Koreya hücum planlaşdırır? - 5 müharibə ssenarisiKoreya yarımadasında yeni müharibənin mümkün ssenarisi açıqlanıb.

Axar.az xəbər verir ki, ABŞ şirkəti RAND-ın hərbi analitikləri Şimali Koreyanın Cənubi Koreyaya 5 ssenari əsasında hücum edə biləcəyini açıqlayıb.

Birinci, Şimali Koreyanın Cənubi Koreyanın böyük bir sənaye obyektinə "beş dəqiqəlik hücum" variantıdır.

İkinci ssenaridə silahsız zonada bir dəqiqəlik hücum, üçüncüsündə - bənzər hücumun Seulun mərkəzinə edilməsidir.

Dördüncü və beşinci ssenariyə görə, ikinci və üçüncü ssenarilərdə adı keçən ərazilərə daha uzunmüddətli - saatlıq hücumlar ola bilər.

Qeyd edək ki, analitiklər bütün variantlarda tərəflərin artilleriyasının təxmini sayını, hücum ərazilərində əhalinin sıxlığını da hesablayıblar.
Professordan korona xəbərdarlığı: Payızda daha pis olacaqPayızda koronavirusa yoluxma sayı daha da artacaq.

Bunu türkiyəli professor Tofiq Özlü deyib. O bildirib ki, mövsümlə əlaqədar həm digər yoluxucu xəstəliklərdə artım olması, həm də insanların qapalı məkanlarda çox olması yoluxma riskini artıracaq:

“Payızda insanlar açıq məkanlardan qapalı ərazilərə üz tutacaqlar, bu zaman da yoluxma riski artacaq. Buna görə payızda yoluxma sayının daha da artacağı gözlənilir. Qarşımızda çətin bir dövr var. Tədbirlərə diqqət yetirməliyik”.

Türkiyəli professor təhsil müəsissələrinin açılmasının da yoluxma sayını artıracağını deyib:

“Milyonlarla insan həftənin 5 günü azı 5-6 saat qapalı məkanda olacaq. Bu, hər gün təkrarlanacaq və qarşıdakı günlərdə yoluxma ilə bağlı narahatlığı artıracaq. Ənənəvi qaydada məktəblərin açılması ciddi risk daşıyır. Hesab edirəm ki, bu riskin qarşısını almaq üçün tədbirlər görüləcək. Amma nə olursa-olsun, məktəblərdə risk aradan qalxmayacaq”.
İsrail səhvən öz PUA-sını vurduİsrail ordusunun Livandan gəldiyini iddia edərək vurduğu PUA özünə məxsus olub.

Avrasiya.net xəbər verir ki, məlumatı İsrail Müdafiə Nazirliyi də təsdiqləyib.

Qeyd edək ki, ötən gün İsrail ordusu hava məkanını pozduğu üçün PUA-nı vurması ilə bağlı açıqlama yaymışdı. PUA Qolan təpələri yaxınlığında vurulmuşdu.
Tramp məhkəməyə verilə bilərAvqustun 11-də Tik Tok sahibləri ABŞ Prezidenti Donald Trampın sosial şəbəkədə imzaladığı sərəncama görə ABŞ rəhbərliyini məhkəməyə verə bilər.

Axar.az xəbər verir ki, bu məlumatı Milli İctimai Radio (NPR) yayıb.

Məlumat verilir ki, təhqiqat Kaliforniyanın cənub bölgəsində baş tutacaq.

Qeyd edək ki, bir neçə gün öncə Tramp Tik Tok, ViÇat və BaytDans ilə aparıla biləcək hər hansı bir əməliyyatı və sövdələşməni qadağan edən icra sərəncamını imzalayıb.
Livandan son məlumat: ordu iğtişaşları yatırdı... Beyrutda hökumət əleyhinə keçirilən aksiyada etirazçılar Livan Xarici İşlər Nazirliyinin binasına hücum edib.

Axar.az xəbər verir ki, bu barədə RİA Novosti məlumat yayıb.

Məlumata görə, aksiya iştirakçıları nazirliyin binasına daxil olub.

Qırmızı Xaç Cəmiyyətinin Livan ofisi Tvitter səhifəsində aksiyalar zamanı təhlükəsizlik qüvvələri ilə toqquşmalarda 110-a yaxın insanın yaralandığını qeyd edib.

Bundan əlavə, etirazçıların parlament binasını da ələ keçirdiyi barədə məlumat yayılıb.

***

Nümayiş zamanı bir təhlükəsizlik işçisi odlu silahla vurularaq öldürülüb.

Bu barədə "Əl-Hadat" telekanalı məlumat yayıb.

Bildirilib ki, daha bir neçə nəfər güllə yarası alıb.

***

MTV kanalının məlumatına görə, aksiya iştirakçıları Livan İqtisadiyyat Nazirliyinə hücum ediblər.

Həmçinin etirazçıların Energetika və Ətraf Mühit Nazirliyinə də hücum etdiyi vurğulanıb.

Aksiya zamanı yaralıların sayının 172-yə çatdığı bildirilib. Onlardan 55 nəfəri xəstəxanaya yerləşdirilib, 117-ə isə yerindəcə tibbi yardım göstərilib.

Livan parlamentinin təhülkəsizlik qüvvələri isə Beyrutdakı aksiya zamanı etirazçılara atəş açılması barədə yayılan məlumatları təkzib edib.

***

Beyrutda keçirilən ehtiraz aksiyası nəticəsində zərərçəkənlərin sayı 230-u keçib.

