DİN direktorun öldüyü hadisə barədə məlumat yaydı
Dərc olunub:
14-04-2020, 13:31
Daxili İşlər Nazirliyi dünən Şəmkirdə baş vermiş ağır yol qəzası ilə bağlı məlumat yayıb.
Avrasiya.net nazirliyin mətbuat xidmətinə istinadən xəbər verir ki, aprelin 13-də saat 19 radələrində Şəmkir rayonunun Sarıtəpə kəndi ərazisində şəhər sakini Xəqani Abbasovun idarə etdiyi “VAZ-21214” markalı minik və Tovuz rayon sakini K.Hüseynzadənin idarə etdiyi “DAF” markalı yük avtomobili toqquşub. Nəticədə X.Abbasov və sərnişini Eyvaz Vəliyev hadisə yerində ölüblər.
Baş İstintaq və Təhqiqat İdarəsi tərəfindən araşdırma aparılır.
Qeyd edək ki, qəzada vəfat edən E.Vəliyev məktəb direktorudur.