Sumqayıtda 2 nəfərin öldürüldüyü hadisədən YENİ XƏBƏR
Dünən axşam saatlarında Sumqayıt şəhərində gənclər arasında baş verən və 2 nəfərin öldürülməsi ilə nəticələnən kütəvi dava ilə bağlı bəzi məqamar üzə çıxıb.
Publika.az xəbər verir ki, hələlik tam dəqiqləşməmiş mübahisə mövzusu səbəbindən 2 qrup gənc şəhərin 10-cu mikrorayonu ərazisində görüş təyin ediblər. Onlar Qarabağ kinoteatrının yaxınlığındakı parkda görüşüblər. Bu zaman tərəflər arasında münaqişə yaranıb. Dava-dalaş zamanı 1988 ci il təəvəllüdlü Qasımov Zöhrab Vəli oğlu və 1989-cu il təvəllüdlü Rəhimov Namiq Tahir oğlu bıçaqlanaraq öldürülüb.
1989-cu il təvəllüdlü Qasımov Tofiq Vəli oğlu isə ağır vəziyyətdə xəstəxanaya çatdırılıb.
Bidirilir ki, hadisədə iştirak edən 2 nəfərin kimliyi artıq müəyyən edilib.
Əməliyyat-axtarış tədbirəri davam etdirilir.
