“Qarabağ”ın məşhur futbolçusu ağır qəza törətdiBakıda piyadanın ağır xəsarət alması ilə nəticələnən yol qəzası baş verib.

Publika.az-ın əldə etdiyi məlumata görə, Suraxanı rayonu, Bülbülə qəsəbəsi ərazisindən 1955-ci il təvəllüdlü Eyvazov Namiq Əbdüləzim oğlu hər iki ayağının sınığı diaqnozu ilə 3 saylı şəhər klinik xəstəxanasına çatdırılıb.

İlkin araşdırmalar zamanı məlum olub ki, piyadanı “Qarabağ” futbol klubunun qapıçısı, İslandiyanın futbol yığmasının əsas heyət üzvü 1984-cü il təvəllüdlü Hanner Haldorson idarə etdiyi 10 UC 909 nömrə nişanlı “Volksfagen Tuareg” markalı avtomobillə vurub.

Belə ki, gecə saatlarında klubun bazasından ayrılan və “Port Bakı” kompleksində yaşadığı mənzilə gedən futbolçu maşının qarşısına çıxan piyadanı vurub. O, hadisə zamanı maşından düşərək yaralıya kömək edib və onu xəstəxanaya çatdırıb. Həkimlər yaralının həyatına təhlükənin olmadığını, lakin N.Eyvazovun uzun müddət yeriyə bilməyəcəyini deyiblər.

Hadisə yerinə gələn hüquq-mühafizə orqanlarının əməkdaşları əraziyə baxış keçirib və izahatlar alıblar.

Faktla bağlı zəruri ekspertizalar təyin edilib.
Futbolçu adam oğurluğunda şübhəli bilinirKərim Benzema adam oğurluğuna cəhddə şübhəli bilinir.

İspaniyanın "Real" klubunun hücumçusu Kərim Benzema adam oğurluğuna cəhddə iştirak etməkdə şübhəli bilinir.

Mənbənin məlumatına görə, 30 yaşlı futbolçunun sabiq agenti Leo D’Souza məhkəməyə müraciət edərək, Benzemanın qohumlarını oktyabrın 8-da onu oğurlamağa cəhddə ittiham edib.

Hadisəyə Kərim və Leo arasında həll olunmamış 50 min avro məbləğində maliyyə məsələsi səbəb ola bilər.

Bildirilir ki, Paris Prokurorluğu sözügedən iş üzrə araşdırmalara başlayıb.(report.az)
"Hər il Kombat Ciu-citsu üzrə Avropa və dünya çempionatlarında uğurlar əldə etmişik"

Avrasiya.net xəbər verir ki, 13-14 oktyabrda Çexiyanın Ostava şəhərində keçirilən Kombat Ciu-citsu üzrə dünya çempionatı keçirildi. Azərbaycan milli komandasını 7 nəfər təmsil edirdi.İdmançılarımız çempionatın "full contact" və "police self defense" növlərində iştirak etdilər. Komandamızın baş məşqçisi, Din-nin idman cəmiyyətinin əməkdaşı, əməkdar məşqçi Rəsul Məmmədov saytımıza açıqlamasında bildirdi ki; Kombat Ciu-citsu yapon idman döyüş növüdür. Bu döyüş növü xüsusilə dünyada polislərin, cangüdənləri, hərbiçilərin, xüsusi təyinatlıların arasında geniş yayılmışdır. Hətda bir çox güc strukturları əməkdaşlarının döyüş hazırlığı proqramına salınmışdır. İdmançılarımızın tam heyyəti DIN-nin idman cəmiyyətinin yetirmələridir. Komandamızda polis əməkdaşlarıda var.Baş dövlət yol polis idarəsinin əməkdaşları polis kapitanı Fərid Mayılov və Əliyev Süleyman "Police self defense" növündə birinci yerləri tutublar.DİN-nin idman cəmiyyətin təmsilçisi Nazim Qasımov 77kq çəki dərəcəsində 3-cü yeri tutubdur.
"Hər il Kombat Ciu-citsu üzrə Avropa və dünya çempionatlarında uğurlar əldə etmişik"
Həmçinin Rəsul Məmmədov bildirib ki; Hər il Kombat Ciu-citsu üzrə Avropa və dünya çempionatlarında iştirak edərək nəticələr əldə edirik. Elə bu ildə bizim üçün çox uğurlu il oldu və mən ümid edirəm ki biz ildən ilə medallarımızın sayını daha çox edəcəyik. Komandanızın adından Daxili işlər nazirliyinin rəhbərliyinə, Baş dövlət yol polis idarəsinin rəhbərliyinə, DİN-nin idman cəmiyyətinin rəhbərliyinə, Gənclər və idman nazirliyinə 2018 ci ilin dünya çempionatının hazırlığımıza və iştirakımıza görə dərin təşəkkürümüzü bildiririk.
"Hər il Kombat Ciu-citsu üzrə Avropa və dünya çempionatlarında uğurlar əldə etmişik"
"Hər il Kombat Ciu-citsu üzrə Avropa və dünya çempionatlarında uğurlar əldə etmişik"
Azərbaycan boksçusu 2 ermənini uddu - Avropa birincisi olduRusiyanın Anapa şəhərində keçirilən Avropa birinciliyi keçirilir.

