Bakıda tikinti materialları bazarında yanğın başlayıb
Dərc olunub:
2-04-2020, 07:26
Bakının Sabunçu rayonunun Bakıxanov qəsəbəsində bazarda yanğın başlayıb.
Avrasiya.net xəbər verir ki, Fövqəladə Hallar Nazirliyinin (FHN) "112" qaynar telefon xəttinə, Bakı şəhəri, Sabunçu rayonu, S.Qocayev küçəsində tikinti materialları bazarında yanğın olması barədə məlumat daxil olub.
FHN-nin rəsmi saytına istinadən verilən məlumata görə, dərhal nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.
Hazırda yanğınsöndürmə işləri davam etdirilir.