Daha bir İcra başçısının həbs xəbəri yayıldı
Baş prokuror yanında Korrupsiyaya Qarşı Mübarizə Baş İdarəsi bu gün Kürdəmir rayon İcra Hakimiyyətində vətəndaşlardan daxil olan şikayətlər əsasında xüsusi əməliyyat keçirib.
Avrasiya.net xəbər verir ki, haqqin.az-ın yaydığı məlumata görə, Baş prokuror yanında Korrupsiyaya qarşı Mübarizə İdarəsinin xüsusi əməliyyatı zamanı Kürdəmir rayon İcra Hakimiyyətinin başçısı Ceyhun Cəfərov saxlanılıb.
Ceyhun Cəfərovla birgə icra başçısının birinci müavini Tacəddin Novruzov, ərazi idarəetmə şöbəsinin müdiri Natiq Kərimov və başqalarının da saxlanıldığı bildirilir.
Məlumata görə, vəzifəli şəxslər rüşvət almaqda, dövlət əmlakını mənimsəməkdə və vəzifə səlahiyyətlərindən sui-istifadə etməkdə şübhəli bilinirlər.
Baş Prokurorluğun Mətbuat xidməti Kürdəmir rayon İcra Hakimiyyətində əməliyyat keçirilməsi faktı ilə bağlı ictimaiyyətə geniç məlumat veriləcəyini bildirib.
Qeyd edək ki, Kürdəmir RİH-nin başçısı Ceyhun Cəfərov 2014-cü ildən bu vəzifədə çalışır.