götürə bilməyəcək. Həbib öz çempionluq kəmərini saxlayacaq, ancaq diskvalifikasiya ediləcək. Ehtimal ki, bu, 4-6 ay müddətlik olacaq”, - o deyib.

Qeyd edilir ki, həmçinin rusiyalı ABŞ ərazisində döyüşlər keçirə bilməyəcək və başqa ölkələrdə yarışlara dəvət edilməyəcək.

Qeyd edək ki, Həbib Nurməhəmmədov qələbəyə görə 2 milyon dollar almalı idi. Sayt qeyd edib ki, idmançıya 250 min dolların ödəniləcəyi gözlənilir.

Xatırladaq ki, Həbib Nurməhəmmədov Amerikanın Las-Veqas şəhərində oktyabrın 7-də keçirilən UFC turniri üzrə yüngül çəkidə çempion titulu uğrunda döyüşdə irlandiyalı Konor Makqreqora qalib gəlib. Hakimlər 4-cü raundda rusiyalı döyüşçünün qələbəsini qeydə alıblar.

Nurməhəmmədov 4-cü raundda rəqibə qarşı boğucu fənd işlədib və bundan sonra irlandiyalı təslim olub.

Təkbətək döyüşün tamamlanmasından dərhal sonra Rusiya idmançısı rinqdən kənarda mübahisə edib və azarkeşlərin üzərinə hücum edib. Polis davanı dayandırmağı bacarıb. Bundan sonra UFC-nin başçısı Konor Makqreqorun komandasına xəbərdarlıq edib, həmçinin Rusiya döyüşçüsünün qonorarını dondurub.
Dünya çempionlarımız: Nurməhəmmədovla döyüşərəmHəbib Nurməhəmmədov – Konor Makqreqor görüşü Azərbaycanda da özünə çoxlu sayda tamaşaşı kütləsi cəlb etdi.

Oxu.Az xəbər verir ki, bizim məşhur idmançılar da bu döyüşə baxıb.

İdmançılarımızdan sərbəst güləş üzrə üçqat dünya çempionu Hacı Əliyev və karate üzrə beşqat dünya çempionu Rafael Ağayevə bu iki sualla müraciət etdik: 1. “Kimə azarkeşlik edirdiniz?”; 2. “UFC çempionu Həbib Nurməhəmmədovla oktaqonda döyüşməyə hazırsınız?”

Hacı Əliyev: “Mən bir müsəlman kimi bu döyüşdə Həbib Nurməhəmmədovun qalib gəlməsini istəyirdim. Bundan başqa, Həbib mənim çıxış etdiyim idman növünə yaxın döyüşdüyündən, ona azarkeşlik edirdim. Amma onun çəkisi məndən aşağıdır. Həbib mənimlə güləşə bilməz. Tək güləş olsa, onu yenərəm. Yumruq vurmaq üçün isə məşq etməliyəm”.

Rafael Ağayev: “MMA döyüş növünə o qədər də maraq göstərmirəm. Karatedən sonra idmanda baxdığım futbol və cüdodur. Amma bilirdim ki, maraqlı döyüş olacaq. Ona görə baxdım. Düzdür, MMA elədir ki, orda karate də daxil olmaqla bütün idman növlərindən istifadə etmək olar. Bilmək olmaz, bəlkə gələcəkdə mən də orda iştirak etdim...

İkinci sualınıza gəlincə, dildə demək asandır ki, Həbib çağırsa, gedib ona qalib gələrəm. Amma belə deyil, hər şeyə real yanaşmaq lazımdır. Hər bir idmançı öz idmanında peşəkardır. Ayaqüstü döyüş olsa, məşq etsəm, Həbiblə döyüşə bilərəm. Çünki onun əsas mübarizəsi döşəmə üzərində olur, bunun üçün güləşi bilmək lazımdır”.
Həbibin döydüyü məşqçi erməni imiş: Fəxr edirəm… - VideoÇoxları bilmir, amma bir tərəfim ermənidir. Fəxr edirəm ki, Ermənistanı, ölkəmizi dünyaya təqdim edirəm. Ermənilər çox güclüdür. Anlamaq çətin deyil ki, onlar məni hər yerdə izləyirlər və dəstəkləyirlər.

Publika.az xəbər verir ki, bu sözləri UFC kəmər sahibi Konor Makqreqorun məşqçisi, Braziliya cui-citsusu üzrə dünya çempionu Dillon Danis deyib. Dillon Danis 1993-cü il avqustun 22-də Nyu-Çersidə anadan olub. 15 yaşında bu idman növünə başlayan Danis Marselo Qarsii akademiyasında təlimlər keçdikdən sonra 2014-cü ildən etibarən iştirak etdiyi bütün yarışlarda praktik olaraq qalib gəlib.

