Türkiyəli jurnalist Kikboksinq Federasiyasının İdarə heyətinə üzv olubTürkiyənin tanınmış jurnalisti Ali Kan Azərbaycan Kikboksinq Federasiyasının idarə heyətinin üzvü olub.

Bu barədə Avrasiya.net-ə Kikboksinq Federasiyasından məlumat verilib.

Azərbaycan Kikboksinq Federasiyasının prezidenti, millət vəkili Adil Əliyev Ali Kanı federasiyada görməkdən məmnun olduğunu bildirib.

“Ali Kan Türkiyədə tanınmış jurnalistlərindəndir. Azərbaycanın haqq səsini Türk dünyasına çatdırılmasında xüsusi rolu var. Azərbaycan davasında yanımızda olan qardaşdır.

Kikboksinq federasiyasının Türkiyədə tanıdılmasında böyük xidmətlər göstərib. Hazırladığı xəbərləri yüzlərlə Türkiyə saytı öz səhifəsində işıqlandırıb. Türkiyənin siyasi elitasında hörmətlə qarşılanan media mənsublarındandır. Bu gün onu öz aramızda görməkdən məmnunuq. Ona gələcək fəaliyyətlərində uğurlar arzulayıram”, - deyə millət vəkili əlavə edib.

Ali Kan federasiyada olmağından qürur hissi keçirdiyini söyləyib.

“Adil müəllimlə və dostlarla birgə addımlamaq mənimçün böyük qururdu. Federasiya mənim üçün doğma yerdir. Əvvəl necə fəal idimsə,bundan sonra da fəallığımı artıracam. Federasiyada Azərbaycan-Türkiyə qardaşlığının möhkəmlənməsinə çalışacam”.
ÇL-da növbəti mərhələyə yüksələn komandaların siyahısıBu gün Çempionlar Liqasında qrup mərhələsinə yekun vurulur.

Axar.az xəbər verir ki, ilk matçlardan biri Türkiyədə baş tutub. Burada "Qalatasaray" "Portu"nu qəbul edib. "Sarı-qırmızılar" rəqibinə 2:3 hesabı ilə uduzsalar da, mübarizəni Avropa Liqasında davam etidrəcəklər. "Lokomotiv"in səfərdə "Şalke"yə 0:1 hesablı məğlubiyyəti türklərə qitənin ikinci dərəcəli turnirində oyanamaq hüququ qazandırıb.

A qrupunda "Borussiya" (Dortmund) və "Atletiko" 1/8 finala, "Brügge" isə Avroliqaya vəsiqəni əvvəlcədən təmin etdiyindən buradakı oyunlar heç nəyi dəyişməyəcək.

"Barselona"nın mərhələni keçdiyi B qrupudnda isə "Tottenhem" və Milan "İnter"i 2-ci yerin sahibi kimi pley-offa yüksəlməyə çalışacaq. "İnter" PSV-ni qəbul edirsə, "Tottenhem" Kataloniya səfərində "Barsa"nın qonağıdır.

Nəhayət C qrupunda "Srvena Zvezda" PSJ-ni, "Liverpul" isə "Napoli"ni qəbul edir. Bu qrupda "Srvena Zvezda"dan başqa digər 3 klubun növbəti mərhələyə yüksəlmək şansı var.

***

"Barselona" 1-1 "Totenxem"

"İnter" 1-1 PSV

"Brüqqe" 0-0 "Atletiko"

"Monako" 0-2 "Dortmund"

"Liverpul" 1-0 "Napoli"

"Srvena Zvezda" 1-4 PSJ

Bu nəticələrdən sonra "Barselona", "Totenxem", "Atletiko", "Dortmund", "Liverpul" və PSJ komandaları növbəti mərhələyə yüksəlib.
Baş məşqçinin evini yardılarQılıncoynatma üzrə Rusiya yığmasının baş məşqçisi İlqar Məmmədovun evi yarılıb.

Naməlum şəxslər Moskva yaxınlığındakı malikanədən qadın saatları və zinət əşyaları oğurlayıb.

“İkinci mərtəbədən evə giriblər. Normal adam deyillər. Onları qorxutduq. Ona görə də qadın saatları və zinət əşyalarını götürərək aradan çıxdılar”-deyə İlqar Məmmədov açıqlama verib.

Yerli qəsəbə nümayəndəliyi isə oğruların həmin gecə daha 5 evə daxil olmağa cəhd göstərdiklərini əlavə edib.

