Demet Akalın 6 qat dünya çempionundan ÜZR İSTƏDİMüğənni Demet Akalın peşəkar kikboksinq üzrə 6 qat dünya çempionu Pərviz Abdullayevin TV8-də yayımlanan "Survivor" yarışmasından erkən ayrıldığına təəssüfləndiyini deyib.

Publika.az xəbər verir ki, sənətçi dünən Ezgi Hocaoğlunun oyundan çıxarılmasına sevindiyini etiraf edib. Akalın paylaşımında "Pərviz, intiqamın alındı, bizi bağışla" deyə qeyd edib və idmançıdan üzr istəyib.

Qeyd edək ki, Pərvizin oyundan kənarlaşdırılmasına Aycan Yanaç və Ezgi Hocaoğlu qərar vermişdi.
Makqreqordan şok: İrlandiyada inqilab olacaq
İrlandiyalı tanınmış döyüşçü Konor Makqreqor hökumətin pandemiya ilə bağlı gördüyü tədbirlərdən dolayı narazılığını bildirib.

Axar.az xəbər verir ki, döyüşçü yaxın zamanda ölkəsində çevrilişin olacağını bildirib.

“Bizi inqilabdan bir neçə həftə ayırır. Mən artıq səbəbləri demişəm”, - deyə Makqreqor yazıb.

Qeyd edək ki, Makqreqor hökumətə çağırışında sərhədlərin bağlanılmasını istəmişdi.
““ACUN MEDİA” Pərvizi aldadıb“ - İdmançının qohumundan şok açıqlama
Türkiyənin “TV8” telekanalında yayımlanan “Survivor” yarışmasında Pərviz Abdullayevin gözlənilməz şəkildə yarışı tərk etməsi ilə bağlı hələ də söz-söhbətlər səngimir.

Acun Ilıcalının Türkiyə mediasına “Azərbaycandan səsverməni açsaydıq, asan yolla pul qazanardıq, ancaq bu haqsızlıq olardı. Bütün ölkə vətəndaşları Pərvizə səs verib onu qalib edəcəkdi. Bu isə düzgün olmazdı. Pərviz güclü iştirakçı idi. Ancaq bu yarışda təmkinlə mübarizə aparmaq işə yaramır. Lazım olanda xarakter nümayiş etdirməlisən. Pərviz passiv oldu və yarışla vidalaşdı”, - deyə açıqlama verməsi də azərbaycanlı izləyiciləri qane etməyib.

Xatırladaq ki, hazırda Dominikanda olan idmançımızın əmisioğlu, “Kobra” İdman Klubunun direktoru Faiq Abdullayev də Acun bəyin fikiləri ilə razılaşmayıb: “Əvvəlcə onu bildirim ki, son ana qədər, daha dəqiq desəm, Pərviz telefonunu təhvil verən dəqiqəyə kimi “ACUN MEDİA”dan bizə deyilmişdi ki, Azərbaycandan da səs göndərmək olacaq. Ancaq yarışa başlayanda bildik ki, bu mümkün olmayacaq. Yalnız bank hesabı olan, onu telefonuna yükləyən azərbaycanlılar bunu edə bilərdi. Özünüz də bilirsiz ki, bu sistem çoxlarının telefonunda yoxdu. Sadə vətəndaşlar, Pərvizin çıxışını izləyənlər lazımi anda ona dəstək olmaq istəsələr də, bunu edə bilmirdilər. Acun bəyin açıqlamasıyla tanışam. Ancaq onun “belə halda başqalarına haqsızlıq etmiş olardıq” fikirləri ilə razılaşmıram. Azərbaycanın 10, Türkiyənin 80 milyondan çox əhalisi var. Bu o deməkdi ki, istənilən türkiyəli yarışmaçıya yetərincə səs vermək olardı. Pərviz ilk gündən favoritlər arasında idi. Ancaq gülməli bir addımla, xanımların əli ilə onu yarışdan uzaqlaşdırdılar. Pərviz yarışa rəng qatan iştirakçılardan biri idi. Onu tək Azərbaycanda yox, Türkiyədə də sevirdilər. Təəssüf ki, onu mücadilədən erkən yola saldılar. Hamı gözləyirdi ki, Pərviz finala qədər gedəcək”.

