16 yaşlı gənc anasına sataşan ustanı öldürdü
Dərc olunub:
13-07-2021, 10:32
İyulun 12-də paytaxtın Binəqədi rayon sakini 1990-cı il təvəllüdlü Elnar Qədimovun qəsdən öldürülməsi faktı ilə bağlı Cinayət Məcəlləsinin 120.1 (qəsdən adam öldürmə) maddəsi ilə rayon prokurorluğunda cinayət işi başlanılıb.
Binəqədi Rayon Prokurorluğundan Avrasiya.net-ə verilən məlumata görə, istintaqla zərərçəkmişin tanışı 2005-ci il təvəllüdlü Bəhruz Mehrəliyevin aralarında yaranmış mübahisə zamanı bıçaqla xəsarət yetirərək Elnar Qədimovu qəsdən öldürməsinə əsaslı şübhələr müəyyən edilib.
Bəhruz Mehrəliyev şübhəli şəxs qismində istintaqa cəlb edilib.
Hazırda iş üzrə istintaq davam edir.
Qeyd edək ki, Elnar Qədimovun usta olduğu bildirilir. 16 yaşlı yeniyetmənin anasına sataşdığı üçün ustanı öldürdüyü iddia edilir.
