Bacıoğlu dayısını güllələdi
Dərc olunub:
27-12-2021, 13:28
Kürdəmir sakini dayısını güllələyib.
Daxili İşlər Nazirliyindən Avrasiya.net-ə verilən məlumata görə, Kürdəmir Rayon Polis Şöbəsinə dekabrın 25-də Qarasu kəndi ərazisində kənd sakini E.Teyyubovun dayısı F.Cəbrayılova məxsus ov tüfəngi ilə ehtiyatsız davrandığından açılmış atəşdən F.Cəbrayılovun qol nahiyələrindən xəsarət alması barədə məlumat daxil olub.
Dərhal polis əməkdaşları həmin ünvana gəlmiş, müvafiq tədbirlər həyata keçirilmiş, hadisə yerindən müvafiq sənədləri olan “MR-43” markalı ov tüfəngi götürülüb.
F.Cəbraylov xəstəxanaya yerləşdirilib. Araşdırma aparılır.
