Pakistandan Türkiyəyə dəstək: Yanınızdayıq!
Türkiyə Prezidenti Rəcəb Tayyib Ərdoğanla Pakistanın Baş naziri İmran Xan arasında telefon danışığı baş tutub.

Axar.az xəbər verir ki, bu barədə Türkiyə Prezident Administrasiyasının İctimaiyyətlə əlaqələr şöbəsi məlumat yayıb.

Məlumata görə, telefon danışığı zamanı İdliblə yanaşı Avropaya axın edən qaçqın məsələsi də müzakirə edilib.

İ.Xan İdlib və qaçqın məsələsində Pakistanın Türkiyənin yanında olduğunu bildirib.
Tramp Ərdoğanın istədiyi silahı göndərir – ABŞ mediası
ABŞ-ın Suriya üzrə ali nümayəndəsi Ceyms Cefrinin başçılıq etdiyi nümayəndə heyəti Türkiyə səfəri çərçivəsində bu ölkənin Milli Müdafiə naziri Hulusi Akarla görüşüb.

Axar.az xəbər verir ki, C.Cefrinin Türkiyə səfəri ABŞ mediasının diqqət mərkəzində olub. Medianın iddiasına görə, Cefrinin ziyarəti “Patriot” hava müdafiə sistemləri ilə əlaqəlidir:

“ABŞ Prezidenti Donald Tramp Türkiyəyə “Patriot” sistemlərini göndərmək istəyir. Ancaq müxalifət etiraz etdiyi üçün bunun başqa yollarını axtarır. Yəni “Patriot”ları Türkiyəyə birbaşa göndərməyəcək. NATO formulundan istifadə edəcək. Tramp Alyansın köməkliyi ilə “Patriot”ları Türkiyəyə verəcək”, - məlumatda bildirilir.

Qeyd edək ki, Tramp Ərdoğanla son telefon danışığında “Patriot” sistemlərinin göndərilməsinin də müzakirə edildiyini bildirmişdi.
Türkiyə dəhşətli silahını dünyaya nümayiş etdirdi - VideoTürkiyə mənbələri ordunun istifadəsinə verilən “sürü pilotsuz aparatlar”la bağlı yeni məlumatlar yayıb.

Publika.az xəbər verir ki, yeni pilotsuz kamikadze aparatların ən böyük özəlliyi onların GPS sistemi olmadan uça bilməsidir. Bu da onların düşmən radarları tərəfindən müəyyən edilməsini çətinləşdirir. Məlumata görə, proqram bir neçə aparata yüklənir. Digər aparatlar isə proqram yüklənən əsas cihazları təqib edir. Yerli mənbələr yazır ki, Suriyadakı son döyüşlər Türkiyə Hava Qüvvələrinin döyüş qabiliyyətinin hansı səviyyədə olduğunu ortaya qoyub.

Mütəxəssislər hesab edir ki, Türkiyənin Suriyadakı pilotsuz uçuş aparatları ilə həyata keçirdiyi hücumlar müharibə tarixində bir ilkdir. Türkiyə ordusu hərbçilərin həyatını təhlükəyə atmadan düşmən mövqelərinə həlledici zərbələr endirir. Qeyd edək ki, ötən gün prezident adminstrasiyası “sürü ihalar”ın görüntülərini yayaraq, pilotsuz aparatların istifadəyə hazır olduğunu bəyan edib. Pilotsuz aparatlara raketlərin yerləşdirilməsi istisna olunmur.
Rusiya təyyarələri İdlibə hücum etdi - Ölü və yaralılar var
Rusiya təyyarələri İdlibə hücum etdi - Ölü və yaralılar var
Rusiya Hərbi Hava Qüvvələrinə aid döyüş təyyarələri ötən gecə Suriyanın İdlib şəhərinə aviazərbələr endirib.

Publika.az xəbər verir ki, ilkin məlumata görə, cəbhə boyu ərazilərə və bəzi yaşayış məntəqələrinə təşkil edilən hava əməliyyatı zamanı 9 dinc sakin həlak olub.

Mülki Müdafiə mənbələri çox sayda mülki şəxsin yaralı olduğunu bildirir.

Zümrüd
Avropa HƏRƏKƏTƏ KEÇDİ: yüzlərlə əsgər və hərbi texnika Türkiyə sərhədinə göndərilir
Avropa İttifaqının “Frontex” sərhəd təhlükəsizliyi agentliyi Yunanıstan sərhədinə 1500 əsgər və hərbi texnika göndərəcək.

Publika.az xəbər verir ki, bu barədə Yunanıstanın müraciətindən sonra Polşanın paytaxtı Varşavada təşkil edilən toplantıda qərar qəbul edilib.

“Frontex”in direktoru Fabrise Leqqeri əməliyyat qərarını sərhəddə hadisələrin sürətli irəliləyişini nəzərə alaraq verdiklərini bildirib.

O, “Frontex” razılaşmasını imzalayan ölkələrə lazımi qüvvənin təmin edilməsi üçün çağırış edib. Aİ ölkələrindən 5 gün müddətində 1500 əsgər, 10 gün ərzində isə hərbi texnika tələb edib.

Fransa Prezidenti Emmanuel Makron və Almaniya kansleri Angela Merkel böhranla bağlı Yunanıstan və Bolqarıstanın yanında olduqlarını açıqlayıb.

