Türkiyə Avropa çempionatına qələbə ilə başladı
Dərc olunub:
19-08-2021, 01:30
Türkiyənin voleybol üzrə qadınlardan ibarət yığma komandası Avropa çempionatına qələbə ilə start verib.
Avrasiya.net "Haber Global"a istinadla xəbər verir ki, “sultanlar” D qrupu çərçivəsində keçirdikləri ilk oyunda ev sahiblərindən biri olan Rumıniya millisini 3:1 hesabı ilə üstələyib.
Sentyabrın 20-də baş tutacaq ikinci turda ay-ulduzlu komanda Ukrayna seçməsilə qarşılaşacaq.
Qeyd edək ki, qadınlar arasında voleybol üzrə builki Avropa Çempionatı Serbiya, Rumıniya, Xorvatiya və Bolqarıstanın birgə evsahibliyi ilə təşkil olunub.