Gənclər arasında mini-futbol üzrə rayon kuboku başa çatıb
Dərc olunub:
10-07-2021, 08:22
Vətən müharibəsi şəhidlərinin xatirəsinə həsr olunmuş gənclər arasında mini-futbol üzrə rayon kuboku başa çatıb.
Siyəzən Rayon Gənclər və İdman İdarəsinin təşkilatçılığı ilə 2-9 iyul 2021-ci il tarixlərdə şəhər stadionunda keçirilən yarışda 8 komanda yerlər uğrunda mübarizə aparıb. Yarışın keçirilməsində əsas məqsəd Vətən müharibəsi şəhidlərinin xatirəsinin yad edilməsi, gənclər arasında sağlam həyat tərzinin təbliği, həmçinin onların asudə vaxtlarının səmərəli təşkil olunması idi.
Oyunların nəticəsinə əsasən “Şollar” komandası bütün rəqiblərinə qalib gələrək rayon kubokunun sahibi olmuşdur.
Qalib komandaya Gənclər və İdman İdarəsi tərəfindən kubok və fəxri fərman təqdim edilmişdir.