Faiq bəy yarışdan uzaqlaşdırılan əmisioğlunun hazırda Dominikanda qalmasının səbəbini də söyləyib: “O “Survivor”a qoşulanda əlaqə üçün mənim nömrəmi qoymuşdu. Ailə üzvləri, bizlərlə danışanda da mənimlə əlaqə saxlayırdı. Koronavirusla bağlı Tükiyənin hava məkanı bağlı olduğundan Pərviz hələ də Dominikandadı. Arada danışırıq. Özü də çox darıxır, qısa vaxtda vətənə dönmək istəyir. Lakin məlum səbəblərdən hələ gələ bilmir. Vəziyyəti yaxşıdı, onlar üçün xüsusi məkan ayrılıb və orda qalırlar. Onu deyim ki, bu gün saat 5-də efirə gedəcək “Panorama” verilişində Pərviz görüntülü efirə qoşulacaq. Kim istəsə, baxa bilər”. /Futbol+


Koronavirusa yoluxan tanınmış həkim vida məktubu yazıb İNTİHAR ETDİ
Fransanın “Reims” futbol klubunun həkimi, tanınmış tibb mütəxəssisi Bernard Qonzales intihar edib.

Publika.az xəbər verir ki, buna səbəb onun koronavirus testinin müsbət nəticə verməsidir. Evində həyat yoldaşı ilə birlikdə karantin altında olan həkim intihardan əvvəl məktub yazıb. O koronavirusa yoluxduğu üçün intihar etdiyini bildirib. “Reims” klubunun rəhbərliyi həkimin intihar etməsindən böyük üzüntü duyduğunu bildirib.

Reyms şəhər bələdiyyəsinin açıqlamasına görə, böyük əməkləri olan Qonzalesin intihar etməsi onlarda şok effekti yaradıb.
Məşhur klubda koronavirus həyəcanı: 25 nəfər yoluxdu
Məşhur klubda koronavirus həyəcanı: 25 nəfər yoluxdu
İspaniyanın "Valensiya" futbol klubunda 25 nəfər koronavirusa yoluxub.

Publika.az xəbər verir ki, onlardan 15-i klubun əməkdaşı, 10-u isə oyunçusudur.

La Liqa təmsilçisində koronavirusa yoluxan futbolçulardan isə cəmi 3 nəfərin - Esekyel Qaray, Elyakim Manqala və Xose Luis Qayyanın adı açıqlanıb.
Baş məşqçi aylıq 8-10 min manat maaş alacaq
Azərbaycan millisinin yeni baş məşqçisinin yerli olması ehtimalı güclənib.

Avrasiya.net xəbər verir ki, bu barədə sportinfo.az məlumatı AFFA-dan əldə edib.

Belə ki, həm dünyanı bürüyən xəstəlik, həm də neftin qiymətinin kəskin aşağı düşməsi ciddi problemlər əmələ gətirib. Bu, özünü əsasən maliyyə çatışmazlığında göstərir.

Odur ki, B variantını təkrar gündəmə qaytarıb. Burada isə mövzu yığmanın 1 il müddətinə azərbaycanlı məşqçiyə tapşırmaqdır. Hansı ki, aylıq maaşı 8-10 min manatı keçməyəcək.
Azərbaycan Formula-1-dən imtina etdi
Formula-1 rəhbərliyi, Beynəlxalq Avtoidman Federasiyası, yarışların təşkilatçıları və sponsorlarının iştirakı ilə baş tutan telefon konfransından sonra Azərbaycan tərəfi bəyan edib ki, 7 iyunda təşkil edilməsi planlaşdırılan Azərbaycan qran-prisini keçirməkdən imtina etməyə üstünlük verir.

Avrasiya.net “Haqqin.az”a istinadən xəbər verir ki, bunu məlumatı “Motosport” yayıb. Məlumata görə, “Formula 1”in mart, aprel və may mərhələlərinin ləğvindən sonra Bakı yarışların keçirilməsi üçün sezonda ilk məkan olmalı idi, amma Azərbaycan qran-prisinin təşkilatçıları koronavirusla əlaqədar öz narahatlıqlarını ifadə edərək, yarışın təşkilindən imtina ediblər. Azərbaycan tərəfi aprel ayında şəhər yollarının yarışa hazırlanmalı olduğunu, bu prosesin böyük xərc tələb etdiyini və yarışların ləğv ediləcəyi barədə gec məlumat verəcəyi təqdirdə bu vəsaitin boşuna gedəcəyi üçün indidən tədbirdən imtina etdiyini açıqladığını bəyan edib.