Azərbaycan boksçusu Əli Zamanov Rusiyanın Anapa şəhərində keçirilən Avropa birinciliyində fəxri kürsünün ən yüksək pilləsinə qalxıb.

48 kq çəki dərəcəsində mübarizə aparan Əli Zamanov ardıcıl olaraq, ermənistanlı Hayk Alaberkyan, rusiyalı Eduard Voskanyan və bolqarıstanlı Krasimir Churova qalib gələrək yarımfinalda Mixail Taranudan (Moldova) üstün olub – 4:1.

Həlledici görüşdə İngiltərə boksçusu Jo Makqrail ilə qarşılaşan həmyerlimiz bu döyüşdə də inamlı qələbə qazanıb. Əməkdar məşqçi Fərid Mayılovun yetirməsi rəqibindən 4:1 (29:28, 29:28, 28:29, 29:28, 29:28) hesabı ilə üstün olub. (AZƏRTAC)
ALDP futbol yarışı keçirəcəkAzərbaycan Liberal Demokrat Partiyasının (ALDP) Sədr Aparatının iclası keçirilib. İclasda ictimai-siyasi vəziyyət, partiyanın 20 illiyi və bəzi təşkilatı məsələlər müzakirə olunub.

“ALDP-20” Təşkilat Komitəsinin sədri Tərlan Həsənov toplantı iştrakçılarına yübiley tədbirlərinin proqramını təqdim edib.

ALDP Gənclər Təşkilatının (GT) sədri Vaqif Eyvazov “ALDP-20” kuboku uğrunda futbol yarışmalarının keçirilməsilə bağlı toplantı iştrakçılarına ilkin hesabat verib: “Biz partiya rəhbərliyi adından 12 siyasi partiyaya müraciət etdik. Artıq müsbət cavablar almışıq. Bu da yarışın daha maraqlı keçəcəyi deməkdir. Amma bizdə öz tərəfimizdən ciddi hazırlaşırıq və inanıram ki, “ALDP-20” Kubokunun qalibi biz olacağıq.”

Daha sonra bəzi təşkilatı məsələlər müzakirə olunub.
Mədətov fitə basılmasından danışdı: İzah verə bilmirəmİştirakım olmayan epizodlarda, mövqeyimdən uzaq baş verənlərdə, hətta komandamız qalib gələn zaman mənə təhqirlər davam edirsə, buna başqa izah verə bilmirəm.

Bunu Report-a açıqlamasında "Qarabağ” klubunun və Azərbaycan milli komandasının futbolçusu Mahir Mədətov ev oyunları zamanı fitə basılmasına cavab olaraq deyib.

Mədətov son oyunlarda qol vura bilməməsini belə izah edib:

"Hamıdan çox fərqlənib komandama kömək etmək istəyirəm. Futbol bir komanda oyunudur. Komanda yoldaşım fərqlənirsə, bu, hamımızın uğurudur. Azarkeş də komandanı dəstəkləyir, hansısa bir futbolçunu yox. Hər zamankından daha çox çalışıram ki, komandaya xeyir verim. Düzdür, beynəlxalq oyunlarda hələ qol vurmamışam. Amma inanıram ki, o da olacaq”.

"Özümü kiməsə sübut etmək kimi fikrim yoxdur” deyən hücumçu əsas məqsədinin baş məşqçi Qurban Qurbanovun verdiyi tapşırıqları yerinə yetirməkdən ibarət olduğunu vurğulayıb:

"Futbolçuyam, öz işimi görürəm, baş məşqçinin verdiyi tapşırıqlara əməl edirəm. Üzərimə düşən vəzifəmi, işimi icra etməyə çalışıram.