2015-ci ildə Dillon Danis qara kəmər sahibi olduqdan bir il sonra, 2016-cı ildən məşhur döyüşçü, UFC çempionu Konor Makqreqora məşqçi kimi dəvət edilib.

Xatırladaq ki, bazar günü qarışıq döyüş növləri üzrə rusiyalı idmançı Həbib Nurməhəmmədov Las-Veqasda keçirilən UFC 229 turnirində irlandiyalı Konor Makqreqora qalib gəlib.

Döyüşdən sonra Nurməhəmmədov oktaqondan atılaraq Dillon Danisi oyundan əvvəl onun ünvanına səsləndiriyi təhqirlərə görə döyüb.
Makqreqora hücum edən üç qafqazlı kimdir? - VİDEO Həbib Nurməhəmmədov və Konor Makqreqor arasında qalmaqallı döyüş hələ çox müzakirə olunacaq. Bu döyüş UFC tarixinə qızıl hərflərlə yazıldı.

Lakin tamaşaçılar üçün ən çox yadda qalan iki barışmaz rəqibinin üz-üzə gəlməsi yox, döyüşdən sonra baş verənlər oldu.

Hər şeyin çox qarışıq olması səbəbindən sports.ru saytı irlandiyalının məğlubiyyətindən sonra oktaqonda baş verənləri araşdırmağı qərara alıb.

Videogörüntülərdən məlum olur ki, Həbib Nurməhəmmədov Konorun sparrinq tərəfdaşı Dillon Denisin üstünə cumur. Bu zaman oktaqona Həbibin qohumu Əbubəkr daxil olur.

Mühafizədən yan keçən Əbubəkr Konora tərəf qaçır, onun əlində papaq var.

Konorla üz-üzə gələndə Əbubəkr irlandiyalıdan bir zərbə alır və sonuncunu papaqla vurmağa başlayır. Mühafizəçilər dağıstanlını oktaqonun kənarına sıxıb saxlayırlar.

Bundan sonra Həbibin sparrinq tərəfdaşı Zubayra Tuxuqov və güləş üzrə məşqçisi Esedulla Emirağayev məsələyə qarışırlar.

Tuxuqov mühafizəçilərin arasında keçərək Konoru vurmağa cəhd edir. İrlandiyalıya bu zərbə çox təsir etmir və o, cavab olaraq dağıstanlıya bir neçə zərbə endirir.

Daha sonra isə oktaqona Emirağayev tullanır.

Arxadan irlandiyalıya yaxınlaşan Emirağayev sonuncunun hazırlıqsız olmasından istifadə edərək, onu başından yumruqla vurur.

Konor dağıstanlını görmür və çevrilərək müdafiə olunmaq üçün blok qoyur. Mühafizəçilər tərəfləri ayırırlar.

Davadan dərhal sonra Zubayra Tuxuqov “Instagram” səhifəsində video paylaşaraq, Konora şillə vurduğunu bildirib.

Digər videoda isə Əbubəkr gözünün altındakı göyərməni göstərərək, irlandiyalı ilə davasından danışır.

“Bu irland ləçəri məni vurdu. Lakin mən də borclu qalmadım. Bam, bum! Əlimdə olan papaq mənə mane oldu”, - deyə o bildirib.

Qeyd edək ki, Zubayra Tuxurov Həbib Nurməhəmmədovun Çeçenistandan olan sparrinq tərəfdaşıdır. Döyüşdən əvvəl Makqreqor onu dağıstanlının qarşısında baş əyməkdə ittiham edib və çeçen xalqına layiq olmadığını bildirib. Zubayra isə irlandiyalı ilə təkbətək savaşacağına söz verib. Zubayranın UFC-də 22 döyüşdə 18 qələbəsi və dörd məğlubiyyəti var.

Əbubəkr Nurməhəmmədov Həbibin əmisi oğludur. Avqust ayında sosial şəbəkələrdə yayılan videoda o, “bomj”ları pul müqabilində “jim” vurmağa məcbur edirdi. Peşəkar rinqdə 15 qələbəsi və iki məğlubiyyəti var. ABŞ-da PFL liqasında çıxış edir.

Esedulla Emirağayev Həbibin Dağıstandan olan məşqçisidir. Döyüş sambosu üzrə Rusiya çempionudur. Nurməhəmmədova güləş üzrə məşq etməyə kömək edir.

UFC prezidenti Deyn Uayt bəyan edib ki, Makqreqora hücum edənlərdən heç biri turnirdə bir daha iştirak edə bilməyəcək. Qeyd edək ki, Tuxuqov Konorun dostu Artyom Lobovla oktyabrın 27-də döyüşməli idi. Görünür, bu döyüş baş tutmayacaq.

Konor Makqreqor ona hücum edənlərdən heç birinə qarşı ittiham irəli sürməyib.