Bununla belə sayt təkcə Bakı qran-prisinin yox, Bakıdan sonra baş tutacaq Kanada qran-prisinin də keçirilməsinin sual altında olduğunu deyib.

Qeyd edək ki, bundan öncə “Formula 1”in Avstraliya, Bəhreyn, Vyetnam, Çin, Hollandiya və İspaniya mərhələləri də ləğv edilmişdi.

Artıq ləğv edilən yarışlara görə, “Formula 1”ə 200 milyon dollar ziyan dəyib.
İranda bunu çoxu istəyir, lakin etiraf etmirlər - Əli Mübarəki
Sözün düzü, əksər futbolçular Təbriz komandalarında, xüsusilə də “Traktor”da oynamağa can atır.

Axar.az xəbər verir ki, bunu Güney Azərbaycanın “Traktor” futbol komandasının oyunçusu Əli Mübarəki deyib.

“Lakin bəziləri bunu etiraf etmir. Bütün hallarda Təbriz İran futboluna xüsusi töhfə verib. Bu şəhər heç bir şəhərlə müqayisə oluna bilməz”, - Əli Mübarəki bildirib.
"Qarabag" yaşlı insanlara könullü yardım göstərəcəkGələn həftədən etibarən Niderlandda fəaliyyət göstərən "Qarabag" İdman Klubu və DOCK tərəfindən Rotterdam şəhərində koronsvirusla əlaqədar olaraq, evlərində qalan və bayıra cıxa bilməyən yaşlı insanlara könullü yardım göstəriləcəkdir.

Onlara marketlərdən aliş-verişlərinə və ev heyvanlarının bayıra cıxarılıb gəzdirilməsinə kömək olunacaqdır.
Hazırda DOCK tərəfindən ehtiyacı olan insanların siyahısı hazırlanır. Benilüks Azərbaycanlıları Konqresinin prezidenti Elsəvər Məmmədov bildirib ki, əgər bu işdə bizə könullü dəstək vermək istəyən gəncləriə olsa, biz cox məmnun olarıq.

Vanaf volgende week gaat Qarabag Sport Club in Nederland en DOCK oudere mensen helpen die niet naar buiten kunnen door de coronavirus.Wij gaan voor ze bodschappen doen en huis dieren naar buiten uitlaten. Op dit moment is DOCK bezig met de lijst van oudere bewoners. Als de jongeren ons vrijwilligwillen helpen, kan zich melden. Dock en de ouderen zouden deze echt goed waarderen echt hier mee blij zijn
MMA üzrə dünya çempionu Tofiq Musayev Motivatorda - Həbib və ya Konor sualına cavabı nə oldu?"Motivator"layihəsi Azərbaycanda hər sahədə olan uğur qazanmış şəsxlərin iş prinsipi və uğur hekayəsini işıqlandırmaqdadır.

Layihənin bu dəfə ki qonağı, Dünya üzrə "RİZİN 20" kəmərinin sahibi Tofiq Musayevdir. O, MMA haqqında olan fikirlərini bildirdi.Bu döyüş növünü necə oldu seçdi? Və Həbib Nurməhəmmədov ve Konor Makqreqorla bağlı fikirlərini haqqında danışdı.

Çox maraqlı sujet xətti olan verilişə Siz "Motivator Azerbaijan" youtube kanalında baxa bilərsiniz!

Adından da məlum olduğu kimi "Motivator"layihəsi - insanları hər zaman məqsədlərinə çatmağa yönləndirir və heç vaxt geri çəkilməməyə səsləyir. Əsas məqsəd Azərbaycanda biznesin inkişafı, ”startup” layihələrə dəstək, gələcəkdə böyük kütlələr üçün motivasiya və planlama təlimləri keçmək həmçinin forumlar təşkil etməkdir.