Qeyd edək ki, Türkiyə suriyalı qaçqınlar üçün Avropa sərhədindəki keçid məntəqələrini açıb. Bundan sonra minlərlə miqrant dəniz vasitəsilə qeyri-qanuni şəkildə Yunanıstana keçməyə cəhd göstərir. Radikal sağçı yunanlar isə qaçqınları kütləvi şəkildə döyür, dənizdə batırmağa çalışır. Naməlum polis avtomobilləri onları sahildən toplayaraq bilinməyən yerlərə aparır.
Əsəd qüvvələri türk ordusundan qaçır: daha 9 kənd geri alındı
Suriyada rejim qüvvələri son 3 ayda tutduqları kəndləri boşaldaraq qaçmağa başlayıb.

Axar.az xəbər verir ki, müxalif qüvvələr Cəbəl əz-Zaviya bölgəsində əməliyyatları tamamlayaraq daha 9 kəndi geri alıb. Eyni vəziyyət Həmanın Əl-Qab bölgəsində də yaşanıb. Hava üstünlüyünü itirən rejim adıçəkilən bölgədə 9 kəndi tərk etməyə məcbur olub.

İdliblə Cəbəl əl-Zaviya, Hələb və Latakyanı birləşdirən M4 magistral yoluna nəzarətin müxaliflərdə olması strateji baxımdan da əhəmiyyətli sayılır.

Qeyd edək ki, Sərakib qəsəbəsi uğrunda gedən döyüşlərdə Türkiyə ordusuna məxsus PUA-lar müxalif qüvvələrə dəstək verib. Aparılan əməliyyatlar çərçivəsində rejimin silah və mərmilərlə dolu iki yük maşını, qəsəbədən 20 km şimalda binanın altında gizlədilmiş silah-sursat anbarı məhv edilib. Həmçinin, müxaliflərin pusquya düşürdüyü 20-yə yaxın rejim əsgəri zərərsizləşdirilib.

Məlumata görə, Sərakib qəsəbəsində rejim tərəfdən döyüşən Hizbullah üzvləri Türkiyə Silahlı Qüvvələrinin hədəfi olub.

İddiaya görə, Hizbullah Livandan və İrandan türk ordusu ilə müharibəni dayandırmaq üçün vasitəçilik etmələrini də istəyib.

Səudiyyədən İdlib açıqlaması: Türkiyə...
Təhlükəsizlik təmin olunanda İdlibə humanitar yardım göndərəcəyik.

Axar.az xəbər verir ki, bu barədə Səudiyyə Ərəbistanı kralının humanitar və fövqəladə hallar üzrə yardımçısı Abdulla ər-Rəbiyə deyib.

O, belə bir yardımın BMT kimi tərəfsiz bir partnyorun vasitəsilə icra edilməsini istəyib:

“Hazırda BMT ilə danışıqlar aparılır. Əgər biz BMT-nin təhlükəsizliyi təmin etdiyinə əmin olsaq, onda sözsüz ki, məsələ barədə müzakirə aparacağıq. Bildiyiniz kimi, Türkiyə konfliktin iştirakçısıdır”.
ABŞ İranın nüvə silahı əldə etməsinə zəmanət verirdi - Pens
ABŞ Hərtərəfli Birgə Fəaliyyət Planından (HBFP – İranla nüvə sazişi) çıxmaqla düzgün addım atıb.

Axar.az xəbər verir ki, bu sözləri ABŞ vitse-prezidenti Mayk Pens deyib.

“75 il əvvəl Hitler nüvə bombasını əldə edən ərəfədə ABŞ və Böyük Britaniya nasist Almaniyasına sarsıdıcı zərbə vurdu. 2015-ci ildə ABŞ İranla nüvə sazişinə imzasını qoymaqla yanıldı. Nüvə razılaşması praktiki olaraq İranın elə həmin silahı əldə etməsinə zəmanət verirdi”, - deyə Pens bildirib.
Ərdoğandan Rusiya və İrana MÜRACİƏT
Türkiyə Prezidenti Rəcəb Tayyib Ərdoğan Suriya məsələsinə görə Rusiya və İrana müraciət edib.

Avrasiya.net-in məlumatına görə, Ərdoğan müraciətində Türkiyənin Suriyada bu ölkələrlə problemi olmadığını bildirib.

Prezident qeyd edib ki, Türkiyə Ankaranın qan tökülməsinin qarşısının alınması məsələsində həssaslığını bu ölkənin zəifliyi hesab edənlərə qarşı güc nümayiş etdirir: "Türkiyə hərəkətlərində öz ehtiyatlarına və xalqın dəstəyinə əsaslanır, heç bir ölkənin və ya strukturun köməyinə arxalanmır. Türkiyə təzyiqə boyun əyməyən böyük bir dövlət olduğunu uzağı görməyən dairələrə göstərdi".

"Bahar qalxanı" əməliyyatının gedişini şərh edən Ərdoğan vurğulayıb ki, Bəşər Əsədin itkiləri "yalnız başlanğıcdır".

Türkiyə Prezidenti, həmçinin ölkədən Avropaya yollanan qaçqınları və qeyri-qanuni miqrantların sayının artmasını da şərh edib: "Türkiyə sərhədi açdıqdan sonra Qərbə yüz minlərlə insan gedib. Yaxın zamanda bu göstərici milyonlara çatacaq".