Mahir Mədətov "Qarabağ"ın İngiltərə "Arsenal"ı ilə Avropa Liqası, Azərbaycan yığmasının isə Malta ilə UEFA Millətlər Liqası matçlarında qol epizodlarından yararlana bilmədiyi üçün azarkeşlərin sərt reaksiyası ilə qarşılaşıb.
Həbib: Las-Veqasda döyüşmək istəmirəm - Onlar pulumu vermirlər"Floyd Meyuezerlə başqa yerdə görüşərik".

Rusiyalı döyüşçü Həbib Nurməhəmmədov ABŞ-lı boksçu Floyd Meyuezerlə Las-Veqas şəhərində görüşəcəyi təklifinə mənfi cavab verib.

AzNews.az Rusiya mediasına istinadən xəbər verir ki, 30 yaşı döyüşçü "Həmin şəhərdə mənim pulumu vermirlər, başqa yerdə görüşərik" deyib.

ABŞ-ın Nevada ştatının Atletika Komissiyası Nurməhəmmədovun 2 milyon dollar qonorarını oyundan sonra dava saldığına görə verməkdən imtina edib. Komissiya üstəlik, Həbibə 350 min dollar cərimə kəsib və 4-6 ərzində diskvalifikasiya edib.

Qeyd edək ki, Həbib (27 qələbə, 27 döyüş) və Meyuezer (50 qələbə, 50 döyüş) indiyədək keçirdikləri oyunların heç birində məğlub olmayıblar.
Həbib erməni idmançını darmadağın etdi - VideoYüngül çəkidə UFC çempionu Həbib Nurməhəmmədovun illər öncə erməni idmançısı Aşot Şahinyanla döyüşünün kadrları yayılıb.

Axar.az xəbər verir ki, 2011-ci ilin mayın 6-da “Union Nation Cup 15” turniri çərçivəsində baş tutan döyüş Həbibin açıq-aşkar üstünlüyü ilə başa çatıb.

Döyüş zamanı Həbib erməni rəqibinə ona bir zərbə də vurmağa imkan verməyib. Həbibin zərbələrinə davam gətirə bilməyən Şahinyan isə onun qabağından qaçmaqla canını qurtarmağa çalışıb.

Döyüş ilk raundun 2-ci dəqiqəsində erməni idmançısının nokauta düşməsi ilə başa çatıb.

Maraqlıdır ki, ağır zərbələr almasına və açıq-aşkar Həbibə uduzmasına rəğmən, Şahinyan hakimin qərarına etiraz da etməyə özündə həya tapıb və nəticə elan olunmazdan öncə nümayişkaranə şəkildə rinqi tərk edib.
Azərbaycan Maltaya qalib gələ bilmədiAzərbaycan millisi doğma meydanda Malta yığması ilə heç-heçə edib - 1-1.

Avrasiya.net xəbər verir ki, futbol üzrə Azərbaycan yığması UEFA Millətlər Liqasının qrup mərhələsi çərçivəsində növbəti oyununu Malta yığmasını qəbul edib.

Bakı Olimpiya Stadionunda keçirilən oyunun 37-ci dəqiqəsində maltalı futbolçular hesabı açıblar. Belə ki, Rouen Muskat komandasını hesabda önə çıxarıb. Birinci hissəsinin sonunadək hesab dəyişməyib.

Matçın 53-cü dəqiqəsində isə Mahir Mədətovun ötürməsini Araz Abdullayev baxımlı qolla tamamlayaraq Azərbaycan millisi hesabı bərabərləşdirib.

Nurməhəmmədov Meyvezeri döyüşə çağırdıNurməhəmmədov Floyd Meyvezeri döyüşə çağırıb.

Yüngül çəkidə UFC çempionu Həbib Nurməhəmmədov peşəkar amerikalı boksçu Floyd Meyvezerə müraciət ünvanlayıb.

Dağıstanlı idmançı boks üzrə sabiq çempionu döyüşə çağırıb.

“İrəli, Floyd! Mən döyüşə çıxmağa hazıram: 50-0 27-0-a qarşı. Biz heç zaman uduzmamışıq. Niyə də yox?

Bu cəngəllikdə yalnız bir kral var – o da ki, mənəm. Çünki mən Konoru yerə sərdim, o isə bunu bacarmadı. Özü də mən buna asanlıqla nail oldum”, - Nurməhəmmədov deyib.(oxu.az)