"Qarabağ" ın Çempionlar Liqasındakı rəqibi müəyyənləşdi
Dərc olunub:
20-08-2020, 00:40
"Qarabağ"ın Çempionlar Liqasının II təsnifat mərhələsindəki rəqibi bəlli olub.
Avrasiya.net xəbər verir ki, buna Tiraspolda keçirilən "Şerif" (Moldova) - "Fola" (Lüksemburq) qarşılaşmasının nəticəsi aydınlıq gətirib.
Rəqibi üzərində 2:0 hesabı ilə qalib gələn "Şerif" II raunda yüksəlib. Bununla da ÇL-də mübarizəni davam etdirən Moldova klubu II təsnifat mərhələsində "Qarabağ"a rəqib olub.
Bu komandalar arasında görüş avqustun 26-da Tofiq Bəhramov adına Respublika stadionunda keçiriləcək.
Qeyd edək ki, "Qarabağ" I raundda Şimali Makedoniyanın "Sileks" komandasını 4:0 hesabı ilə məğlub edib.