İlqar Yaşar oğlu Məmmədov 1965-ci il noyabrın 15-də Bakıda anadan olub. SSRİ və Rusiya qılıncoynadanıdır, hazırda Qılıncoynatma üzrə Rusiya yığmasının baş məşqçisidir. O iki dəfə (1988, 1996) Olimpiya çempionudur, SRRİ-nin əməkdar idman ustasıdır, 1989-cu ildə dünya çempionu titulunu da qazanıb. 1995-ci il dünya çempionatının gümüş mükafatçısıdır. 1995, 1996, 1998 və 2000-ci illərdə - dörd dəfə Avropa Kubokunun qalibi olub. SSRİ və Rusiyanın çoxsaylı mükafatlarını alıb, SSRİ və Rusiya Kubokunu da qazanıb.(modern.az)
Qurban Qurbanovdan ŞOK ADDIM: AFFA-nın təzminatından imtina etdi Qurban Qurbanov AFFA-nın ona ödəməli olduğu təzminatdan imtina edib.

Avrasiya.net xəbər verir ki, Qol.az-ın əldə etdiyi məlumata görə, "Qarabağ"ın çalışdırıcısı bununla bağlı fikrini ötən şənbə günü AFFA İcraiyyə Komitəsinin iclası zamanı federasiya rəhbərliyinə çatdırıb.

Qeyd edək ki, məhz həmin iclasda Qurbanovla müqavilənin ləğv edilməsi haqda qərar çıxarılıb. Beləliklə, 46 yaşlı məşqçi ilə ötən il imzalanmış 6 illik müqavilənin müddəti cəmi 1 il çəkib. Sənəd vaxtından əvvəl ləğv olunduğundan Qurbanovla bağlanmış müqavilənin şərtlərinə uyğun olaraq, ona təzminat ödənməlidir. Əldə etdiyimiz xəbərə görə, AFFA üzərinə götürdüyü bu hüquqi öhdəliyi yerinə yetirməyə hazır olsa da, Qurbanov millidə pula görə işləmədiyini söyləyərək təzminatdan boyun qaçırıb.

Millidəki fəaliyyətinə görə Q.Qurbanova AFFA-nın konkret nə qədər ödəməsi barədə məlumat verilmir. Amma daha əvvəl millimizi çalışdırmış Robert Prosineçkinin rəhbərlik etdiyi məşqçilər heyətinə illik 1 milyon 200 min avro ödəndiyi barədə xəbərlər var idi.
Basketbolçular qəzaya düşdü - 13 ölü, 20 yaralıHadisəyə səbəb sürücünün idarəetməni itirməsi olub.

Kolumbiyada ağır yol qəzası baş verib.

Həvəskar basketbol komandasının oyunçularının olduğu avtobus Yotoko şəhərində aşıb. Nəticədə 13 basketbolçu ölüb, 20 nəfər yaralanıb.

Hadisəyə səbəb kimi əyləc sisteminin işə düşməməsi və sürücünün idarəetməni itirməsi göstərilir. (qafqazinfo)
Qurbanovun millidən getməsinin - Şok səbəbləri“Qarabağ” futbol klubunu və Azərbaycan millisini çalışdıran Qurban Qurbanovun millidən istefaya göndərilməsi son günlərin əsas xəbərlərindən biri olub. Milli komanda ilə 6 illik müqaviləsi olan və bunun heç bir ilini tamamlamayan tanınmış məşqçi AFFA İcraiyyə Komitəsinin üzvlüyündən də gedəcəyini açıqlayıb. Onunla eyni vaxtda U-20 və U-21 millimizin baş məşqçisi, “Qarabağ”ın kapitanı Rəşad Sadıqov da istefaya göndərilib.

Azərbaycan millisinin yeni baş məşqçisinin adı qarşıdakı 1 ayda açıqlana bilər. Bunu Azərbaycan Futbol Federasiyaları Assosiasiyasının (AFFA) baş katibi Elxan Məmmədov qurumun İcraiyyə Komitəsinin iclasından sonra jurnalistlərə açıqlamasında deyib.

