16 yaşlı oğlanın cəsədi tapıldı
Dərc olunub:
3-06-2020, 12:15
Göyçayda suda boğularaq dünyasını dəyişən 10-cu sinif şagirdinin cəsədi tapılıb.
Axar.az-ın bölgə müxbiri xəbər verir ki, rayonun Aşağı Qaraməryəm kənd sakini, 16 yaşlı İsmayıl Mehrah oğlu Cəbiyev 3 gün öncə Yuxarı Şirvan kanalında çimərkən ehtiyatsızlıq edib və suda boğulub. Onun meyitinin tapılaraq sudan çıxarılması üçün əraziyə FHN-nin Mingəçevirdəki Aran dalğıc-axtarış qrupunun əməkdaşları cəlb edilib.
Axtarış işləri bu gün başa çatıb. Mərhumun meyiti batdığı yerdən bir kilometr aralıdan tapılaraq ailəsinə təhvil verilib.
Faktla bağlı Göyçay rayon Prokurorluğu tərəfindən araşdırmalar aparılır.