Bu barədə Livan Qırmızı Xaç Cəmiyyəti məlumat verib.

Məlumata əsasən, aksiya iştirakçıları prezidentin, parlament spikerinin və baş nazirin istefasını tələb edirlər:

"Livan Prezidenti Mişel Aunun, parlament spikeri Nabih Berr və Baş nazir Həsən Diyabın istefasını tələb edirik", - etirazçılardan biri deyib.

***

Etirazçılar nazirliklərin binalarına daxil olaraq sənədləri məhv edib.

Bu məlumatı Əl-Mayadin telekanalı yayıb.

Məlumat verilir ki, nazirlikərə hücum edən etirazçılar ilk növbədə sənədləri məhv edirlər. Bu da 1992-ci ildən bəri korrupsiya ilə əlaqəli sənədləri aradan qaldırmaq üçün bir plan ola bilər.

***

Avqustun 8-də günorta saatlarında Beyrutda başlayan iğtişaşların qarşısı alınıb.

Livan ordusu nümayişçiləri Xarici İşlər və İqtisadiyyat nazirliklərinin binalarının qarşısından uzaqlaşdırıb. Hazırda paytaxtın Şəhidlər meydanında sabitlik hökm sürür.
Beyrutda Hizbullahın raketləri partlayıb? – NəsrullahHizbullah Beyrut limanında silah saxlamayıb.

Axar.az xəbər verir ki, bunu Hizbullah lideri Həsən Nəsrullah deyib.

O, Beyrut limanında baş verən hadisənin birlik üçün önəmli olduğunu deyib.

Hizbullah lideri partlayışdan sonra bütün dünyadan gələn yardımları yüksək dəyərləndirdiyini bildirib. O, bunun dərin maliyyə böhranında olan Livana imkan yaratdığını söyləyib.

ABŞ-ın bombardman təyyarəsi Rusiya sərhədlərində - Qırıcılar havaya qalxdıABŞ Hərbi Hava Qüvvələrinə aid B-1B strateji bombardman təyyarəsi Oxot dənizinin hava məkanında Rusiya sərhədlərinə yaxınlaşıb.

Publika.az xəbər verir ki, Rusiyanın Şərq Hərbi Dairəsinin hava hücumundan müdafiə qüvvələrinə aid 3 ədəd Su-35S döyüş təyyarəsi dərhal bombardman təyyarəsini müşayiət etməyə başlayıb.

Rusiya Müdafiə Nazirliyinin məlumatına görə, ABŞ təyyarəsini yerli vaxtla 12:00 radələrində hava nəzarət cihazları təsbit edib.

Tramp İran siyasətini açıqladı: Prezident seçilsəm…Yenidən prezident seçilsəm, İran və Şimali Koreya ilə sürətli şəkildə razılaşma əldə edəcəyəm.

Axar.az xəbər verir ki, bunu ABŞ Prezidenti Donald Tramp deyib.

“Əgər biz qalib gəlsək, İranla razılaşmanı çox sürətlə bağlayacağıq. Şimali Koreya ilə də hər şey sürətli olacaq. Əgər mən 2016-cı ildə prezident seçilməsəydim, artıq Şimali Koreya ilə savaşırdıq”, – deyə o bildirib.

Tramp Tehranın ABŞ-la razılaşma imzalamaqda maraqlı olduğunu söyləyib.

Qeyd edək ki, bu il 3 noyabrda ABŞ-da prezident seçkiləridir.
Çində daha bir təhlükəli epidemiya yayılırÇinin şimalındakı Daxili Monqol Muxtar Vilayətinin Bayan-Nur şəhərinin yerli hakimiyyət orqanları vəba xəstəliyindən daha bir ölümün baş verdiyini bildiriblər.

Avrasiya.net Report-a istinadən xəbər verir ki, bu barədə Regional Gigiyena və Səhiyyə məsələləri Komitəsi bildirib.

Bəyanatda bildirilir ki, şəhərdə 2020-ci ilin sonuna kimi epidemiologiya təhlükəsinə yüksəldilmiş (3-cü) reaksiya səviyyəsi tətbiq edilib.

Avqustun 6-da Daxili Monqolustan administrasiyası Baotou şəhərində bir insanın bağırsaq taunu formasından ölümü haqqında məlumat verib. Xəstəliyin yayılmasının qarşısını almamaq üçün həkimlər vəbaya yoluxmuş şəxslə əlaqədə olmuş onlarla sakini təcrid ediblər.

Qeyd edək ki, epidemiologiyaya nəzarət orqanları vaxtaşırı Çin Xalq Respublikasının şimalında, həmçinin qonşu Monqolustanda çöl zonasında taun xəstəliyinə yoluxma hallarını qeydə alır.
Təyyarə sərt eniş edib, 20 nəfər ölübHindistanın Kojikode şəhərində (Kerala ştatı) Air India Express sərnişin təyyarəsinin sərt enişi nəticəsində ölənlərin sayı 20 nəfərə çatıb.

Avrasiya.net-in məlumatına görə, bu barədə "Hindustan Times" qəzeti yerli hakimiyyət orqanlarına istinadən bildirib..

Bildirilib ki, təyyarənin komandiri və pilot ölənlər arasında olub. Hadisə nəticəsində 140-dan çox sərnişin yaralanıb, bəziləri ağır yaralanıb.

Bundan əvvəl NDTV kanalı 17 nəfərin ölüm xəbərini vermişdi.

Laynerin göyərtəsində ekipaj üzvləri daxil olmayaraq 184 nəfər (o cümlədən 10 körpə) olub.