Millimizdə nələrin baş verdiyi yönündə müxtəlif fikirlər səslənir. Q.Qurbanovun iki komandanı birdən çalışdırmasının çətin olduğunu düşünüb, onun gedişinə sevinənlər çoxluq təşkil edir. Təcrübəli çalışdırıcının “Qarabağ” üçün daha faydalı olduğu barədə fikirlər üstünlük təşkil edir. Onun gedişindən sonra millimizin yeni baş məşqçisinin kim olacağı, kimin olmalı olduğu barədə ən müxtəlif fikirlər səslənir.

Futbolla yaxından maraqlanan Böyük Quruluş Partiyasının sədri, deputat Fazil Mustafa Musavat.com-a bildirib ki, AFFA-da milli ilə bağlı müəmmalı proseslər gedir:

“Müəmmalar olduğu üçün fikir bildirmək çətindir. Hesab edirəm ki, müəyyən qüvvələr Azərbaycan futbolu üçün zərərli addımların atılmasına çalışırlar, mənfəət götürmək üçün yanlış addımlar atırlar. Futbolumuzu belə bir primitiv yanşamaya məruz qoymaq olduqca təhlükəlidir. Bu gün futbolumuzun başında duran Rövnəq Abdullayev bilirəm ki, bu sahəyə kifayət qədər vəsait ayırır, böyük bir can yandırır, xeyli işlər də görür. Amma təəssüflər olsun ki, aşağı səviyyədə məmurların fəaliyyəti qaneedici deyil. Hər şey ölçüb-biçilib milliyə baş məşqçi gətirilir. Necə olur ki, bir il sonda yadımıza düşdü ki, klubla millini eyni vaxtda çalışdırmaq çətin olar? Milli çempionatımızın potensialı çox zəifdir. Qurban Qurbanov getdi, indi əvvəlki illərdə olduğu kimi, baha qiymətə əcnəbi bir məşqçini gətirməklə nələrsə dəyişəsi deyil ki. Hesab edirəm ki, bu sahədə ciddi islahatlar aparılmalıdır. Futbolumuzun bu günə düşməsinin əsas səbəblərindən biri də bir sıra klublarımızın sıradan çıxarılması oldu. Məsələn, ”Xəzər Lənkəran" klubunun sıradan çıxarılmasının heç bir məntiqi əsası yox idi. Gəncənin komandasının olmaması çox ciddi problemdir. Hamısı əslində özəl sektorun inkişafının dayanmasından doğan problemlərdir. Futbola pullar ayrılmır. Nə qədər SOCAR vəsait ayırıb, futbolu dirçəltməyə çalışacaq? Bir qurumun səyləri ilə məsələni həll etmək mümkün deyil. Vaxtilə İmişlidə futbol inkişaf edəndə situasiya fərqli idi. İndi Tovuzun “Turan” komandasından əsər-əlamət yoxdur. Heç bir komanda formalaşıb ortaya çıxa bilmir. Nəticədə futbolun inkişafının qarşısı alınır. Bir məşqçinin gedişi məsələnin həlli mənasına gəlmir. Hesab edirəm ki, kim milliyə gəlir-gəlsin, indiki şərtlərdə futbolumuzu inkişaf etdirmək çox çətindir".

Qol.az saytının redaktoru Aydın Bağırov bildirib ki, Qurban Qurbanovun istefaya göndərilməsində millimizin Millətlər Liqasındakı çıxışı müəyyən qədər rol oynayıb:

“AFFA rəhbərliyi ilə Qurban Qurbanovun arasında fikir ayrılıqları var idi. Mənə elə gəlir ki, onun vaxtından əvvəl istefaya göndərilməsində bu amil başlıca rol oynayıb. Çünki Qurban Qurbanovla 6 illik müqavilə imzalanmışdı. Cəmi bir il çalışmadan onun istefaya göndərilməsi ciddi suallar yaradır. Bu da normaldır. Təəssüf doğuran odur ki, Qurban Qurbanovdan əvvəl millimizin baş məşqçiləri olan Berti Foqtsa 6 il, Robert Prosineçkiyə 2 il vaxtı verildiyi halda Azərbaycan futbolu üçün tarix yazan, unudulmaz nəticələr əldə edən bir şəxsə bir il belə imkan verilmədi. Avropa Çempionatının seçmə mərhələsində iştirak etmək üçün ona şans belə tanınmadı. Adını da belə qoydular ki, o iki komandada işləyir. Bunlar sadəcə bəhanələrdir. Onu da deyim ki, Qurban Qurbanovun özü istefa verməyib, istefaya göndərilib. Bəzi insanların dedikləri yanlışdır. Qurban Qurbanovun istefa vermək fikri olmayıb. Onun istefaya göndərilməsinin heç bir məntiqi əsası yoxdur. Rəşid Sadıqovun da istefaya göndərilməsi təsadüfi deyil. O, Qurban Qurbanov gedəndən sonra mənəvi tərəfdən orada qala bilməzdi. Çünki onlar yaxın dostdurlar, bir-birinə bağlılıqları var. Futbolumuzda məsələləri artıq şəxslər həll etmir. Məsələ kiminsə gətirilməsində deyil. Problemlər daha dərindir. Bizdə futbol sistemi çat verib. Dərin bir böhran keçirir. Ən çox da bizdə uşaq futbol məktəbləri bərbad vəziyyətdədir. Bu məktəblər düzəlməyincə millimizə keyfiyyətli oyunçular gəlməyəcək. Bu problemləri yaradan həm AFFA olub, həm də klublar. Klubların özü belə uşaq futboluna diqqət ayırmırlar. Bu fikirlərim bütün klublara aiddir. AFFA da bu sahəyə ciddi diqqət ayırmır. Bölgələrimizdə futbol demək olar yoxdur. Problemlərimiz bundan sonra da davam edəcək. İdeal bir məşqçisinin Azərbaycana gətirilməsi belə, yaxın 5-10 ildə bu problemləri həll etməyəcək. Problemin yeganə həlli yolu uşaq futbol məktəblərini qurmaq, infrastruktur yaratmaq, normal məşqçilər gətirməkdir. Bunlar olmadığı sürəcdə nəyəsə ümid etmək olmaz”.
Messi təyyarə aldı - 15 milyon dollara"Barselona" klubunun argentinalı super ulduzu Lionel Messi özünə şəxsi təyyarə alıb.

31 yaşlı futbolçu təyyarə üçün 15 milyon dollar xərcləməli olub.

İçərisində yataq otağı, hamam və mətbəx olan təyyarə hazırda Buenos-Ayres hava limanındadır.

Messinin təyyarəni ailəsi ilə birgə Argentinaya rahat gedib-gəlmək üçün aldığı bildirilir.(teleqraf.com)
Qurban Qurbanovdan daha bir istefa qərarı"Bütün diqqətimi kluba yönəldəcəm".

“Qarabağ” futbol klubunun baş məşqçisi Qurban Qurbanov Azərbaycan Futbol Federasiyaları Assosiasiyasının (AFFA) İcraiyyə Komitəsinin üzvlüyündən də istefa verib.

Avrasiya.net xəbər verir ki, bu barədə jurnalistlərə Qurbanov özü bildirib.

O deyib ki, komitə üzvləri qarşısında məsələ qaldırsa da, qalmasını istəyiblər. Lakin Q.Qurbanov bütün diqqətini klubuna yönəldəcəyini vurğulayıb.

Xatırladaq ki, Qurban Qurbanov bu gün Azərbaycan millisinin baş məşqçisi postundan istefa verib.
Azərbaycan yığmasının bütün məşqçiləri istefaya göndərildiYalnız Vüqar Məmməd işinə davam edəcək.

Bu gün AFFA İcraiyyə Komitəsinin növbəti iclasında futbol üzrə Azərbaycanın aşağı yaş qrupları üzrə milli komandalarının baş məşqçilərinin taleyinə də aydınlıq gətirilib.

Qərara əsasən, yalnız U-19-la mərhələ keçən Vüqar Məmməd işinə davam edəcək.

Rəşad Sadıqov U-21 və U-20, Zaur Həşimov U-18, Ramin Quliyev isə U-17-dəki fəaliyyətini başa vurub.(oxu.az)
“Sevilya”  satılır - 300 milyon avroyaİspaniyanın “Sevilya” klubunun sahibi dəyişə bilər.

Publika.az xəbər verir ki, Primera təmsilçisini Çindən olan investorlar almaq istəyir.

Asiyalılar klub üçün 300 milyon avrosundan keçməyə hazırdır. İlkin danışıqların müsbət nəticələndiyi və yaxın müddətdə alqı-satqının rəsmiləşəcəyi bildirilir. Klubun indiki sahibləri rəhbərlikdə qalmaq niyyətindədilər.

Qeyd edək ki, Primeranin 14 turunda 27 xal toplayan “Sevilya” 2-ci pillədə qərarlaşıb. (Matç.az)